ᓯᖁᒥᑎᑦᓯᑌᓕᔨ
ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᐊᐅᓚᑦᓯᕕᒃ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
May 28th, 2024
ᓯᖁᒥᑎᑦᓯᑌᓕᔨ ᐱᒻᒪᕆᐅᑦᓱᓂ ᐱᓇᓱᒐᐅᕗᖅ ᐅᑯᓂᖓ ᐱᓇᓱᒐᖃᕐᓱᓂ:
- ᐱᓇᓱᐊᓲᖅ ᓯᖁᒥᑎᑦᓯᑌᓕᑦᓱᓂ ᓱᒃᑯᑎᑦᓯᑌᓕᑦᓱᑎᒃ ᐃᓪᓗᔪᐊᒥᒃ ᓴᓇᒋᐊᓕᓐᓂᒃ ᐋᕐᕿᒋᐊᕆᖃᑦᑕᓱᓂ, ᓄᓇᖓᓂᒃ ᐊᒻᒪᓗ ᐱᐅᓕᓂᐊᒐᖏᓐᓂᒃ.
- ᑲᒪᒋᐊᓕᒃ ᐅᓯᖃᑦᑕᓗᓂ ᓱᓇᑐᐃᓐᓇᓂᒃ, ᐱᐅᓕᓂᐊᒐᕐᓂᒃ ᐊᓯᖏᓐᓂᓗ ᐱᐅᒃᑯᑎᓂᒃ.
- ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᕝᕕᓂᒃ ᐃᑉᐱᒋᔭᖃᕐᓗᓂ ᐃᓘᓐᓇᑎᒃ ᐱᒍᑦᔨᒍᑏᑦ ᓱᖃᑦᓯᒍᑏᓪᓗ ᐊᑐᐃᓐᓇᐅᑎᑕᐅᔪᑦ ᐃᓱᐊᕐᓯᕕᒻᒥ ᐃᓗᕐᖁᓯᕐᑎᒎᑦᓯᐊᒪᖔᑕ ᐊᒻᒪᓗ ᐊᑦᑕᓇᖕᖏᑑᑦᓯᐊᑎᑦᓯᓗᓂ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐊᐅᓚᑦᓯᓂᓕᕆᓂᕐᒥᒃ ᑲᒪᔨᒥᒃ, ᖃᐅᑕᒫᕐᓯᐅᑎᖏᓪᓗ ᑲᒪᒋᔭᐅᓗᑎᒃ ᐊᑕᐅᑦᓯᑰᕐᓯᔨᖓᓄᑦ ᐊᐅᓚᑦᓯᓂᓕᕆᓂᕐᒥ, ᓯᖁᒥᑎᑦᓯᑌᓕᔨ ᑲᒪᒋᔭᖃᕆᐊᓕᒃ ᓯᖁᒥᑎᑦᓯᑌᓕᓗᓂ, ᓴᓇᒋᐊᓪᓛᖃᑦᑕᓗᓂ ᐊᖏᔫᖕᖏᑐᓂᒃ ᑲᒪᒋᓗᖏᑦ ᐊᑦᔨᐅᖏᑦᑐᒥᒃ ᐋᕐᕿᒋᐊᕆᐊᓖᑦ ᐃᓪᓗᔪᐊᖓᓂ ᐊᒻᒪᓗ ᐃᓘᓐᓇᖏᓐᓂ ᐃᓱᐊᕐᓯᕕᐅᑉ ᐃᓪᓗᖁᑎᖏᓐᓂ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
- ᑲᒪᒋᔭᖃᕆᐊᓕᒃ ᐃᓪᓗᔪᐊᒥᒃ ᓱᒃᑯᑎᑦᓯᑌᓕᓂᕐᒥᒃ, ᐃᓚᐅᑎᓪᓗᒋᑦ ᐃᓪᓗᔪᐊᖁᑎᖓ, ᐱᓇᓱᑦᑏᑦ ᐃᓪᓗᖏᑦ ᐊᓯᖏᓪᓗ ᐃᓱᐊᕐᓯᕕᐅᑉ ᐃᓪᓗᔪᐊᖏᑦ.
- ᖃᐅᔨᓴᖃᑦᑕᓗᒋᑦ ᑌᒪᖕᖓᒐᓚᒃ ᓯᖁᒥᑎᑦᑌᓕᓗᒋᓪᓗ ᖃᐅᔨᓴᕐᑕᐅᒋᐊᓖᑦ ᐊᒻᒪᓗ ᓱᖁᒥᑎᑦᑌᓕᒋᐊᓖᑦ ᐊᓪᓚᑕᐅᓯᒪᒍᑎᖏᑦ.
- ᐊᓯᑦᔩᖃᑦᑕᓗᓂ ᐃᑯᒪᓂᒃ ᑕᑭᑦᑐᑳᓂᓪᓗ ᐃᑯᒪᓂᒃ; ᐅᕐᓱᐊᓗᖓᓂᒃ ᐃᑉᐱᒋᓗᒋᓪᓗ ᐅᕐᓱᐊᓗᖓᑕ ᐃᖏᕐᕋᓯᐊᕐᓂᖏᑦ ᐃᑯᒪᖏᑦᑕ ᐅᕐᖁᓯᓴᐅᑎᖓᑕ ᖃᐅᔨᓴᐅᑎᖏᑦ.
- ᖃᐅᔨᓴᕐᓗᒋᑦ ᐱᐅᒃᑯᑏᑦ ᐃᖏᕐᕋᐅᑎᖏᑦ ᐊᒻᒪᓗ ᓯᖁᒥᑦᑐᖃᕐᐸᑦ ᖃᐅᔨᑐᐊᕈᓂ ᑐᓴᕐᑕᐅᑎᑦᓯᓗᓂ ᐱᓇᓱᐊᓕᕈᓂ ᑕᒪᒃᑯᓂᖓ.
- ᐱᔭᕇᖃᑦᑕᓗᒋᑦ ᖃᓄᐃᑦᑐᑐᐃᓐᓀᑦ ᐋᕐᕿᒋᐊᓪᓛᑕᖏᑦ ᐊᖏᔫᖕᖏᑐᑦ.
- ᐃᑲᔪᕐᓗᓂ ᓴᓇᒋᐊᓪᓛᕆᔨᓂᒃ ᐋᕐᕿᓱᐃᓕᕐᐸᑕ ᐱᓇᓱᐊᓕᕐᐸᑕᓘᓐᓃᑦ.
- ᐊᑐᕐᓗᓂ, ᐃᓂᓕᐅᕐᓗᓂ ᐊᒻᒪᓗ ᐃᒋᑦᓯᓗᓂ ᐊᑦᔨᒌᖕᖏᑐᓂᒃ ᐱᓇᓱᐊᕈᑎᓂᒃ ᐱᓇᓱᐊᕐᑕᐅᒋᐊᓕᓐᓂᒃ ᐱᓇᓱᐊᕐᓗᓂ ᐱᓇᓱᒐᕐᒥᓂᒃ, ᑲᒪᒋᑦᓯᐊᓗᒋᑦ ᒪᓕᒐᓕᐊᕆᔭᐅᒪᔪᑦ.
- ᓅᑦᑎᑎᕆᖃᑦᑕᓗᓂ ᐱᐅᓕᓂᐊᒐᕐᓂᒃ, ᐅᓯᖃᑦᑕᓗᓂ ᐊᒻᒪᓗ ᐃᓂᖏᓐᓅᓗᒋᑦ ᐱᐅᓕᓂᐊᒉᑦ; ᐊᐅᓚᔪᓂᒃ ᐃᖏᕐᕋᑎᑦᓯᖃᑦᑕᓗᓂ ᐱᓇᓱᐊᕆᐊᓕᒻᒥᓄᑦ ᐱᓇᓱᐊᕐᓗᓂ.
- ᖃᐅᔨᓴᖃᑦᑕᓗᓂ ᑭᓯᓪᓗᒋᑦ ᐃᓚᑦᓴᖏᑦ ᓱᖁᒥᑎᑦᓯᑌᓕᒍᑏᑦ ᐸᕐᓀᖃᑦᑕᓗᓂᓗ ᐱᑖᕆᔭᐅᒋᐊᓕᓐᓂᒃ.
- ᐊᑐᐃᓐᓇᕈᕐᑎᓗᓂ ᖃᕆᐊᓂᒃ ᑲᑎᒪᕕᓐᓂᒃ ᒪᓕᓪᓗᒋᑦ ᐋᕐᕿᓱᕐᑕᐅᒪᐅᑎᖏᑦ ᐊᐱᕆᔭᐅᑐᐊᕈᓂ
- ᐱᓇᓱᐊᕐᓗᒋᑦ ᐊᓯᖏᑦ ᐱᓇᓱᒐᖓᓅᓕᖓᔪᑦ ᐱᓇᓱᐊᕋᑦᓴᓕᐊᖑᒪᔪᑦ ᑖᑦᓱᒧᖓ ᐱᓇᓱᒐᕐᒧᑦ.
- ᒪᓕᖃᑦᑕᕆᐊᓕᒃ ᐃᓕᓐᓂᐊᑎᑦᓯᒍᑎᓂᒃ ᐃᓘᓐᓇᖏᓐᓄᑦ ᐱᓇᓱᐊᕈᑎᐅᔪᓄᑦ ᓄᑖᒥᒃ ᐃᓪᓗᖁᑎᖏᓐᓄᑦ ᐊᒻᒪᓗ ᑲᔪᓯᖃᑦᑕᓗᓂ ᐃᓕᓐᓂᐊᑎᑦᓯᒍᑎᓂᒃ ᓯᖁᒥᑎᑦᓯᑌᓕᓂᕐᒧᑦ
- ᐱᓇᓱᐊᕐᓗᒋᑦ ᐊᓯᓕᒫᖏᑦ ᐱᓇᓱᒐᖓᓅᓕᖓᔪᑦ ᐱᓇᓱᐊᕆᐊᓕᖏᑦ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐳᕐᑐᓂᕐᓴᒥᒃ ᐃᓕᓐᓂᐊᕇᕈᑎᑖᕐᓯᒪᓗᓂ.
- ᐱᔭᕇᕈᑎᑖᕐᓯᒪᓗᓂ ᐱᓇᓱᒐᕐᒧᒃ ᐃᓕᓐᓂᐊᓯᒪᓂᕐᒧᑦ (ᐱᐅᔫᕋᔭᕐᑐᖅ).
ᐱᓇᓱᐊᕐᓯᒪᓂᖓ
- 3 ᐱᖓᓱᓂᒃ ᐊᕐᕌᒍᓂᒃ ᐱᓇᓱᐊᕐᓯᒪᓗᓂ ᐱᓇᓱᒐᐅᑉ ᐊᑦᔨᖏᓐᓅᓕᖓᔪᓂᒃ.
ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ
- ᐱᒍᓐᓇᓯᐊᕆᐊᓕᒃ ᓯᖁᒥᓯᒪᔪᓂᒃ ᐋᕐᕿᒋᐊᕆᖃᑦᑕᓗᓂ ᐃᓪᓗᔪᐊᒥᓪᓗ ᓯᖁᒥᑎᑦᓯᑌᓕᒍᑎᓂᒃ ᐱᓇᓱᐊᕈᓐᓇᓗᓂ, ᓄᓇᖓᓂᒃ ᐊᒻᒪᓗ ᐱᐅᓕᓂᐊᒐᖏᓐᓂᒃ.
- ᖃᐅᔨᒪᓗᓂ ᐊᑐᕈᓐᓇᓯᐊᕐᓗᓂ ᐊᑦᔨᒌᖕᖏᑐᓂᒃ ᐱᐅᓕᓂᐊᒐᕐᓂᒃ, ᓴᓗᒻᒪᓭᒍᑎᓂᒃ ᓴᓗᒻᒣᒍᓐᓇᓯᐊᕐᑎᓗᖏᑦ ᐃᓪᓗᒥ.
- ᓇᓗᓀᕐᓯᒍᓐᓇᓯᐊᕆᐊᓕᒃ ᑭᖕᖒᒪᒋᔭᐅᔪᓂᒃ ᐱᐅᓕᓂᐊᒐᕐᓂᒃ, ᐱᐅᒃᑯᑎᓂᒃ ᐱᐅᓕᓂᐊᒐᕐᓂᓗ ᐊᑐᕐᑕᐅᒋᐊᓕᓐᓂᒃ ᐱᓇᓱᐊᕈᑎᐅᓗᑎᒃ ᐊᒻᒪᓗ ᐊᑦᑕᓇᖕᖏᑑᑎᓗᒋᑦ ᐃᒋᑦᓯᖃᑦᑕᓗᓂ ᒪᓕᑦᓯᐊᓗᓂ ᒪᓕᑦᑕᐅᒋᐊᓕᓐᓂᒃ.
- ᖃᐅᔨᒪᓗᓂ ᖃᕆᑕᐅᔭᕐᒥᒃ ᐊᑐᕈᓐᓇᓗᓂ ᖃᕆᑕᐅᔭᑎᒍᓪᓗ ᐊᑐᕐᑕᐅᓲᓂᒃ ᐱᓇᓱᐊᕐᓗᓂ ᐱᓇᓱᒋᐊᓕᒥᓂᒃ, ᐊᐱᕆᔭᐅᑐᐊᕈᓂ, ᐱᐅᔫᕋᔭᕐᑐᖅ.
- ᐃᑉᐱᒋᔭᖃᕈᓐᓇᓯᐊᕆᐊᓕᒃ ᐊᑦᑕᓇᖕᖏᑑᒻᒪᖔᑕ ᐃᑯᐊᓪᓚᑐᐃᓐᓇᕆᐊᖃᕐᓂᖓᓄᑦ ᐊᒻᒪᓗ ᑎᓪᓕᒐᕐᑕᐅᑐᐃᓐᓇᕆᐊᖃᕐᓂᖏᓐᓄᑦ.
- ᓇᒻᒥᓂᖅ ᐊᒻᒪᓗ ᐱᓇᓱᒐᕐᒥᓄᑦ ᐃᓗᒡᒍᓯᖏᑦ ᐊᑦᔨᒌᖕᖏᑐᓃᑦᓯᒪᒍᓂ ᐃᓱᒪᒋᔭᐅᒐᔭᕐᑐᖅ ᐱᓪᓗᖁᑎᖃᕆᐊᖓ.
- ᓲᔫᒍᑎᖃᕐᓗᓂ ᐱᓇᓱᐊᕈᓐᓇᓂᕐᒥᓂᒃ ᐃᒻᒥᓂᕿᓗᓂ ᐊᒻᒪᓗ ᐱᓇᓱᐊᖃᑎᖃᕐᓗᓂ.
- ᐱᓇᓱᓐᓇᑐᐃᓐᓀᑦ ᓯᓚᑖᒍᑦ ᐱᓇᓱᐊᕐᐸᒐᓗᐊᕈᓂ ᖃᓄᐃᑦᓴᕈᓐᓀᓗᓂ.
- ᐃᓕᒐᓱᐊᕐᑐᖅ ᐱᖁᔭᕐᓂᒃ ᓯᖁᒥᑦᓯᓂᑰᓂᕐᒥᓄᑦ ᓇᓗᓀᕐᑕᐅᓯᒪᐅᑎᖃᕆᐊᖓ ᖃᐅᔨᓴᕐᑕᐅᒐᓗᐊᕈᓂ ᖃᓄᐃᑦᓴᕆᐊᖃᖕᖏᑐᖅ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.