February 14, 2020
By reception_isuarsivik

ᕕᕈᐊᕆ 4-ᒥ, ᑐᑭᒧᐊᑦᑎᓯᔨᒻᒪᕆᕗᑦ, ᐊᓖᓯᐊ ᐊᔭᒍᑕᖅ ᐃᓕᑕᕆᔭᐅᒍᑎᑖᓚᐅᔪᖅ Indspire ᐃᓕᑕᕆᔭᐅᒍᑎᖓᓂᒃ – ᐃᓄᑐᐃᓐᓇᓄᑦ ᐅᕕᒃᑲᓅᓕᖓᔪᒥᒃ (2020) ᐱᓇᓱᐊᕐᓯᑎᐅᓂᕐᒥᓄᑦ, ᐃᓅᓯᕐᒥ ᐊᑑᑎᓯᒪᔭᒥᓄᑦ ᐊᒻᒪᓗ ᓄᓇᓕᒻᒥ ᐃᓚᐅᓂᕐᒥᓄᑦ. ᑖᑦᓱᒥᖓ ᓵᓚᖃᕐᓂᒥᓄᑦ ᐃᓕᑕᕆᔭᐅᒍᑎᒥᒃ, ᓯᕗᓪᓕᐹᕈᓚᐅᔪᖅ ᐃᓄᑐᐃᓐᓇᐅᓱᓂ ᓄᓇᕕᒻᒥᐅᖑᑦᓱᓂ ᓵᓚᖃᕐᓂᒥᒃ ᐃᓄᓐᓄᑦ ᐅᕕᒃᑲᓅᓕᖓᔪᒥᒃ.

ᐅᒥᐅᔭᕐᒥᐅᓴᔭᖅ ᐊᒻᒪᓗ ᒫᓐᓇ ᑰᑦᔪᐊᒥᐅᖑᓕᕐᓱᓂ, ᐊᓖᓯᐊ ᐱᓇᓱᐊᕐᓯᒪᔪᖅ ᐅᑭᐅᑭᑦᑑᓕᕐᓂᕋᒥᓂᑦ ᐱᐅᓂᕐᓴᒥᒃ ᓯᕗᓂᑦᓴᒥᒃ ᐱᓇᓱᐊᕈᑎᖃᕐᓱᓂ ᐃᓄᑐᐃᓐᓇᐅᖃᑎᒥᓂᒃ ᐱᒍᑦᔨᓱᓂ. ᑐᓂᒪᑦᓯᐊᓱᓂ ᓴᐳᑦᔨᔪᖅ ᐃᓄᐃᑦ ᑭᓇᐅᓂᖏᓐᓂᒃ ᐊᒻᒪᓗ ᐱᐅᓯᑐᖃᖏᓐᓂᒃ. ᐱᕕᑦᓴᑖᑦᓴᑐᐊᕋᒥ ᓴᐳᑦᔨᓂᕐᒥᓂᒃ ᓄᐃᑕᑎᑦᓯᓲᖅ ᐊᒻᒪᓗ ᐅᖄᒍᑦᔨᓱᓂ ᐃᓄᑐᐃᓐᓇᐅᖃᑎᒥᓂᒃ ᓲᓱᑦᓴᑐᒻᒪᕆᐅᑦᓱᓂ ᐃᓄᑐᖃᕐᓂᒃ ᐊᒻᒪᓗ ᑐᑭᓯᐊᑦᓯᐊᖏᓐᓇᓱᓂ ᐅᕕᒃᑲᐅᓂᕐᓭᑦ ᐃᓱᒫᓗᒋᔭᖏᓐᓂᒃ.

ᐃᓱᐊᕐᓯᕕᒃ ᓯᕗᓕᕐᑎᖃᕈᓐᓇᓗᑯᒃᑯᒃ ᐃᑦᔭᕋᑦᓴᓯᐊᒥᒃ ᑕᓯᐅᕐᓯᔪᒥᒃ ᐊᐅᓚᑦᓯᔩᑦ ᓱᖏᐅᑎᕙᓪᓕᐊᓂᖏᓐᓂᒃ, ᐱᓇᓱᐊᖃᑎᖃᑦᓯᐊᓂᖏᓐᓂᒃ ᑲᑎᖕᖓᔨᓂᒃ ᐊᒻᒪᓗ ᑲᔪᖏᕐᓭᓂᒃᑯᑦ ᐊᒻᒪᓗ ᐱᒍᓐᓇᓯᑎᑦᓯᓂᒃᑯᑦ ᐱᓇᓱᑦᑎᓂᒃ.

ᐅᐱᒍᓲᑦᔨᕗᒍᑦ ᐊᓖᓯᐊ!

Categories: ᓄᑖᖑᓂᕐᐹᑦ ᑐᓴᕋᑦᓭᑦ