ᑕᑯᓐᓇᑕᕗᑦ, ᐱᓇᓱᐊᕐᑕᐅᕗᑦ
ᐊᒻᒪᓗ ᐃᓪᓕᕆᔭᕗᑦ

Centre de réadaptation en dépendance Foster),ᓴᓗᐊᕐᓴᕕᑐᐊᖅ ᖃᓪᓗᓈᑎᑑᓲᓄᑦ ᑯᐯᒃᒥ, ᑎᓕᔭᐅᒪᐅᑎᓕᒃ ᐊᑐᐃᓐᓇᖃᕐᑎᓯᓂᕐᒥᒃ ᐅᐃᕆᒪᓂᕐᒨᓕᖓᔪᓄᑦ ᐱᒍᑦᔨᒍᑎᓂᒃ ᐃᓄᑐᐃᓐᓇᓄᑦ. ᓄᓇᕕᒻᒥᐅᑦ 14-ᓂᑦ ᓄᓇᓕᓐᓂᑦ ᐱᓯᒪᔪᑦ ᐊᐅᓪᓚᓲᑦ ᒪᓐᑐᕆᐊᓪᒧᑦ—ᐃᓚᖓᓂ ᐃᑭᑦᑐᐊᐱᓐᓂᒃ ᐅᓪᓗᓂᒃ ᑖᕙᓃᓚᖓᑦᓱᑎᒃ, ᐃᓚᖓᓂ ᑕᕐᕿᓂᒃ ᐊᒥᓱᒐᓚᓐᓂᒃ—ᐃᑲᔪᕐᑕᐅᒋᐊᕐᑐᓱᑎᒃ ᐊᓂᒍᐃᒐᓱᐊᕐᓂᒥ ᐊᑦᓱᕈᕐᓇᑕᓂᒃ ᐋᖓᔮᓐᓇᑐᕐᑐᓂᕐᒨᓕᖓᔪᓄᑦ.

ᓄᓇᓕᒻᒥ ᑕᕐᓴᓴᓕᐅᓕᐅᑎᑎᑦᓯᓂᖅ ᐱᒋᐊᕐᑎᑕᖅ ᓇᓗᓇᐃᕐᓯᖁᑦᓱᒍ ᒪᒥᓴᕐᕕᐅᑉ ᓄᑖᑉ ᖃᓄᐃᑦᑑᓂᖓᓂᒃ. ᐊᑎᖓ “ᐃᓱᐊᕐᓯᕕᒃ”—ᑐᑭᓕᒃ “ᒪᒥᓴᕐᕕᒃ”— ᐃᓕᑕᕆᔭᒥᒃ ᐊᑐᓕᕐᑎᑕᖅ, ᐊᒻᒪᓗ ᐊᓪᓚᖑᐊᕐᑕᕕᓂᖓ ᐋᓕᒃ ᑯᐊᑕᐅᑉ ᑰᑦᔪᐊᒥᐅᑉ, ᓄᐃᑕᑎᑦᓯᔪᖅ ᐊᕚᓚᕿᐊᒥᒃ, ᓂᕈᐊᕐᑕᐅᔪᖅ.

ᐃᓱᐊᕐᓯᕕᒃ ᓇᕝᕚᑐᖅ ᐊᓪᓚᕕᒻᒥᒃ ᑰᑦᔪᐊᒥ 1940-ᓂ ᐊᒥᕆᑲᒥᐅᑦ ᖃᖓᑦᑕᔫᖏᑦᑕ ᐅᓇᑕᐅᑏᑦ ᐃᓪᓗᕕᓂᖓᓂ. ᐊᖏᓕᒋᐊᕆᔪᖅ ᐱᒍᑦᔨᓂᕐᒥᓂᒃ ᔭᐃᒥᔅᐸᐃ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ ᐃᓚᐅᔪᓕᒫᓄᑦ ᐊᒻᒪᓗ ᐃᓚᖏᓐᓄᑦ ᐋᖓᔮᓐᓇᑐᕐᑐᖃᑦᑕᓂᕐᒧᑦ ᐊᑦᓱᕈᕐᓇᑐᒃᑰᑐᓄᑦ. ᐃᓱᐊᕐᓯᕕᒃ ᒪᓂᒪᑎᑦᓯᓲᖑᕗᖅ ᓄᓇᓕᐅᑉ ᓯᓚᑖᓂ ᐱᓯᒪᔪᓂᒃ ᒪᒥᓴᕆᐊᕐᑎᓯᓂᒥᒃ, ᐊᓪᓕᕇᒥᑦ ᓂᕿᑦᓯᕕᒻᒧᑦ.

ᐃᓱᐊᕐᓯᕕᒃ ᐅᒃᑯᐊᑐᖅ ᑕᕐᕿᓂᒃ ᐊᒥᓲᖕᖏᑐᓂᒃ ᓵᖕᖓᓯᒌᕋᒥ ᐊᒥᓱᓂᒃ ᑎᒥᐅᔫᓂᒃᑯᑦ ᐊᒻᒪᓗ ᑮᓇᐅᔭᑎᒍᑦ ᐊᑦᓱᕈᕐᓇᑐᓂᒃ ᐊᒻᒪᓗ ᐅᒃᑯᐃᕆᐊᓪᓚᓱᓂ ᐊᕐᕌᒎᑉ ᐃᓱᐊᓂ.

ᖁᓕᑦ ᐃᓄᑐᐃᓐᓇᐃᑦ ᐊᖑᑏᑦ ᐊᒻᒪᓗ ᐊᕐᓇᐃᑦ ᐱᔭᕇᕐᑐᑦ ᐋᖓᔮᓐᓇᑐᕐᑐᓂᐅᑉ ᒥᑦᓵᓄᑦ ᐃᓕᓐᓂᐊᓂᕐᒥᒃ ᐃᓱᐊᕐᓯᕕᒻᒧᑦ ᐱᓇᓱᑦᑎᕈᕋᓱᐊᕈᑎᒋᑦᓱᒍ.

ᕉᑕ ᑯᔩ ᓯᕗᓪᓕᐸᐅᑦᓱᓂ ᐃᓄᑐᐃᓐᓇᐅᓱᓂ ᐋᓐᓂᐊᕕᒻᒥ ᑲᒪᔨᖕᖑᑐᖅ ᑲᓇᑕᒥ ᐃᓕᑕᕆᔭᐅᒍᑎᑖᕐᑎᑕᐅᑦᓱᓂ ᑲᓇᑕᒥ ᖃᐅᔨᒪᔨᒻᒪᕆᐅᓂᕐᒧᑦ ᐃᓕᑕᕆᔭᐅᒍᑎᑖᕐᑎᓯᓂᕐᒧᑦ ᑲᑎᒪᔨᖏᓐᓄᑦ.

ᑲᑎᖕᖓᔩᑦ ᐊᑐᓕᕐᑎᓯᔪᑦ ᐱᕙᓪᓕᐊᑎᑦᓯᓂᕐᒧᑦ ᐸᕐᓇᓯᒪᐅᑎᒥᒃ ᑲᒪᒍᑎᒋᓛᕐᓱᒍ ᐊᖏᓕᕙᓪᓕᐊᔪᓂᒃ ᑭᖕᖒᒪᒋᔭᐅᔪᓂᒃ ᓯᕗᓪᓕᐅᔭᐅᒋᐊᓕᓐᓂᓗ ᓇᓗᓀᕐᑕᐅᓯᒪᔪᓂᒃ ᐃᓄᑐᐃᓐᓇᓄᑦ ᓄᓇᕕᒻᒥᐅᓄᑦ.

ᐃᓚᒌᓅᓕᖓᔪᒥᒃ ᐱᕙᓪᓕᐊᑎᑦᓯᓂᕐᒧᑦ ᑲᑎᖕᖓᔩᑦ ᑐᓂᔨᔪᑦ ᐃᓗᐃᑦᑐᒥᒃ ᑐᓴᕐᑎᓯᒍᑎᒥᒃ ᐊᑐᓕᕐᑎᓯᖁᔨᒍᑎᑕᓕᓐᓂᒃ ᓄᑖᒥᒃ ᑲᑐᑦᔨᖃᑎᒌᓪᓗᑎᒃ ᒪᒥᓴᕐᓂᒥᒃ ᐃᓱᐊᕐᓯᕕᒻᒥ.

ᐃᓱᐊᕐᓯᕕᒻᒥ ᐱᔭᕇᕈᑎᑖᕐᓯᒪᔪᖅ, ᓗᐃᓴ ᑯᐊᓐᓇᓈᒃ, ᓯᕗᓪᓕᐸᐅᑦᓱᓂ ᒪᒥᓴᕆᐊᕐᓯᒪᑦᓱᓂ ᐅᖄᒋᐊᕐᑐᓯᒪᔪᖅ ᐊᑐᕐᓯᒪᔭᒥᓂᒃ ᐊᕐᕌᒍᑕᒫᕐᓯᐅᑎᒥ ᑲᑎᒪᓂᕐᒥ ᐅᐱᒍᓲᑎᒋᑦᓱᒍ ᒪᒥᓴᕆᐊᕐᓯᒪᔪᓕᒫᑦ ᑲᔪᖏᕐᓴᑕᐅᓐᓇᑐᒥᒃ ᒪᒥᓴᕐᓂᕆᓲᖏᓐᓄᑦ.

ᐃᓱᐊᕐᓯᕕᒃ ᒪᒥᓴᕐᕕᒃ ᐊᑦᓯᑕᐅᑦᓯᐊᕆᐊᕐᑐᖅ ᑌᔭᐅᖃᑦᑕᓚᖓᓯᑦᓱᓂ ᐃᓱᐊᕐᓯᕕᒃ ᓄᓇᕕᒻᒥ ᒪᒥᓴᕐᕕᒥᒃ ᓲᖑᓯᒋᐊᕐᓱᒍ ᓇᓃᓐᓂᖓ ᓄᓇᕕᒻᒥ ᐊᒻᒪᓗ ᐅᖓᑖᓂ.

ᐃᓱᐊᕐᓯᕕᒃ ᓄᐃᑦᓯᒋᐊᖕᖓᑐᖅ ᓄᑕᐅᓯᓕᕐᓯᒪᔪᒥᒃ ᑕᕐᓴᒥᓂᒃ ᐱᒋᐊᕐᑎᓯᑦᓱᓂ ᓲᖑᔪᒥᒃ ᓇᓗᓀᒃᑯᑕᖃᕐᓂᒥᒃ ᐊᕐᕌᒍᓄᑦ ᙯᔪᓄᑦ.

ᐊᕐᖁᑎᓕᐅᕐᓂᖅ ᓄᑖᑉ ᐃᓱᐊᕐᓯᕕᑦᓴᐅᑉ ᐃᓂᑦᓴᖓᓄᑦ ᐱᒋᐊᕐᑐᖅ, ᓴᓇᔭᐅᒻᒥᑎᓪᓗᒍ ᓯᕗᓪᓕᐹᖅ ᓯᑕᒣᖃᐅᑎ ᐱᓇᓱᑦᑏᑦ ᐃᓪᓗᓴᖓ.

ᐊᕐᖁᑎ ᐃᓱᐊᕐᓯᕕᑦᓴᐅᑉ ᐃᓂᖓᓅᕐᑐᖅ ᐱᔭᕇᕐᑐᖅ.

ᐃᓱᐊᕐᓯᕕᒃ ᐃᓕᑕᕆᔭᐅᒍᑎᑖᕐᑐᖅ ᓇᐅᓕᒫᓂᒃ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᑦ ᑐᕐᖃᑕᕐᕕᒥᑦ.

ᐱᓇᓱᑦᑕᖅ ᐃᓚᒌᑎᒍᑦ ᐊᖕᖏᐊᖏᔭᖃᑎᒌᓐᓂᖅ ᐃᓗᕐᕈᓯᑦᑎᒍᑦ ᐱᔪᖅ ᐅᑭᐅᕐᑕᑐᒥ ᑲᔪᖏᕐᓭᓂᕐᒧᑦ ᓵᓚᖃᐅᑎᒥᒃ ᐊᒻᒪᓗ ᐁᑦᑐᑕᐅᑦᓱᓂ $1 ᒥᓕᐊᓐ ᑖᓚᓂᒃ ᑲᔪᓯᑎᑕᐅᓂᕐᒥᓄᑦ ᐱᑦᓱᒍ.

ᐃᓱᐊᕐᓯᕕᒃ ᐱᔪᖅ 2020-ᒥ ᑯᐯᒃ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐃᓕᑕᕆᔭᐅᒍᑎᖓᓂᒃ ᐱᑦᓯᐊᑐᒻᒪᕆᐅᓂᕐᒧᑦ ᐊᕕᑦᑐᓯᒪᓂᖓᓂ ᑐᕐᖃᑕᕐᕕᐅᑉ ᓂᕈᐊᕐᑕᖓᑕ ᓄᓇᓕᓐᓂ ᑎᒥᐅᔪᒧᑦ.

ᑕᑯᒥᓇᕐᑐᓕᐅᕐᑏᒃ ᒪᑦᑎᐅᓯ ᐃᔦᑦᑐᒃ ᐊᒻᒪᓗ ᐱᓐᔭᒥᓂ ᐁᓯᒃ ᐱᔭᕇᕐᑑᒃ ᖁᓪᓕᐊᓗᒻᒥᒃ.

ᐃᓱᐊᕐᓯᕕᒃ ᓂᐅᕕᕐᑐᖅ ᓄᑖᒥᒃ ᐃᓪᓗᐊᐱᒻᒥᒃ ᓇᕝᕚᑖᖅ ᑕᓯᖓᓃᑦᑐᒥᒃ ᐊᖏᓕᒋᐊᕆᑦᓱᓂ ᓄᓇᒥ ᒪᒥᓴᕐᑎᓯᕕᓐᓂᒃ ᒪᒥᓴᕐᑐᓅᓕᖓᔪᓂᒃ.

ᐱᓇᓱᑦᑎᓕᒫᑦ ᐃᓕᓐᓂᐊᑎᑕᐃᑦ ᐃᓚᐅᑎᑦᓯᓂᒃᑯᑦ, ᐃᓗᐃᑦᑐᑯᑦ, ᐊᒻᒪᓗ ᐊᑕᖐᔪᒃᑯᑦ ᐃᓕᓐᓂᐊᓂᒃᑯᑦ ᓄᑖᒥ ᐱᓇᓱᕝᕕᒥ ᐃᓕᓐᓂᐊᑎᑦᓯᓂᕐᒥ.

ᓄᑖᖅ ᑲᑐᑦᔨᓂᒃᑯᑦ ᒪᒥᓴᕐᓂᖅ ᐱᔭᕇᕐᑕᐅᔪᖅ. ᑐᖕᖓᕕᖃᕐᓱᓂ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐃᓱᐊᕐᓯᕕᒻᒦᓗᓂ ᒪᒥᓴᕐᓂᖅ ᐊᑐᓕᕐᑐᖅ ᐃᓗᕐᕈᓯᒃᑰᑐᒥᒃ ᐊᒻᒪᓗ ᖁᐊᕐᓵᓇᕐᑐᑰᕐᓯᒪᓂᕐᒥᒃ ᑐᑭᓯᒪᔪᒥᒃ ᐱᓇᓱᐊᕐᓂᒥᒃ, ᐃᓚᒋᐊᕐᑕᐅᓱᓂ ᐱᑦᔪᓯᑦᓯᐊᖑᓂᕐᐹᓄᑦ ᐅᐃᕆᒪᔪᓕᕆᓂᕐᒥ.

ᐃᓱᐊᕐᓯᕕᒃ ᐱᔪᖅ Qmentum ᐃᓕᑕᕆᔭᐅᒍᑎᖓᓂᒃ ᐳᕐᑐᓂᕐᐸᐅᓱᓂ ᐃᓕᑕᕆᔭᐅᒍᑎᑖᕐᑎᓯᔨᓂᑦ ᑲᓇᑕᒥ.

ᐃᓱᐊᕐᓯᕕᒃ ᐊᑑᑎᔪᖅ ᑲᓇᑕᓕᒫᒥ ᐅᒃᑯᐃᓯᓂᕐᒥᒃ ᙯᕐᖁᔭᐅᒪᔪᑦ ᑌᑲᓃᑦᑎᓗᒋᑦ ᓄᓇᕕᒻᒥ ᑎᒥᐅᔪᖏᓐᓂᑦ ᐱᓯᒪᔪᑦ, ᑲᕙᒪᒃᑯᑦ ᑭᒃᒐᑐᕐᑎᖏᑦ, ᐊᒻᒪᓗ ᑐᓴᕋᑦᓴᓂᐊᕐᑏᑦ ᑌᑲᓃᑦᑎᓗᒋᑦ.

ᐃᓱᐊᕐᓯᕕᒃ ᓄᐃᑦᓯᔪᖅ ᓄᑖᒥᒃ ᐃᖕᖏᕈᓯᕐᒥᓂᒃ, ᑕᓯᐅᓚᐅᕐᓗᒃ, ᐲᑐᕆᔅ ᑎᐊ ᐃᖕᖏᕈᓯᓕᐊᕕᓂᖓᓂᒃ, ᐃᓚᖃᕐᓱᓂ ᔫᕆᓂᒥᒃ, ᑳᑎ ᓯᓅᐹᒥᒃ, ᐊᒻᒪᓗ ᓯᓪᕕᐊ ᑯᓘᑦᓯᐁᒥᒃ.

ᑲᓇᑕᒧᑦ ᐊᑕᓂᐊᓘᑉ ᑭᒃᒐᑐᕐᑎᖓ ᒥᐊᔨ ᓭᒪᓐ, ᐳᓛᕆᐊᕐᑐᖅ ᐃᓱᐊᕐᓯᕕᒻᒥᒃ.

ᐃᓱᐊᕐᓯᕕᒃ ᖁᕕᐊᓲᑎᓕᒃ 30^-ᓂᒃ ᐊᕐᕌᒍᕐᑖᓂᕐᒥᓂᒃ ᐃᕐᖃᐅᒪᒍᑎᒥᒃ ᑕᕐᓴᖃᕐᓱᓂ ᐊᒻᒪᓗ ᑭᖑᓕᕇᓂᒃ ᐱᓇᓱᐊᕐᓂᖃᕐᓱᓂ ᐅᐱᒍᓲᑎᓂᒃ ᐊᕐᕌᒍᓂᒃ ᐊᕙᑎᓪᓗ ᖁᓕᓪᓗᓂᒃ ᑐᓂᒪᓕᕐᓂᒥᓂᒃ ᐊᒻᒪᓗ ᐊᓯᑦᔨᓂᕐᒥᒃ ᒪᓕᒍᓐᓇᓂᕐᒥᓂᒃ!