ᐃᑲᔪᕐᑎ/ᐃᓕᓐᓂᐊᑎᑦᓯᔨ
ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᐃᓄᐃᑦ ᐃᓪᓕᕆᔭᖏᑦ ᐱᓇᓱᐊᕈᓯᖏᓪᓗ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
December 4th, 2023
ᐃᑲᔪᕐᑎ/ᐃᓕᓐᓂᐊᑎᑦᓯᔨ ᐱᒻᒪᕆᒻᒥᒃ ᐱᓇᓱᒐᖃᕐᖁᖅ ᐅᑯᓂᖓ:
- ᑲᒪᒋᔭᖃᕐᓗᓂ ᐃᓕᓐᓂᐊᕕᒻᒥᒃ ᐃᓕᓐᓂᐊᑎᓂᓪᓗ ᐃᑉᐱᒋᓗᒋᓪᓗ ᕿᒪᑦᑕᐅᒪᒻᒪᖔᑕ ᐃᓕᓐᓂᐊᑕᒥᓄᑦ.
- ᐃᑉᐱᒋᓗᒋᑦ ᐊᑦᑕᓇᖕᖏᑐᒦᒻᒪᖔᑕ ᑌᒪᖕᖓᑦ ᐃᓕᓐᓂᐊᑏᑦ.
- ᓴᓗᒪᑎᓗᒋᑦ, ᓲᓱᑦᓴᑎᑦᓯᐊᓗᒋᓪᓗ, ᓈᓚᑦᓯᐊᓗᑎᓪᓗ ᐃᓕᓐᓂᐊᕕᒻᒥ ᒪᓕᑦᓯᐊᓗᑎᓪᓗ ᐃᓕᓐᓂᐊᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᐃᓕᓐᓂᐊᕕᒻᒧᑦ ᐅᖃᐅᑎᔭᐅᒪᒍᑎᒥᓂᒃ.
- ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᕝᕕᓂᒃ ᐃᑉᐱᒋᔭᖃᕐᓗᓂ ᐃᓘᓐᓇᑎᒃ ᐱᒍᑦᔨᒍᑏᑦ ᓱᖃᑦᓯᑎᑦᓯᒍᑏᑦ ᐊᑐᐃᓐᓇᐅᑎᑕᐅᔪᑦ ᐃᓱᐊᕐᓯᕕᒻᒧᑦ ᐃᓗᕐᖁᓯᕐᑎᒎᑦᓯᐊᒪᖔᑕ ᐊᑦᑕᓇᖕᖏᑑᑎᓗᒋᓪᓗ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐃᓄᐃᑦ ᐃᓪᓕᕆᔭᖏᑦᑕ ᐱᓇᓱᐊᕐᕈᓯᖏᑦᑕᓗ ᑲᒪᔨᖓᓂᒃ ᐊᒻᒪᓗ ᖃᐅᑕᒫᑦ ᑲᒪᒋᔭᐅᓗᓂ ᐊᑕᐅᑦᓯᑰᕐᑎᓯᔨᖓᓄᑦ ᐅᕕᒐᕐᑐᐃᑦ ᐱᒍᑦᔭᐅᒍᑎᖏᑦᑕ, ᐃᑲᔪᕐᑎ/ᐃᓕᓐᓂᐊᑎᑦᓯᔨ ᑲᒪᒋᔭᖃᕆᐊᓕᒃ ᒪᓕᓪᓗᓂ ᐃᓕᓐᓂᐊᑎᑦᓯᒍᑎᓂᒃ ᐸᕐᓇᑕᐅᒪᔪᓂᒃ ᐃᑲᔪᕐᓗᓂᓗ ᖃᐅᔨᓴᕐᑕᐅᓂᖓᓂᒃ ᐃᓕᓐᓂᐊᑎ ᒪᓕᓪᓗᒋᑦ ᐃᓕᑦᓯᓯᒪᓂᖏᑦᑕ ᓄᐃᑎᑕᖏᑦ. ᑲᒪᒋᔭᖃᕆᐊᓕᒃ ᐃᓕᓐᓂᐊᑎᐅᑉ ᖃᓄᐃᓘᕐᓂᖓᓂᒃ ᐱᐅᓯᖓᓂᓪᓗ ᐱᐅᔪᒥᓪᓗ ᐃᓕᓐᓂᐊᕕᖃᕐᑎᓯᓗᓂ ᐃᑲᔪᕐᓗᒍᓗ ᐃᓕᓐᓂᐊᑎᐅᑉ ᖃᓄᐃᖕᖏᓯᐊᕐᓂᖓ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
- ᐃᓕᓐᓂᐊᑎᓄᑦ ᐊᑐᓂᑦ, ᐱᓇᓱᐊᖃᑎᖃᕐᓗᓂ ᓄᓇᓕᖓᓂ ᐃᓕᓐᓂᐊᑎᑦᓯᔨᖓᓂᒃ ᐃᓕᓐᓂᐊᓂᓕᕆᓂᖓᓂᓗ ᐃᓕᓐᓂᐊᕈᑎᑦᓴᖏᓐᓂᒃ ᐸᕐᓇᖃᑎᒋᓗᒋᑦ ᐃᓱᐊᕐᓴᕕᒻᒦᓂᖓᓂ, ᖃᓄᐃᓕᖓᓕᕐᒪᖔᑦ ᖃᐅᔨᑎᑦᓯᖃᑦᑕᓗᓂ ᐊᑐᐃᓐᓇᕈᕐᑎᓗᓂᓗ ᐅᑎᕐᓂᓴᖓᓄ ᐸᕐᓇᓯᒪᐅᑎᓂᒃ.
- ᑲᒪᑦᓯᐊᓗᓂ ᐃᓕᓐᓂᐊᑎᓂᒃ ᐸᕝᕕᓴᕐᑕᐅᑎᑦᑌᓕᓗᒋᑦ ᑲᔪᖏᕐᓴᓗᒋᑦ ᐃᓕᓐᓂᐊᑏᑦ ᐃᓚᐅᑎᒐᓱᐊᕐᓗᒋᑦ.
- ᐃᑉᐱᒋᑦᓯᐊᓗᒋᑦ ᐊᑐᓂᑦ ᐃᓕᓐᓂᐊᑏᑦ, ᑐᑭᓯᑦᓯᐊᒪᖔᑕ ᑲᒪᒋᓗᒋᑦ ᐃᓕᓐᓂᐊᑕᒥᓂᒃ ᐊᒻᒪᓗ ᑐᑭᓯᑎᒋᐊᑦᓯᐊᖃᑦᑕᓗᒋᑦ ᐊᐱᕆᐅᑎᑦᓴᖃᕐᐸᑕ ᐃᓱᒫᓗᑎᖃᕐᐸᑕᓗ.
- ᑲᒪᒋᓗᒋᑦ ᐃᓕᓐᓂᐊᑏᑦ ᐃᓕᓐᓂᐊᕕᒻᒦᑎᓪᓗᒋᑦ, ᓱᖃᑦᓯᓂᖃᕐᑎᓗᒋᑦ ᕿᑲᑫᓐᓇᑎᓪᓗᒋᓪᓗ.
- ᐃᓕᓐᓂᐊᕇᕈᓂ ᐱᓇᓱᒐᑦᓴᖏᓐᓂᒃ ᐁᑦᑐᖃᑦᑕᓗᒍ ᐃᓕᓐᓂᐊᑕᕕᓂᖏᑦᑕ ᒥᑦᓵᓄᑦ ᐸᕐᓇᑕᐅᒪᐅᑎᖏᓐᓂᒃ.
- ᐃᑉᐱᒋᓗᒋᑦ ᖃᓄᐃᓘᕐᓂᖏᑦ ᐱᐅᓯᕐᓲᑎᖏᓪᓗ ᐃᓕᓐᓂᐊᑏᑦ ᑐᓴᕐᑕᐅᑎᓗᒋᓪᓗ ᓱᓇᑐᐃᓐᓀᑦ ᐃᓱᒫᓗᑎᑎᑦ.
- ᐅᖄᖃᑎᖃᖃᑦᑕᓗᓂ ᐃᓄᑦᓯᐊᖑᓗᓂ ᐊᓕᐊᓇᕐᑑᓗᓂ ᐊᖓᔪᕐᖄᖏᓐᓄᑦ, ᐃᓕᓐᓂᐊᑎᒧᑦ, ᒪᒥᓴᕐᓂᒥᒃ ᐱᓇᓱᑦᑎᓄᑦ ᐊᐅᓚᑦᓯᓂᓕᕆᔨᓄᓪᓗ.
- ᐃᓕᓐᓂᐊᕆᐊᖃᕐᑕᓂᖏᑦᑕ ᐊᓪᓚᓯᒪᐅᑎᖏᓐᓂᒃ ᐱᑕᖃᕐᓗᓂ, ᓱᒃᑯᑐᕕᓂᐅᑉᐸᑕᓗ ᐱᓂᕐᓗᑐᕕᓂᐅᑉᐸᑕᓘᓐᓃᑦ.
- ᐊᑦᑕᓇᖕᖏᑐᒦᑦᓯᐊᑎᓗᒋᑦ ᐃᓕᓐᓂᐊᑏᑦ ᑌᒪᖕᖓᓕᒫᖅ.
- ᕆᐊᖃᑐᐊᕈᓂ ᐱᓇᓱᐊᖃᑦᑕᓗᓂ ᐊᓯᖏᓐᓂᒃ ᐱᓇᓱᒐᖓᓅᓕᖓᔪᓂᒃ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐃᓕᓐᓂᐊᕇᕈᑎᖃᕐᓯᒪᓗᓂ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᑎᑦᓯᔨᐅᒍᑎᑖᕐᓯᒪᓗᓂ.
ᐱᓇᓱᐊᕐᓯᒪᓂᖓ
- ᐱᓇᓱᐊᕐᓯᒪᓗᓂ ᐊᕐᕌᒎᓐᓂ ᒪᕐᕉᓂ ᐱᓇᓱᒐᖓᓅᓕᖓᔪᒥᒃ.
ᖃᐅᔨᒪᔭᖏᑦ ᐱᒍᓐᓇᑕᖏᓐᓗ
- ᐅᖄᒍᓐᓇᓯᐊᕐᓗᓂ ᐊᓪᓚᕈᓐᓇᓯᐊᕐᓗᓂᓗ
- ᐃᓅᖃᑎᖃᕈᓐᓇᓯᐊᕐᓗᓂ.
- ᒪᓕᒍᓐᓇᓯᐊᕐᓗᓂ ᒪᓕᑦᑕᐅᑎᑦᓯᒍᓐᓇᓗᓂᓗ ᒪᓕᑦᑕᐅᒋᐊᓕᓐᓂᒃ, ᐱᖁᔭᓂᒃ ᐊᑐᕐᑕᐅᒋᐊᓕᓂᓪᓗ.
- ᐱᓇᓱᐊᖃᑎᖃᕈᓐᓇᓗᓂ ᓯᕗᓕᕐᓗᒋᓪᓗ ᐃᓕᓐᓂᐊᑏᑦ ᐅᑭᐅᓖᑦ ᖃᑦᓯᑐᐃᓐᓇᓂᒃ.
- ᐃᓕᓐᓂᐊᑕᐅᓚᖓᔪᓂᒃ ᐋᕐᕿᓱᐃᒍᓐᓇᓗᓂ.
- ᑲᐅᔨᒪᑦᓯᐊᓗᓂ ᐃᓕᓐᓂᐊᑕᐅᔪᓂᒃ ᖃᖏᐅᑎᑦᓯᐊᕆᐊᓕᖏᓐᓂᒃ.
- ᕿᓄᐃᓵᕈᓐᓇᓗᓂ, ᐃᕐᖃᑐᐃᓂᖃᖃᑦᑕᕈᓐᓀᓗᓂ, ᐊᖏᕈᓐᓇᓯᐊᕐᓗᓂᓗ.
- ᑭᖑᕃᖃᑦᑕᕆᐊᖃᖕᖏᑐᖅ ᐱᓇᓱᒋᐊᑦᓯᐊᖃᑦᑕᓗᓂᓗ.
- ᖃᐅᔨᒪᑦᓯᐊᕆᐊᓕᒃ ᖃᕆᑕᐅᔭᓕᕆᒍᑎᓂᒃ Microsoft Office-ᒥᒃ ᐊᓯᖏᓐᓂᓗ ᐊᑦᔨᖏᓐᓂᒃ ᖃᕆᑕᐅᔭᓕᕆᐅᑎᓂᒃ ᐱᐅᔫᕋᔭᕐᑐᖅ.
- ᐃᒻᒥᓂᕿᒍᓐᓇᓯᐊᕐᓗᓂ ᐱᓇᓱᐊᕐᓗᓂ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᖃᑎᒌᓂ.
- ᐱᒍᓐᓇᓯᐊᕐᓗᓂ ᑫᕙᓪᓚᒍᓰᑦ ᐱᓇᓱᕝᕕᐅᓲᑦ ᓯᓚᑖᓂ ᐱᓇᓱᒍᓐᓇᓗᓂ.
- ᐱᓇᓱᐊᕈᓐᓇᕆᐊᓕᒃ ᐱᓇᓱᕝᕕᐅᑉ ᑫᕙᓪᓚᒍᓯᖏᑦᑕ ᓯᓚᑖᓂ.
- ᐃᓕᒐᓱᐊᕐᑐᖅ ᐱᖁᔭᕐᓂᒃ ᓯᖁᒥᑦᓯᓂᑰᓂᕐᒥᓄᑦ ᓇᓗᓀᕐᑕᐅᓯᒪᐅᑎᖃᕆᐊᖓ ᖃᐅᔨᓴᕐᑕᐅᒐᓗᐊᕈᓂ ᖃᓄᐃᑦᓴᕆᐊᖃᖕᖏᑐᖅ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.