ᐸᕐᓀᑎ – ᓄᓇᓕᓐᓂᑦ ᐱᒍᑦᔨᒍᑏᑦ
ᖃᓄᐃᑦᑑᓂᖓ
ᐊᑕᔪᖅ ᐱᓇᓱᒐᖅ/ᐅᓪᓗᓕᒫᕐᑐᖅ
ᐱᓇᓱᕝᕕᒃ
ᑲᔪᓯᔪᒥᑦ ᑲᒪᒋᔭᐅᒋᐊᓕᓐᓂᑦ
ᐊᖓᔪᕐᖄᖓ
ᑲᔪᓯᔪᒥᑦ ᑲᒪᒋᔭᐅᒋᐊᓕᓐᓂᑦ ᐊᖓᔪᕐᖄᖓ
ᓇᓃᓐᓂᖓ
ᑰᑦᔪᐊᖅ, ᑯᐯᒃ
ᐱᓇᓱᒐᑦᓴᐅᑉ ᒪᑐᐃᕐᓂᖓᑕ ᐃᓱᓕᓐᓂᖓ
ᒫᑦᔨ 15, 2024
ᐱᖏᐊᕐᓂᖓᑕ ᐅᓪᓗᖓ
ᐅᖄᒍᑎᐅᒋᐊᓕᒃ
ᐃᓱᐊᕐᓯᕕᒃ ᓄᓇᓕᓕᒫᓄᑦ ᒪᒥᓴᕐᕕᒃ ᐃᑲᔪᕐᑎᐅᕗᖅ ᐅᐃᕆᓯᒪᔪᓄᑦ ᒪᒥᓭᕕᐅᑦᓱᓂ 14-ᓄᑦ ᓄᓇᓕᓐᓄᑦ ᓄᓇᕕᒻᒥ ᐅᑭᐅᕐᑕᑐᒥᑦ ᑯᐯᒃ. ᑖᓐᓇ ᐃᓱᐊᕐᓯᕕᒃ 8-ᐱᓇᓱᐊᕈᓯᓂᑦ ᐱᓇᓱᐊᓐᓂᖃᓲᖅ ᐃᓚᐅᑎᓪᓗᒋᑦ ᐊᑦᔨᒌᖕᖏᑐᑦ ᑲᔪᓯᔪᒥᑦ ᑲᒪᒋᔭᐅᒋᐊᓕᓐᓂᑦ ᐱᒍᑦᔨᒍᑎᖃᓲᑦ ᐃᓚᐅᑎᓪᓗᒋᑦ ᐃᓄᑑᓈᕐᑎᑎᓪᓗᒋᑦ, ᐁᑉᐸᕇᓄᑦ, ᐊᒻᒪᓗ ᐃᓚᒌᖑᑎᓪᓗᒋᑦ ᑲᑎᒪᖃᑦᑕᓱᒋᑦ, ᓄᓇᓕᒻᒥᑦ ᓴᐳᒻᒥᓂᒻᒨᓕᖓᔪᓂᑦ ᓱᖃᑦᓯᑎᑦᓯᓃᑦ ᐃᓚᐅᒻᒥᑎᓪᓗᒋᑦ ᒪᒥᓴᕐᑎᓯᓃᑦ ᒪᙯᓐᓂᑯᑦ.
ᐃᓗᓕᖏᑦ ᐱᓇᓱᒐᐅᑉ, ᐸᕐᓀᑎ – ᓄᓇᓕᓐᓂᑦ ᐱᒍᑦᔨᒍᑏᑦ ᐱᒻᒪᕆᐅᔪᓂᑦ ᐃᑉᐱᒋᔭᑦᓴᔭᓕᒃ ᐅᑯᓂᖓ::
- ᐃᓘᓐᓈᒍᑦ ᓄᐃᑦᓯᖃᑦᑕᓗᓂ ᐊᒻᒪᓗ ᐊᑐᓕᕐᑎᓯᖃᑦᑕᓗᓂ ᓄᓇᓕᓐᓂᑦ ᐱᒍᑦᔨᒍᑎᓂᑦ (ᓇᓪᓕᐅᑎᑦᑕᑐᓂᑦ ᓱᖃᑦᓯᑎᑦᓯᓃᑦ, ᐱᒋᐊᖕᖓᐅᑏᑦ ᐱᒍᑦᔨᒍᑏᑦ ᓄᑖᑦ ᓄᓇᓕᓐᓂᑦ ᐊᒻᒪᓗ ᓄᓇᓕᐅᑉ ᓯᓚᑎᖓᓂ ᑲᒪᒋᔭᖃᓐᓃᑦ)
- ᐊᐅᐅᓚᑦᓯᔨᐅᓗᓂ ᐊᒻᒪᓗ ᓄᐃᑦᓯᖃᑦᑕᓗᓂ ᑲᔪᓯᔪᒥᑦ ᑲᒪᔩᑦ ᒪᒥᓭᔩᑦ
- ᖃᓄᐃᓘᕐᑎᐅᓗᓂ ᖃᓄᐃᖕᖏᓯᐊᓐᓂᒧᐊᖓᔪᓂᑦ ᐊᒻᒪᓗ ᐊᑦᑕᓇᖕᖏᑐᒃᑯᑦ ᐱᓇᓱᐊᓂᓐᓂᑦ ᖁᕐᕙᓇᕐᑑᓗᓂ ᐊᒻᒪᓗ ᓇᒻᒥᓂᖅ ᒪᑭᑕᕈᓐᓇᓇᑦᓯᐊᓗᓂ ᐱᓇᓱᕐᕕᐅᒍᓐᓇᖁᓪᓗᒍ ᐃᓘᓐᓀᓄᑦ.
ᐱᑦᔪᑎᖓ ᐱᓇᓱᒐᐅᑉ
ᓯᕗᓕᕐᑎᖃᓗᓂ ᑲᔪᓯᔪᒥᑦ ᑲᒪᒋᔭᐅᒋᐊᓕᓐᓂᑦ ᐊᖓᔪᕐᖄᖓᓂᑦ, ᐸᕐᓀᑎ – ᓄᓇᓕᓐᓂᑦ ᐱᒍᑦᔨᒍᑏᑦ ᐃᑉᐱᒋᔭᖃᕆᐊᓕᒃ ᐃᓘᓐᓈᒍᑦ ᐱᒍᕐᐸᓕᐊᓂᖓᒍᑦ ᐊᒻᒪᓗ ᐊᐅᓚᑦᓯᐊᒋᐊᖃᓐᓂᖓᒍᑦ ᐱᒍᑦᔨᒍᑏᑦ ᓄᓇᓕᓕᒫᓂᑦ ᓄᓇᕕᒻᒥᑦ.
ᐊᑐᕐᑐᐃᑦ ᐱᓇᓱᒐᖏᑦ ᑲᒪᒋᒋᐊᓕᖏᓪᓗ
ᐊᐅᓚᑦᓯᔨᐅᓂᖅ
- ᐃᑉᐱᒋᔭᖃᓪᓗᓂ ᐊᒻᒪᓗ ᓴᐳᑦᔨᖃᑦᑕᓗᓂ ᑲᔪᓯᔪᒥᑦ ᑲᒪᔩ ᒪᒥᓭᔨᖏᓐᓂᑦ ᐅᓪᓗᑕᒫᕐᓯᐅᑎᓂᑦ ᐱᒍᑦᔨᒍᑎᑎᒍᑦ.
- ᐊᐅᓚᑦᓯᔨᐅᓗᓂ ᐅᓪᓗᑕᒫᕐᓯᐅᑎᓂᑦ ᐃᓂᓪᓚᖓᑎᑦᓯᔨᐅᓗᓂ ᐃᓘᓐᓇᖏᓐᓂᑦ ᓄᓇᓕᓐᓂᑦ ᐊᓪᓚᕕᖏᓐᓂᑦ ᐊᒻᒪᓗ ᓴᐳᒻᒥᔭᐅᓂᖏᑦᑕ ᐱᓇᓱᐊᒐᑦᓴᖏᓐᓂᑦ.
- ᑲᒪᔨᐅᖃᑦᑕᓗᓂ ᓱᖃᑦᓯᑎᑕᐅᓂᖏᓐᓂᑦ ᐊᒻᒪᓗ ᓴᐳᒻᒥᓂᒃᑯᑦ ᑲᑎᒪᓂᐊᕈᓯᓐᓂᑦ
- ᓇᔪᒐᖏᓐᓃᑎᓪᓗᒋᑦ.ᑭᓯᑦᓯᓯᒪᖃᑦᑕᓗᓂ ᐱᓇᓱᐊᕐᑎᓯᒍᑎᐅᔪᓂᑦ ᐃᓚᐅᑲᑦᑕᑐᓂᑦ
- ᐱᓇᓱᐊᖃᑎᖃᖃᑦᑕᓗᓂ ᐊᖓᔪᕐᖄᖑᔪᓂᑦ ᐊᓯᖏᓐᓂᑦ ᑎᒥᐅᔫᔪᓂᑦ ᑐᓴᐅᒪᖃᑎᒌᑦᓯᐊᓗᑎᑦ ᐊᒻᒪᓗ ᐊᑐᓕᕐᑎᑕᐅᖃᑦᑕᓂᐊᒻᒪᑕ ᐱᒍᑦᔨᒍᑏᑦ ᓄᓇᓕᓐᓂᑦ ᐊᒻᒪᓗ ᓄᓇᓕᓕᒫᓂᑦ ᐱᒍᑦᔨᕕᐅᔪᓂᑦ.
ᐸᕐᓀᓃᑦ
- ᐃᑲᔪᖃᑦᑕᓗᓂ ᓄᑖᓂ ᐊᒻᒪᓗ ᑲᒪᒋᔭᐅᖃᑦᑕᓯᒪᔪᓂᑦ ᓄᓇᓕᓐᓂᑦ.
- ᐃᑉᐱᒋᔭᖃᑦᓯᐊᖃᑦᑕᓗᓂ ᐳᓛᕆᐊᕐᑐᑦ ᐊᓪᓚᖁᑎᖏᓐᓂᑦ ᐊᒻᒪᓗ ᑭᓇᐅᓂᖏᓐᓂᑦ ᐊᓪᓚᓯᒪᔪᑦ.
- ᓇᐅᓕᒫᓄᑦ ᑕᑯᔭᐅᑎᑦᑌᓕᖃᑦᑕᓗᒋᑦ ᐊᒻᒪᓗ ᑎᒍᓰᓐᓇᑕᐅᒍᓐᓇᖏᑦᑐᒦᑦᑎᓗᒋᑦ.
- ᐃᑉᐱᒋᔭᖃᑦᓯᐊᖃᑦᑕᓗᓂ ᐳᓛᕆᐊᕐᑐᑦ ᐊᓪᓚᖁᑎᖏᑦ ᓅᑕᐅᒋᐊᖃᓕᕐᐸᑕ ᐅᐸᒋᐊᓕᖏᓐᓅᓯᐊᕋᓗᐊᒻᒪᖔᑕ. ᑲᔪᓯᔪᒥᑦ ᑲᒪᒋᔭᐅᕕᒋᒋᐊᓕᖏᓐᓅᓕᕐᐸᑦ.
- ᐊᓪᓚᖁᑎᓕᐅᕆᖃᑦᑕᓗᓂ ᐳᓛᕆᐊᕐᑐᓂᑦ ᓴᐳᒻᒥᒍᑎᑦᓴᖏᓐᓄᑦ.
- ᐊᓯᖏᓐᓂᓗ ᑎᓕᔭᐅᒍᑎᒥᓂᑦ ᐱᓇᓱᒐᖓᓄᐊᓕᖓᔪᓂᑦ ᐱᓇᓱᐊᖃᑦᑕᓗᓂ.
ᐱᒍᓐᓇᐅᑎᒋᒋᐊᓕᖏᑦ
ᐃᓕᓐᓂᐊᓯᒪᓂᖓ
- ᐃᓕᓐᓂᐊᕕᕐᔪᐊᒥᑦ ᐱᔭᕇᒍᑎᑖᐅᓯᒪᒋᐊᓕᒃ ᐊᔪᖀᕆᐊᒍᓐᓇᓂᒃᑯᑦ ᐃᓄᓕᕆᓂᑎᒍᑦ .
ᐱᓇᓱᕐᓯᒪᓂᕆᒋᐊᓕᖏᑦ
- 5-8 ᐊᕐᕌᒍᓂᑦ ᐃᓄᓕᕆᓂᒻᒥᑦ ᐱᓇᓱᐊᕐᓯᒪᒋᐊᓕᒃ ᐅᕝᕙᓘᓐᓃᑦ ᒪᒥᓭᓂᒻᒥᑦ.
- 2-5 ᐊᕐᕌᒍᓂᑦ ᐱ÷ᓱᐊᕐᓯᒪᒋᐊᓕᒃ ᐊᐅᓚᑦᓯᔨᐅᓂᒻᒥᑦ ᒪᒥᓭᔨᓂᑦ
- ᐊᐅᓚᑦᓯᔨᐅᓕᓂᐅᒍᓂ ᐅᕝᕙᓘᓐᓃᑦ ᓯᕗᓕᕐᑎᐅᓯᒪᔪᔭᐅᒍᓂ ᐃᓱᒪᒋᔭᐅᒐᔭᒻᒥᔪᖅ ᐱᕙᓪᓕᖁᑎᐅᒋᐊᖓ.
ᖃᐅᔨᒪᓂᖓ ᐊᒻᒪᓗ ᐱᔪᓐᓇᓂᖏᑦ
- ᐊᑑᑎᔭᐅᒍᓪᓕᐅᓲᓂᑦ ᖃᕆᑕᐅᔭᓕᕆᒍᓐᓇᕆᐊᓕᒃ.
- ᐊᐅᓚᑦᓯᓕᓂᐅᒋᐊᓕᒃ ᑐᕌᕐᑕᐅᒐᓱᑦᑐᖅ ᑎᑭᐅᑎᔭᐅᒍᓐᓇᖁᓪᓗᒍ
- ᐱᓇᓱᖃᑎᖃᕈᓐᓇᕆᐊᓕᒃ ᐱᓇᓱᖃᑎᒥᓂᒃ ᐊᒻᒪᓗ ᓇᒻᒥᓂ ᐱᓇᓱᐊᕈᓐᓇᓗᓂ.
- ᐱᔪᓐᓇᓂᖃᕆᐊᓕᒃ ᐊᒻᒪᓗ ᐱᔪᒪᓂᖃᓪᓗᓂ ᓇᐅᓕᒫᓄᑦ ᑐᓴᐅᒪᔭᐅᒋᐊᖃᖕᖏᑐᓂᑦ ᐃᑉᐱᒋᔭᖃᕈᓐᓇᓗᓂ.
- ᓇᒻᒥᓂᒃ-ᐅᑉᐱᕆᔭᖃᓪᓗᓂ, ᐱᓀᓗᑕᓕᓐᓂᑦ ᐊᓂᒍᐃᑎᑦᓯᒍᓐᓇᓗᓂ ᐊᒻᒪᓗ ᐱᔭᕇᒋᐊᓕᓐᓂᑦ ᐊᓂᒍᐃᑎᑦᓯᒍᓐᓇᓗᓂ
- ᓇᒻᒥᓂᖅ ᐊᒻᒪᓗ ᐱᓇᓱᒐᕐᑎᖑᑦ ᐊᑑᑎᓯᒪᓗᓂ ᐃᓗᕐᕈᓯᖃᑎᒋᖕᖏᑕᒥᓂᒃ.
- ᐱᓇᓱᒐᕐᑖᕋᓱᐊᕐᑐᖅ ᐊᖏᕐᓯᒪᕆᐊᓕᒃ ᐱᖁᔭᑎᖑᑦ ᐸᓯᔭᑦᓴᖑᕐᑎᑕᐅᓯᒪᒻᒪᖔᑦ ᑲᒪᒋᔭᐅᒍᓐᓇᓂᒻᒥᑦ.
ᐅᖃᐅᓯᖓ
- ᐊᑐᐊᕐᓯᒍᓐᓇᓗᓂ, ᐊᓪᒪᕈᓐᓇᓗᓂ ᐊᒻᒪᓗ ᐅᖃᓕᒪᒍᓐᓴᓗᓂ ᐃᓄᑦᑎᑐᑦ ᐃᓚᐅᑎᓗᒍ ᖃᓪᓗᓈᑎᑐᑦ ᐱᔪᓐᓇᓚᕆᒋᐊᓕᖏᑦ.
ᐱᓇᓱᕝᕕᖓᑕ ᓯᓚᑎᖓ
- ᐃᑉᐱᒋᔭᒥᓂᒃ ᓇᓪᓕᖁᐊᕇᑦᑎᓯᒋᐊᓕᒃ ᐊᒥᓱᐃᖑᒻᒪᑕ ᕿᓄᕈᑕᐅᓲᑦ ᐊᒻᒪᓗ ᐅᐃᒪᓇᓲᖑᑦᓱᑎᑦ ᑐᒃᓯᕋᐅᑏᑦ ᑲᒪᒋᔭᐅᕕᒻᒦᑐᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᖃᑎᒋᔭᐅᔪᓄᑦ.
- ᐊᑐᐃᓐᓇᐅᕆᐊᓕᒃ ᑲᑎᓯᖃᑦᑕᓚᖓᒋᐊᒥᒃ ᐃᓅᑉ ᓇᒻᒥᓂᒻᒧᐊᓕᔪᖁᑎᖏᓐᓂᑦ ᐊᒻᒪᓗ ᐱᓇᓱᒐᖅ ᐱᑦᔪᑎᒋᓗᒍ ᐅᖁᒣᑦᑐᓂᑦ ᐱᑦᔪᑕᐅᑎᓪᓗᒍ ᐅᑭᐅᕐᑕᑐᒥᐅᖑᓂᖅ, ᓄᓇᓕᐊᕈᓐᓂᑦ ᐃᑲᔪᕐᑕᐅᕈᑏᑦ ᐊᑐᐃᓐᓇᐅᑎᓐᓇᖏᑦ.
ᑮᓇᐅᑦᔭᓵᖏᑦ/ᐱᕙᓪᓕᖁᑎᖏᓪᓗ
- ᐱᓇᓱᑦᑎᐅᓂᒻᒧᑦ ᖃᓄᐃᓕᖓᕈᓰᑦ ᑐᖕᖓᕕᓖᑦ ᓄᓇᕕᒻᒥ ᖃᓄᐃᖕᖏᓯᐊᓐᓂᒧᑦ ᐊᒻᒪᓗ ᐃᓄᓕᕆᓂᒃᑯᑦ ᐱᒍᑦᔨᒍᑎᖏᑎᒍᑦ ᐊᐅᓚᑕᐅᓂᖓᒍᑦ.
- ᑮᓇᐅᑦᔭᓵᑦ ᐅᓄᕐᓂᖏᑦ ᒪᓕᓚᖓᔪᑦ ᐱᔪᓐᓇᐅᑎᖏᑦ ᐊᒻᒪᓗ ᐊᑑᑎᓯᒪᔭᖏᑦ ᒪᓕᓪᓗᒋᑦ.
- ᐃᑉᐱᒋᔭᐅᓂᒻᒦᒐᔭᕐᑐᖅ ᐱᓇᓱᒋᐊᖕᖓᓗᓂ.
- ᐱᓇᓱᑦᑎᐅᒋᐅᕐᓴᓂᒻᒧᑦ ᐃᑲᔪᕐᑎᓕᒃ ᐅᕝᕙᓘᓐᓃᑦ ᐃᓕᓐᓂᐊᕆᐊᕆᐊᖃᕐᐸᑦ ᐃᓪᓕᓐᓂᐊᑎᑕᐅᒍᓐᓇᕕᓕᒃ (ᐱᔪᓐᓇᐅᑎᒋᒋᐊᓕᖏᑦ ᐱᑕᖃᖕᖏᐸᑕ).