ᐃᓱᒪᐃᓐᓇᕿᕕᐅᖕᖏᑐᒥᒃ ᓴᐳᑦᔨᔨᒃ ᐃᓄᓕᕆᔨᒃ
ᖃᓄᐃᑦᑑᓂᖓ
ᐊᑕᔪᖅ ᐱᓇᓱᒐᖅ/ᐅᓪᓗᓕᒫᕐᑐᖅ
ᐱᓇᓱᕝᕕᒃ
ᑲᔪᓯᔪᒥᑦ ᑲᒪᒋᔭᐅᒋᐊᓕᓐᓂᑦ
ᐊᖓᔪᕐᖄᖓ
ᑲᔪᓯᔪᒥᑦ ᑲᒪᒋᔭᐅᒋᐊᓕᓐᓂᑦ ᐊᖓᔪᕐᖄᖓ
ᓇᓃᓐᓂᖓ
ᒪᓐᑐᔨᐊᓪ ᑯᐸᐃᒃ
ᐱᓇᓱᒐᑦᓴᐅᑉ ᒪᑐᐃᕐᓂᖓᑕ ᐃᓱᓕᓐᓂᖓ
ᒫᑦᔨ 15, 2024
ᐱᖏᐊᕐᓂᖓᑕ ᐅᓪᓗᖓ
ᐅᖄᒍᑎᐅᒋᐊᓕᒃ
ᐃᓱᐊᕐᓯᕕᒃ ᓄᓇᓕᓕᒫᑎᒍᑦ ᒪᒥᓴᕐᕕᒃ ᐱᔭᑦᓴᖃᕐᐳᒃ ᐅᐃᕆᒪᓇᕐᑐᓂᒃ ᒪᒥᓴᕐᕕᐅᓂᕐᒥᒃ ᓄᓇᓕᒻᒥᐅᓄᑦ ᑕᓪᓕᒪᐅᔪᕐᑐᓗ ᓯᑕᒪᓪᓘᓄᑦ ᓄᓇᕕᒻᒥᒃ ᑯᐸᐃ ᑕᕐᕋᖓᓂᒃ. ᒪᒥᓴᕐᕕᒃ ᒪᓂᔨᓲᒍᕗᒃ ᓯᑕᒪᐅᔪᕐᑐᓂᒃ ᐱᓇᓱᐊᕈᓯᓐᓂᒃ ᐃᓪᓗᖁᑎᖓᓃᑦᓱᑎᒃ ᐊᑑᑎᒋᐊᓕᒻᒥᓂᒃ ᐊᑑᑎᑎᑕᐅᑦᓱᑎᒃ ᐃᓚᖃᕐᑎᓗᒍ ᐊᑦᔨᒌᖕᖏᑐᓂᒃ ᐱᒍᑦᔨᒍᑎᓂᒃ ᐃᓄᑑᓇᕐᑎᑐᓄᑦ, ᐊᐃᑉᐸᕇᓐᓄᑦ, ᐃᓚᒌᓐᓄᓗ ᑲᑎᒪᓂᐊᕈᓯᕐᓂᑦ, ᓄᓇᕐᖃᑎᒌᑎᒍᓪᓗ ᐃᑲᔪᕐᑕᐅᓂᕐᑎᒍᑦ ᓱᖃᑦᓯᐅᑎᓂᒃ ᒪᒥᓴᕐᓂᑎᒍᑦ ᓄᓇᓕᐅᑉ ᓯᓚᑖᓃᑦᑎᑕᐅᖃᑦᑕᓱᑎᒃ.
ᑕᕝᕙᓂ ᐊᓪᓚᑕᐅᓯᒪᔪᓂᒃ , ᐃᓱᒪᐃᓐᓇᕿᕕᐅᖕᖏᑐᒥ ᓴᐳᑦᔨᔨᒃ ᐃᓄᓕᕆᔨᐅᑦᓱᓂ ᐱᔭᑦᓴᖃᕐᐳᒃ ᐱᒻᒪᕆᓐᓂᒃ ᐅᑯᓇᓂ:
- ᐊᒥᓲᓇᕐᑎᖏᑦᑐᓂᒃ ᐊᒻᒪᓗ ᐃᓄᑑᓈᕐᑎᑐᓂᒃ ᐃᓄᓕᕆᓂᕐᒥᒃ ᐃᓚᖃᕐᑎᓗᒍ ᐊᓪᓚᖃᑦᑕᓗᓂ ᐊᒻᒪᓗ ᐊᑐᐃᓐᓇᐅᑎᑦᓯᓗᓂ ᓱᖃᑦᓯᐅᑎᑦᓴᓂᒃ ᐊᖏᖃᑎᒌᓐᓂᒧᑦ ᐃᓚᐅᔪᓂᒃ ᐊᕐᖁᓯᐅᕆᔪᓂᒃ ᐱᖁᔭᓕᕆᓂᑦᑎᒍᑦ.
- ᒥᑦᓴᐅᓵᕐᓂᒃ ᖃᓄᐃᖕᖏᓯᐊᕐᓂᒥᒃ ᐊᒻᒪᓗ ᐊᑦᑕᓇᕐᑐᒦᑦᑎᓯᑦᑕᐃᓕᓂᕐᒥᒃ ᐱᒋᐅᑦᓴᓗᑎᒃ ᐊᑑᑎᓂᕐᒥᒃ ᓈᒻᒪᓈᕐᑐᓂᒃ ᐊᒻᒪᓗ ᐱᒍᓐᓇᑎᑦᓯᓂᕐᒥᒃ ᐱᓇᓱᐊᕐᕕᒋᔭᐅᔪᓂᒃ ᐃᓘᓐᓇᖏᓐᓄᑦ.
ᐱᑦᔪᑎᖓ ᐱᓇᓱᒐᐅᑉ
- ᐊᑕᐅᑦᓯᑰᕐᑎᓯᔨᑦᑎᒍᑦ – ᐃᓱᒪᐃᓐᓇᕿᕕᐅᖕᖏᑐᒥᒃ ᓴᐳᒻᒥᓂᑦᑎᒍᑦ ᐃᓱᒪᐃᓐᓇᕿᕕᐅᖕᖏᑐᒥᒃ ᓴᐳᑦᔨᔨᒃ ᐃᓄᓕᕆᔨᐅᑦᓱᓂ ᐱᔭᑦᓴᖃᕐᐳᒃ ᒪᓂᔨᓯᒪᓂᕐᒥᒃ ᑐᑭᖃᑦᓯᐊᑐᓂᒃ, ᐋᕐᖀᒋᐊᒍᓐᓇᕕᖃᕐᓗᓂ ᐊᒻᒪᓗ ᐊᑑᑎᔭᐅᒍᓐᓇᓯᑎᑕᐅᓯᒪᔪᓂᒃ ᐅᐃᕆᒥᓇᕐᑐᓕᕆᓂᕐᒥᒃ ᐱᒍᑦᔨᕕᓐᓂᒃ ᐊᖏᖃᑎᒌᓐᓂᑎᒍᑦ ᐃᓚᐅᔫᔪᓂᒃ ᐃᓱᒪᐃᓐᓇᕿᕕᐅᖕᖏᑐᒦᑦᑐᓂᒃ, ᐊᓂᕐᕋᓯᒪᐃᓐᓇᑎᑕᐅᔪᓐᓂᓗ ᐊᒻᒪᓘᓐᓃᑦ ᐊᕐᖁᓯᐅᕆᔪᓂᒃ ᐱᖁᔭᓕᕆᓂᑦᑎᒍᑦ.
ᐊᑐᕐᑐᐃᑦ ᐱᓇᓱᒐᖏᑦ ᑲᒪᒋᒋᐊᓕᖏᓪᓗ
ᑲᒪᒋᔭᐅᒐᑕᖕᖐᓈᕐᓗᑎᒃ ᓴᐳᑦᔨᔭᐅᓂᖅ
- ᒪᓂᔨᓗᓂ ᑲᒪᒋᔭᐅᒐᑕᖕᖐᓈᕐᓗᑎᒃ ᐱᒍᑦᔨᕕᓐᓂᒃ ᐊᐃᓯᒪᔪᓄᑦ ᐃᓱᒪᐃᓐᓇᕿᑎᑕᐅᖕᖏᑐᓄᑦ, ᐊᓂᕐᕋᓯᒪᐃᓐᓇᑎᑕᐅᔪᓐᓄᓗ ᐊᒻᒪᓘᓐᓃᑦ ᐊᕐᖁᓯᐅᕆᔪᓂᒃ ᐱᖁᔭᓕᕆᓂᑦᑎᒍᑦ.
- ᐱᓇᓱᐊᖃᑎᒍᓐᓇᓗᓂ ᐃᓱᒪᐃᓐᓇᕿᑎᑕᐅᖕᖏᑐᓂᑦ ᓇᔪᕐᑐᓂᒃ ᓵᖕᖓᓗᒋᑦ ᐊᒻᒪᓘᓐᓃᑦ ᑕᑯᓐᓇᒍᑎᑎᒍᑦ ᑲᑎᒪᓂᐊᕈᓯᖃᕐᑐᓂᒃ ᐃᓄᑑᓈᕐᑎᑐᓂᑦ ᐃᓅᓯᓕᕆᔭᐅᔪᓂᑦ.
- ᐊᑐᐃᓐᓇᐅᑎᑦᓯᓗᓂ ᐊᒥᓲᓈᕐᑎᖏᑦᑐᓂᒃ ᐃᑲᔪᕐᑕᐅᓂᖃᓪᓗᑎᒃ ᐱᓇᓱᐊᖃᑎᒋᔭᐅᔪᓂᒃ ᐱᓇᓱᐊᕐᕕᓂᒃ.
ᐊᓪᓚᕕᒻᒪᕆᒃ
- ᐃᑲᔪᕐᓯᒪᓗᓂ ᐃᓚᒋᔭᐅᔪᓂᒃ ᐊᓪᓚᑎᓪᓗᒋᑦ ᐊᓪᓚᓯᒪᔪᓂᒃ ᐊᒻᒪᓗ ᐃᓚᐅᒍᒪᐅᑎᓂᒃ ᐃᓱᐊᕐᓯᕕᐅᑉ ᐱᒍᑦᔨᕕᖏᓐᓂᒃ.
- ᐊᓪᓚᓗᑎᒃ ᐃᕐᖃᐃᑎᑦᓯᒍᑎᓂᒃ ᐃᑲᔪᕐᑕᒥᑕ ᐊᒻᒪᓗ ᑐᑭᓯᒪᑎᑦᓯᓗᓂ ᐃᑲᔪᕐᑕᒥᑕ ᓇᓗᓇᐃᒃᑯᑕᖏᑦ ᓴᓂᕝᕙᓯᒪᑦᓯᐊᒪᑕ ᖃᐅᔨᒪᔭᐅᒐᑎᒃ ᑎᒍᔭᐅᑲᓪᓚᑐᐃᓐᓇᔭᒐᑎᒃ.
ᑐᓴᐅᒪᖃᑎᒌᓐᓂᒃ
- ᑲᔪᓯᑦᓯᐊᓗᓂ ᐱᓇᓱᐊᖃᑎᖃᑦᓯᐊᓂᕐᒥᒃ ᓄᓇᓕᐅᑉ ᑎᒥᐅᔪᖁᑎᖏᓐᓂᒃ, ᒪᑭᕝᕕᑯᑦ ᐃᕐᖃᑐᐃᕕᓕᕆᔨᖏᓐᓂᒃ, ᐱᖁᔭᓕᕆᔩᑦ ᐊᒻᒪᓗ ᒪᓕᒐᖃᕐᑎᑕᐅᔪᓂᒃ ᐱᓇᓱᐊᕐᑏᑦ.
- ᐱᓇᓱᐊᖃᑎᖃᑦᓯᐊᓗᓂ ᐱᖁᔭᓕᕆᔨᓂᒃ, ᐊᒻᒪᓗ ᒪᓕᒐᖃᕐᑎᑕᐅᓂᒃᑯᑦ ᐊᒻᒪᓘᓐᓃᑦ ᒪᓕᑦᑕᐅᓯᐊᕐᒪᖔᑕ ᐱᓇᓱᐊᕐᑎᒃ ᖃᐅᔨᒪᑎᓪᓗᒋᑦ ᐃᑲᔪᕐᑕᐅᖏᓐᓇᒍᓐᓇᓂᖏᓐᓂᒃ.
- ᐊᐃᓯᒪᓗᓂ ᐃᕐᖃᑐᐃᕕᐅᑉ ᐃᓗᐊᓂ ᐃᑲᔪᕐᑕᐅᔪᒧᑦ ᐊᐃᓯᒪᖁᔭᐅᒍᑎᒥᓂᒃ.
- ᐱᓇᓱᐊᕐᒥᓗᓂᓗ ᐱᔭᑦᓴᖏᓐᓅᓕᖓᔪᓂᒃ ᑎᓕᔭᐅᒍᑎᒋᓯᒪᔭᕐᒥᓂᒃ.
ᐱᒍᓐᓇᐅᑎᒋᒋᐊᓕᖏᑦ
ᐃᓕᓐᓂᐊᓯᒪᓂᖓ
- ᐃᓕᓴᕐᕕᔪᐊᒥᒃ ᐱᔭᕇᕐᓯᒪᓂᕋᐃᒍᑎᒃ ᑐᖕᖓᕕᖃᕐᓗᓂ ᐃᓅᖃᑎᒥᓂ ᐃᑲᔪᕐᓯᒍᓐᓇᓂᕐᒥᒃ. ᑲᕙᒪᒃᑯᓄᑦ ᐃᓕᑕᕆᔭᐅᔪᒥᒃ ᐱᔭᕇᕐᓯᒪᓂᕋᐅᑎᒥᒃ ᐊᒻᒪᓗ ᐱᓇᓱᐊᕐᓯᒪᓂᖃᑦᓯᐊᓗᓂ ᐃᓂᓪᓚᖓᔪᓂᒃ ᓇᒻᒥᕆᓚᖓᓗᒋᑦ.
ᐱᓇᓱᕐᓯᒪᓂᕆᒋᐊᓕᖏᑦ
- 3-5 ᐊᕐᕌᒍᓐᓂᒃ ᐱᓇᓱᐊᕐᓯᒪᓂᖃᓪᓗᓂ ᐅᐃᕆᔭᐅᓯᒪᔪᓂᒃ ᐃᓄᓕᕆᓯᒪᓗᓂ (ᓇᔪᕐᑑᑉ ᐊᒻᒪᓗ/ᐊᒻᒪᓘᓐᓃᑦ ᓇᔪᖕᖏᑑᑉ ᐱᔭᑦᓴᖏᓐᓂᒃ).
ᖃᐅᔨᒪᓂᖓ ᐊᒻᒪᓗ ᐱᔪᓐᓇᓂᖏᑦ
- ᖃᕆᑕᐅᔭᒍᓐᓇᓂᖅ ᐱᒋᐊᕐᕕᓕᐅᑎᓂᒃ
- ᐃᓂᖃᕐᑎᓯᒍᓐᓇᓯᐊᒻᒪᕆᓪᓗᓂ
- ᐱᓇᓱᐊᖃᑎᖃᒍᓐᓇᓯᐊᕐᓗᓂ ᐊᒻᒪᓗ ᑲᔪᓯᑯᑖᕐᓯᐊᑐᒥᒃ
- ᐱᒍᓐᓇᓯᐊᕐᓗᓂ ᑲᔪᓯᒍᓐᓇᓯᐊᕐᓗᓂᓗ ᖃᐅᔨᔭᐅᑎᑦᓯᑕᐃᓕᓂᕐᒥᒃ
- ᐃᒻᒥᓂᕿᒍᓐᓇᓯᐊᕐᓗᓂ ᐃᓱᐃᓗᑕᓐᓂᓗ ᐋᕐᖀᒍᓐᓇᓗᓂ ᐊᒻᒪᓗ ᑐᑭᑖᕆᓂᕐᒥᒃ
- ᓇᒻᒥᓂᒃ ᐊᒻᒪᓗ ᐱᓇᓱᒐᕐᒥᑎᒍᑦ ᐱᒍᓐᓇᓯᐊᕐᓗᓂ ᐃᓕᕐᕈᓯᑦᓴᔭᖃᑎᒌᖕᖏᑐᓂᒃ. ᐱᓇᓱᐊᒐᕐᑖᕋᓱᐊᕐᑐᖅ ᑐᓂᔨᒍᓐᓇᓗᓂ ᐱᓂᕐᓘᑎᖃᓐᓂᒪᖔᕐᒥ ᖃᐅᔨᓴᒍᑎᓂᒃ.
ᐅᖃᐅᓯᖓ
- ᐊᑐᐊᕐᓯᒍᓐᓇᓗᓂ, ᐊᓪᒪᕈᓐᓇᓗᓂ ᐊᒻᒪᓗ ᐅᖃᓕᒪᒍᓐᓴᓗᓂ ᐃᓄᑦᑎᑐᑦ ᐃᓚᐅᑎᓗᒍ ᖃᓪᓗᓈᑎᑐᑦ ᐱᔪᓐᓇᓚᕆᒋᐊᓕᖏᑦ.
ᐱᓇᓱᕝᕕᖓᑕ ᓯᓚᑎᖓ
- ᐃᑉᐱᒋᔭᒥᓂᒃ ᓇᓪᓕᖁᐊᕇᑦᑎᓯᒋᐊᓕᒃ ᐊᒥᓱᐃᖑᒻᒪᑕ ᕿᓄᕈᑕᐅᓲᑦ ᐊᒻᒪᓗ ᐅᐃᒪᓇᓲᖑᑦᓱᑎᑦ ᑐᒃᓯᕋᐅᑏᑦ ᑲᒪᒋᔭᐅᕕᒻᒦᑐᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᖃᑎᒋᔭᐅᔪᓄᑦ.
- ᐊᑐᐃᓐᓇᐅᕆᐊᓕᒃ ᑲᑎᓯᖃᑦᑕᓚᖓᒋᐊᒥᒃ ᐃᓅᑉ ᓇᒻᒥᓂᒻᒧᐊᓕᔪᖁᑎᖏᓐᓂᑦ ᐊᒻᒪᓗ ᐱᓇᓱᒐᖅ ᐱᑦᔪᑎᒋᓗᒍ ᐅᖁᒣᑦᑐᓂᑦ ᐱᑦᔪᑕᐅᑎᓪᓗᒍ ᐅᑭᐅᕐᑕᑐᒥᐅᖑᓂᖅ, ᓄᓇᓕᐊᕈᓐᓂᑦ ᐃᑲᔪᕐᑕᐅᕈᑏᑦ ᐊᑐᐃᓐᓇᐅᑎᓐᓇᖏᑦ.
ᑮᓇᐅᑦᔭᓵᖏᑦ/ᐱᕙᓪᓕᖁᑎᖏᓪᓗ
- ᐱᓇᓱᑦᑎᐅᓂᒻᒧᑦ ᖃᓄᐃᓕᖓᕈᓰᑦ ᑐᖕᖓᕕᓖᑦ ᓄᓇᕕᒻᒥ ᖃᓄᐃᖕᖏᓯᐊᓐᓂᒧᑦ ᐊᒻᒪᓗ ᐃᓄᓕᕆᓂᒃᑯᑦ ᐱᒍᑦᔨᒍᑎᖏᑎᒍᑦ ᐊᐅᓚᑕᐅᓂᖓᒍᑦ.
- ᑮᓇᐅᑦᔭᓵᑦ ᐅᓄᕐᓂᖏᑦ ᒪᓕᓚᖓᔪᑦ ᐱᔪᓐᓇᐅᑎᖏᑦ ᐊᒻᒪᓗ ᐊᑑᑎᓯᒪᔭᖏᑦ ᒪᓕᓪᓗᒋᑦ.
- ᐃᑉᐱᒋᔭᐅᓂᒻᒦᒐᔭᕐᑐᖅ ᐱᓇᓱᒋᐊᖕᖓᓗᓂ.
- ᐱᓇᓱᑦᑎᐅᒋᐅᕐᓴᓂᒻᒧᑦ ᐃᑲᔪᕐᑎᓕᒃ ᐅᕝᕙᓘᓐᓃᑦ ᐃᓕᓐᓂᐊᕆᐊᕆᐊᖃᕐᐸᑦ ᐃᓪᓕᓐᓂᐊᑎᑕᐅᒍᓐᓇᕕᓕᒃ (ᐱᔪᓐᓇᐅᑎᒋᒋᐊᓕᖏᑦ ᐱᑕᖃᖕᖏᐸᑕ).