ᐋᓐᓂᐊᓯᐅᕆᒍᓐᓇᐅᑎᓕᒃ ᐅᐃᕆᒪᐅᑎᓕᓐᓂᒃ
ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᒪᒥᓴᕐᕕᒥ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
ᐊᐅᔭᓕᕈᑦ 8, 2023
ᐋᓐᓂᐊᓯᐅᕆᒍᓐᓇᐅᑎᓕᒃ ᐅᐃᕆᒪᐅᑎᓕᓐᓂᒃ ᐱᒻᒪᕆᒻᒥᒃ ᐱᓇᓱᒐᖃᕐᖁᖅ ᐅᑯᓂᖓ:
- ᐃᓗᓯᖃᑦᓯᐊᓂᕐᒥᒃ ᐊᒻᒪᓗ ᖃᓄᐃᖕᖏᓯᐊᕐᓂᒥᒃ ᐱᒍᒪᑎᑦᒐᓱᐊᕐᓗᓂ ᑌᑲᓃᑦᑐᓂᒃ ᐱᓇᓱᑦᑎᓂᓪᓗ ᐊᑐᕐᓗᓂ ᐊᑦᑕᓇᕐᑐᒨᕐᑎᓯᑦᑌᓕᒍᑎᓂᒃ ᐋᓐᓂᐊᑎᑦᓯᑌᓕᒍᑎᓂᒃ ᐋᕐᖁᓇᕐᑌᓕᑎᑦᓯᒍᑎᓂᓪᓗ.
- ᑲᒪᓗᓂ ᐋᓐᓂᐊᓯᐅᕐᑕᐅᒍᑎᓂᒃ ᐃᕐᖃᒐᕐᓂᒃ ᑌᑲᓃᑦᑐᓄᑦ.
- ᑲᒪᓗᓂ ᐋᓐᓂᐊᔪᓂᒃ ᐋᓐᓂᑕᐅᒪᔪᓂᓪᓗ ᐋᕐᕿᒋᐊᕆᒍᑎᓂᓪᓗ ᓈᒻᒪᓈᕐᑐᓂᒃ ᐊᑐᕐᓗᓂ ᐊᑐᕐᑕᐅᒋᐊᓕᓐᓂᒃ ᑌᒣᑦᑐᒦᑦᑎᓗᒋᑦ, ᐃᓚᐅᑎᓪᓗᒋᑦ ᐋᓐᓂᐊᓯᐅᕐᑕᒍᑎᓄᑦ ᐅᐃᒪᓇᕐᑐᓄᓪᓘᓃᑦ ᐱᒍᑦᔭᐅᑎᓗᒋᑦ.
- ᑲᒪᒋᓗᒋᑦ ᐃᑲᔪᕐᓗᒋᓪᓗ ᑌᑲᓃᑦᑐᑦ ᐊᔪᕆᒪᔭᒥᓂᒃ ᓄᕐᖃᓂᕐᒧᑦ ᐃᑉᐱᒍᓲᑎᓖᑦ.
- ᑕᑯᑲᑦᑕᖃᑦᑕᓗᓂ ᑌᑲᓃᑦᑐᓂᒃ ᐱᐊᕋᑦᓴᓕᓐᓂᒃ ᐱᐊᕌᕈᓕᓐᓂᓗ.
- ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᕝᕕᓂᒃ ᐃᑉᐱᒋᔭᖃᕐᓗᓂ ᐃᓘᓐᓇᑎᒃ ᐱᒍᑦᔨᒍᑏᑦ ᐱᓇᓱᐊᕐᑕᐅᔪᐃᓪᓗ ᐊᑐᐃᓐᓇᐅᑎᑕᐅᔪᑦ ᐃᓱᐊᕐᓯᕕᒻᒧᑦ ᐃᓗᕐᖁᓯᑎᒎᑦᓯᐊᒪᖔᑕ ᐊᑦᑕᓇᖕᖏᑑᑎᓗᒋᓪᓗ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᓴᓗᐊᕐᓴᕕᒻᒦᑐᑦ ᐱᓇᓱᐊᕐᑕᐅᓂᖏᓐᓄᑦ ᑲᒪᔨᖓᓂᒃ, ᐋᓐᓂᐊᓯᐅᕆᒍᓐᓇᐅᑎᓕᒃ ᐅᐃᕆᒪᐅᑎᓕᓐᓂᒃ ᑲᒪᒋᔭᖃᕆᐊᓕᒃ ᖃᐅᔨᒍᓐᓇᓗᓂ ᐱᑕᖃᕐᑎᓯᑦᑌᓕᓗᓂᓗ ᐋᓐᓂᐊᓂᕐᒥᒃ, ᐋᓐᓂᓂᕐᒥᒃ ᐊᒻᒪᓗ ᐋᓐᓂᐊᓇᕐᑐᓂᒃ. ᐋᓐᓂᐊᓯᐅᕆᖃᑦᑕᓗᓂ ᖃᐅᔨᓴᖃᑦᑕᓗᒋᑦ, ᖃᐅᔨᓴᕐᑕᐅᒍᑎᓂᒃ ᐊᑐᖃᑦᑕᓗᓂ ᐊᑐᕐᓗᓂᓗ ᖃᐅᔨᓴᐅᑎᓂᒃ ᑖᒃᑯᓄᖕᖓᓕᖓᔪᓂᒃ. ᐅᖃᐅᑦᔪᐃᖃᑦᑕᓗᓂ ᓴᓗᒪᒋᐊᖃᕐᓂᖏᓐᓂᒃ, ᐱᐊᕋᑦᓴᖃᕐᓂᒥᒃ, ᓂᕆᑦᓯᐊᕆᐊᖃᕐᓂᖏᓐᓂᒃ, ᐃᑦᓯᒎᕐᓂᑯᓪᓗ ᖃᓂᒪᓐᓇᑖᕆᔭᐅᓲᓂᒃ, ᐃᒥᐊᓗᒻᒥ ᐊᒻᒪᓗ ᐋᖓᔮᓐᓇᑐᓂᒃ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
- ᐃᓚᐅᖃᑦᑕᕆᐊᓕᒃ ᐊᑐᐃᓐᓇᕈᕐᑎᓗᓂ ᐊᑦᔨᒌᖕᖏᑐᓂᒃ ᖃᐅᔨᒪᔭᐅᒋᐊᓕᓐᓂᒃ, ᑲᐱᔭᐅᓂᕐᒧᑦ ᐊᓯᖏᓐᓄᓘᓐᓃᑦ ᐱᓇᓱᐊᕐᑎᓯᒍᑎᐅᔪᓄᑦ ᐁᑦᑐᐱᔭᕐᑌᓕᑎᑦᓯᒍᑎᓄᑦ ᖃᓂᒪᓐᓇᒥᒃ ᐱᓂᕐᓗᓂᕐᒥᓘᓐᓃᑦ ᐱᒍᒪᔭᐅᓕᕐᑎᓯᓗᓂᓘᓐᓃᑦ ᓴᓗᒪᑦᓯᐊᓂᕐᒥᒃ ᐃᓘᓐᓈᒍᑦ.
- ᑲᒪᒋᔭᖃᕐᓗᓂ ᐃᕐᖃᕋᑦᓴᓕᐊᖑᓯᒪᔪᓂᒃ ᐃᕐᖃᒐᕐᓂᒃ ᑌᑲᓃᑦᑐᓄᑦ ᐊᑦᑕᓇᖕᖏᑐᒦᑦᑎᓗᒋᓪᓗ ᖃᐅᔨᒪᔭᐅᑎᑦᓯᑌᓕᒍᑎᓄᓪᓗ ᒪᓕᑦᓯᐊᑎᓗᒋᑦ.
- ᓇᓗᓀᕐᓯᒍᓐᓇᑐᖅ ᐊᑦᑕᓇᕐᑐᓂᒃ ᖃᓄᐃᓕᖓᐅᑎᐅᔪᓂᒃ ᐊᒻᒪᓗ, ᕆᐊᖃᑐᐊᕈᓂ, ᖃᐅᔨᑎᑦᓯᓗᓂ ᖃᐅᔨᒋᐊᓕᓐᓂᒃ ᐊᒻᒪᓗ ᐃᑉᐱᒋᓗᒋᑦ ᖃᐅᔨᑎᑦᓯᒍᑏᑦ ᓄᐃᑎᑕᐅᒍᑎᖏᓐᓂᒃ. ᓈᒻᒪᓈᕐᑐᓂᒃ ᐃᒣᓕᒋᐊᕆᒍᑎᓕᐅᕐᓗᓂ ᐃᒣᓗᖁᔨᒍᑎᓂᓪᓗ ᐊᐅᓚᑦᓯᓂᓕᕆᓂᕐᒧᑦ
- ᐋᓐᓂᐊᔪᖃᑐᐊᕐᐸᑦ ᐋᓐᓂᑐᖃᑐᐊᕐᐸᓘᓐᓃᑦ, ᐋᓐᓂᑐᓄᑦ ᑲᒪᒍᑎᓂᒃ ᐊᑐᖃᑦᑕᓗᓂ. ᖃᓄᐃᑦᑑᓂᖓ ᒪᓕᓪᓗᒍ ᐋᓐᓂᐊᓂᖓᑕ ᐋᓐᓂᓂᖓᑕᓗ, ᑌᑲᓃᑦᑐᒥᒃ ᐋᓐᓂᐊᓯᐅᕐᑎᒪᕆᒻᒧᑦ ᑕᑯᔭᐅᔪᑦᓴᓕᐅᕐᓗᓂ ᐋᓐᓂᐊᕕᓕᐊᕐᑎᓯᓗᓂᓘᓐᓃᑦ.
- ᐱᓇᓱᐊᕐᓗᓂ ᐱᓇᓱᐊᕐᑕᐅᒋᐊᓕᓐᓂᒃ ᖃᓄᐃᖕᖏᓯᐊᕐᓂᒨᓕᖓᔪᓂᒃ ᑌᑲᓃᑦᑐᓄᑦ ᒪᓕᓪᓗᒋᑦ ᐋᓐᓂᐊᓯᐅᕐᑕᐅᖁᔭᐅᒍᑕᐅᓯᒪᔪᑦ.
- ᐃᑉᐱᒋᓗᒋᑦ ᐃᑲᔪᕐᓗᒋᓪᓗ ᑌᑲᓃᑦᑐᑦ ᓄᕐᖃᓂᕐᒥᓄᑦ ᐋᓐᓂᐊᓂᖃᑐᐃᓐᓇᕆᐊᓖᑦ.
- ᐱᑕᖃᕐᑎᓯᓗᓂ ᑕᑯᒋᐊᓪᓚᑐᑦᓴᓕᐅᕐᓗᓂ ᑌᑲᓃᑦᑐᓂᒃ ᐱᐊᕋᑦᓴᓕᓐᓂᒃ ᐱᐊᕌᕈᕐᓂᓗ.
- ᒪᑐᐃᕐᓯᖃᑦᑕᓗᓂ ᓄᑕᐅᓯᓕᖃᑦᑕᓗᒋᓪᓗ ᐊᓪᓚᑕᐅᓯᒪᒍᑎᐅᒋᐊᓖᑦ, ᐊᑐᐃᓐᓇᕈᕐᑎᓗᒋᑦ ᑐᓴᕐᑎᓯᒍᑏᑦ ᑐᑦᓯᕋᐅᑕᐅᔪᑦ, ᐱᐅᒃᑯᑎᓂᒃ ᐱᑕᖃᑦᓯᐊᑎᑦᓯᖏᓐᓇᓗᓂ, ᓯᖁᒥᑎᑦᑌᓕᓗᒋᑦ ᐱᐅᓕᓂᐊᒉᑦ ᐱᐅᒃᑯᑏᓪᓗ ᐊᑐᖃᑦᑕᑕᖏᑦ ᓴᓗᒪᑦᓯᐊᑎᓗᒋᓪᓗ ᐃᕐᐸᖓᑎᑦᓯᑌᓕᓗᓂᓗ ᐊᓪᓚᕕᒻᒥᓂᒃ.
- ᐃᓕᓐᓂᐊᑎᑦᓯᒋᐊᓕᒃ ᐊᓯᖏᓐᓂᒃ ᐱᓇᓱᑦᑎᓂᒃ ᐱᓇᓱᒋᐊᓕᖏᓐᓂᓗ ᐱᓇᓱᑦᑏᑦ ᑲᒪᓗᓂ ᐱᓇᓱᐊᕐᑎᓗᒋᑦ ᐱᓇᓱᒋᐊᓕᖏᓐᓂᒃ ᐊᑐᓕᕐᑎᑕᐅᓂᖏᓐᓅᓕᖓᔪᓂᒃ ᐃᓗᓯᓕᕆᓂᕐᒨᓕᖓᔪᑦ ᐱᓇᓱᐊᕐᑕᐅᒍᑎᖏᓐᓂᒃ.
- ᐱᓇᓱᐊᕐᓗᓂ ᐊᓯᖏᓐᓂᒃ ᐱᓇᓱᒐᕐᒥᓅᓕᖓᔪᓂᒃ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐃᓚᐅᔫᒋᐊᓕᒃ ᐋᓐᓂᐊᓯᐅᕐᑎᐅᓂᕐᒥᒃ ᐃᓕᑕᕆᔭᐅᒍᑎᓕᓐᓄᑦ.
- ᐃᓕᓐᓂᐊᓯᒪᓗᓂ ᐅᐃᕆᒪᓇᕐᑐᓕᕆᓂᕐᒥᒃ, ᐃᓱᒪᓕᕆᓂᕐᒥᒃ ᐱᐊᕋᑦᓴᓕᓐᓂᒃ ᐱᐊᕋᕐᑖᑐᕕᓂᕐᓂᓗ ᑲᒪᒋᐊᒥᒃ (ᐱᐅᔫᕋᔭᕐᑐᖅ).
ᐱᓇᓱᐊᕐᓯᒪᓂᖓ
- ᑕᓪᓕᒪᓂᒃ 5 ᐊᕐᕌᒍᓂᒃ ᐱᓇᓱᐊᕐᓯᒪᓗᓂ ᐋᓐᓂᐊᓯᐅᕐᑎᐅᓂᕐᒥᒃ.
- ᐱᓇᓱᐊᕐᓯᒪᓗᓂ ᐱᓇᓱᐊᕐᑕᐅᔪᓂᒃ ᐊᑐᕐᑕᐅᑎᑦᓯᓂᕐᒥᒃ ᐅᐃᕆᒪᓇᕐᑐᐃᑦ ᐊᑐᕐᑕᐅᓂᖏᓐᓂᒃ ᖃᐅᔨᓗᓂ, ᐃᓱᒪᐅᑉ ᖃᓄᐃᖕᖏᓯᐊᕐᓂᖓᓂᒃ ᐊᒻᒪᓗ/ᐅᕝᕙᓘᓐᓃᑦ ᐱᐊᕋᑦᓴᓕᓐᓂ ᐱᐊᕋᕐᑖᑐᕕᓂᕐᓂᓗ (ᐱᐅᔫᕋᔭᕐᑐᖅ).
ᖃᐅᔨᒪᒋᐊᓕᒃ ᐅᐃᒪᓇᕐᑐᓕᕆᓂᕐᒥᒃ ᐊᒻᒪᓗ ᐱᓇᓱᐊᕈᓐᓇᓗᓂ ᐅᐃᒪᓇᕐᑐᓕᕆᓂᕐᒥᒃ ᐱᓇᓱᐊᑦᓴᐅᑎᒋᒍᓐᓇᓗᓂ ᐋᓐᓂᐊᔪᓂᒃ ᑌᑲᓃᑦᑐᑦ ᐊᑑᑎᔭᖏᓐᓂᒃ.
- ᖃᐅᔨᒪᒋᐊᓕᒃ ᐅᐃᒪᓇᕐᑐᓕᕆᓂᕐᒥᒃ ᐊᒻᒪᓗ ᐱᓇᓱᐊᕈᓐᓇᓗᓂ ᐅᐃᒪᓇᕐᑐᓕᕆᓂᕐᒥᒃ ᐱᓇᓱᐊᑦᓴᐅᑎᒋᒍᓐᓇᓗᓂ ᐋᓐᓂᐊᔪᓂᒃ ᑌᑲᓃᑦᑐᑦ ᐊᑑᑎᔭᖏᓐᓂᒃ.
- ᐃᓕᓐᓂᐊᑎᑦᓯᒍᓐᓇᓗᓂ ᑌᑲᓃᑦᑐᓂᒃ ᐊᒻᒪᓗ ᑌᑲᓃᑦᑐᑦ ᐃᓚᖏᓐᓂᒃ ᐱᒻᒪᕆᓐᓂᒃ ᐊᑦᑕᓇᕐᑐᒦᑦᑎᓯᑦᑌᓕᒍᑎᓂᒃ, ᐋᓐᓂᐅᓯᐅᕐᑕᐅᒍᑕᐅᔪᓂᒃ ᐊᒻᒪᓗ ᒪᒥᓴᕐᑕᐅᒍᑎᖏᓐᓂᒃ, ᐊᖏᓕᑎᑦᓯᑌᓕᔪᓂᒃ ᐊᑦᑕᓇᕐᑐᒦᑐᐃᓐᓇᕆᐊᖃᕐᓂᖓᓂᒃ ᑌᑲᓃᑦᑐᖅ ᐋᕐᕿᐸᓪᓕᐊᑎᑦᓯᐊᕋᓱᐊᕐᓗᒍ.
- ᐅᖄᒍᓐᓇᓯᐊᕐᓗᓂ ᐱᒍᓐᓇᓯᐊᕆᐊᖃᕐᒥᔭᖓ ᓈᓚᒍᓐᓇᓯᐊᕐᓗᓂ, ᕿᒥᕐᕈᕈᓐᓇᓯᐊᕐᓗᓂᓗ ᐅᖄᒍᓐᓇᓗᓂ ᐊᒻᒪᓗ ᑐᑭᓯᒪᒍᓐᓇᓯᐊᕐᓗᓂ ᐱᓇᓱᐊᕈᓐᓇᓯᐊᕆᐊᖃᕐᓂᒥᓄᑦ ᑌᑲᓃᑦᑐᓂᒃ ᐃᓚᖏᓐᓂᓗ, ᐋᓐᓂᐊᓯᐅᕐᑎᒪᕆᒻᒥᓗ ᐊᓯᖏᓐᓂᓗ ᐋᓐᓂᐊᕕᒻᒥ ᐱᓇᓱᑦᑎᓂᒃ.
- ᖃᐅᔨᓴᑦᓯᐊᕈᓐᓇᓗᓂ ᐱᓀᓗᑕᕐᒥᓗ ᐋᕐᕿᒍᓐᓇᓗᓂ ᑲᒪᒍᓐᓇᓯᐊᕆᐊᖃᕐᓂᒥᓄᑦ ᐱᔭᕆᐊᑐᔪᓂᒃ ᖃᓄᐃᓕᖓᐅᑎᐅᔪᓂᒃ ᐱᓇᓱᕝᕕᒥ ᐅᐃᒪᔮᕈᓐᓀᓗᓂᓗ ᐋᕐᕿᓱᐃᒍᓐᓇᓗᓂ ᐋᕐᕿᒍᑎᐅᒐᔭᕐᑐᓂᒃ.
- ᐃᒻᒥᓄᑦ ᐱᓇᓱᒐᕐᒧᓗ ᐊᑑᑎᓯᒪᓗᓂ ᐃᓗᕐᖁᓯᖃᑎᒌᖕᖏᑐᓂᒃ ᐱᓇᓱᖃᑎᖃᕐᓂᒥᒃ.
- ᐃᒻᒥᓂᕿᒍᓐᓇᓯᐊᕐᓗᓂ ᐱᓇᓱᐊᕐᓗᓂ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᖃᑎᒌᓂ.
- ᐱᒍᓐᓇᓯᐊᕐᓗᓂ ᑫᕙᓪᓚᒍᓰᑦ ᐱᓇᓱᕝᕕᐅᓲᑦ ᓯᓚᑖᓂ ᐱᓇᓱᒍᓐᓇᓗᓂ.
- ᐱᓇᓱᒐᕐᑖᕋᓱᐊᕐᑐᖅ ᑐᓂᔨᒍᓐᓇᕆᐊᓕᒃ ᐱᖁᔭᓂᒃ ᓯᖁᒥᑦᓯᓯᒪᒻᒪᖔᕐᒥ ᖃᐅᔨᓴᕐᑕᐅᒍᑎᓂᒃ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.