ᓴᓗᒻᒪᓭᔨ
ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᐊᐅᓚᑦᓯᕕᒃ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
March 27, 2025
ᓴᓗᒻᒪᓭᔨ ᐱᒻᒪᕆᒻᒥᒃ ᐱᓇᓱᒐᖃᕐᖁᖅ ᐅᑯᓂᖓ:
- ᓴᓗᒪᑎᑦᓯᓯᐊᕐᓂᒥᒃ ᐃᓗᐊᓂ ᓯᓚᑖᓂᓗ ᐃᓪᓗᔪᐊᑉ.
- ᐃᑉᐱᒋᔭᖃᕐᓗᓂ ᖃᓄᐃᖕᖏᓯᐊᕐᓂᒧᑦ ᐊᑦᑕᓇᕐᑐᒦᒋᐊᖃᖕᖏᓂᕐᒧᓗ ᒪᓕᑦᑕᐅᒋᐊᓕᓐᓂ ᐊᑐᕐᑕᐅᓯᐊᕐᒪᖔᑕ.
- ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᕝᕕᓂᒃ ᐃᑉᐱᒋᑦᓯᐊᓗᒋᑦ ᐃᓘᓐᓇᑎᒃ ᐱᒍᑦᔨᒍᑏᑦ ᐊᒻᒪᓗ ᐱᓇᓱᐊᕐᑕᐅᔪᑦ ᐊᑐᐃᓐᓇᐅᑎᑕᐅᔪᑦ ᐃᓱᐊᕐᓯᕕᒻᒧᑦ ᐃᓗᕐᖁᓯᑎᒎᑦᓯᐊᒪᖔᑕ ᐊᒻᒪᓗ ᐊᑦᑕᓇᖕᖏᑑᑦᓯᐊᒪᖔᑕ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐊᐅᓚᑦᓯᓂᓕᕆᓂᕐᒥ ᑲᒪᔨᖓᓂᒃ, ᖃᐅᑕᒫᕐᓯᐅᑎᖏᑦ ᑲᒪᒋᔭᐅᓗᑎᒃ ᐊᑕᐅᑦᓯᑰᕐᑎᓯᔨᒧᑦ ᐊᐅᓚᑦᓯᓂᓕᕆᓂᕐᒥ, ᓴᓗᒻᒪᓭᔨ ᐃᑉᐱᒋᔭᖃᕆᐊᓕᒃ ᓴᓗᒪᑦᓯᐊᑎᑦᓯᓗᓂ ᐅᐸᑦᑕᐅᒍᓐᓇᓯᐊᕐᑎᓗᒍ ᐃᓪᓗᔪᐊᖅ, ᐃᓗᐊᖓ ᓯᓚᑎᖓᓗ. ᑲᒪᒋᔭᖃᕆᐊᓕᒃ ᓴᓗᒻᒪᓭᓂᕐᒥᒃ ᖁᐱᕐᕆᕇᒃᑯᑎᓄᑦ ᓴᓗᒻᒪᓭᒍᑎᓄᑦ ᓴᓗᒻᒪᖃᑦᑕᓗᒍ ᐅᐸᑦᓯᒪᔭᐅᓂᕐᐸᐅᖃᑦᑕᑐᑦ, ᐊᐳᑏᔦᖃᑦᑕᓗᓂ ᐱᓱᕝᕕᓂᒃ, ᐃᑉᐱᒋᑦᓯᐊᓗᒋᑦ ᓯᓚᑎᖓᓂ ᐃᓪᓗᔪᐊᑉ ᐋᕐᕿᒋᐊᖃᑦᑕᓗᒋᑦ ᓯᖁᒥᓯᒪᔪᑦ ᕆᐊᖃᕐᐸᑕ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
- ᓴᓂᖃᑦᑕᕆᐊᓕᒃ, ᒥᓪᓗᐊᒍᑎᒧᓪᓗ ᓴᓂᕐᓗᓂ, ᕿᓪᓕᓭᓗᓂ ᓇᑎᕐᒥᒃ ᐊᒻᒪᓗ ᓇᑎᕐᓂᐊᓗᓂ.
- ᖁᕐᕕᑯᕕᓐᓂᒃ ᓴᓗᒻᒪᓭᖃᑦᑕᓗᓂ.
- ᓴᓂᖃᐅᑎᓂᒃ ᐃᒋᑦᓯᖃᑦᑕᓗᓂ, ᐊᑐᕆᐊᓪᓚᕈᓐᓇᑐᓂᒃ ᐃᒋᑕᐅᕕᖏᓐᓂᒃ ᑲᒪᓗᓂ ᐊᒻᒪᓗ ᐱᕈᕐᑐᓄᑦ ᐱᕈᑦᓯᐊᑎᑦᓯᕈᑎᓕᐅᕈᑎᓂᒃ.
- ᑲᒪᒋᔭᖃᕆᐊᓕᒃ ᐊᐳᑏᔦᓂᕐᒥᒃ ᐱᓱᕝᕕᓂᒃ ᓯᓚᑎᖓᓂᓪᓗ ᑲᒪᒋᔭᖃᕐᓗᓂ.
- ᑲᒪᒋᔭᖃᕆᐊᓕᒃ ᐃᒐᓛᓂᒃ ᓴᓗᒻᒪᓭᖃᑦᑕᓗᓂ, ᓯᓚᑖᓂᒃ ᐃᓗᐊᓂᓗ.
- ᑲᒪᒋᔭᖃᕆᐊᓕᒃ ᐊᑭᓐᓇᓂᐊᖃᑦᑕᓗᓂ, ᖁᓛᕐᓂᐊᓗᓂᓗ, ᐊᒻᒪᓗ ᐃᓱᒪᖏᓐᓂᒃ ᓴᓗᒻᒪᓭᖃᑦᑕᓗᓂ.
- ᐃᑉᐱᒋᔭᖃᕆᐊᖃᕋᔭᕐᑐᖅ ᐃᓪᓗᔪᐊᖅ ᐊᒻᒪᓗ ᐱᐅᒃᑯᑎᖏᑦ ᓴᓗᒪᑎᓪᓗᒋᑦ ᐊᒻᒪᓗ ᐊᑦᑕᓇᕐᑑᑎᑦᑌᓕᓗᒋᑦ ᐃᓘᓐᓇᑎᒃ ᐊᑦᑕᓇᕆᐊᖃᖕᖏᑐᓕᒫᑦ.
- ᐱᓇᓱᐊᕐᓗᒋᑦ ᐊᓯᓕᒫᖏᑦ ᐱᓇᓱᐊᕆᐊᓕᖏᑦ ᐱᓇᓱᒐᑦᓴᓕᐊᕆᔭᐅᒪᔪᑦ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐳᕐᑐᓂᕐᓴᒥ ᐃᓕᓐᓂᐊᕆᕈᑎᖃᕐᓗᓂ (ᐱᐅᔫᕋᔭᕐᑐᖅ).
ᐱᓇᓱᐊᕐᓯᒪᓂᖓ
- 1 ᐊᑕᐅᓯᕐᒥᒃ ᐊᕐᕌᒍᒥ ᐱᓇᓱᐊᕐᓯᒪᓗᓂ ᓴᓗᒻᒪᓭᔨᐅᓂᕐᒥᒃ.
ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ
- ᐊᐅᓚᑦᓯᒍᓐᓇᓗᓂ ᓴᓗᒻᒪᓭᒍᑎᐊᓗᓐᓂᒃ ᐊᐅᓚᐅᑎᓕᓐᓂᒃ ᐅᕝᕙᓘᓐᓃᑦ ᐊᐳᑏᔦᒍᑎᓂᒃ.
- ᐱᒍᓐᓇᓗᓂ ᐋᕐᕿᒋᐊᕆᒍᓐᓇᓂᕐᒥᒃ ᐊᖏᔫᖕᖏᑐᓂᒃ.
- ᑐᑭᓯᒪᓗᓂ ᖃᓄᐃᖕᖏᓯᐊᕐᓂᒧᑦ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᓗ ᒪᓕᒐᕐᓂᒃ.
- ᐱᒍᓐᓇᓯᐊᕆᐊᓕᒃ ᐋᕐᕿᓱᐃᓯᒪᑦᓯᐊᓗᓂ ᖃᑦᓯᐅᓂᖏᓐᓂᒃ ᓴᓗᒻᒪᓭᒍᑏᑦ ᐊᓪᓚᓯᒪᐅᑎᖏᓐᓂᒃ.
- ᐱᓀᓗᑕᓂᒃ ᐋᕐᕿᒍᓐᓇᓯᐊᕐᓗᓂ.
- ᓇᒻᒥᓂᖅ ᐊᒻᒪᓗ ᐱᓇᓱᒐᕐᒥᓄᑦ ᐃᓗᒡᒍᓯᖏᑦ ᐊᑦᔨᒌᖕᖏᑐᓃᑦᓯᒪᒍᓂ ᐃᓱᒪᒋᔭᐅᒐᔭᕐᑐᖅ ᐱᓪᓗᖁᑎᖃᕆᐊᖓ.
- ᓲᔫᒍᑎᖃᕐᓗᓂ ᐱᓇᓱᐊᕈᓐᓇᓂᕐᒥᓂᒃ ᐃᒻᒥᓂᕿᓗᓂ ᐊᒻᒪᓗ ᐱᓇᓱᐊᖃᑎᖃᕐᓗᓂ.
- ᐱᓇᓱᓐᓇᑐᐃᓐᓀᑦ ᓯᓚᑖᒍᑦ ᐱᓇᓱᐊᕐᐸᒐᓗᐊᕈᓂ ᖃᓄᐃᑦᓴᕈᓐᓀᓗᓂ.
- ᐃᓕᒐᓱᐊᕐᑐᖅ ᐱᖁᔭᕐᓂᒃ ᓯᖁᒥᑦᓯᓂᑰᓂᕐᒥᓄᑦ ᓇᓗᓀᕐᑕᐅᓯᒪᐅᑎᖃᕆᐊᖓ ᖃᐅᔨᓴᕐᑕᐅᒐᓗᐊᕈᓂ ᖃᓄᐃᑦᓴᕆᐊᖃᖕᖏᑐᖅ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.