ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᐊᐅᓚᑦᓯᕕᒃ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
ᓯᑉᑎᒻᐱᕆ 30, 2022
ᐃᓱᐊᕐᓯᕕᒃ ᐊᖏᕈᑎᖃᕐᓯᒪᒻᒪᑦ ᐅᓄᕐᓯᒋᐊᕐᑕᐅᓂᑦᓴᖓᓂᒃ ᐱᒍᑦᔨᐅᑎᖏᑦᑕ ᐱᓇᓱᑦᑎᖏᑦᑕᓗ ᓄᑖᒥᓪᓗ ᐃᓱᐊᕐᓯᕕᑦᑖᕋᔭᕐᓂᒥᒃ. ᓄᑖᖅ ᐃᓱᐊᕐᓯᕕᒻᒥ ᐱᓇᓱᕝᕕᐅᒐᔭᕐᑐᖅ:
- ᐅᓄᕐᓂᓴᓂᒃ ᐃᓄᒻᒪᕆᓐᓂᒃ ᐱᒍᑦᔨᕕᐅᖃᑦᑕᓂᐊᕐᓗᓂ;
- ᐃᓄᒻᒪᕇᑦ ᐊᕐᓀᑦ ᐊᖑᑏᓪᓗ ᐊᑕᐅᑦᓯᑯᑦ ᐱᒍᑦᔭᐅᒋᐊᕐᑐᖃᑦᑕᕈᓐᓇᓂᐊᕐᑎᓗᒋᑦ;
- ᐃᓚᒌᒍᓈᕐᑎᑐᑦ ᒪᒥᓴᖃᑎᒌᒍᓐᓇᖃᑦᑕᓂᐊᕐᑎᓗᒋᑦ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐊᐅᓚᑦᓯᓂᓕᕆᕕᒻᒥ ᐊᓪᓚᕕᐅᑉ ᑲᒪᔨᖓᓂᒃ ᐃᒐᔨ ᐃᓱᐊᕐᓯᕕᒻᒦᑐᓂᒃ ᐊᑐᕐᑎᓂᒃ ᓂᕐᓯᐅᕈᑦᔨᖃᑦᑕᓗᓂ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
ᓂᕿᓂᒃ ᐊᑐᐃᓐᓇᕈᕐᑎᓂᖅ ᐊᒻᒪᓗ ᐸᕐᓇᓂᖅ
- ᐱᓇᓱᐊᕈᓯᓕᒫᒥ ᐊᑐᐃᓐᓇᓕᐅᖃᑦᑕᓂᖅ ᐊᓪᓚᓯᒪᓗᒋᑦ ᓂᕆᒐᑦᓴᖏᑦ ᐊᑐᕐᑏᑦ.
- ᐊᑐᐃᓐᓇᕈᕐᑎᕆᖃᑦᑕᓗᓂ ᓂᕆᓐᓇᓯᒋᐊᑕᒫᑦ ᓂᕆᒐᑦᓴᓂᑦ ᐅᖁᒻᒥᓗᒐᑦᓴᓂᓪᓗ ᐅᓪᓗᑕᒫᑦ, ᑎᒥᒻᒧᑦ ᓂᕿᑦᓯᐊᓂᒃ.
- ᑕᑯᒋᐊᖃᑦᑕᓗᓂ ᐅᓪᓗᒥᒧᑦ ᐸᕐᓀᕈᑎᓂᒃ ᐱᓇᓱᓯᒋᐊᓚᐅᕋᓂ.
- ᐃᒐᔨ ᓂᕿᑐᐃᓐᓇᓕᕆᓕᓂᐅᒋᐊᓕᒃ.
- ᑲᒪᒋᔭᖃᕆᐊᓕᒃ 100%-ᒥᒃ ᐃᒐᔨᒧᑦ ᓂᕿᓕᐊᕕᓃᑦ ᓂᕆᒐᑦᓴᓯᐊᒻᒪᕆᐅᒻᒪᖔᑕ.
- ᐊᑦᔨᒌᖕᖏᑐᓂᒃ ᐊᑐᐃᓐᓇᕈᕐᑎᕆᖃᑦᑕᓗᓂ ᓂᕿᓂᒃ, ᑕᕆᐅᕐᒥᐅᑕᕕᓂᕐᓂᒃ, ᐊᑭᒡᒋᐅᔭᓂᒃ, ᐱᕈᕐᑐᕕᓂᕐᓂᒃ ᐊᓯᖏᓐᓂᓗ ᓂᕐᓯᐊᓴᓂᒃ ᑭᐊᑦᓴᐅᑎᐅᑉ ᐃᓗᐊᓂ (broilers, grills) ᓵᑦᑐᔭᕋᑦᓴᓂᓪᓗ ᐊᓯᖏᓐᓂᓗ ᐃᒐᐅᑎᐅᓲᓂᒃ ᐊᑐᐃᓐᓇᐅᑎᑦᓯᓗᓂ.
- ᓂᕿᓂᒃ ᓂᐅᕕᕈᓐᓇᐅᑎᓂᒃ ᐊᑐᐃᓐᓇᐅᑎᑦᓯᖃᑦᑕᓗᓂ ᒋᐊᖃᓕᕈᓂ.
- ᓂᖀᑦ ᓄᖑᒋᐊᕕᖕᖏᑲᓗᐊᕐᒪᖔᑕ ᐃᑉᐱᒍᓱᖃᑦᑕᓗᓂ.
- ᑲᒪᖃᑦᑕᓗᓂ, ᓴᓂᕐᕙᐅᙯᖃᑦᑕᓗᓂ, ᐊᑎᓕᐅᕆᖃᑦᑕᓗᓂ ᓅᑎᕆᖃᑦᑕᓗᓂᓗ ᓂᕿᓂᒃ ᒪᓕᓪᓗᒋᑦ ᐱᖁᔭᓕᐊᒍᓯᒪᔪᑦ.
ᐃᒐᕕᒻᒥ
- ᐱᔭᕇᕆᐊᓕᓐᓂᒃ ᐱᔭᕇᕐᒣᑐᓂᒃ ᐊᓪᓚᓯᐊᖃᑦᑕᓗᓂ.
- ᓴᓗᒪᑎᑦᓯᓯᐊᕐᓗᓂ ᐃᓂᓪᓚᖓᑎᑦᓯᓯᐊᕐᓗᓂᓗ ᐱᓇᓱᕝᕕᒥᓂᒃ ᐃᕐᒥᓯᐊᖃᑦᑕᓗᒍ ᖁᐱᕐᕈᐃᔦᒍᑎᒧᓪᓗ ᓴᓗᒻᒪᓴᖃᑦᑕᓗᒋᑦ ᐃᒐᓕᒃ ᐃᒐᐅᑏᓪᓗ.
- ᖃᐅᔨᑎᑦᓯᓴᐅᑎᒋᖃᑦᑕᓗᓂ ᐊᐅᓚᑦᓯᓂᓕᕆᕕᒻᒥ ᑲᒪᔨᒧᑦ ᐊᓪᓚᕕᒻᒥ ᐱᐅᒃᑯᑎᑖᕆᐊᖃᓕᕈᓂ ᓂᕿᖃᑦᓯᐊᕈᓐᓀᐸᓪᓘᓃᑦ.
- ᖃᐅᔨᒪᓗᓂ ᒪᓕᒐᑦᑎᓂᒃ ᐊᑕᐅᓯᐅᑉ ᓂᕆᒐᑦᓴᓗᐊᖓᑕ ᖃᓄᐃᓪᓗᐊᕆᐊᖃᕐᓂᖓᓂᒃ, ᓂᕐᓯᐅᕈᓯᓄᑦ, ᐱᑦᓯᐊᑕᐅᓂᕐᐸᐅᒋᐊᖃᕐᓂᖓᓄᑦ ᐊᒻᒪᓗ ᐃᒐᓕᒻᒥ ᒪᓕᒐᕐᓄᑦ, ᓂᕐᓯᐅᕈᓯᕐᓄᑦ, ᒪᓕᒐᓕᐊᒍᓯᒪᔪᓄᑦ ᖃᓄᐃᓘᕈᓯᕐᓄᓗ.
ᐊᓐᓄᕌᑦ ᐱᓇᓲᑏᑦ ᐊᑐᕆᐊᓕᖏᑦ
- ᑲᓈᖏᑦᑐᓯᒪᓗᓂ ᓴᓗᒪᔪᑦᓯᐊᓂᒃ ᓯᐊᕐᕆᔮᒍᖕᖏᑑᓐᓂᒃ.
- ᓴᓗᒪᔪᒥᒃ ᓵᖏᓕᑕᖃᕐᓗᓂ (ᓵᖏᓕᑕᖃᕐᑎᑕᐅᓛᕐᑐᖅ).
- ᓄᔭᒥᓂᒃ ᓄᓗᐊᕐᓯᒪᑎᑦᓯᓗᓂ ᓇᓴᕐᓯᒪᓗᓂᓘᓐᓃᑦ (ᓄᓗᐊᖃᕐᑎᑕᐅᓛᕐᑐᖅ).
ᐊᐅᓚᑦᓯᕕᒃ
- ᑲᑎᒪᓂᐅᒋᐊᓕᓕᒫᓄᑦ ᑲᑎᒪᒋᐊᕐᑐᖃᑦᑕᓗᓂ ᐱᑦᓯᐊᕆᐊᕈᑎᑦᓴᓂᒃ ᓂᑦᔮᕈᑎᖃᖃᑦᑕᓗᓂ.
- ᐊᐅᓚᑦᓯᓂᓕᕆᕕᒻᒥ ᑲᒪᔨᒧᑦ ᐊᓪᓚᕕᒻᒥ ᑎᓕᔭᐅᒍᑎᒥᓂᒃ ᐊᓯᖏᓐᓂᒃ ᐱᓇᓱᐊᖃᑦᑕᓗᓂ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐱᒋᐅᕐᓴᓯᒪᓂᖅ ᓂᕿᓅᓕᖓᔪᓂᒃ ᐃᒥᕋᑦᓴᓅᓕᖓᔪᓂᓪᓗ (ᐱᔭᕇᕈᑎᑖᕐᓯᒪᓗᓂ ᓇᓗᓀᕐᑕᐅᒍᑎᑖᕐᓯᒪᓗᓂᓘᓐᓃᑦ).
ᐱᓇᓱᐊᕐᓯᒪᓂᖓ
- ᐊᕐᕌᒍᒥ ᐊᑕᐅᓯᕐᒥ ᒪᕐᕉᓂᓪᓘᓃᑦ ᐱᓇᓱᐊᕐᓯᒪᓗᓂ ᑕᒪᑐᒧᖓᐅᓕᖓᔪᒥᒃ.
- ᐸᕐᓇᓕᓂᐅᓗᓂ ᖃᓄᐃᓘᕐᑎᓯᓂᒐᓚᓐᓂᒃ ᐅᓇᒻᒥᓇᐅᑎᐅᒋᐊᖓ ᐃᓱᒪᒋᔭᐅᕋᔭᕐᑐᖅ.
ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ
- ᑐᓴᐅᒪᑎᑦᓯᓯᐊᕈᓐᓇᕆᐊᓕᒃ ᐊᑐᕐᑎᓂᒃ ᐱᓇᓱᑦᑎᓂᓪᓗ.
- ᑎᒍᓚᒋᐊᓕᓐᓂᒃ ᑎᑭᐅᑎᒍᓐᓇᕆᐊᓕᒃ ᐅᑯᒋᐊᑲᑦᑕᕈᓐᓇᓗᓂᓗ ᑭᕕᑦᓯᖃᑦᑕᕈᓐᓇᓗᓂᓗ ᐅᖁᒣᓐᓂᓕᓐᓂᒃ 40 pounds-ᓄᑦ ᑎᑭᑦᑐᓂᒃ.
- ᓂᑯᕐᕋᑯᑖᖃᑦᑕᕈᓐᓇᕆᐊᓕᒃ (ᑫᕙᓪᓚᒍᓯᓄᑦ ᐱᖓᓲᔪᕐᑐᓄᑦ (6) ᑎᑭᑦᑐᓂᒃ).
- ᑎᓕᔭᐅᒍᑎᒥᓂᒃ ᐱᓇᓱᐊᑦᓯᐊᕈᓐᓇᕆᐊᓕᒃ ᐊᐱᕐᓱᓯᐊᖃᑦᑕᓗᓂ ᑐᑭᓯᑦᓯᐊᖏᒃᑯᓂ.
- ᐱᓇᓱᓕᓂᐅᓗᓂ ᑕᕐᕋᒥ ᐊᒻᒪᓗ ᐃᓕᕐᖁᓯᖃᑎᒋᖕᖏᑕᒥᓂᒃ ᐱᓇᓱᖃᑎᖃᓕᓂᐅᓗᓂ.
- ᐃᓗᓯᕐᓱᓯᐊᕐᓗᓂ.
- ᐱᓇᓱᓐᓇᑐᐃᓐᓀᑦ ᓯᓚᑖᒍᑦ ᐱᓇᓱᐊᕐᐸᒐᓗᐊᕈᓂ ᖃᓄᐃᑦᓴᕈᓐᓀᓗᓂ.
- ᐃᓕᓯᒪᓗᓂ Microsoft Office suite ᖃᕆᑕᐅᔭᕈᑎᓂᒃ, ᐃᓚᐅᑎᓪᓗᒋᑦ Word, Excel ᐊᒻᒪᓗ Outlook ᐅᓇᒻᒥᓇᕐᓴᐅᑎᐅᒍᓐᓇᒥᔪᖅ.
- ᐊᖁᒍᓐᓇᐅᑎᖃᑦᓯᐊᓗᓂ.
- ᐱᓇᓱᒐᕐᑖᕋᓱᐊᕐᑐᖅ ᑐᓂᔨᒍᓐᓇᕆᐊᓕᒃ ᐱᖁᔭᓂᒃ ᓯᖁᒥᑦᓯᓯᒪᒻᒪᖔᕐᒥ ᖃᐅᔨᓴᕐᑕᐅᒍᑎᓂᒃ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐊᓪᓚᒍᓐᓇᕆᐊᓕᒃ ᖃᓪᓗᓈᑎᑐᑦ ᐅᖄᒍᓐᓇᓗᒍᓗ.
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒻᒪᕆᑎᒍᑦ ᐱᕙᓪᓕᐊᓂᖃᕉᑕᕆᔪᖅ ᑲᒪᔨᖏᑦᑕ ᓴᖑᒍᐊᕐᑑᒍᑎᒋᒋᐊᖃᓕᕐᑕᖏᓐᓂᒃ, ᓄᐃᑎᕆᑦᓯᐊᕈᓐᓇᕈᑎᒋᓗᒋᑦ ᐊᒻᒪᓗ ᓱᖏᐅᑎᑲᐱᒍᓐᓇᓯᐊᕈᓐᓇᓗᓂ.
- ᐱᓇᓱᒐᕐᒧᑦ ᐃᓕᔪᖅ ᑲᓱᕐᑎᓯᒍᓐᓇᕆᐊᓕᒃ ᐊᒥᓱᐃᓂᒃ ᑲᒪᒋᔭᑦᓴᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᑭᒡᒐᑐᕐᑕᐅᒋᐊᕐᑐᓯᒪᔪᓄᑦ ᒪᒥᓴᕐᕕᒥ, ᐱᓇᓱᑦᑎᓄᑦ ᐊᒻᒪᓗ ᐃᓱᐊᕐᓯᕕᐅᑉ ᐱᓇᓱᐊᖃᑎᒋᓲᖏᓐᓄᑦ.
- ᐊᑐᐃᓐᓇᖃᕐᕕᖃᕆᐊᓕᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᒪᕆᐅᓂᕐᒥᓄᑦ ᐱᒐᓱᐊᒻᒪᕆᐅᑎᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᓂᕐᒧᑦ, ᐅᖓᓯᑦᑐᒦᑦᑐᒥ ᓄᓇᓕᒦᓪᓗᓂ ᐃᑲᔪᕐᑕᐅᒍᑎᑦᓴᖃᑦᓯᐊᖏᑦᑐᒥ ᓱᓇᓕᒫᖃᕋᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.