ᐱᒍᑦᔨᒍᑎᑦᑎᓐᓄᑦ ᐆᑦᑐᕋᕐᓗᑎᑦ
ᐃᓱᐊᕐᓯᕕᐅᑉ ᐱᒍᑦᔨᒍᑎᖏᑦ ᐋᕐᕿᒋᐊᕈᓐᓇᐳᑦ ᐊᒻᒪᓗ ᐱᕕᑦᓴᖃᕐᑎᑦᓯᒍᓐᓇᓱᑎᒃ ᒪᒥᑉᐸᓪᓕᐊᓂᕐᒧᑦ ᐸᕐᓇᓯᒪᐅᑎᐅᔪᓂᒃ ᐃᕝᕕᑦ ᑭᖕᖒᒪᒋᔭᕐᓄᑦ ᓈᒻᒪᓈᕐᓯᒪᔪᓂᒃ.
ᐱᓇᓱᐊᕈᒪᓂᖃᕈᕕᑦ ᖁᐊᕐᓵᓇᕐᑐᑰᕐᓯᒪᓂᕐᓂᒃ, ᐃᒥᖃᑦᑕᓂᕐᓂᒃ ᐃᑯᓪᓚᕆᐊᕈᒪᒍᕕᑦ ᐅᕝᕙᓘᓐᓃᑦ ᐱᓇᓱᐊᕐᓂᖃᕈᒪᒍᕕᑦ ᐃᒻᒥᓂᒃ ᐱᒋᐅᕐᓴᓂᕐᒥᒃ ᐅᕝᕙᓘᓐᓃᑦ ᓄᕐᖃᓚᕆᓐᓂᒥᒃ, ᐃᓱᐊᕐᓯᕕᒃ ᐱᑕᖃᕐᑎᓯᔪᖅ ᐃᓘᓐᓇᖏᓐᓄᑦ ᒪᒥᓴᕐᓂᒥᒃ ᑲᑎᑎᑦᓯᔪᒥᒃ ᐱᐅᓂᕐᐹᒥᒃ ᓄᑖᖑᑦᓱᑎᒃ ᐱᓇᓱᐊᕈᑎᓂᒃ ᒪᒥᓴᕐᓂᒧᑦ ᐃᓄᓐᓄᑦ ᓴᓇᔭᐅᒪᔪᒥᒃ ᒪᒥᓴᕈᑎᓂᒃ ᐊᒻᒪᓗ ᐱᓇᓱᐊᕈᑎᓂᒃ ᓯᕗᓕᓚᖓᔪᓂᒃ ᐃᓕᓐᓂᒃ ᐱᐅᓂᕐᓴᒧᑦ ᐃᓅᓯᖃᕐᓂᒨᕐᐸᓕᐊᑎᓪᓗᑎᑦ.
ᐱᒍᓐᓇᖁᖔ?
ᐱᒐᓱᐊᕈᓐᓇᖁᑎᑦ ᐃᓄᑑᓗᑎᑦ ᐅᕝᕙᓘᓐᓃᑦ ᐃᓚᑎᓐᓂᒃ ᐁᐸᖃᕐᓗᑎᑦ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎᒧᑦ ᐃᓚᐅᔫᒍᕕᑦ ᐅᑭᐅᖃᕐᓗᑎᑦ 18-ᓂᒃ ᐅᖓᑖᓄᓪᓗ. ᐱᐊᕋᑎᓐᓂᒃ ᐊᑦᔭᓯᒍᒪᑐᐊᕈᕕᑦ ᐱᒍᓐᓇᕕᖃᕐᑐᑎᑦ, ᐁᑉᐸᓂᓪᓗ, ᓄᑲᑎᓐᓂᒃ ᐊᖓᔪᑎᓐᓂᓗ, ᐋᓐᓈᓇᑦᓯᐊᑯᑎᓐᓂᒃ ᐅᕝᕙᓘᓐᓃᑦ ᖃᑕᖕᖑᑎᑎᓐᓂᒃ.
ᓇᓪᓕᐊᓐᓄᑦ ᐱᒍᑦᔨᓂᐅᔪᓄᑦ ᐆᑦᑐᕋᓱᐊᕈᒪᕖᑦ ᐱᓇᓱᒐᕐᑖᕈᒪᓗᑎᑦ?
ᐱᓇᓱᒐᒪᒍᕕᑦ ᓄᓇᓕᓐᓂ ᐱᒍᑦᔨᓂᕐᒥᒃ
ᐊᓯᖏᑎᒍᓪᓗ ᐱᒍᑦᔨᓂᕐᒥᒃ ᐊᒻᒪᓗ ᓇᔫᑎᓗᑎᑦ ᑲᒪᒍᓐᓇᕈᕕᑦ, ᐃᓄᑐᐊᓄᑦ ᐊᒻᒪᓗ ᑲᑎᒪᔪᓄᑦ, ᐱᐅᓯᑐᖃᐅᔪᑎᒍᓪᓗ ᐱᓇᓱᐊᕐᓂᓂᒃ ᑐᖕᖓᕕᓕᓐᓂᒃ, ᑲᒪᒋᔭᐅᒋᐊᓕᓐᓂᒃ ᐊᒻᒪᓗ ᑲᒪᒋᔭᐅᓂᖏᑦᑕᓗ ᑭᖑᓂᖓᒍᑦ ᐱᓇᓱᐊᕈᓰᑦ ᓯᑕᒪᐅᔪᕐᑐᐃᑦ ᑭᖑᓂᖓᒍᑦ ᒪᒥᓴᕐᐸᓪᓕᐊᓂᕐᒥᒃ ᐱᒍᑦᔨᓂᐅᔪᓂᒃ ᐊᒻᒪᓗ/ᐅᕝᕙᓗ ᑎᒍᔭᐅᒪᔪᓂᒃ ᐃᑲᔪᕐᑎᐅᓂᕐᒥᒃ
- ᑕᑕᕐᓭᒍᓐᓇᖁᑎᑦ ᐃᓄᒻᒪᕆᓐᓄᑦ ᑕᑕᕐᓴᑕᐅᓲᓂᒃ .
- ᐊᐅᓪᓚᑎᓪᓗᒋᑦ ᑕᑕᕐᓴᑕᑎᑦ ᐅᕗᖓ ᖃᕆᑕᐅᔭᒃᑯᑦ intake@isuarsivik.ca ᐅᕝᕙᓗ ᓱᑲᑦᑐᒃᑯᑦ ᐅᕗᖓ 819-964-2041.
- ᓂᕆᐅᓐᓂᐊᐳᑎᑦ ᐊᐅᓚᑕᐅᒐᔭᕐᓂᕐᓂᒃ ᐃᓅᓯᓕᕆᔨᓐᓄᑦ ᐅᓪᓗᐃᑦ 30 ᓈᓚᐅᖏᓐᓂᖏᓐᓂ ᑕᒪᐅᖓ ᐃᑎᕈᒪᑦᓱᑎᑦ ᑕᑕᕐᓭᓯᒪᓂᕐᓂᑦ ᐱᒋᐊᕐᓗᑎᒃ.
Please note that JBNQA beneficiaries living in the cities such as Montreal, Quebec or Ottawa are eligible to apply to Isuarsivik community services.
ᑕᑕᕐᓭᓗᑎᑦ ᐱᓇᓱᐊᕈᓯᕐᓄᑦ ᓯᑕᒪᐅᔪᕐᑐᓄᑦ (8-ᓄᑦ) ᒪᒥᓴᕐᓂᐅᔪᓄᑦ ᐱᓇᓱᐊᕐᓂᐅᓲᖑᔪᓄᑦ
- ᑕᑕᕐᓭᒍᓐᓇᖁᑎᑦ ᐃᓄᒻᒪᕆᓐᓄᑦ ᑕᑕᕐᓴᑕᐅᓲᓂᒃ.
ᐊᑐᓂᑦ 18 ᐊᑖᓂ ᐅᑭᐅᓖᑦ ᐱᖃᑕᐅᔪᐃᑦ ᒪᓕᑦᓯᒪᔪᑦ ᐃᓱᐊᕐᓯᕕᒻᒧᑦ ᑕᒡᒐᓃᑎᓪᓗᑎᑦ ᐃᓱᐊᕐᓯᕕᒻᒥ ᑕᑕᕐᓭᒋᐊᖃᕐᖁᑎᑦ ᐱᐊᕋᓕᓐᓄᑦ ᑕᑕᕐᓴᑕᐅᒋᐊᓕᓐᓂᒃ. - ᐊᐅᓪᓚᑎᓪᓗᒋᑦ ᑕᑕᕐᓴᑕᑎᑦ ᐅᕗᖓ ᖃᕆᑕᐅᔭᒃᑯᑦ intake@isuarsivik.ca ᐅᕝᕙᓗ ᓱᑲᑦᑐᒃᑯᑦ ᐅᕗᖓ 819-964-2041
- ᓂᕆᐅᓚᖓᕗᑎᑦ ᐱᓇᓱᑦᑎᐅᔪᓂᑦ ᐅᓪᓗᐃᑦ 30 ᐃᓗᐊᓂ ᐊᓂᒍᓚᐅᕐᑎᓐᓇᒋᑦ ᑖᒃᑯᓄᖓ ᑕᑕᕐᓴᓯᒪᔭᕐᓅᕕᑦ.
Please note that JBNQA beneficiaries living in the cities such as Montreal, Quebec or Ottawa are eligible to apply to Isuarsivik in-house program.
ᐃᑲᔪᕐᑕᐅᒍᒪᕖᑦ?
ᖃᖓᑐᐃᓐᓇᓕᒫᖅ ᖃᐅᔨᒋᐊᕐᕕᒋᒍᓐᓇᖃᑦᑎᒍᑦ ᐅᕗᖓ
1-844-964-5646
ᖃᕆᑕᐅᔭᒃᑯᓘᓐᓃᑦ ᐊᓪᓚᓗᑎᑦ ᐅᕗᖓ intake@isuarsivik.ca
ᐅᖄᕕᖃᕐᓗᑎᑦ ᐱᓇᓱᑦᑎᕗᓐᓂᒃ.
ᐊᐱᕆᐅᑎᐅᖏᓐᓇᓲᑦ
ᐃᓕᒐᓱᐊᕈᓐᓇᖁᖔ ᐃᓚᒃᑲᓂ ᐃᓚᖃᕐᓗᖓ ᐅᕝᕙᓘᓐᓃᑦ ᐱᖃᑎᒃᑲᓂᒃ?
ᕈᓐᓇᓯᐊᕐᖁᑎᑦ! ᐃᓱᐊᕐᓯᕕᒻᒥ, ᑐᑭᓯᒪᕗᒍᑦ ᐃᓚᕗᑦ ᖃᓄᐃᑦᑐᑐᐃᓐᓇᐅᒪᑕ. ᐃᓕᒐᓱᐊᖃᑎᖃᕈᒪᒍᕕᑦ ᐁᑉᐸᓂᒃ, ᐱᐊᕋᑎᓐᓂᒃ, ᐊᓈᓇᑦᓯᐊᑯᑎᓐᓂᒃ, ᑎᒍᐊᑎᓐᓂᒃ, ᐊᒃᑲᑎᓐᓂᒃ/ᐊᖓᑎᓐᓂᓘᓐᓃᑦ, ᐊᔭᓐᓂᒃ/ᐊᑦᓴᓂᓘᓐᓃᑦ, ᐱᖃᑎᓐᓂᒃ, ᐱᓇᓱᓚᖓᕗᒍᑦ ᐃᓚᒋᔫᔮᕐᓗᑎᑦ ᓴᓗᐊᕐᓴᕕᒻᒥ.
ᓱᒐᒦ ᐋᓐᓂᐊᓯᐅᕐᑕᐅᒍᑎᓂᒃ ᑕᑕᕐᓭᒋᐊᖃᑦᓴᕆᕗᖓ?
ᐃᓕᒐᓱᐊᑐᐊᕈᕕᑦ ᐱᓇᓱᐊᕈᓯᕐᓄᑦ 8-ᓄᑦ ᑌᑲᓃᓪᓗᑎᑦ ᐱᓇᓱᐊᕐᑕᐅᒍᑎᓄᑦ, ᐊᒥᓱᓂᒃ ᐱᓇᓱᐊᕈᑎᓂᒃ ᐊᑐᕆᐊᖃᓚᖓᔪᑎᑦ ᑎᒥᒧᑦ, ᐃᓱᒪᒧᑦ ᐊᒻᒪᓗ ᐃᑉᐱᓂᐊᕐᓂᓄᑦ ᐃᓚᐅᓗᑎᑦ ᑖᕙᓃᓐᓂᓂ. ᐱᒻᒪᕆᐅᔪᖅ ᐅᕙᑦᑎᓄᑦ ᑎᒥᒃᑯᑦ ᐱᓀᓗᑕᖃᑐᐊᕈᕕᑦ ᐆᑦᑐᑎᒋᓗᒍ ᐋᓐᓂᓯᒪᒍᕕᑦ, ᓂᒪᕐᖃᔭᑦᓯᐊᖏᒃᑯᕕᑦ, ᖁᓄᓕᕐᑕᕈᑎᖃᕈᕕᑦ ᐸᕐᓇᓯᒪᒋᐊᖃᕋᑦᑕ ᓯᕗᓂᐊᓂ ᑌᑲᓃᓚᐅᕐᑎᓇᒃ. ᐱᒻᒪᕆᐅᒻᒥᔪᖅ ᖃᐅᔨᒪᒋᐊᓕᕗᑦ ᐃᕐᖃᒐᕐᑐᒪᖔᕐᐱᑦ ᐅᕝᕙᓘᓐᓃᑦ ᓄᐃᑕᒌᕐᑐᒥᒃ ᐃᓱᒪᒧᑦ ᖃᓄᐃᓗᑕᖃᕈᕕᑦ ᐋᓐᓂᐊᒍᑎᖃᕈᕕᓪᓘᓃᑦ ᐋᕐᕿᓱᐃᒐᔭᕋᑦᑕ ᐃᓕᓐᓅᓕᖓᔪᒥᒃ ᐱᓇᓱᕈᑎᓂᒃ! ᐊᑦᑕᓇᕐᑑᑰᕐᑎᓯᑦᑌᓕᒍᑎ ᐅᕙᑦᑎᓂᒃ ᐃᓕᓐᓂᓗ!
ᐊᖏᕐᑕᐅᒌᕋᔭᕐᖁᖔ ᐃᓕᒐᓱᐊᕈᑎᒃᑲᓄᑦ ᐊᐅᓪᓚᑎᑦᓯᓴᑐᐊᕈᒪ? ᖃᓅᖅ ᖃᐅᔨᒐᔭᕐᖁᖓ ᐊᖏᕐᑕᐅᓯᒪᒻᒪᖔᕐᒪ?
ᐃᓕᒐᓱᐊᕐᓂᖅ ᐱᓇᓱᐊᕐᑕᐅᒍᑎᓄᑦ ᓯᕗᓪᓕᐸᐅᑦᓱᓂ ᐱᓇᓱᐊᕐᑕᐅᒍᑎᐅᕗᖅ ᐃᓚᐅᓂᑦᓴᓄᑦ ᑌᑲᓃᓪᓗᑎᑦ ᐱᓇᓱᐊᕈᑎᓄᑦ, ᑭᓯᐊᓂ ᐃᓚᖏᑦ ᐃᓄᐃᑦ ᐅᑕᕐᕿᒋᐊᖃᑐᐃᓐᓇᕆᐊᓖᑦ ᐃᓕᓐᓂᒃ ᓯᕗᓪᓕᐅᓱᑎᒃ ᐃᓕᒐᓱᐊᕐᑐᕕᓂᕐᓄᑦ. ᐃᓱᒪᒋᐊᖃᕐᒥᒐᑦᑕ ᐊᒻᒪᓗ ᐱᓇᓱᐊᕐᓗᒋᑦ ᐃᓘᓐᓇᑎᒃ ᖃᐅᔨᒪᔭᐅᒋᐊᓖᑦ ᐅᕙᑦᑎᓅᕐᑕᕕᓂᑎᑦ ᐊᒻᒪᓗ ᐊᓯᖏᑦ ᐱᔭᕇᒋᐊᖃᕐᒥᔭᑎᑦ ᑌᑯᖕᖓᓚᐅᕐᓇᒃ. ᐊᖏᑦᓴᐅᑎᒋᓂᖃᓲᖑᖕᖏᑐᒍᑦ ᐱᓇᓱᐊᕐᑕᐅᒍᑎᓅᕋᓱᐊᕐᑐᓂᒃ ᑖᒃᑯᐊ ᐱᑦᔪᑎᒋᑦᓱᒋᑦ. ᐊᐅᓪᓚᑎᑦᓯᕋᔭᕐᒥᔪᒍᑦ ᐊᓪᓚᓯᒪᔪᒥᒃ ᐊᖏᕐᑕᐅᒍᑎᑎᓐᓄᑦ. ᐊᖏᕐᑕᐅᑐᐊᕈᕕᑦ ᐱᓇᓱᐊᕐᑕᐅᒍᑎᓄᑦ, ᖃᐅᔨᑎᑦᓯᕋᔭᕐᖁᒍᑦ ᐅᕝᕙᓘᓐᓃᑦ ᑌᑯᖕᖓᑎᑦᓯᒐᓱᐊᕐᑐᒥᒃ ᖃᐅᔨᑎᑦᓯᓗᑕ ᐅᖄᓚᐅᑎᒃᑯᑦ ᖃᕆᑕᐅᔭᒃᑯᓘᓐᓃᑦ ᐊᓪᓚᓗᑕ.
ᒪᓕᒐᕐᑖᑎᑕᐅᓯᒪᒐᒪ ᐃᓱᐊᕐᓯᕕᒻᒨᕆᐊᖃᕐᓂᕋᓄᑦ. ᐊᖏᕐᑕᐅᓴᐅᑎᒋᒍᓐᓇᖁᖔ?
ᐃᓱᐊᕐᓯᕕᒃ ᐱᒍᓐᓇᓂᖃᖕᖏᑐᖅ ᐊᖏᕈᓐᓇᓂᕐᒥᒃ ᐃᒻᒥᒎᓈᕐᑎᑐᓂᒃ ᐱᓇᓱᐊᕈᑎᒥᓄᑦ ᑖᕗᖕᖓᑐᑦᓴᓕᐊᖑᓐᓂᕋᓗᐊᕐᐸᑕ. ᒪᓕᒐᕐᑖᑎᑕᐅᓯᒪᒍᑎᑎᓐᓄᑦ ᐃᓕᒐᓱᐊᕈᕕᑦ ᐃᓕᒐᓱᐊᕈᑎᑎᑦ ᐊᑦᔨᐅᑎᑕᐅᑐᐃᓐᓇᕋᔭᕐᑐᑦ ᐊᓯᖏᓐᓄᑦ ᐃᓕᒐᓱᑦᑐᓄᑦ. ᐱᓇᓱᐊᖃᑎᖃᓚᖓᕗᒍᑦ ᐊᒻᒪᓗ ᐱᖁᔭᓕᕆᔨᓐᓂᒃ ᐅᕝᕙᓘᓐᓃᑦ ᐱᓂᕐᓗᑌᓕᑎᑦᓯᔨᓐᓂᒃ ᐃᑉᐱᒍᓱᓪᓗᑕ ᖃᓄᐃᖕᖏᓯᐊᕐᑐᑯᑦ ᓅᕙᓪᓕᐊᓂᑦᓴᓄᑦ. ᐃᒻᒥᒎᓈᕐᑎᑐᓂᒃ ᐃᓄᓕᕆᒍᓐᓇᓕᕐᑐᒍᑦ ᖃᕆᑕᐅᔭᑎᒍᑦ ᑎᒍᔭᐅᒪᕕᒻᒦᑐᐊᕈᕕᑦ.
ᐅᑕᕐᕿᒋᐊᖃᕐᖄ ᐃᓚᐅᒐᓱᓐᓂᕋᓄᑦ ᐱᓇᓱᐊᕐᑕᐅᒍᑎᓄᑦ? ᖃᓅᖅ ᑐᑭᑖᓱᖑᕕᓯ ᑭᓇᒃᑯᑦ ᓯᕗᓪᓕᐅᔭᐅᒋᐊᖃᕐᒪᖔᑕ?
ᐃᓱᐊᕐᓯᕕᒻᒥ, ᐊᒥᓱᓂᒃ ᐃᓕᒐᓱᐊᕈᑎᓂᒃ ᐱᑖᓱᖑᔪᒍᑦ, ᐊᒻᒪᓗ ᐃᑉᐱᒍᓱᑦᓯᐊᓱᑕ ᐊᑦᔨᒌᑦᑎᓯᑦᓯᐊᕋᓱᐊᓲᖑᔪᒍᑦ ᐃᓘᓐᓇᖏᓐᓂᒃ ᐃᓕᒐᓱᐊᕐᑐᓂᒃ ᓯᕗᓪᓕᐅᔨᖃᑦᑕᓯᒪᔪᒍᑦ ᐃᓄᓐᓂᒃ ᐅᓪᓗᖏᑦ ᒪᓕᑦᓱᒋᑦ ᐃᓕᒐᓱᐊᕐᓂᖏᓐᓄᑦ. ᓯᕗᓪᓕᐅᔨᓲᖑᒻᒥᔪᒍᑦ ᑲᑉᐱᐊᓇᕐᑐᒦᓗᐊᖕᖑᐊᑐᓂᒃ ᐅᑯᓂᖓ; ᐱᐊᕋᑦᓴᓕᓐᓂᒃ, ᐃᒻᒥᒎᓈᕐᑎᑐᓂᒃ ᑎᒥᒃᑯᑦ ᐃᓱᐃᓪᓕᐅᕈᑎᓕᓐᓂᒃ ᐃᒥᐊᓗ ᐋᖓᔮᓐᓇᑐᕐᓘᓃᑦ ᐱᑦᔪᑎᒋᑦᓱᒍ (ᑎᖑᖓᑕ ᐋᓐᓂᐊᑖᕐᓯᒪᓂᖓᓄᑦ, ᐊᓯᖏᓐᓄᓗ) ᑲᑉᐱᐊᓇᕐᑐᒦᑐᐃᓐᓇᕆᐊᓕᓐᓄᓗ (ᐃᒻᒥᒎᓈᕐᑎᑐᑦ ᕿᒣᒪᔪᑦ ᐋᓐᓂᑎᕐᑕᐅᖃᑦᑕᑐᑦ, ᐊᓂᕐᕋᖃᖕᖏᑐᑦ, ᐊᓯᖏᓪᓗ).
ᐅᖄᖃᑎᖃᕈᒪᕗᖓ ᑭᓇᑐᐃᓐᓇᒥᒃ, ᑭᓯᐊᓂ ᐃᓕᒍᓐᓇᖏᑦᑐᖓ ᒫᓐᓇ ᐱᓇᓱᐊᕈᓯᕐᓄᑦ 8-ᓄᑦ ᐱᓇᓱᐊᕐᑕᐅᒍᑎᓄᑦ. ᐊᓯᖏᑎᒎᑦ ᐱᒍᓐᓇᕕᖃᕆᕗᖓ?
ᐃᓱᒫᓗᑦᓴᓇᒃ! ᐃᓱᐊᕐᓯᕕᒻᒥ ᑐᑭᓯᒪᕗᒍᑦ ᐊᓯᑦᔨᓂᕐᑕᖃᓲᖑᒻᒪᑦ ᓯᒃᑫᑐᒥᒃ ᐊᒻᒪᓗ ᐃᓘᓐᓇᑎᐅᖕᖏᑐᖅ ᐊᑐᐃᓐᓇᐅᖏᒻᒪᑕ ᐊᒻᒪᓗ ᐱᒍᓐᓇᕋᑎᒃ ᐃᓚᐅᓂᕐᒧᑦ ᐱᓇᓱᐊᕈᓯᕐᓄᑦ 8-ᓄᑦ ᑌᑲᓃᓪᓗᑎᒃ ᐱᓇᓱᐊᕐᑕᐅᒍᑎᓄᑦ. ᒫᓐᓇᐅᔪᖅ ᐱᑕᖃᕐᑎᓯᔪᒍᑦ ᐊᑦᔨᒌᖕᖏᑐᓂᒃ ᓄᓇᓕᓐᓃᓱᑎᒃ ᐱᒍᑦᔭᐅᒍᑎᓂᒃ ᐆᑦᑐᑎᒋᓗᒍ ᐃᒻᒥᒎᓈᕐᑎᑐᓄᑦ ᒪᒥᓴᕐᑎᓯᓂᕐᒧᑦ (ᑌᑲᓃᓪᓗᑎᒃ ᑌᑲᓃᒍᓐᓀᓗᑎᓪᓘᓃᑦ), ᐊᒻᒪᓗ ᓄᓇᓕᓐᓂ ᐃᑲᔪᕐᑕᐅᒍᑎᓄᑦ ᑲᑎᒪᑎᑦᓯᓂᕐᒧᑦ.
ᐃᓄᑦᑎᑑᕐᑐᓃᒃ ᐱᒍᑦᔨᒍᑎᖃᓲᖑᒋᕕᓯ?
ᐋᐊ! ᐱᒍᑦᔨᒍᑎᑦᑎᓂ ᖃᓪᓗᓈᑎᑑᕐᑐᓂᒃ, ᐃᓄᑦᑎᑐᑦ ᐊᒻᒪᓗ ᐅᐃᒍᐃᑎᑐᑦ ᐱᑕᖃᕐᖁᒍᑦ. ᖃᐅᔨᑎᑎᒍᑦ ᓇᓪᓕᐊᓂᒃ ᐅᖃᐅᓯᕐᒥᒃ ᐃᓱᐊᕆᔭᖃᕐᓂᐸᐅᒻᒪᖔᕐᐱᑦ ᑲᒪᒋᓂᐊᕋᑦᑎᒋ ᐃᓱᐊᕐᓭᔨᒧᑦ ᓇᓪᓕᐊᓄᑦ ᑲᒪᒋᔭᐅᕋᔭᕐᒪᖔᕐᐱᑦ.
ᐋᖓᔮᒋᐊᖃᖕᖏᓚᖔ ᓄᓇᓕᓐᓂ ᐃᑲᔪᕐᑕᐅᒍᑎᓅᑦ ᐱᒍᒪᑐᐊᕈᒪ?
ᑌᑲᓃᓪᓗᑎᑦ ᐱᓇᓱᐊᕈᓯᕐᓂ 8-ᓂ ᐊᑐᕆᐊᓕᑎᑦ, ᐃᒥᐊᓗᑦᓯᒪᒋᐊᖃᖕᖏᑐᑎᑦ ᐋᖓᔮᓐᓇᑐᓂᓪᓗ ᑌᒃᑯᓇᓂ 8-ᓂ ᐱᓇᓱᐊᕈᓯᕐᓂ ᓴᓗᐊᕐᓴᕕᒻᒦᓗᑎᑦ, ᑭᓯᐊᓂ ᓗᑯᒋᐊᑐᖕᖏᑐᖅ ᓄᓇᓕᓐᓂ ᐃᑲᔪᕐᑕᐅᒍᑎᓄᑦ ᐃᓚᐅᒍᒪᒍᕕᑦ. ᐃᒣᓘᓱᖑᔪᒍᑦ ᑭᓯᐊᓂ, ᐊᐱᕆᑦᓱᑕ ᐃᓕᓐᓂᒃ ᐋᖓᔮᒋᐊᖃᖕᖏᑐᑎᑦ ᑌᑯᖕᖓᓗᑎᑦ ᓄᓇᓕᓐᓂ ᐃᑲᔪᕐᑕᐅᒍᑎᓄᑦ ᑲᑎᒪᓂᖏᓐᓄᑦ ᐅᕝᕙᓘᓐᓃᑦ ᐃᓱᐊᕐᓭᔨᒥᒃ ᑕᑯᔭᐅᓚᖓᑐᐊᕈᕕᑦ. ᐃᓱᐊᕐᓭᔨ ᖃᐅᔨᑐᐊᕐᐸᑦ ᐃᓕᓐᓂᒃ ᐃᒥᕐᓯᒪᑎᓪᓗᑎᑦ, ᑕᑯᔭᑦᓴᓕᐅᕆᐊᓪᓚᕋᔭᕐᑐᖅ ᐃᓕᓐᓄᑦ ᐱᐅᓂᕐᓴᒧᑦ.
ᐃᓱᕐᕆᖏᑦᑐᖓ ᓄᓇᓕᓐᓂ ᐃᓱᐊᕐᓯᔨᓕᐊᕆᐊᒥᒃ ᐱᑦᔪᑎᒋᑦᓱᒍ ᖃᓂᑕᖃᓗᐊᕐᓂᒧᑦ ᐱᓀᓗᑕᕋᓄᓪᓘᓃᑦ, ᖃᓄᐃᓘᕐᓂᖃᕐᓯᒪᒐᑦᑕ ᐊᓯᖏᓐᓄᓘᓐᓃᑦ ᐱᑦᔪᑎᓄᑦ. ᖃᓄᐃᓘᕈᓐᓇᖁᖔ?
ᐃᓱᐊᕐᓯᕕᒻᒥ, ᑐᑭᓯᒪᔪᒍᑦ ᐱᓇᓱᐊᖃᑎᖃᕐᓂᖅ ᐃᓱᐊᕐᓭᔨᒥᒃ ᐅᑉᐱᕆᐅᑎᑦᓯᐊᕆᐊᖃᕐᓂᖏᓐᓂᒃ ᑕᒪᖏᒃ ᐃᓱᕐᕆᒋᐅᑎ .
ᖃᓅᖅ ᑰᑦᔪᐊᓕᐊᕈᓐᓇᖁᖓ? ᐊᑭᓖᒋᐊᖃᕐᖁᖔ?
ᖃᖓᑦᑕᐅᑎᑦᓴᓕᐅᕈᒪᒍᕕᑦ ᐃᒻᒥᓂᒃ ᕈᓐᓇᓯᐊᕐᖁᑎᑦ, ᑭᓯᐊᓂ ᕈᓐᓇᒥᑦᓱᑎᑦ ᐊᑭᓖᒍᓐᓀᓗᑎᑦ ᓄᓇᓕᑦᓯᓂ ᐃᓄᓕᕆᔨᒃᑯᑎᒍᑦ. ᐊᑦᔭᓯᒋᐊᖃᕐᖁᑎᑦ ᐊᖏᕐᑕᐅᒍᑎᕕᓂᑎᓐᓂᒃ ᐊᓪᓚᕕᑦᓴᓂᒃ ᐊᐅᓚᕕᒋᒋᐊᓕᑎᓐᓂᓗ ᖃᐅᔨᑎᓗᒋᓪᓗ ᐊᐅᓚᒋᐊᖃᕐᓂᓂᒃ ᐃᓱᐊᕐᓯᕕᓕᐊᕐᓗᑎᑦ.
ᐱᓇᓱᒍᓐᓇᖁᖔ ᐱᓇᓱᐊᕐᑕᐅᒍᑎᓂ ᐊᑐᕐᓗᖓ? ᖃᓄᐃᓘᕐᓗᖔ ᑮᓇᐅᔭᕐᑎᒍᑦ ᐃᑲᔪᕐᑕᐅᒍᑎᑖᕈᓐᓇᖁᖓ?
ᐱᓇᓱᐊᕈᓯᕐᓂ 8-ᓂ ᑌᑲᓃᓪᓗᓂ ᐱᓇᓱᐊᕐᑕᐅᒍᑏᑦ ᐅᓪᓗᓕᒫᕐᑐᕗᖅ ᐊᒻᒪᓗ ᐱᒻᒪᕆᑦᑑᓱᓂ ᐃᓚᐅᕕᒋᑦᓯᐊᕆᐊᓖᑦ ᑎᒥᑎᒍᑦ ᐃᓱᒪᑎᒍᓪᓗ, ᑌᒣᒻᒪᑦ ᐱᓇᓱᕐᖃᔭᖕᖏᓚᕿᔪᑎᑦ ᐱᓇᓱᐊᕐᑕᐅᒍᑎᓃᓪᓗᑎᑦ. ᑭᓯᐊᓂ, ᑮᓇᐅᔭᑎᒍᑦ ᐃᑲᔪᕐᑕᐅᒍᑏᑦ ᐊᑐᐃᓐᓇᐅᒍᓐᓇᑐᑦ ᐱᓇᓱᕝᕕᑎᓐᓂ ᖃᓄᐃᖕᖏᓯᐊᕐᓂᒧᑦ ᐱᕙᓪᓕᖁᑏᑦ. ᐊᐱᕆᒋᐊᖃᕐᑐᑎᑦ ᐱᓇᓱᕝᕕᑎᓐᓂᒃ ᓈᒻᒪᓈᕐᑐᓂᒃ ᑕᑕᕐᓴᕋᑦᓴᓂᒃ. ᐃᓱᐊᕐᓯᕕᒃ ᐱᑕᖃᕐᑎᓯᒍᓐᓇᑐᖅ ᓱᓕᑎᑦᓯᒍᑎᓂᒃ ᑌᑲᓃᓚᖓᓂᕐᓄᑦ ᐱᓇᓱᐊᕐᑕᐅᒍᑎᓃᓪᓗᑎᑦ.