Category : ᑐᓴᕐᑎᓯᒍᑏᑦ

ᑰᑦᔪᐊᖅ (ᒫᑦᔨ 5, 2022) —ᐃᓱᐊᕐᓯᕕᒃ ᓲᓱᒋᔭᐅᒋᐊᒥᒃ ᓇᑯᕐᓴᑐᒃ ᐅᐱᒍᓱᑦᓱᓂᓗ 2021 Arctic Inspiration Prize-ᒥᒃ (AIP) ᑐᓂᔭᐅᒋᐊᒥᒃ ᐱᓇᓱᐊᕐᑕᒥᓄᑦ $1-ᒥᓕᐊᓐ ᑮᓇᐅᔭᓂᒃ ᓇᓗᓀᕐᑕᐅᒪᓂᓕᒻᒥᒃ ᐃᓚᒌᑎᒍᑦ ᐊᖕᖏᐊᖏᔭᖃᑎᒌᓐᓂᖅ ᐃᓗᕐᖁᓯᑦᑎᒍᑦ, ᐅᕝᕙᓘᓐᓃᑦ “Family at the Heart of the Healing Process” ᓚᔭᐅᔪᒥᒃ ᖃᓪᓗᓈᑎᑐᑦ. ᐱᓇᓱᐊᕐᑕᐅᓂᖓ ᒪᓂᔨᒍᑎᓕᒃ ᖃᓄᕐᑑᕈᑎᖃᕐᓂᒥᒃ ᐅᐃᕆᒪᐅᑏᑦ ᐊᑐᕐᓂᓗᑦᑕᐅᓂᖏᓐᓂᒃ ᓵᖕᖓᔭᖃᕐᓱᓂ ᐃᓄᐃᑦ ᑭᓇᐅᓂᕐᒥᓂᒃ ᐃᓕᕐᖁᓯᒥᓂᓗ ᐅᑎᕐᑎᓯᒋᐊᕈᑎᖃᕐᓂᖏᓐᓂᒃ, ᐊᒻᒪᓗ ᐱᑐᑦᓯᒪᓂᖏᓐᓂᒃ ᓄᓇᒧᑦ. ᐱᓇᓱᐊᕐᑕᐅᓂᖓ ᐱᕕᑦᓴᖃᕐᑎᓯᓛᕐᑐᑦ ᐃᓚᒌᓂᒃ ᒪᓂᓴᕈᓐᓇᕕᖃᕐᓗᑎᒃ ᐊᑕᐅᑦᓯᑯᑦ. ᐃᓄᐃᑦ ᐃᓪᓕᕆᔭᖏᑦ ᐱᕐᖁᓯᖏᓪᓗ ᑐᖕᖓᕕᒋᔭᐅᓪᓚᕆᓛᕐᑐᑦ ᐱᓇᓱᐊᕐᓂᒥ, ᐊᑐᐃᓐᓇᐅᓛᕐᓱᑎᒃ ᐃᓚᒌᓄᑦ ᐃᓱᐊᕐᓯᕕᑦᓴᒥ ᓄᑖᒥ ᐅᒃᑯᐃᓛᕐᑐᒥ 2023-ᖑᓕᕐᐸᑦ.

ᐃᓘᓪᓇᖓ ᑐᓴᕋᑦᓴᖅ ᐊᑐᐊᕈᒪᒍᕕᐅᕐ

ᑰᑦᔪᐊᖅ (ᕕᕗᐊᕆ 22, 2022) – ᑕᒡᒐᓂ ᐊᕐᕌᒍᒥ, ᐃᓱᐊᕐᓯᕕᒃ  ᑲᑎᖕᖓᔨᒥᑦᑕ ᐃᓱᒪᒌᓐᓇᓲᖓᓂᒃ ᐊᑑᑎᑎᑦᓯᓛᓯᔪᖅ: ᓴᓇᔭᐅᑎᑦᓯᓂᕐᒥᒃ ᖁᓪᓕᐊᓗᒻᒥᒃ ᐃᓱᐊᕐᓯᕕᑦᓴᐅᑉ ᓄᑖᑉ ᐃᑎᕐᕕᖓᑕ ᓂᕈᑐᓂᖓᓃᓛᕐᑐᖅ. “ᖁᓪᓕᐊᓗᒃ’ ᐱᒐᓱᐊᕐᑕᐅᓂᖓ ᐳᐃᒍᑦᔦᓇᕐᑐᖅ ᐊᒻᒪᓗ ᑲᔪᓯᑎᑕᐅᒍᓐᓇᓗᑯᓚᐅᕐᑐᖅ ᑕᓪᓕᒪᓄᑦ ᑎᒥᐅᔪᓄᑦ, Glencore/Raglan-ᑯᑦ ᐅᔭᕋᓐᓂᐊᕕᖓᓄᑦ, ᐃᓄᐃᑦ ᖃᖓᑦᑕᔫᖓᓄᑦ, ᐊᕙᑕᒃᑯᓄᑦ,  EVOQ Architecture-ᑯᓐᓄᑦ, ᐊᒻᒪᓗ ᑲᓀᑎᐊᓐ ᓄᐊᑦᑯᓄᑦ. ᑖᒃᑯᐊ ᓇᑯᕐᑐᐃᑦ ᐊᒻᒪᓗ ᑲᓇᑕᐅᑉ ᑕᑯᒥᓇᕐᑐᓕᐅᕐᓂᒥ ᑲᑎᒪᕕᖓ, ᑖᑦᓱᒥᖓ ᖁᓪᓕᐊᓘᑉ ᐱᓇᓱᐊᕐᑕᐅᓂᖓ ᐱᔭᕇᕐᓯᒪᓛᕐᑐᖅ ᐅᒃᑯᐃᑕᐅᓂᖃᓕᕐᐸᑦ ᐃᓱᐊᕐᓯᕕᒃ 2023-ᒥ.

ᐃᓘᓪᓇᖓ ᑐᓴᕋᑦᓴᖅ ᐊᑐᐊᕈᒪᒍᕕᐅᕐ 

ᑕᒡᒐᓂ ᐊᕐᕌᒍᒥ ᐱᖕᖑᐹ ᐊᑑᑎᓂᕆᓚᐅᕐᑕᖓ ᓴᕐᕿᑎᑦᓯᓚᐅᕐᑐᖅ ᓄᓇᕐᖃᑎᒌᓐᓂᐅᑉ ᑐᑭᓪᓚᕆᖓᓂᒃ. ᑲᑦᓱᙰᑦᑑᓂᖃᒻᒪᕆᓚᐅᕐᑐᑦ Facebook-ᑯᑦ ᑲᓱᕐᑎᓯᕕᖓᓂ, ᐃᓚᐅᖃᑕᐅᔪᑦ ᐊᒥᕐᖄᖃᑎᒌᖃᑦᑕᓚᐅᕐᑐᑦ ᐊᒻᒪᓗ ᐃᑲᔪᕐᓯᖃᑎᒌᑉᐸᓱᑎᒃ ᑕᕐᕿᓕᒫᒥ. ᕿᓄᒍᑎᓕᒫᑦ ᑭᐅᔭᐅᑦᓯᐊᖃᑦᑕᓱᑎᒃ ᐃᓚᐅᖃᑕᐅᔪᐃᑦ ᐃᑲᔪᕐᑐᓂᖏᓐᓄᑦ, ᐃᓘᓐᓇᖏᑦ ᑐᕌᕈᒪᓂᓖᓐᓇᐅᓱᑎᒃ ᐃᓅᓯᑦᓯᐊᖃᕈᒪᓂᕐᒥᒃ, ᓄᐊᑦᓯᓂᕐᒧᑦ ᐃᓱᐊᕐᓯᕕᐅᑉ ᑎᑭᐅᑎᒍᒪᔭᖓᓂᒃ ᐊᒻᒪᓗ ᖃᐅᔨᓵᕆᒍᑎᖓᓂᒃ ᐅᐃᕆᒪᓂᕐᒧᑦ ᐊᑐᕐᓂᓗᓐᓂᒥᒃ ᓄᓇᕕᒻᒥ.

ᑕᒡᒐᓂ ᐊᕐᕌᒍᒥ ᑐᕌᒐᖃᓚᐅᔪᖅ ᓄᐊᑦᓯᒍᒪᓂᕐᒥᒃ 50 000$-ᓂᒃ ᐃᑲᔪᕐᓯᐅᑎᐅᓂᐊᕐᑐᓂᒃ ᐃᓱᐊᕐᓯᕕᐅᑉ ᐱᑦᔪᔨᒍᑎᖓᑕ ᐊᑐᐃᓐᓇᐅᑎᑕᐅᓂᕐᓴᐅᒍᑎᑦᓴᖓᓂᒃ ᓄᓇᕕᒻᒥ ᓄᓇᓕᓐᓂ 14-ᓂ ᐊᒻᒪᑕᐅᖅ ᐃᓱᐊᕐᓯᕕᑦᓴᖅ ᓄᑖᑉ ᐃᓕᕐᖁᓯᕐᓅᓕᖓᔪᑦᓴᓕᐊᖏᑦᑕ ᐱᓇᓲᑎᑦᓴᖏᓐᓅᓕᖓᔪᓄᑦ. ᓄᐊᑦᓯᓂᖅ ᑎᑭᐅᑎᓚᐅᔪᖅ $49 028-ᓄᑦ ᑐᓂᓯᔪᓂᑦ ᐱᑦᓱᑎᒃ ᓄᓇᕕᒻᒥ ᓄᓇᓕᓐᓂ ᐱᓯᒪᔪᓂᑦ ᐊᑐᓂᑦ ᐊᒻᒪᑕᐅᖅ ᑎᒥᐅᔪᓂᑦ ᐱᑦᓱᑎᒃ ᒪᑭᕝᕕᑯᓂᑦ, ᑲᑎᕕᒃ ᐃᓕᓴᕐᓂᓕᕆᓂᕐᒥᑦ, Glencore-ᑯᓂᑦ ᐊᒻᒪᓗ ᐊᓯᒋᐊᓪᓚᖏᓐᓂᑦ.

ᐅᖁᒣᑦᑑᖃᑦᑕᓚᐅᕋᓗᐊᕐᑎᓗᒍ ᖃᓂᒪᓐᓇᖅ, ᓄᓇᕕᒻᒥᐅᑦ ᑲᑐᑦᔨᓱᑎᒃ ᐊᒻᒪᓗ ᐃᓚᐅᑦᓯᐊᒪᕆᓚᐅᕐᑐᑦ ᐱᖕᖑᐹᒧᑦ ᑕᒡᒐᓂ ᐊᕐᕌᒍᒥ. ᑎᑭᐅᑎᔭᐅᓚᐅᕐᓯᒪᖕᖏᑐᒧᑦ ᐃᓚᐅᕕᐅᓚᐅᕐᑐᖅ 267-ᓄᑦ, ᐃᑲᔪᕐᑐᑕᐅᑦᓱᑎᒃ 635-ᓄᑦ ᑐᓂᓯᕕᐅᑦᓱᑎᒃ ᐱᖕᖑᐹᒧᑦ ᐊᓪᓚᑕᐅᒪᖃᑕᐅᔪᑦ ᐊᒻᒪᓗ ᐃᒥᕐᑌᓕᓚᐅᕐᓱᑎᒃ ᕕᕗᐊᕆᓕᒫᒥ. ᐅᐱᒍᓱᑦᓯᐊᑐᒍᑦ ᑕᒡᒐᓂ ᐊᕐᕌᒍᒥ ᐊᑑᑎᓂᕆᓚᐅᕐᑕᖓᓂᒃ ᑎᑭᐅᑎᒐᓱᐊᕐᑕᕗᓐᓄᑦ ᑎᑭᖕᖏᓗᐊᕌᐱᒐᓗᐊᕐᑎᓗᒍ 1-ᑕᐅᓭ ᐅᖓᑖᓄᐊᐱᒃ. ᐱᖕᖑᐹ ᐊᑑᑎᔭᐅᒃᑲᓂᑦᓯᐊᓚᐅᕐᑐᖅ ᓄᓇᕐᖃᑎᒌᓄᑦ ᐊᒻᒪᓗ ᓴᕐᕿᑎᑦᓯᓱᓂ ᐊᑕᐅᑦᓯᑯᑦ ᑲᑐᑦᔨᒍᓐᓇᓯᐊᕐᓂᖏᓐᓂᒃ ᓵᖕᖓᓯᓂᕐᒥ ᐅᐃᕆᒪᓇᕐᑐᒥᒃ. ᓂᕆᐅᓐᓂᖃᑦᓯᐊᐳᒍᑦ ᐱᖕᖑᐹ ᐱᒋᐊᖕᖓᑎᑦᓯᖃᑦᓴᓚᖓᒋᐊᖓᓂᒃ ᐊᓯᑦᔨᒋᐊᕐᓂᓂᒃ ᐊᒻᒪᓗ ᐅᓄᕐᓯᐅᒥᒋᐊᕐᓗᑎᒃ ᓱᕐᕋᑕᐅᕗᑦ 14-ᓂ ᓄᓇᓕᓐᓂ ᐅᓄᕐᓯᐅᒥᕙᓪᓕᐊᑐᐃᓐᓇᖃᑦᑕᒪᑦ ᐊᕐᕌᒍᑕᒫᑦ.

ᐊᕐᕌᓂ, ᐃᓱᐊᕐᓯᕕᒃ ᐊᒻᒪᓗ ᓴᓇᔩᑦ Les constructions Pépin-Fortin inc.-ᑯᑦ ᐅᖓᓯᓪᓖᒋᐊᖃᓚᐅᔪᑦ ᓴᓇᓂᕐᒥᒃ ᓄᑖᒥᒃ ᐃᓪᓗᑯᑎᑦᓴᒥᒃ ᐊᑦᑕᓇᓗᐊᕐᓂᑯᖓ ᐱᑦᔪᑕᐅᑎᓪᓗᒍ ᖃᓂᒪᓐᓇᖅ COVID-19.

ᐊᑭᒋᑐᐃᓐᓇᕆᐊᓕᖏᑦ ᐅᓄᕐᓯᓯᒪᔪᖅ ᐊᒻᒪᓗ ᓴᓗᒪᑦᓯᐊᐳᑎᑦᓭᑦ ᓴᓇᔭᐅᔪᒥ ᐊᒻᒪᓗ 8 ᐱᓇᓱᑦᑏᑦ ᐃᓪᓗᓴᖏᑦᑕ ᓴᓇᔭᐅᓂᖏᑦ ᖃᐅᔨᓴᕐᑕᐅᓚᐅᔪᑦ ᓴᓇᓂᕐᒥ ᐱᓇᓱᐊᕐᑎᓄᑦ $1,6-ᒥᓕᐊᓐᕌᒐᔭᕆᐊᖓ.

ᐅᐱᒍᓱᑉᐳᒍᑦ ᓱᕐᖁᐃᓯᒋᐊᒥᒃ ᒣ 2021-ᖑᑎᓪᓗᒍ, ᑮᓇᐅᔦᑦ ᐱᔭᐅᒍᓐᓇᓯᓚᐅᔪᒻᒪᑕ ᑐᓂᓯᓪᓗᑯᑦᑐᓄᑦ  Aboriginal Services Canada-ᑯᑦ, ᑲᑎᕕᒃ ᐃᓪᓗᓕᕆᔨᕐᔪᐊᑯᑦ ᐊᒻᒪᓗ Canada Mortgage and Housing Corporation-ᑯᑦ, ᐊᒻᒪᑕᐅᖅ ᐃᑲᔪᕐᓯᓯᐊᒻᒪᕆᓐᓂᖓᓄᑦ ᒪᑭᕝᕕᑯᑦ ᐱᓇᓱᑦᑎᖏᑦ.

ᓇᑯᕐᓴᕙᓪᓛᕈᒪᕗᒍᑦ ᐱᓇᓱᖃᑎᒋᖃᑦᑕᑕᑦᑎᓂᒃ ᑌᒪᖕᖓᑦ ᕿᓯᒣᓐᓇᖃᑦᑕᓚᐅᕐᒪᑕ ᐅᖁᒣᑦᑐᑰᕐᓂᑎᓐᓂ ᐊᒻᒪᓗ ᖃᓄᕐᑑᕈᑦᔨᖏᓐᓇᓕᒫᖃᑦᑕᓱᑎᒃ ᓴᓇᓂᕐᒥ ᑖᑦᓱᒥᖓ ᐃᓱᕐᕉᑎᒥᒃ ᑭᖕᖒᒪᓇᕐᑐᒥᒃ ᓄᓇᕕᒻᓂᐅᑦ ᐃᓄᖏᓐᓅᓕᖓᔪᒥᒃ ᑭᖑᓯᒋᐊᕐᑕᐅᓚᐅᖕᖏᓚᕿᒻᒪᑦ.

ᓴᓇᓂᖅ ᐱᒋᐊᕐᓯᒪᓕᕇᕐᑐᖅ! ᖃᓄᐃᓕᖓᓕᕐᒪᖔᑦ ᑕᑯᒋᐊᕈᓐᓇᑌ, ᐅᕙᓂ https://isuarsivik.ca/new-center/ ᐅᕝᕙᓘᓐᓃᑦ ᑕᑯᓗᒍ Facebook.

ᐊᐱᕐᓲᑎᖃᕐᑐᖃᕐᐸᑦ ᐅᕝᕙᓘᓐᓃᑦ ᓴᓇᓂᐅᑉ ᒥᑦᓵᓄᑦ ᐊᐱᕐᓲᑎᖃᕐᑐᖃᕐᐸᑦ, ᐅᖃᖃᑎᖃᕈᓐᓇᓯᐊᕐᑐᑎᑦ ᐅᕙᓂ info@isuarsivik.ca.

ᒫᑦᓯ 3-ᒥ  ᑲᑎᒪᑦᓯᓱᑎᒃ ᑰᑦᔪᐊᑉ ᓄᓇᓕᓐᓂ ᑲᕙᒫᐱᒃᑯᖏᓐᓂᒃ, ᑌᕕᑦ ᕗᐊᕆᔅ, ᐃᓱᐊᕐᓯᕕᐅᑉ ᐊᖓᔪᕐᖄᖓ ᐊᒻᒪᓗ ᒥᐊᔨ ᐁᑦᓯᓴᓐ, ᐊᖓᔪᕐᖄᑉ ᑐᖓᓕᐊ, ᓱᕐᖁᐃᓯᑎᑕᐅᓪᓚᕆᓚᐅᕐᑑᒃ ᓄᓇᓖᑦ ᑲᔪᓯᑎᑦᓯᒍᓐᓇᓕᕐᓂᖓᓂᒃ ᓴᓇᒻᒪᕆᓐᓂᒥᒃ 2021-ᒥ.

“ᕿᓚᓈᒻᒪᕆᓕᕐᓱᓂ ᐃᓱᐊᕐᓯᕕᒃ ᑐᓴᕐᑎᓯᓚᐅᕐᑐᖅ ᓴᓇᔪᑦᓴᓂᒃ ᓴᓇᓂᕐᒧᑦ ᐱᓇᓱᒐᕗᑦ ᑲᔪᓯᒍᓐᓇᓕᕐᒪᑦ ᑕᕝᕙᓂ ᐊᕐᕌᒍᒥ. ᐱᓇᓱᒐᕐᒧᑦ ᐱᓇᓱᑦᑎᖁᑎᕗᑦ ᐅᓪᓗᒥ ᐱᔭᕇᒐᓱᐊᓕᕐᑐᑦ ᐸᕐᓀᓂᓂᕐᒥᒃ ᓴᓇᓂᐅᓚᖓᔪᒥᒃ ᐊᐅᔭᖅ. ᐱᒋᐊᕐᑎᓯᒍᓐᓇᓚᖓᓕᕐᑐᒍᑦ ᐊᑐᐃᓐᓇᕈᕐᑎᓂᕐᒥᒃ ᑐᖕᖓᕕᑦᓴᖓᓂᒃ ᓄᑖᑉ ᐃᓪᓘᑉ ᐊᐳᑎᒃ ᐊᐅᕌᐱᑐᐊᕐᐸᑦ.” ᓚᓚᐅᕐᑐᖅ ᑌᕕᑦ. ᓴᓇᓂᖅ ᓯᕗᓂᓕᐅᕐᑕᐅᓯᒪᔪᖅ ᐃᓱᓕᒍᒫᕐᓂᐊᑎᓗᒍ 2022 ᐅᑭᐊᖓᓂ.

2019-ᒥᓂᑦ, ᐃᓱᐊᕐᓯᕕᒃ ᐱᓯᒪᓕᕐᑐᖅ $40,6 ᒥᓕᐊᓂᒃ ᑲᕙᒪᒃᑯᑦ ᐱᓇᓱᕝᕕᖏᓐᓂᑦ ᐃᓕᒃᑰᑎᕐᑐᓂᑦ ᐊᒻᒪᓗ ᓄᓇᓕᓕᒫᓂ ᑎᒥᓂᑦ ᓴᓇᔭᐅᒍᑎᑦᓴᖏᓐᓂᒃ 22ᓂᒃ ᓯᓂᕝᕕᓕᐅᑉ ᐃᓱᐊᕐᕈᑎᐅᑉ ᐊᒻᒪᓗ 12 ᐃᓪᓗᓴᖏᑦᑕ ᐱᓇᓱᑦᑏᑦ. ᓴᓇᓂᖅ ᓄᑖᒥᒃ ᐃᓱᐊᕐᕈᑎᒥᒃ ᐱᒋᐊᕈᒫᕐᓂᐊᓯᒪᔪᖅ 2020 ᐊᐅᔭᖓᓂ ᐊᒻᒪᓗ ᑭᖑᕙᕆᐊᕐᑕᐅᓯᒪᓚᐅᔪᑦᓱᓂ 2021-ᒧᑦ ᓄᓇᓖᑦ ᐃᓱᒫᓘᑎᖃᕐᓂᖓᓄᑦ ᖃᓂᒪᓐᓇᐅᑉ ᓯᐊᒻᒪᓯᒪᓂᖓᓂᒃ. ᓴᓇᒐᑦᓭᑦ ᐱᓇᓱᐊᕈᑏᓪᓗ 2020-ᒥ ᑯᑦᔪᐊᒧᑦ ᑐᕌᕐᑎᑕᐅᒋᐊᕐᓯᒪᓕᕐᑐᑦ 2021 ᐱᒋᐊᕐᖃᒥᐅᓂᖓᓂ ᓴᓇᓂᖅ ᐱᒋᐊᑲᐱᖁᓪᓗᒍ.

“ᓄᓪᓚᓇᑦᓯᐊᓕᕐᑐᖅ ᖃᐅᔨᒪᓕᕆᐊᒥᒃ ᐱᓇᓱᒐᐅᑉ ᓄᕐᖃᖓᑎᑕᐅᒋᐊᓪᓚᓚᖓᖕᖏᓂᖓᓂᒃ ᖃᐅᔨᒪᒐᑦᑕ ᐊᒥᓱᑦ ᐅᑕᕐᕿᐊᑐᕐᖃᔭᕈᓐᓀᓂᖏᓐᓂᒃ ᐃᓚᒌᑦ ᑭᒡᒐᑐᕐᑕᐅᒍᑎᒋᒋᐊᓕᖏᓐᓂᒃ ᒪᓂᔭᐅᖃᑦᑕᓚᖓᔪᓂᒃ ᓄᑖᒥ ᐃᑲᔪᕐᓯᔭᐅᕕᒻᒥ. ᐱᒋᐊᕐᑎᑕᐅᒋᐊᓕᕐᕿᓂᖓ ᓴᓇᓂᐅᑉ ᑐᓴᕆᐊᒥᒃ ᓄᓇᓕᓕᒫᓂ ᓯᕗᓂᕐᒥ ᓂᕆᐅᑦᓯᐊᓇᓕᕐᑐᖅ” ᓚᓚᐅᕐᑐᖅ ᒥᐊᔨ ᐁᓯᓴᓐ.

ᑌᕕᑦ ᕗᐊᕆᔅ ᐊᓯᐊᒎᕐᑎᓯᒍᒪᓚᖓᖕᖏᑐᖅ ᑲᒪᑦᓯᐊᕆᐊᖃᓚᖓᓂᖏᓐᓂᒃ ᑕᒪᖏᑦᑕ ᐃᓱᐊᕐᓯᕕᐅᑉ ᐊᒻᒪᓗ ᓴᓇᔩᑦ Les Constructions Pépin-Fortin ᑲᔪᓯᑎᑦᓯᓯᐊᒻᒪᕆᒐᓱᐊᕐᓗᑎᒃ ᐃᓄᐃᑦ ᐃᓗᓯᓕᕆᔭᐅᓂᖏᑦᑕ ᐊᖓᔪᕐᖄᑦ ᒪᓕᒐᓕᐊᕆᓯᒪᔭᖏᓐᓂᒃ ᓄᓇᓖᑦ ᐊᑦᑕᓀᑦᑐᒦᒍᑎᖏᓐᓂᒃ ᐊᒻᒪᓗ ᐱᓇᓱᑦᑏ.  ᐃᓱᐊᕐᓯᕕᒃ ᑐᓴᕐᑎᓯᑲᐱᓚᖓᓕᕐᑐᖅ ᓄᓇᓖᑦ ᓴᓂᓪᓕᖏᑦᑕ ᐃᓄᖏᓐᓂᒃ ᓴᓇᓂᐅᓚᖓᔪᒥᒃ  ᐊᒻᒪᓗ ᓯᕗᒧᐊᒍᑎᖏᑦᑕ ᓈᒻᒪᓯᑦᑕᕈᑎᑦᓴᖏᓐᓂᒃ.

ᖃᓂᒪᓐᓇᐅᑉ ᓯᐊᒻᒪᓯᒪᓂᖓᓄᑦ ᐃᓱᐊᕐᓯᕕᒃ ᐅᒃᑯᐊᓯᒪᑎᑦᓯᒋᐊᖃᓚᐅᔪᒻᒥᔪᖅ ᑭᒡᒐᑐᕐᑕᐅᓂᖏᓐᓂᒃ ᐃᓱᐊᕐᓯᕕᒻᒦᑐᑦ ᐊᕐᕌᒍᓕᒫᑲᓵᒥ. ᓯᕗᓪᓕᐅᓚᐅᔫᑦ ᐱᒋᐊᕐᕕᓕᐅᑕᐅᑦᓱᑎᒃ ᒪᓂᔨᓃᑦ ᐊᕐᓇᓄᑦ 2021 ᐱᒋᐊᕐᖃᒥᐅᑎᓗᒍ ᐊᒻᒪᓗ ᓄᑖᒍᓕᕐᒥᓗᓂ ᐱᒋᐊᕐᕕᒋᔭᑦᓴᕆᓕᕐᒥᔭᖓ ᐊᖑᑏᑦ ᐁᐸᔭᓕ 21-ᒍᓕᕐᐸᑦ. ᓄᓇᓕᓕᒫᓂ ᖃᓂᒪᓐᓇ ᐱᒋᐊᓕᕐᕿᖏᑉᐸᑦ, ᐃᓱᐊᕐᓯᕕᒃ ᓂᕆᐅᒋᔭᐅᕗᖅ ᑲᔪᓯᑎᑦᓯᓚᖓᒋᐊᖓ ᐸᕐᓀᒍᑎᓂᒃ ᒪᓂᔭᐅᒍᓐᓇᓯᓚᖓᑎᓗᒋᑦ ᓄᓇᕕᒻᒥᐅᑦ ᐃᓄᐃᑦ ᑲᑎᓂᖃᕈᓐᓇᓚᖓᒻᒪᑕ ᐱᒋᐊᓕᕐᕿᑕᕐᓗᑎᒃ ᐃᓕᒃᑰᑎᕐᑐᑦ 5 ᒪᒥᓴᕐᕕᓕᐊᕐᕕᐅᒍᓐᓇᓚᖓᑎᓪᓗᒋᑦ 2021-ᓕᒫᒥ. ᒪᒥᓴᕐᓂᐅᑉ ᐱᒋᐊᕐᕕᖏᑦᑕ ᐅᓪᓗᖁᑎᖏᑦ ᐅᕙᓂ ᖃᕆᑕᐅᔭᒃᑯᑦ ᑕᑯᔭᐅᒍᓐᓇᑐᑦ: https://isuarsivik.ca/healing-schedule/

ᖃᖓᑐᐃᓐᓇᖅ ᐃᓱᐊᕐᓯᕕᓕᐊᕈᒪᐅᑏᑦ ᑐᔫᑕᐅᒍᓐᓇᑐᑦ ᓇᓪᓕᑐᐃᓐᓇᖓ ᐊᑐᕐᓗᒍ ᐱᑕᑦᓯᑐᐃᕕᒃ ᐅᕙᓂ www.isuarsivik.ca/application-form. ᐃᓘᓐᓇᑎᒃ ᐃᑎᕈᒪᐅᑏᑦ ᐱᔭᐅᔪᑦ ᐃᓕᔭᐅᒍᓐᓇᑐᑦ ᐅᑕᕐᕿᔪᑦ ᓇᓗᓀᕐᑕᐅᓯᒪᐅᑎᖏᓐᓄᑦ ᐊᒻᒪᓗ ᐃᓱᒪᑦᓴᓯᐅᕈᑕᐅᓚᖓᓗᑎᒃ ᓯᕗᓂᕐᒥ ᐱᒋᐊᕐᕕᓕᕕᐅᓕᕐᒥᐸᑦ ᐱᒋᐊᕈᒫᕐᓂᐊᑎᓗᒋᑦ. ᐊᐱᕐᓲᑎᑦᓴᓖᑦ ᖃᓄᑐᐃᓐᓇᖅ ᐱᑕᑦᓯᑐᒐᕐᓄᑦ, ᖃᐅᔨᑎᑦᓯᒍᓐᓇᑐᑦ ᐃᑎᕈᓐᓇᑐᓕᕆᔩᑦ ᐱᓇᓱᕝᕕᖓᓂᒃ ᐊᑐᕐᓗᒍ ᖃᕆᑕᐅᔭᒃᑯᑦ ᓯᓚᑎᖓ ᐅᓇ: intake@isuarsivik.ca.

ᐱᓇᓱᐊᕐᓂᒪᕆᒃ ᐃᓪᓗᓕᐅᕐᓂᒥᒃ ᓄᑖᒥᒃ ᐃᓱᐊᕐᓯᕕᑦᓴᒥᒃ ᐸᕐᓇᓯᒪᔪᖅ ᐃᓪᓗᓕᐅᕆᐊᒥᒃ ᐱᖓᓱᓂᒃ ᓯᑕᒪᐅᓕᖓᔪᓂᒃ ᐃᓱᐊᕐᓯᕕᐅᑉ ᐱᓇᓱᑦᑎᖏᑦᑕ ᐃᓪᓗᓴᖏᓐᓂᒃ ᐱᔭᕇᕋᔭᕐᓱᑎᒃ 2020 ᐊᕐᕌᒍᖓᑕ ᐃᓱᐊᓂ. ᒪᕐᕉᒃ ᐃᓪᓗᔪᐊᑉ ᑐᖕᖓᕕᑦᓴᖏᒃ ᓴᓇᔭᐅᓚᐅᔪᑎᓪᓗᒋᒃ ᑕᒃᑲᓂ ᐅᐱᕐᖔᒥ ᐊᕐᕌᒎᓛᕐᑐᒧᑦ ᐃᓪᓗᓕᐅᕐᓂᒧᑦ, ᐱᖓᔪᐊᑦ ᓯᑕᒪᐅᓕᖓᔪᖅ ᐃᓪᓗᒃ ᓇᐸᓕᕇᕐᑐᖅ.

ᐃᓪᓗᓕᐅᕐᓂᖅ ᑖᑦᓱᒥᖓ ᓯᑕᒪᐅᓕᖓᔪᒥᒃ ᐱᒋᐊᓚᐅᔪᖅ ᐅᐱᕐᖔᖓᓂ 2018 ᑰᑦᔪᐊᒥ ᐱᒋᐊᕈᑎᖃᕐᓱᓂ ᑐᖕᖓᕕᖓᑕ ᐊᑐᐃᓐᓇᕈᕐᑎᑕᐅᓂᖓᓂᒃ. ᐅᒥᐊᕐᔪᐊᖅ ᓯᕗᓪᓕᐹᖅ ᑎᑭᑦᓴᑐᐊᕐᒪᑦ ᑕᒃᑲᓂ ᐊᕐᕌᒍᒥ, ᑲᐅᑕᖅ ᐃᓪᓗᓕᐅᕐᑎᑯᑦ ᐱᒋᐊᑦᓴᐅᑎᒋᓚᐅᔪᑦ ᐃᓪᓗᓕᐅᕐᓂᒥᒃ ᐱᓇᓱᑦᑏᑦ ᐃᓪᓗᓴᓪᓚᕆᑦᑕᖏᓐᓂᒃ. ᐅᓪᓗᖁᑎᖏᑦ ᐋᕐᕿᑕᐅᒋᐊᖕᖓᑐᕕᓃᑦ ᒪᓕᑦᑕᐅᓯᐊᕐᑐᕕᓃᑦ ᑌᒣᒻᒪᑦ ᓯᑕᒪᐅᓕᖓᔪᖅ ᐃᓪᓗᖅ ᐃᓗᐊᒍᑦ ᐱᔭᕇᕐᑕᐅᒐᓱᐊᓕᕐᑐᖅ. ᐃᓪᓗᔪᐊᖅ ᐊᑐᐃᓐᓇᐅᑎᑕᐅᒋᐊᓕᒃ ᐃᓱᐊᕐᓯᕕᒻᒧᑦ ᑏᓯᒻᐱᕆᐅᑉ ᐱᒋᐊᕐᓂᖓᓂ 2019-ᒥ, ᐃᓗᓪᓕᑐᐃᓐᓇᕆᐊᖃᓕᕐᓗᓂ ᐃᓪᓗᒥᐅᑕᒻᒪᕆᓐᓂᒃ ᑌᑲᓂᑦᓭᓇᖅ ᑕᕐᕿᒥ ᐊᒻᒪᓗ ᐊᑐᐃᓐᓇᐅᓕᕐᓗᓂ ᐱᓇᓱᑦᑎᓄᑦ ᕕᕈᐊᕆ 2020-ᒥ.

ᐃᓚᐅᓗᑎᒃ ᑖᒃᑯᓄᖓ ᓯᑕᒪᐅᓕᖓᔪᓄᑦ ᐃᓪᓗᓄᑦ ᓯᑕᒪᑦ ᐃᓪᓗᕈᓗᐃᑦ ᐃᓕᔭᐅᓛᕐᒥᔪᑦ ᓴᓂᕐᕓᒪᕕᑦᓴᐅᓗᑎᒃ ᐱᐅᒃᑯᑎᓂᒃ ᐱᖁᑎᓂᓪᓗ. ᒪᕐᕉᒃ ᐃᓪᓗᕈᓘᒃ ᓴᓇᔭᕕᓃᒃ ᓴᓇᔩᑦ ᐃᓕᓐᓂᐊᑎᑦᓯᓂᖏᓐᓂ ᕿᔪᓕᕆᓂᕐᒥᒃ ᐱᓇᓱᐊᖃᑎᖃᕐᓱᑎᒃ ᑲᐅᑕᒃᑯᓂᒃ ᐃᓪᓗᓕᐅᕐᑎᓂᒃ, ᑲᑎᕕᒃ ᐃᓕᓴᕐᓂᓕᕆᔨᒃᑯᓂᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ.

ᐅᒃᒍᐊᓚᕆᑦᓱᑕ ᐃᓱᐊᕐᓯᕕᒻᒥ ᖃᐅᔨᑎᑦᓯᕗᒍᑦ ᐊᕐᕌᒍᓕᒫᒥᒃ ᑭᖑᕙᕆᐊᕐᓂᖓᓂᒃ ᐃᓪᓗᓕᐅᕐᓂᐅᑉ ᓄᑖᒥᒃ ᑰᑦᔪᐊᒥ ᐱᓇᓱᕝᕕᒥᒃ. ᓴᓇᔭᐅᓂᖓ ᑖᑦᓱᒪ ᓄᑖᑉ ᐃᓱᐊᕐᓯᕕᐅᑉ, ᐱᖓᓱᕕᓪᓗᐊᑐᒥᒃ ᐊᒥᓲᓂᕐᓴᓂᒃ ᒪᒥᓴᕐᑐᓂᒃ ᐃᓄᖃᕈᓐᓇᓛᕐᑑᑉ, ᐅᓪᓗᓕᐅᕐᑕᐅᓯᒪᓚᐅᔪᖅ ᐱᒋᐊᕐᑐᓴᐅᑦᓱᓂ 2020 ᐅᐱᕐᖔᖓᓂ. ᐃᕐᐸᖁᓇᒍ ᖃᓂᒻᒪᓯᖅ COVID-19, ᑰᑦᔪᐊᑉ ᑲᕙᒫᐱᖓ ᒥᑭᓕᒋᐊᕆᒍᑎᑦᓴᓂᒃ ᐋᕐᖀᓯᒪᒻᒪᑦ ᖃᓂᒻᒪᓯᐅᑉ ᐃᕐᐸᑐᐃᓐᓇᕆᐊᖃᕐᓂᖓᓂᒃ, ᐃᓚᖃᕐᑎᓗᒍ ᓄᕐᖃᖓᑎᑦᓯᓂᕐᒥᒃ ᐱᓇᓱᑦᑎᖃᕐᓂᒥᒃ ᑕᓪᓕᒪᓂᒃ ᐊᒥᓲᓂᕐᓴᓂᒃ ᓄᓇᕕᐅᑉ ᓯᓚᑖᓂᑦ ᐱᓯᒪᔪᓂᒃ ᐃᓪᓗᓕᐅᕐᓂᓕᒫᓄᑦ. ᑕᒪᓐᓇ ᐱᑦᔪᑎᒋᑦᓱᒍ, ᐃᓪᓗᓕᐅᕐᑏᑦ, Les Constructions Pépin et Fortin Inc.-ᑯᑦ, ᐱᓇᓱᒍᑦpᓂᕐᒧᑦ ᐊᖏᖃᑎᒌᒍᑎᒥᒃ ᐁᑦᑐᑕᕕᓃᑦ ᐃᓪᓗᓕᐅᕐᓂᒧᑦ ᐃᓪᓗᔪᐊᕐᑕᓚᕆᖓᓂᒃ ᐁᕆᓕᒥ, ᐊᐅᓪᓚᑎᑦᓯᑐᐃᓐᓇᓚᖓᔪᑦ ᐃᓪᓗᓭᑦ ᐃᓚᖏᓐᓂᒃ ᐊᒻᒪᓗ ᐱᐅᒃᑯᑎᓂᒃ ᑭᖕᖒᒪᒋᔭᐅᔪᓂᒃ ᐃᓪᓗᓕᐅᕐᓂᒥ, ᐱᒋᐊᓪᓚᕆᓛᕐᑐᒥ ᐅᐱᕐᖓᓴᕐᐸᓕᐊᒥ 2021-ᒥ.

Download full press release (PDF format)

ᐃᓱᐊᕐᓯᕕᒃ ᓄᓇᕕᒻᒥ ᒪᒥᓴᕐᕕᒃ ᓇᑯᕐᓴᖁᖅ ᓄᐃᑦᓯᒋᐊᒥᒃ ᐱᑦᓯᐊᑐᕕᓂᒻᒪᕆᓐᓂᒃ ᖃᓄᐃᓕᖓᓂᖏᓐᓂᒃ ᐱᖓᔪᒋᓕᕐᑕᖓᑕ ᑐᖓᓕᕇᑦ ᐱᖕᖑᐹ ᐃᒥᐊᑦᑌᓕᒪᓂᐅᑉ. ᐅᖃᕈᓐᓇᓕᕐᑐᒍᑦ 165 ᐃᒥᐊᓗᑦᑌᓕᓂᕐᒧᑦ ᐃᓚᐅᔪᕕᓂᐅᒋᐊᖏᑦ ᓄᓇᕕᒻᒥᐅᑉ ᐊᒻᒪᓗ ᓯᓚᑖᓂᑦ, ᐃᓚᖃᕐᓱᑎᒃ ᐊᒥᓱᓂᒃ ᐃᓄᓐᓂᒃ ᐃᓚᐅᔪᕕᓂᕐᓂᒃ ᑕᑕᕐᓭᓯᒪᖕᖏᑲᓗᐊᕐᓱᑎᒃ. ᓇᑯᕐᒪᑕ ᐊᐅᓚᑦᔭᒋᐊᕐᓯᒪᓂᖏᑦ ᐃᓚᐅᔪᑦ ᐊᒻᒪᓗ ᑮᓇᐅᔭᑎᒍᑦ ᓴᐳᑦᔨᔨᖏᑦ, ᐊᒻᒪᓗ ᐃᑲᔪᕐᓯᒪᕆᓚᐅᕐᓂᖏᑦ ᑎᒥᐅᔪᑦ ᐃᓚᖏᑦᑕ, ᑮᓇᐅᔭᓕᐅᓚᐅᕐᑐᒍᑦ $35,000 ᐅᖓᑖᓄᑦ. ᑖᒃᑯᐊ ᑮᓇᐅᔦᑦ ᐱᐅᓯᒋᐊᕆᒍᑎᐅᓚᖓᔪᑦ ᐃᓱᐊᕐᓯᕕᐅᑉ ᐱᒍᑦᔨᓂᖏᓐᓂᒃ 14-ᓂᒃ ᓄᓇᓕᓐᓂᒃ ᓄᓇᕕᒻᒥ ᐊᒻᒪᓗ ᓂᐅᕕᕈᑎᐅᓗᑎᒃ ᐱᐅᒃᑯᑎᓂᒃ ᓴᐳᑦᔨᒍᑎᑦᓴᓂᒃ ᐃᓱᐊᕐᓯᕕᐅᑉ ᐃᓗᕐᖁᓯᒃᑯᑦ ᐱᔭᕆᒐᓱᑦᑕᖓᓂᒃ.

Download full press release (PDF format)

ᓈᒻᒪᓴᕐᓂᖃᑦᓯᐊᓱᓂ, ᐅᕿᓪᓕᓂᖃᕐᓱᓂ, ᐊᒻᒪᓗ ᓇᑯᕐᓴᓂᖃᕐᓱᓂ ᐃᓱᐊᕐᓯᕕᒃ ᓄᓇᒥᒃ ᐊᐅᓚᑦᔦᒋᐊᖕᖓᓚᐅᕐᖁᖅ ᓄᑖᒧᑦ ᐃᓪᓗᔪᐊᑦᓴᒧᑦ. ᐊᒥᓲᓂᕐᓭᑦ 100-ᓂᒃ ᙯᖁᔭᐅᒪᔪᑦ ᑌᑲᓃᓚᐅᕐᑐᑦ ᓇᓪᓕᐅᓂᕐᓯᐅᕆᐊᕐᑐᓱᑎᒃ ᑖᑦᓱᒥᖓ ᐱᒻᒪᕆᒻᒥᒃ ᓄᓇᕕᒻᒧᑦ ᐊᑑᑎᔪᒥᒃ. ᐃᓚᖃᓚᐅᕐᖁᒍᑦ ᐊᒥᓱᒐᓚᓐᓂᒃ ᓂᕈᐊᕐᑕᐅᒪᔪᓂᒃ ᑲᕙᒪᖏᓐᓂᑦ ᑲᓇᑕᐅᑉ ᐊᒻᒪᓗ ᑯᐯᒃ ᐱᓯᒪᔪᓂᒃ, ᐃᓚᖃᕐᓱᑎᒃ ᑐᕐᖃᑕᕐᕕᐅᑉ ᑲᕙᒪᐅᑉ ᐃᓗᐊᓂ ᐊᒻᒪᓗ ᓄᓇᖃᕐᖄᓯᒪᔪᓕᕆᓂᕐᒧᑦ ᐊᒻᒪᓗ ᑲᓇᑕᒥ ᑕᐅᕐᓰᑲᑦᑕᐅᑎᓂᕐᒧᑦ ᐃᑲᔪᕐᑎᖓᓂᒃ, Ms. Yvonne Jones, ᐊᒻᒪᓗ ᐅᖓᕙᐅᑉ ᑭᒡᒐᑐᕐᑎᖓ ᑯᐯᒃ ᑲᕙᒪᖓᓄᑦ, Mr. Denis Lamothe. ᑭᒡᒐᑐᕐᑏᑦ ᓇᐅᑐᐃᓐᓇᓂᒃ ᑎᒥᐅᔪᓂᒃ ᓄᓇᕕᒻᒥ ᙯᓯᒪᓚᐅᕐᒥᔪᑦ, ᐃᓚᖃᕐᓱᑎᒃ ᓗᐃᓴ ᑯᔩ ᐃᑦᑐᖅ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᖕᖓᔨᓂᑦ ᐱᓯᒪᔪᖅ, ᔨᐊᓂᕗ ᒪᓂᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᑦ ᐱᓯᒪᔪᖅ , ᐊᒻᒪᓗ ᐋᑕᒥ ᑎᓖᓪ-ᐊᓚᑯ ᒪᑭᕝᕕᑯᓐᓂᑦ ᐱᓯᒪᔪᖅ.

Download full press release (PDF format) here.