ᑐᑭᓯᐅᑎᑦᓴᓕᕆᐅᑎᓄᑦ ᑭᒡᒐᑐᕈᑎᓂᒃ ᖃᕆᑕᐅᔭᒃᑯᑦ ᐱᓪᓗᑯᒋᐊᓕᑦᑎ
ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᐊᐅᓚᑦᓯᕕᒃ
ᑮᓇᐅᔭᓵᑦ ᐳᕐᑐᓕᕇᕝᕕᖏᑦ
ᐅᖄᒍᑎᐅᒋᐊᓕᒃ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
ᓯᑉᑎᒻᐱᕆ 30, 2022
ᑐᑭᓯᐅᑎᑦᓴᓕᕆᐅᑎᓄᑦ ᑭᒡᒐᑐᕈᑎᓂᒃ ᖃᕆᑕᐅᔭᒃᑯᑦ ᐱᓪᓗᑯᒋᐊᓕᑦᑎ ᐱᓇᓱᐊᕐᓗᒋᑦ ᑭᓯᐊᓂᐅᔪᓂᒃ ᐃᒣᑦᑐᓂᒃ ᑲᒪᒋᐊᖃᕐᐳᖅ:
- ᐃᑲᔪᕐᓗᓂ ᓄᑦᑎᑎᕐᑐᓂᒃ ᓄᑖᒧᑦ ᐱᓇᓱᕝᕕᒧᑦ ᑲᒪᒋᓗᒋᑦ ᖃᕆᑕᐅᔦᑦ ᐱᔪᓐᓇᐅᑎᖏᓪᓗ ᐊᒻᒪᓗ ᐱᐅᒃᑯᑎᖏᑦ.
- ᐃᑲᔪᕐᓗᓂ ᐃᓕᐅᕐᖃᑕᐅᑎᓗᒋᑦ ᐊᒻᒪᓗ ᐱᔪᓐᓇᓯᑎᑕᐅᑎᓗᒋᑦ ᖃᕆᑕᐅᔦᑦ ᐱᖁᑎᒻᒪᕆᑦᑕᖏᑦ, ᖃᕆᑕᐅᔦᑦ ᐊᕐᕿᓱᕐᓯᒪᐅᑎᖏᑦ ᐊᒻᒪᓗ ᐃᓚᑦᓴᔭᖏᑦ.
- ᐋᕐᕿᓱᐃᔨᐅᓗᓂ ᐊᒻᒪᓗ ᑲᔪᓯᑎᑦᓯᔨᐅᓗᓂ ᐃᓕᓐᓂᐊᑎᑦᓯᓂᕐᓂᒃ ᑐᑭᓯᐅᑎᑦᓴᓂᒃ ᖃᕆᑕᐅᔭᒃᑯᑦ ᐃᓂᕐᓯᕖᑦ ᖃᓄᐃᑦᑐᓃᒋᐊᖃᕐᓂᖏᓐᓂᒃ ᐊᒻᒪᓗ ᐱᐅᒃᑯᑎᑕᖏᓐᓂᒃ ᐱᓇᓱᑦᑎᓂᒃ.
- ᖃᕆᑕᐅᔭᒃᑰᑎᑦᓯᐅᑎᓂᒃ ᐱᔪᓐᓇᓯᐊᕐᑎᓯᖏᓐᓇᓗᓂ ᐊᒻᒪᓗ ᐃᓱᕐᕆᓇᕐᑎᓯᖏᓐᓇᓗᓂ.
- ᓱᒻᒪᖔᑕ ᖃᐅᔨᒐᓱᐊᕐᑎᐅᓗᓂ, ᓯᖁᒥᓯᒪᔪᕐᓂᐊᑎᐅᓗᓂ, ᐊᒻᒪᓗ ᐱᔪᓐᓀᓇᕐᑎᓯᓗᓂ ᖃᕆᑕᐅᔭᓂᒃ ᐊᒻᒪᓗ ᐱᓇᓱᐊᕈᑎᑕᖏᓐᓂᒃ ᐃᓱᕐᕆᓇᕐᓗᑎᒃ ᐱᔪᓐᓇᓯᐊᖏᓐᓇᕆᐊᖃᕐᓂᖏᓐᓄᑦ.
- ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᕝᕕᓂᒃ ᐃᑉᐱᒋᔭᖃᕐᓗᓂ ᐃᓘᓐᓇᑎᒃ ᐱᒍᑦᔨᒍᑏᑦ ᓱᖃᑦᓯᑎᑦᓯᒍᑏᑦ ᐊᑐᐃᓐᓇᐅᑎᑕᐅᔪᑦ ᐃᓱᐊᕐᓯᕕᒻᒧᑦ ᐃᓗᕐᖁᓯᕐᑎᒎᑦᓯᐊᒪᖔᑕ ᐊᑦᑕᓇᖕᖏᑑᑎᓗᒋᓪᓗ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐊᐅᓚᑦᓯᕕᐅᑉ ᑲᒪᔨᒻᒪᕆᖓᓂᒃ, ᖃᕆᑕᐅᔭᓄᑦ ᐃᑲᔪᕐᓯᒪᓂᕐᓄᑦ ᐱᓪᓗᑯᒋᐊᓕᑦᑎ ᒪᓂᔨᓯᒪᓚᖓᔪᖅ ᖃᕆᑕᐅᔭᓄᑦ ᐃᑲᔪᕐᓯᒪᐅᑎᓂᒃ ᐃᓘᓐᓀᓂᒃ ᐱᓇᓱᑦᑎᓂᒃ ᐃᑲᔪᕐᑕᐅᒍᒪᔪᓂᒃ ᐊᒻᒪᓗ ᐊᐅᓚᑦᓯᓗᓂ ᐊᑦᔨᒌᖕᖏᑐᓂᒃ ᖃᕆᑕᐅᔭᕈᓐᓇᐅᑎᓂᒃ ᐊᒻᒪᓗ ᐱᐅᒃᑯᑎᓂᒃ. ᓯᕗᓪᓕᐹᒥ ᖃᐅᔨᒋᐊᕐᕕᐅᕙᓚᖓᔪᑦ ᖃᕆᑕᐅᔭᓄᑦ ᓴᐳᑦᔭᐅᒍᑎᐅᒋᐊᓕᓐᓄᑦ ᑎᒥᐅᑉ ᐃᓗᐊᓂ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
ᐱᓪᓗᑯᒋᐊᓕᓐᓂᒃ ᐱᔪᓐᓇᓯᐊᕈᑏᑦ
- ᖃᐅᔨᒪᓗᓂ ᖃᕆᑕᐅᔦᑦ ᐱᔪᓐᓇᓯᐊᕈᑎᖏᓐᓂᒃ (DNS, DHCP, ᐊᓯᖏᓐᓂᓗ)
- ᐅᖄᒍᑎᑐᙯᑦ ᐋᕐᕿᓯᐊᕐᓯᒪᐅᑎᖏᓐᓂᒃ ᐊᒻᒪᓗ IP ᐅᖄᒍᑏᑦ
- ᐱᔪᓐᓇᓯᑎᑦᓯᒍᓐᓇᓗᓂ ᐃᒣᑦᑐᐃᑦ ᐃᓚᐅᑎᓗᒋᑦ:
- Windows Server 2012, 2016 ᐊᒻᒪᓗ 2019 ᐱᔪᓐᓇᓯᐊᖏᓐᓇᑎᒋᐊᓕᖏᑦ ᐊᒻᒪᓗ ᓄᐃᒍᓐᓇᖏᕐᑐᓂᒃ ᐋᕐᕿᓱᐃᒍᓐᓇᓗᓂ
- Windows 10 ᐃᖏᕐᕋᓯᐊᕈᑎᖏᓐᓂᒃ ᖃᓄᐃᓕᖕᖓᐸᑕ ᐊᒻᒪᓗ ᓄᐃᒍᓐᓇᖏᕐᑐᓂᒃ ᐋᕐᕿᓱᐃᒍᓐᓇᓗᓂ
- IP ᐱᑑᕐᑐᓯᒪᐅᑎᖏᓐᓂᒃ ᐊᒻᒪᓗ ᐊᕐᖁᑎᒃᑰᕈᓐᓇᖏᑦᑐᓂᒃ ᐋᕐᕿᓱᐃᒍᓐᓇᓗᓂ
- ᐊᑦᓱᓈᖁᑎᐅᖕᖏᑐᒃᑯᑦ ᑎᑭᑦᑕᑕᐅᒍᑎᓂᒃ ᐱᔪᓐᓇᖏᕐᑐᓂᒃ ᐋᕐᕿᓱᐃᒍᓐᓇᓗᓂ
- ᖃᕆᑕᐅᔭᕐᓂᒃ ᐱᒍᓐᓇᖏᕐᑐᓂᒃ ᐋᕐᕿᓱᐃᒍᓐᓇᓗᓂ
- ᐊᑦᑕᓀᑦᑐᒦᒍᑎᓂᒃ ᐊᒻᒪᓗ ᐅᐃᕖᕐᕆᔭᐅᑦᑌᓕᒍᑎᓂᒃ ᐋᕐᕿᓱᐃᒍᓐᓇᓗᓂ
ᑐᑭᓯᐅᑎᑦᓯᐊᕈᓐᓇᓂᖅ/ᐃᑲᔪᕐᓯᒪᑦᓯᐊᕈᓐᓇᓂᖅ
- ᑐᓴᐅᒪᖃᑎᖃᑦᓯᐊᕈᓐᓇᓗᓂ ᐅᖄᕕᖃᕈᓐᓇᓯᐊᕐᓗᓂ ᐅᖄᕕᐅᒍᓐᓇᓯᐊᕐᓗᓂᓗ
- ᕿᑦᑌᖓᑦᓯᐊᓗᓂ ᐊᒻᒪᓗ ᓱᖏᐅᑎᒍᐊᕐᑑᓗᓂ, ᐊᒻᒪᓗ ᓲᔫᒍᑎᖃᕐᓗᓂ ᐃᑉᐱᒍᓱᑲᐱᒍᓐᓇᓂᕐᒥᓂᒃ ᑲᒪᒋᔭᐅᑲᐱᒋᐊᓕᓐᓂᒃ
- ᑕᑎᒋᐅᑎᒋᐊᖃᕐᓂᒥᒃ ᐱᒻᒪᕆᖁᑎᖃᕐᓗᓂ ᐊᒻᒪᓗ ᐱᕙᓪᓕᐊᑎᑦᓯᒍᓐᓇᓗᓂ ᐃᓅᖃᑎᖃᑦᓯᐊᓂᕐᒥᒃ
- ᓱᖏᐅᑎᑲᐱᒍᓐᓇᓗᓂ ᐊᒻᒪᓗ ᐅᐃᒪᓇᕐᓯᔪᑦ ᑖᒃᑯᓭᓐᓇᐅᖏᒃᑲᓗᐊᕐᐸᑕ ᓴᐱᕐᕆᐊᑌᓕᓯᑎᐅᓗᓂ
- ᐱᓇᓱᐊᖃᑎᖃᑦᓯᐊᕈᓐᓇᓗᓂ ᐊᓯᒥᓂᒃ ᐊᒻᒪᓗ ᐃᒻᒥᓂᕐᓱᕈᓐᓇᓯᐊᕐᓗᓂ
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐱᓇᓱᐊᕆᐅᕐᓴᕈᑎᓂᒃ ᐊᓂᒍᐃᒍᑎᑖᕐᓯᒪᓗᓂ ᐃᓕᓴᕐᓱᓂ ᖃᕆᑕᐅᔭᓂᒃ ᐋᕐᕿᓱᐃᔨᐅᓂᕐᒧᑦ, ᐅᕝᕙᓘᓐᓃᑦ ᐊᑦᔨᒐᓛᖏᓐᓂᒃ (ᐱᓪᓗᖁᑎᒃ).
- ᖃᕆᑕᐅᔭᓕᕆᐅᑎᓂᒃ ᐱᒋᐅᕐᓴᓯᒪᓗᓂ (ᐱᓪᓗᖁᑎᒃ).
ᐱᓇᓱᐊᕐᓯᒪᓂᖓ
- ᒪᕐᕉᓂ ᐊᕐᕌᒎᓐᓂ ᓱᖏᐅᓐᓂᖃᕐᓗᓂ ᐊᑦᔨᒐᓛᖏᓐᓂᒃ ᐱᓇᓱᐊᕐᓯᒪᓗᓂ.
ᖃᐅᔨᒪᔭᖏᑦ ᐱᒍᓐᓇᑕᖏᓐᓗ
- ᐊᕙᑎᒥ ᐊᓯᑦᔨᐸᓪᓕᐊᔪᒥ ᓱᖏᐅᑎᒍᓐᓇᓗᓂ ᐊᒻᒪᓗ ᑲᒪᒋᔭᖃᕈᓐᓇᓗᓂ ᐊᒥᓱᐃᓂᒃ ᐅᐃᒪᓇᕐᑐᓂᒃ.
- ᐱᕙᓪᓕᐊᑎᑦᓯᒍᓐᓇᓗᓂ ᐱᓯᑎᐅᓂᕐᒥᓂᒃ ᐊᒻᒪᓗ ᓄᐃᑕᑎᑦᓯᖏᓐᓇᕈᓐᓇᓂᕐᒥᒃ ᓲᔪᓂᒃ ᕿᒥᕐᕈᓯᑎᐅᓂᕐᒥᓂᒃ ᐊᒻᒪᓗ ᐋᕐᕿᓱᐃᒐᓱᐊᑦᓯᐊᕈᓐᓇᓂᕐᒥᓂᒃ.
- ᐅᖄᒍᓐᓇᓯᐊᕐᓗᓂ ᐊᒻᒪᓗ ᐊᓪᓚᒍᓐᓇᓯᐊᕐᓗᓂ.
- ᐱᕕᑦᓴᓂᒃ ᐊᐅᓚᑦᓯᒍᓐᓇᓯᐊᕐᓗᓂ ᐊᒻᒪᓗ ᐃᓕᓐᓇᖓᑎᑦᓯᒍᓐᓇᓯᐊᕐᓗᓂ ᐱᔭᕇᕐᓯᒪᒋᐊᓕᓐᓂᓗ ᐅᐸᓗᒃᑫᑌᓕᒍᓐᓇᓯᐊᕐᓗᓂ.
- ᑐᓴᕐᑕᐅᒋᐊᖃᖕᖏᑐᓂᒃ ᑐᓴᕐᑎᓯᓲᒍᒍᓐᓀᓗᓂ ᖃᐅᔨᔭᐅᒋᐊᖃᖕᖏᑐᓂᓘᓐᓃᑦ.
- ᐃᒻᒥᓂᕿᒍᓐᓇᓯᐊᕐᓗᓂ ᐱᓇᓱᐊᕐᓗᓂ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᖃᑎᒌᓂ.
- ᐱᒍᓐᓇᓯᐊᕐᓗᓂ ᑫᕙᓪᓚᒍᓰᑦ ᐱᓇᓱᕝᕕᐅᓲᑦ ᓯᓚᑖᓂ ᐱᓇᓱᒍᓐᓇᓗᓂ.
- ᐱᓇᓱᓐᓇᑐᐃᓐᓀᑦ ᓯᓚᑖᒍᑦ ᐱᓇᓱᐊᕐᐸᒐᓗᐊᕈᓂ ᖃᓄᐃᑦᓴᕈᓐᓀᓗᓂ.
- ᐃᓕᒐᓱᐊᕐᑐᖅ ᐱᖁᔭᕐᓂᒃ ᓯᖁᒥᑦᓯᓂᑰᓂᕐᒥᓄᑦ ᓇᓗᓀᕐᑕᐅᓯᒪᐅᑎᖃᕆᐊᖓ ᖃᐅᔨᓴᕐᑕᐅᒐᓗᐊᕈᓂ ᖃᓄᐃᑦᓴᕆᐊᖃᖕᖏᑐᖅ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ ᐊᒻᒪᓗ ᐅᖃᕈᓐᓇᕆᐊᓕᒃ (ᒍᓐᓇᓗᓂ ᑭᓯᐊᓂᐅᕗᖅ). – ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).