ᑲᔪᓯᔪᒥᒃ ᑲᒪᒋᔭᖃᕐᓂᒧᑦ ᐃᓱᐊᕐᓭᔨ
ᖃᓄᐃᑦᑑᓂᖓ
ᐊᑕᔪᖅ ᐱᓇᓱᒐᖅ/ᐅᓪᓗᓕᒫᕐᑐᖅ
ᐱᓇᓱᕝᕕᒃ
ᑲᔪᓯᔪᒥᒃ ᑲᒪᓂᕐᒧᑦ ᐱᒍᑦᔨᒍᑎ
ᐊᖓᔪᕐᖄᖓ
ᑲᔪᓯᔪᒥᒃ ᑲᒪᓂᕐᒧᑦ ᐱᒍᑦᔨᒍᑎᓄᑦ ᑲᒪᔨ
ᓇᓃᓐᓂᖓ
ᑰᑦᔪᐊᖅ, ᑯᐯᒃ
ᐱᓇᓱᒐᑦᓴᐅᑉ ᒪᑐᐃᕐᓂᖓᑕ ᐃᓱᓕᕐᓂᖓ
Until Filled
ᐃᓱᐊᕐᓯᕕᒃ ᒪᒥᓴᕐᕕᒃ ᐅᐃᕆᒪᓂᕐᒧᑦ ᒪᒥᓴᕐᕕᐅᕗᖅ ᓄᓇᓕᓐᓄᑦ ᖁᓕᓪᓗ ᓯᑕᒪᓪᓗᓄᑦ ᓄᓇᕕᒻᒥ ᑯᐯᒃ ᑕᕐᕋᖓᓂ. ᒪᒥᓴᕐᕕᒃ ᐊᑐᐃᓐᓇᐅᑎᑦᓯᔪᖅ ᐱᓇᓱᐊᕈᓯᓂᒃ ᓯᑕᒪᐅᔪᕐᑐᓂ ᑌᑲᓃᓪᓗᑎᒃ ᒪᒥᓴᕐᓂᒥᒃ ᐊᒻᒪᓗ ᐊᑦᔨᒌᖕᖏᑐᓂᒃ ᑲᔪᓯᔪᓂᒃ ᑲᒪᒋᔭᖃᕐᓂᒧᑦ ᐱᒍᑦᔨᒍᑎᓂᒃ ᐃᒣᑦᑐᓂᒃ ᐃᒻᒥᒎᕐᑐᓄᑦ, ᐁᑉᐸᕇᓄᑦ ᐊᒻᒪᓗ ᐃᓚᒌᓄᑦ ᑲᑎᒪᑎᑦᓯᓂᕐᒧᑦ, ᓄᓇᓕᓐᓂ ᓴᐳᒻᒥᓂᕐᒧᑦ ᐱᓇᓱᐊᕈᑎᓂᒃ ᐊᒻᒪᓗ ᒪᒥᓴᕐᓂᒥᒃ ᑲᑎᒪᑎᑦᓯᓂᕐᒧᑦ ᓄᓇᒦᓪᓗᑎᒃ.
ᑖᑦᓱᒪ ᑐᑭᖓᑎᒍᑦ, ᑲᔪᓯᔪᒥᒃ ᑲᒪᒋᔭᖃᕐᓂᒧᑦ ᐃᓱᐊᕐᓭᔨ ᐱᒻᒪᕆᒻᒥᒃ ᐱᓇᓱᒐᖃᕐᖁᖅ:
- ᐃᑉᐱᒋᔭᖃᕐᓗᓂ ᐱᑕᖃᕐᑎᓯᓂᒥᒃ ᐱᒍᓐᓇᐅᑎᓕᒻᒥᒃ ᓄᓇᓕᓐᓂ ᐅᐃᕆᒪᐅᑎᓄᑦ ᐱᒍᑦᔨᓂᕐᒥᒃ ᓴᐳᒻᒥᓗᓂ ᒪᒥᓴᕐᑎᓗᒋᑦ ᓄᓇᕕᒻᒥᐅᑦ ᓄᓇᓕᒻᒥᓂ.
- ᐱᑕᖃᕐᑎᓯᓗᓂ ᓴᐳᒻᒥᓂᕐᒥᒃ ᐱᒍᑦᔨᒍᑎᓂᒃ ᒪᒥᓴᕐᕕᒦᑦᑐᓄᑦ ᐃᑉᐱᒋᓗᒋᑦ ᑎᒥᖓᑕ ᐊᒻᒪᓗ ᐃᓱᒪᖓᑕ ᖃᓄᐃᖕᖏᓯᐊᕐᓂᖏᓐᓂᒃ ᒪᒥᓴᕐᑐᕕᓂᐅᓗᑎᒃ ᐊᒻᒪᓗ ᐃᑉᐱᒋᓗᒋᑦ ᐃᑲᔪᕐᑕᐅᒍᑎᖃᑦᓯᐊᒪᖔᑕ ᐱᒍᑦᔨᒍᑎᓂᒃ ᐊᑐᐃᓐᓇᖃᕐᒪᖔᑕ ᒪᒥᓴᕐᑐᕕᓃᑦ ᐅᑎᕐᐸᑕ ᓄᓇᓕᒻᒥᓄᑦ (ᐱᔭᕇᕐᐸᑕ ᑲᒪᒋᔭᖃᕐᓂᒥᒃ, ᐱᒍᓐᓇᑐᓄᑦ ᐱᒍᑦᔨᒍᑏᑦ ᐊᓯᖏᓪᓗ).
- ᖃᐅᑕᒫᑦ ᐱᒍᒪᔭᐅᓕᕐᑎᓯᓗᑎᒃ ᐊᒻᒪᓗ ᐱᐅᓯᑦᓯᐊᓂᒃ ᐃᓅᓯᖃᕐᓗᓂ ᐱᓇᓱᖃᑎᒥᓄᑦ, ᒪᒥᓴᕐᕕᒦᑦᑐᕕᓂᕐᓄᑦ ᐊᒻᒪᓗ ᐃᓘᓐᓇᖏᓐᓄᑦ ᐱᓇᓱᐊᖃᑕᐅᔪᓄᑦ.
- ᓄᐃᑦᓯᓗᓂ ᖃᓄᐃᖕᖏᓯᐊᕐᓂᒧᑦ ᐊᒻᒪᓗ ᐊᑦᑕᓇᖕᖏᑐᓂᒃ ᐱᓇᓱᐊᕐᓂᓂᒃ ᐱᐅᓂᕐᓴᒥᒃ ᐱᐅᓯᖃᕐᑎᓯᓂᕐᒧᑦ ᐊᒻᒪᓗ ᐱᒍᓐᓇᓯᑎᑦᓯᓗᓂ ᐱᓇᓱᕝᕕᒥ ᐃᓘᓐᓇᖏᓐᓄᑦ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᒥᒃ – ᑲᔪᓯᔪᒥᒃ ᑲᒪᒋᔭᖃᕐᓂᒧᑦ ᐱᒍᑦᔨᒍᑏᑦ, ᑲᔪᓯᔪᒥᒃ ᑲᒪᒋᔭᖃᕐᓂᒧᑦ ᐃᓱᐊᕐᓭᔨ ᑲᒪᒋᔭᖃᕆᐊᓕᒃ ᐱᑕᖃᕐᑎᓯᓂᕐᒥᒃ ᓄᓇᓕᓐᓂ ᐱᒍᓐᓇᐅᑎᖃᕐᓗᓂ ᐅᐃᕆᒪᓇᕐᒧᑦ ᐱᒍᑦᔨᒍᑎᓂᒃ ᓄᓇᕕᒻᒥᐅᓄᑦ ᐃᓚᐅᓗᓂ ᒪᒥᕐᓴᓂᒦᑦᑎᓗᒋᑦ. ᑲᔪᓯᔪᒥᒃ ᑲᒪᒋᔭᖃᕐᓂᒧᑦ ᐃᓱᐊᕐᓭᔨ ᐱᓇᓱᐊᖃᑎᖃᓲᖅ ᒪᒥᓴᕐᕕᒦᑦᑐᓂᒃ ᓄᐃᑦᓯᓗᓂ ᐃᒻᒥᒎᓈᕐᑎᑐᓄᑦ ᐃᓱᐊᕐᓂᓴᒨᕆᒋᐊᕐᓂᒧᑦ ᐸᕐᓇᓯᒪᐅᑎᓂᒃ ᑲᒪᒋᔭᖃᕐᓗᓂ ᐅᐃᕆᒪᓂᕐᒧᑦ ᐱᓀᓗᑕᕆᔭᐅᔪᓂᒃ ᐊᒻᒪᓗ ᐊᓯᖏᓐᓂᒃ ᐱᓀᓗᑕᓂᒃ ᑖᒃᑯᓄᖕᖓᓕᖓᔪᓂᒃ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
- ᖃᐅᔨᓴᕐᓗᓂ, ᓴᐳᒻᒥᓗᓂ ᐊᒻᒪᓗ ᐃᓱᐊᕐᓭᓗᓂ ᒪᒥᓴᕐᕕᒦᑦᑐᓂᒃ ᐃᑎᕐᑎᑕᐅᔪᓂᒃ ᓄᓇᕕᒻᒥ ᖃᓄᐃᖕᖏᓯᐊᕐᓂᒧᑦ ᐃᕐᖃᑐᐃᕕᖓᓄᑦ (ᐃᕐᖃᑐᐃᕕᒻᒧ ᒪᒥᓴᕐᓂᒧᑦ ᐱᓇᓱᐊᕐᑕᐅᔪᖅ) ᓯᕗᓪᓕᐹᒥ ᖃᐅᔨᓴᕐᓂᐅᔪᖅ ᐱᓇᓱᐊᖃᑎᖃᕐᓱᑎᒃ ᓴᕿᔪᖅ ᓄᓇᓕᓐᓂ ᐱᓇᓱᖃᑎᒌᓂᒃ.
- ᐱᑕᖃᕐᑎᓯᓗᓂ ᑭᖑᓂᐊᓂ-ᑲᒪᒋᔭᖃᕐᓂᒥᒃ ᐊᒻᒪᓗ ᖃᐅᔨᒋᐊᕐᕕᖃᕐᓂᒥᒃ ᐱᐅᓂᕐᓴᒨᕆᐊᕐᑎᓯᓂᕐᒧᑦ ᒪᒥᓴᕐᓂᒦᑦᑐᒥᒃ ᒪᒥᓴᕐᕕᒦᑦᑐᕕᓂᕐᒥᒃ ᐊᑐᕐᓗᓂ ᓈᒻᒪᓈᕐᑐᓂᒃ ᐊᑐᕐᑕᐅᓲᓂᒃ ᐊᒻᒪᓗ ᐱᓇᓱᐊᕈᑎᓂᒃ.
- ᐃᓱᐊᕐᓭᓂᖅ ᐃᒻᒥᒎᓈᕐᑎᑐᓂᒃ ᐊᒻᒪᓗ ᐃᓚᒌᓂᒃ ᓱᕐᕋᑕᐅᓯᒪᔪᓂᒃ ᐃᓚᖓᑦᑕ ᐋᖓᔮᓐᓇᑐᓂᒃ ᐊᑐᕐᓂᓗᓐᓂᖓᓄᑦ ᐱᓀᓗᑕᓄᑦ.
- ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᐃᑲᔪᕐᓯᒍᑎᓄᑦ (ᐅᕕᒐᕐᑐᓄᑦ ᐊᒻᒪᓗ ᐃᓚᒌᓄᑦ ᐱᓇᓱᑦᑎᓄᑦ, ᓄᓇᓕᓐᓂ ᖃᓄᐃᖕᖏᓯᐊᕐᓂᓕᕆᓂᕐᒧᑦ ᐱᓇᓱᑦᑎᓄᑦ, ᐃᓱᒪᒧᑦ-ᖃᓄᐃᖕᖏᓯᐊᕐᓂᒧᑦ ᐊᒻᒪᓗ ᐃᒻᒥᓂᐊᕐᑌᓕᑎᑦᓯᓂᕐᒧᑦ ᐱᓇᓱᑦᑎᓄᑦ, ᒪᒥᓴᕐᕕᓄᑦ, ᐋᓐᓂᐊᕕᓐᓄᑦ ᐃᓱᐊᕐᓂᓴᒨᕆᐊᕆᓂᕐᒧᑦ ᐱᓇᓱᑦᑏᑦ ᐅᐃᕆᒪᓂᕐᓄᑦ) ᐃᑲᔪᕐᓗᒋᑦ ᒪᒥᓴᕐᓂᒦᑦᑐᑦ ᐱᒍᑦᔨᒍᑎᓄᑦ ᐱᒐᓱᐊᕐᓂᖏᓐᓄᑦ.
- ᐱᓇᓱᐊᖃᑎᖃᕐᓗᓂ ᓄᓇᓕᓕᒫᓂᒃ ᐊᒻᒪᓗ ᓄᓇᓕᓐᓂ ᐃᓄᓕᒫᓂᒃ ᖃᐅᔨᒪᑎᑦᓯᓗᓂ ᐊᒻᒪᓗ ᐅᐃᕆᒪᑎᑦᓯᑌᓕᓂᕐᒧᑦ ᐱᒋᐊᕐᑎᑕᐅᔪᓂᒃ.
- ᐊᐅᓚᑦᓯᓗᓂ ᓄᐃᑎᑕᐅᔪᓂ ᐊᒻᒪᓗ ᐊᑕᑎᑕᐅᓂᖏᑦ ᐃᒻᒥᓂᒃ-ᐃᑲᔪᕐᓂᒧᑦ/ᒪᒥᓴᕐᓂᒧᑦ ᐱᓇᓱᐊᖃᑎᒌᑦ ᓄᓇᓕᓐᓂ ᐱᕙᓪᓕᐊᑎᑦᓯᓂᕐᒧᑦ ᐊᑐᕐᑕᐅᔪᑦ.
- ᐱᓇᓱᒐᖅ ᐃᓱᐊᕐᓯᕕᒻᒦᑐᖅ; ᐊᐅᓪᓚᖃᑦᑕᕈᓐᓇᕆᐊᓕᒃ ᓄᓇᓕᓐᓄᑦ ᕆᐊᖃᑐᐊᕈᓂ.
- ᐊᓯᖏᑦ ᐱᓇᓱᐊᕐᑕᐅᒋᐊᓖᑦ ᐱᓇᓱᐊᕐᑕᐅᖁᔭᐅᔪᑦ ᐊᐅᓚᑦᓯᔨᓄᑦ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐃᓕᓐᓂᐊᓯᒪᓂᕐᒧᑦ ᐱᔭᕇᕈᑎ ᐃᓅᖃᑎᒌᓄᑦ ᐃᓱᐊᕐᓂᓴᒨᕆᓂᕐᒧᑦ. (ᐱᑕᖃᕆᐊᓕᒃ ᐊᑕᐅᓯᕐᒧᑦ ᐃᓐᓄᒋᐊᓕᒻᒧᑦ).
- ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓯᒪᒋᐊᓕᒃ ᐃᓕᓐᓂᐊᓯᒪᓗᓂ ᐃᓅᖃᑎᒌᓐᓂᒧᑦ ᐃᓱᐊᕐᓂᓴᒨᕆᒋᐊᕐᓂᒧᑦ.
ᐱᓇᓱᐊᕐᓯᒪᓂᖓ
- ᐊᕐᕌᒎᓐᓂᒃ ᒪᕐᕉᓂᒃ ᐱᓇᓱᒐᕐᒥ ᐃᓅᖃᑎᒌᓄᑦ ᐃᓱᐊᕐᓂᓴᒨᕆᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᐃᓱᐊᕐᓭᔨᐅᓂᕐᒧᑦ.
- ᐱᓇᓱᐊᕐᓯᒪᓗᓂ ᐃᓄᖃᑎᒌᓄᑦ ᐃᓱᐊᓂᕐᓴᒨᕆᒋᐊᕐᓂᒥ, ᐅᐃᕆᒪᓇᕐᑐᓂᒃ, ᐅᕝᕙᓘᓐᓃᑦ ᖃᓄᐃᖕᖏᓯᐊᕐᓂᒧᑦ.
ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ
- ᐅᖄᑦᓯᐊᕈᓐᓇᓗᓂ ᐊᒻᒪᓗ ᐊᓪᓚᕈᓐᓇᓗᓂ ᐅᖄᖃᑎᖃᕈᓐᓇᓗᓂ.
- ᐱᐅᔪᒻᒪᕆᒻᒥᒃ ᐃᓅᖃᑎᖃᕈᓐᓇᓂᕐᒧᑦ ᐱᒍᓐᓇᓯᐊᕐᓗᓂ ᐊᒻᒪᓗ ᐱᒍᓐᓇᓯᐊᕆᐊᓕᒃ ᐊᑦᑕᕈᓱᓐᓂᒥᒃ ᐊᑐᕐᓗᓂ ᐊᒻᒪᓗ ᐃᓄᑦᓯᐊᖑᓗᓂ ᐱᓇᓱᒍᓐᓇᓗᓂᓗ ᐊᑦᓱᕈᕐᓇᑐᒃᑯᑦ.
- ᓇᒻᒥᓂᖅ ᐱᓇᓱᑦᑎᓚᕆᐅᓂᕐᒧᓗ ᐊᑑᑎᓯᒪᔭᖏᑦ ᐃᓗᕐᖁᓯᖃᑎᒌᖕᖏᑐᓂ.
- ᐱᒍᓐᓇᓗᓂ ᐊᓪᓚᓂᕐᒥᒃ ᑐᓴᕐᑎᓯᒍᑎᓂᒃ, ᐊᓪᓚᓯᒪᔪᓂᒃ ᐊᒻᒪᓗ ᐱᓇᓱᑦᑕᐅᒋᐊᓕᓐᓄᑦ ᐸᕐᓇᓯᒪᐅᑎᓂᒃ ᖃᕆᑕᐅᔭᕐᒧᑦ.
- ᐱᒍᓐᓇᓂᖃᑦᓯᐊᕆᐊᓕᒃ ᐱᓇᓱᐊᕐᓗᓂ ᐃᓄᑑᓗᓂ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᖃᑎᒌᓪᓗ.
- ᐱᓇᓱᒍᓐᓇᕆᐊᓕᒃ ᓯᓚᑕᓂ ᐱᓇᓱᕝᕕᐅᓲᑦ ᑫᕙᓪᓚᒍᓯᖏᓐᓂ ᐊᓪᓚᕕᒻᒥ.
- ᖃᐅᔨᒪᒋᐊᓕᒃ ᖃᕆᑕᐅᔭᕈᑎᓂᒃ Microsoft Office ᐱᓇᓱᐊᕈᑏᑦ ᖃᕆᑕᐅᔭᕐᑎᒍᑦ ᐅᑯᐊ Word, Excel ᐊᒻᒪᓗ Outlook.
- ᐱᓇᓱᒐᕐᑖᕋᓱᐊᕐᑐᑦ ᑐᓂᓯᒍᓐᓇᕆᐊᓕᒃ ᐱᖁᔭᓂᒃ ᓯᖁᒥᑦᓯᓯᒪᒻᒪᖔᑦ ᖃᐅᔨᓴᕈᑎᓂᒃ.
ᐅᖃᐅᓯᖅ
- ᐊᓪᓚᓂᐊᕈᓐᓇᕆᐊᓕᒃ, ᐊᓪᓚᕈᓐᓇᓗᓂ ᐊᒻᒪᓗ ᐅᖄᒍᓐᓇᓗᓂ ᐃᓄᑦᑎᑐᑦ ᐱᐅᔪᒻᒪᕆᐅᒐᔭᕐᑐᖅ: ᖃᓪᓗᓈᑎᑑᕈᓐᓇᕆᐊᓕᒃ.
- ᐊᓪᓚᓂᐊᕈᓐᓇᕈᓂ, ᐊᓪᓚᕈᓐᓇᓗᓂᓗ ᐊᒻᒪᓗ ᐅᖄᒍᓐᓇᓗᓂ ᐅᐃᒍᐃᑎᑐᑦ ᐱᐅᒋᔭᐅᒐᔭᕐᑐᖅ.
ᐱᓇᓱᕝᕕᐅᑉ ᐊᕙᑎᖓ
- ᐱᓇᓱᒐᕐᑖᑐᖅ ᐃᒣᓗᕈᓐᓇᕆᐊᓕᒃ ᐱᒍᓐᓇᓗᓂ ᐊᒥᓱᓂᒃ ᐱᔭᐅᒍᒪᔪᓂᒃ ᐊᒻᒪᓗ ᐅᐃᒪᓇᕐᑐᓂᒃ ᐊᐱᕆᐅᑎᐅᔪᓂᒃ ᒪᒥᓴᕐᓂᒦᑦᑐᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᖃᑕᐅᔪᓄᑦ. The
- ᐊᑐᐃᓐᓇᐅᒋᐊᓕᒃ ᐱᓇᓱᐊᕈᓐᓇᓗᓂ ᓇᒻᒥᓂᖅ ᐊᒻᒪᓗ ᐱᓇᓱᒐᕐᒧᑦ ᐱᓀᓗᑕᓂᒃ ᑕᕐᕋᒥᐅᖑᓂᕐᒧᑦ ᐊᑐᕐᑕᐅᓲᓄᑦ, ᖃᓂᖕᖏᑐᒥ ᓄᓇᓕᒻᒥᐅᖑᓂᕐᒧᑦ ᐃᑲᔫᑎᑦᓴᖃᑦᓯᐊᖏᑦᑐᒥ.
- ᐱᓇᓱᐊᕐᖁᒍᑦ ᐱᕙᓪᓕᐊᑎᑦᓯᓂᕐᒥᒃ ᓄᓇᓕᓐᓂ ᐱᒍᓐᓇᑐᓂᒃ ᐊᒻᒪᓗ ᐋᕐᕿᓱᐃᓂᕐᒥᒃ ᐱᒍᓐᓇᓯᑦᓯᐊᕈᓐᓇᑐᓂᒃ ᐃᓄᓐᓂᒃ.
- ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᓂᖏᑦ ᓯᕗᓪᓕᐅᔭᐅᒐᔭᕐᑐᑦ ᐃᓱᐊᕐᓯᕕᒻᒥ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ