ᐃᓗᓕᕆᔭᑎᑦ ᓇᑦᓴᓗᒋᑦ ᐱᓇᓱᕝᕕᒻᒧᑦ!
ᐃᓱᐊᕐᓯᕕᒻᒥ, ᐃᓄᐃᑦ ᐃᓪᓕᕆᔭᖏᑦ ᓄᐃᑎᑕᐅᓲᖑᕗᑦ ᖃᓄᖅ ᑲᒪᑦᓯᐊᕐᒪᖔᑦᑕ, ᐱᓇᓱᐊᖃᑎᒌᓐᓂᒃᑯᑦ ᐊᒻᒪᓗ ᐃᑲᔪᖃᑎᒌᓐᓂᒃᑯᑦ ᐅᑎᕐᑎᑦᓯᒐᓱᐊᕐᓂᒥᒃ. ᐱᐅᓯᑐᖃᕐᒥᒃ, ᓄᓇᒥᒃ, ᐃᓚᒋᓐᓂᒥᒃ ᓄᓇᓕᑦᑎᓐᓂᒃ ᐃᓘᓐᓇᑎᒃ ᑐᖕᖓᕕᖃᕐᑎᓪᓗᒋᑦ ᐱᓇᓱᐊᕐᓂᑦᑎᓐᓂ, ᐱᓇᓱᑦᑏᑦ ᐊᑐᓂᑦ ᖃᐅᔨᒪᔭᒥᓐᓂᒃ ᐃᒻᒥᒍᑦ ᐊᑑᑎᖃᑦᑕᒪᑕ, ᐃᓅᓯᕐᒥᓐᓂ ᐊᑑᑎᓯᒪᔭᒥᓂᒃ ᐱᓇᓱᐊᕐᓂᒥᓐᓄᑦ ᐊᑑᑎᖃᑦᑕᓱᒋᑦ ᐊᑕᐅᑦᓯᒃᑯᑦ, ᑲᑐᑦᔨᑦᓱᑕ ᐱᓇᓱᐊᖃᑦᑕᐳᒍᑦ ᑲᔪᓯᑎᑦᓯᑦᓱᑕ ᓄᓇᕕᒻᒥᐅᓂᒃ ᐱᒍᑦᔨᑦᓱᑕ. ᐃᓪᓕᕆᔭᑎᑦ ᓇᑦᓴᓗᒋᑦ ᐃᓱᐊᕐᓯᕕᒻᒧᑦ ᑕᑯᓂᐊᕋᕕᑦ ᖃᓄᓪᓗᐊᑎᒋ ᓯᐊᒻᒪᑎᑦᓯᒍᑕᐅᒍᓐᓇᒪᖔᑕ.
ᐱᔪᓐᓇᓂᕆᔦᑦ ᑭᖕᖒᒪᒋᒐᑦᑎᒍ!
ᐃᓄᓐᓂᒃ ᕿᓂᕋᑦᑕ ᐊᑐᐃᓐᓇᐅᔪᓂᒃ ᐱᔪᓐᓇᓂᕐᒥᓐᓂᒃ ᐃᓪᓕᕆᔭᒥᓂᓪᓗ ᐃᓱᐊᕐᓯᕕᒻᒨᕆᒍᓐᓇᑐᓂᒃ. ᑕᒡᒐᓂ, ᐱᓇᓱᐊᕐᓂᕆᔦᑦ ᐱᕕᑦᓴᖃᕋᔭᕐᒪᑦ ᐱᑦᓯᐊᕈᓐᓇᕆᔦᑦ ᐊᒻᒪᓗ ᐃᒻᒥᒍᑦ ᐃᓪᓕᕆᔭᑎᑦ ᓇᑦᓴᓗᒋᑦ ᐱᓇᓱᖃᑎᑦᑎᓐᓄᑦ.
ᐱᓇᓱᖃᑎᒌᑦᑐᑦᓴᓂᒃ ᐱᐅᓯᑐᖃᕐᒧᓪᓗ ᐱᓇᓱᐊᕈᑕᐅᒍᓐᓇᑐᐃᑦ
ᐱᓇᓱᑦᑎᕗᑦ ᑲᑐᑦᔨᑦᓱᑎᒃ ᓄᓇᒥ ᐱᓇᓱᐊᕐᑎᑦᓯᖃᑦᑕᐳᑦ ᐊᑦᑐᐊᓕᕐᑎᑦᓯᑦᓱᑎᒃ ᐱᔪᓐᓇᐅᑎᑦᓴᐅᔪᓄᑦ, ᖃᓄᐃᖏᑦᓯᐊᕐᓂᒧᑦ ᐊᒻᒪᓗ ᓲᓱᕐᓴᖃᑦᑕᐅᑎᒍᓐᓇᓯᓂᕐᒧᑦ ᐃᒻᒥᓐᓄᑦ ᐊᑐᓂᑦ. ᐱᓇᓱᐊᖃᑎᒌᓐᓂᒃᑯᑦ ᐊᒫᓕᐅᖃᑎᒌᖃᑦᑕᐳᒍᑦ ᐃᓄᐃᑦ ᐱᐅᓯᑐᖃᖏᓐᓄᑦ ᓲᖑᓯᒋᐊᕐᑎᑦᓯᓂᕐᒧᓪᓗ ᐃᓚᒌᑦᓯᐊᕈᑎᒃᓴᓄᑦ ᐃᓘᓐᓇᖏᓐᓄᑦ ᐱᓇᓱᖃᑎᒌᑦᑐᓄᑦ.
“ᓯᕗᓂᖓᒍᑦ, ᑕᒪᓐᓇ ᐱᔭᕐᓃᑦᑐᖃᑦᑕᓚᐅᔪᕗᖅ ᐃᓅᓯᓐᓃᑦᑐᓂᒃ ᐱᓇᓱᐊᕋᓱᐊᕐᓱᖓ, ᐃᓱᐃᓪᓕᐅᕈᑎᒃᑲᓗ ᐅᕙᓐᓂᒃ ᓱᕐᖃᔦᕐᑎᑦᓯᖃᑦᑕᓯᒪᒻᒪᑕ. ᐱᓇᓱᕝᕕᒻᒨᕆᐊᑦᓴᓗ ᐱᔭᕐᓃᑦᑑᖃᑦᑕᓯᒪᑦᓱᓂ. ᑭᓯᐊᓂᓕ ᐱᓇᓱᓕᕋᒪ ᐃᓱᐊᕐᓯᕕᒻᒥ, ᐃᑉᐱᓐᓂᐊᒋᔭᒃᑲᓂᒃ ᓱᓕᑦᓱᖓ ᐅᖃᐅᓯᖃᕈᓐᓇᓕᕐᖁᖓ, ᐊᒻᒪᓗ ᒫᓐᓇ ᐱᓇᓱᒋᐊᓲᖑᓕᕐᖁᖓ ᐃᓅᓯᕋᓃᑦᑐᐃᑦ ᐃᓱᐊᕐᑐᐃᓐᓇᐅᖕᖏᒐᓗᐊᕐᑎᓪᓗᒋᑦ.”
ᓘᓯ ᔪᐊᓇᓯ, ᑲᒪᔨᐅᔪᖅ,
ᓂᕿᓕᕆᓂᕐᒧᑦ ᐊᒻᒪᓗ ᐃᒐᔨᓄᑦ ᐊᖓᔪᕐᖄᕆᔭᐅᑦᓱᓂ
ᖃᐅᔨᒋᐊᕐᓗᑎᑦ, ᐊᑌᓐᓇᖏᑦᑐᒥᒃ ᐊᒻᒪᓗ ᐊᑌᓐᓇᑐᒥᒃ ᐱᓇᓱᒐᑦᓴᖃᕐᒪᖔᑦ
ᐊᓯᑦᔨᖃᑦᑕᕈᓐᓇᓂᖅ ᐊᑑᑎᖃᓪᓚᕆᒻᒪᑦ ᒪᒥᓴᕐᐸᓪᓕᐊᓗᓂ ᓄᓇᕕᓕᒫᒥ. ᐱᕕᑦᓴᕆᔭᕗᑦ ᑐᕌᒐᕆᔭᐅᒻᒪᑦ ᐊᑦᔨᒌᖏᑦᑐᑎᒍᑦ ᐊᑦᑐᐊᓂᖃᕐᓗᓂ ᑭᖕᖒᒪᒋᔭᑦᑎᓐᓄᓪᓗ. ᐱᓇᓱᒐᑦᓴᒥᒃ ᕿᓂᕋᓗᐊᕐᓱᑎᑦ, ᑭᓯᐊᓂᓕ ᐱᓇᓱᒐᑦᓭᑦ ᖃᓄᐃᓕᖓᓂᖏᑦ ᐃᓕᓐᓄᑦ ᑐᕌᖓᑦᓯᐊᕐᑑᔮᖕᖏᓛᑦ ᕿᓂᕐᑕᕐᓄᑦ? ᐱᓇᓱᑦᑎᑦᑎᓐᓂᒃ ᐅᖃᖃᑎᖃᕈᓐᓇᐳᑎᑦ, ᐅᒃᑯᐃᖓᕗᒍᑦ ᐅᖃᖃᑎᒌᒍᓇᓂᕐᒧᑦ.
ᑲᑦᓱᙰᕐᓯᒪᓂᖅ ᑕᒪᓐᓇ ᐱᓇᓱᒍᒪᓂᕐᓄᑦ ᐊᑑᑎᖃᕈᓐᓇᐳᖅ
ᐱᔪᓐᓇᓃᑦ ᖃᐅᔨᒪᓃᓪᓗ ᑕᒪᓐᓇ ᐊᑑᑎᖃᑦᓯᐊᕈᓐᓇᐳᖅ. ᐃᓱᐊᕐᓯᕕᒻᒧᐊᑐᐊᕈᕕᑦ, ᐃᓕᑕᕐᓯᒍᓐᓇᕋᑦᑕ ᐋᕐᖀᓯᒪᑦᓱᑕᓗ ᐁᑦᑑᑎᒋᒍᓐᓇᑕᕐᓂᐅᕕᑦ ᐃᑲᔪᕈᓐᓇᓂᕐᓂᐅᕕᓪᓗ ᐊᑭᑐᔪᕐᒥᐅᑕᐅᓂᕐᓂᐅᕕᓪᓗ ᑕᒫᓂ ᐅᑭᐅᕐᑕᑐᒥ.
ᑌᒣᓪᓗᖃᕐᑎᑦᓯᒍᓐᓇᑐᒥᒃ ᑮᓇᐅᔭᓕᐅᕐᓂᕐᓂᒃ ᐋᕐᖀᓯᒪᕗᒍᑦ
ᐃᓅᒐᓱᐊᕐᓂᒧᑦ ᐊᖑᒻᒪᑎᑎᑦᓯᒋᐊᕈᓐᓇᓱᑕ ᐊᒻᒪᓗ ᐅᓯᔭᐅᑎᑦᓯᒍᑎᓄᑦ ᐱᓇᓱᐊᕈᓯᕐᓂᒃ 6-ᓂᒃ ᕿᑲᕐᕕᑦᓴᖃᕐᑎᑦᓯᓲᖑᑦᓱᑕ ᐊᕐᕌᒍᑕᒫᑦ
ᐅᐱᕐᖔᒃᑯᑦ ᓂᕿᑦᓯᕕᒻᒥ ᕿᑎᕋᓕᕇᒥ ᓄᕐᖃᖓᑎᑦᓯᓲᖑᔪᒍᑦ
ᐃᓗᕐᖁᓯᕐᒥᒃ ᐃᓕᑕᕐᓯᓯᒪᒋᕗᒍᑦ ᐃᓄᐃᑦ ᐱᐅᓯᑐᖃᖏᓐᓂ ᐊᒻᒪᓗ ᐅᖃᐅᓯᖏᓐᓂᒃ ᐊᑑᑎᑎᑦᓯᖃᑦᑕᓱᑕ
ᐃᓪᓗᖃᕐᑎᑦᓯᖃᑦᑕᓱᑕ ᐃᓂᑦᓴᑦᓯᐊᖑᔪᓂᒃ
ᐃᓱᕐᕆᓇᕐᑐᐃᑦ ᐃᓪᓗᖃᕐᑎᑕᐅᒍᑏᑦ
ᑐᖕᖓᕕᖃᕐᑎᓪᓗᒍ ᐱᐅᓯᑐᖃᕐᒥᒃ. ᐱᔪᓐᓇᓂᖃᕐᑎᑕᐅᑦᓱᓂ ᐃᓄᓐᓄᑦ!
ᐱᓇᓱᐊᕐᓂᕆᔭᕗᑦ ᐱᔪᓐᓇᓂᖃᕐᑎᑕᐅᕗᖅ ᐃᓄᓐᓄᑦ ᐃᑉᐱᒍᓱᑦᓯᐊᑐᓄᑦ, ᐱᓇᓱᐊᖃᑦᑕᑐᓄᑦ ᐊᒻᒪᓗ ᐊᑑᑎᖃᑦᓯᐊᑐᒥᒃ ᓄᐃᑦᓯᒍᒪᔪᓄᑦ. ᑕᒡᒐᓂ ᐃᓱᐊᕐᓯᕕᒻᒥ, ᐃᓄᐃᑦ ᐱᐅᓯᑐᖃᖏᑦ ᐊᒻᒪᓗ ᐃᓪᓕᕆᔭᖏᓐᓄᑦ ᐱᓇᓱᐊᕐᓂᕗᑦ ᑐᖕᖓᕕᖃᕐᑎᑕᐅᕗᖅ, ᑐᑭᑖᖃᑦᑕᓂᒃᑯᑦ ᐱᒍᑦᔨᓂᕐᒥᒍᓪᓗ ᐱᓇᓱᐊᖃᑦᑕᑐᓄᑦ ᓄᓇᕕᒻᒥᐅᓄᑦ.
ᐊᑐᐃᓐᓇᐅᕖᑦ ᐃᓪᓕᕆᔭᕐᓂᐅᕕᑦ ᐁᑦᑑᑎᖃᕆᐊᕐᑐᕈᓐᓇᓗᑎᑦ ᐱᓇᓱᕝᕕᒻᒧᑦ?
ᐱᔪᓐᓇᓃᑦ ᑐᖕᖓᕕᖃᕐᐸᑦ ᐃᓱᐃᓗᑕᐅᔪᓂᒃ ᐋᕐᕿᓯᒐᓱᐊᕈᓐᓇᓂᕐᒥᒃ, ᐱᓇᓱᒐᑦᓴᓂᓪᓗ ᐋᕐᕿᓱᐃᒍᓐᓇᓗᑎᑦ, ᓄᓇᒦᑎᑦᓯᓂᒃᑯᑦ ᐅᕝᕙᓗ ᐊᓯᓐᓂᐅᕕᑦ ᐃᑲᔪᕐᓯᕈᒪᓂᒃᑯᑦ, ᐃᓱᐊᕐᓯᕕᒃ ᐊᕐᕌᒍᓕᒫᒥᒃ ᐱᕕᑦᓴᖃᕐᑎᑦᓯᕗᖅ ᐊᒥᓲᓕᖓᔪᓄᑦ ᐱᓇᓱᐊᒐᑦᓴᓄᑦ. ᖃᐅᔨᒪᓂᕆᔦᑦ ᓇᑦᓴᓗᒍ ᐱᓇᓱᑦᑎᑦᑎᓐᓄᑦ ᐃᑲᔪᕆᐊᓕᕆᑦ ᐃᓅᓯᐅᔪᓄᑦ ᐃᓱᐊᕐᓯᒋᐊᕐᑎᑦᓯᒍᑕᐅᖁᓪᓗᒍ ᓄᓇᕕᓕᒫᒥ.