ᑐᓴᐅᒪᐅᑎᓕᕆᓂᕐᓂᒃ ᑲᒪᔨ
status
ᐃᓕᒣᓐᓇᓚᖓᔪᖅ / ᐃᓗᐃᒃᑲᑎᒎᕐᑐᖅ
department
ᐳᕐᑐᓂᕐᓭᑦ
location
ᑰᑦᔪᐊᖅ, ᑯᐯᒃ
jos posting end date
ᓯᑉᑎᒻᐱᕆ 30, 2022
ᑐᓴᐅᒪᒐᑦᓴᓕᕆᔨ ᑲᒪᒋᔭᖃᕆᐊᓕᒃ ᐱᓇᓱᐊᕐᑕᐅᓗᑎᒃ ᑭᓯᐊᓂᐅᔪᓂᒃ ᐅᑯᓂᖓ:
- ᖃᐅᔨᒪᑎᑦᓯᓗᓂ ᐃᓱᐊᕐᓯᕕᒻᒥᒃ ᐃᓄᐃᑦ ᐃᓗᒡᒍᓯᖓᓂᒃ ᐃᑉᐱᒍᓱᑦᓯᐊᓱᓂ ᒪᒥᓴᕐᕕᐅᒋᐊᖓᓂᒃ ᒪᓂᔨᕕᐅᓯᒪᑦᓱᑎᒃ ᐃᓕᒃᑰᓯᐊᕐᑐᓂᒃ ᐃᓕᑕᕐᓇᕈᑎᖏᓐᓂᒃ ᐊᒻᒪᓗ ᐃᓄᓐᓄᐊᖓᔪᓂᒃ ᐱᓇᓱᐊᕈᑦᔨᐅᑎᓂᒃ ᑲᒪᒋᔭᖃᕐᑎᐅᓱᓂ ᐃᓘᓐᓀᓄᑦ ᓱᓇᑐᐃᓐᓇᓄᑦ ᐅᐃᕆᓯᒪᐅᑎᓂᒃ ᐊᒻᒪᓗ ᑭᖑᕚᕇᑦ ᐊᕐᓱᕈᑦᓯᒪᓂᕐᒥᒃ ᐃᑉᐱᒍᓱᖃᑎᒌᓐᓂᖏᓐᓂᒃ.
- ᓄᐃᑎᕆᔨᐅᓗᓂ ᐃᓗᐊᓂ ᐊᒻᒪᓗ ᓯᓚᑖᓂ ᑐᓴᐅᒪᑎᑦᓯᒋᐊᕐᓂᓄᑦ ᐊᐅᓚᑦᔦᒍᑎᓂᒃ ᐱᕙᓪᓕᐅᑎᒋᓂᐊᕐᑕᖏᓐᓂᒃ ᐱᓇᓱᕝᕕᐅᑉ ᑭᒡᒐᑐᕈᑎᖏᑦᑕ ᓄᓇᓕᓕᒫᓂ.
ᐱᓇᓱᒐᐅᑉ ᐱᑦᔪᑎᖓ
ᐊᖓᔪᕐᖄᖃᕐᓗᓂ ᐳᕐᑐᓂᕐᓭᑦ ᑲᒪᔨᒻᒪᕆᖓᑕ ᑐᖓᓕᐊᓂᒃ, ᑐᓴᐅᒪᐅᑎᓕᕆᓂᕐᓄᑦ ᑲᒪᔨᒻᒪᕆ ᑐᓂᕐᕈᓯᒍᑎᖃᓚᖓᔪᖅ ᓄᐃᑎᕐᑕᐅᓂᖏᓐᓄᑦ ᐱᒻᒪᕇᑦ ᐱᓇᓱᒐᖏᑦ ᑎᒥᐅᑉ. ᑖᓐᓇ ᐃᓄᒃ ᑲᒪᒋᔭᖃᓚᖓᔪᖅ, ᐊᖏᓪᓕᑎᕐᓯᒪᔪᓕᐅᕐᓗᓂ ᐊᒻᒪᓗ ᐱᕙᓪᓖᒋᐊᕐᑎᐅᓗᓂ ᐱᓇᓱᐊᖃᑎᒌᓐᓂᖏᓐᓂᒃ ᐃᓱᐊᕐᓯᕕᐅᑉ ᑲᔪᓯᑎᑦᓯᔨᖏᑦᑕ ᐊᒻᒪᓗ ᒪᒥᓴᕐᕕᒦᔨᐊᖏᑦᑕ, ᐱᓇᓱᑦᑎᖏᑦᑕ ᐊᒻᒪᓗ ᐃᓄᑐᐃᓐᓀᑦ.
ᐱᓇᓱᐊᕆᐊᓕᖏᑦ ᐊᒻᒪᓗ ᑲᒪᒋᒋᐊᓕᖏᑦ
ᐃᓗᐊᓂ ᐊᒻᒪᓗ ᓯᓚᑖᓂ ᑐᓴᐅᒪᐅᑎᓕᕆᓂᖅ
- ᓄᑕᐅᓪᓕᑎᕆᓕᐅᒥᔮᕐᐸᓗᓂ ᐃᓗᓕᖏᓐᓂᒃ ᖃᕆᑕᐅᔭᒃᑯᑦ ᓄᐃᑕᑎᑦᓯᕕᐅᑉ ᐃᓕᐅᕐᖃᓗᒋᑦ ᓄᑖᒍᓂᕐᐹᑦ ᐃᓱᐊᕐᓯᕕᐅᑉ ᐱᓇᓱᒐᖏᓐᓅᓕᖓᔪᑦ ᐊᒻᒪᓗ ᑭᒡᒐᑐᕈᑎᖏᓐᓄᑦ.
- ᐊᓪᓚᓗᓂ ᐊᔪᒉᓪᓘᓇᕐᑐᓂᒃ ᐃᓄᐃᑦ ᑕᑯᔭᑦᓴᖏᑦᑕ ᑐᓴᕋᑦᓴᖏᑦᑕ ᐃᓗᓕᕆᓂᐊᕐᑕᖏᓐᓂᒃ ᐃᓕᑎᑦᓯᐅᑎᓂᒃ ᑎᒥᒥᒃ ᐊᒻᒪᓗ ᐱᒻᒪᕆᐅᑎᑦᓯᔪᓂᒃ ᑲᒪᒋᔭᖃᕐᓂᒥᒃ ᐃᓱᐊᕐᓯᕕᒻᒥᒃ ᑲᔪᓯᑎᑦᓯᔨᓂᒃ.
- ᓄᐃᕙᓪᓗᒋᑦ ᐃᓕᒪᓚᖓᔪᑦ ᑕᕐᕿᑦ ᐱᖓᓱᑕᒫᕐᓯᐅᑎᓂ ᑐᓴᕐᑎᓯᐅᑎᓂᒃ ᐊᒻᒪᓗ ᑐᓴᕋᑦᓴᓂᒃ ᑕᑯᑦᓴᖑᕐᓂᖏᑦ ᓱᕐᖁᐃᓇᕐᑎᓗᒋᑦ ᖃᐅᔨᔭᐅᒋᐊᓖᑦ ᐊᒻᒪᓗ ᐱᕈᕐᐸᓕᐊᑎᑦᓯᒍᓐᓇᑐᑦ ᑕᑎᒋᐅᑎᔪᑦ ᐱᓇᓱᐊᖃᑎᒌᓐᓂᖏᓐᓂᒃ.
- ᐃᑲᔪᕐᐸᓗᓂ ᐊᑐᐃᓐᓇᕈᕐᑕᐅᓕᕐᐸᑕ ᐊᑦᔨᒌᖕᖏᑐᑦ ᐊᒥᓲᓕᕐᑎᓯᒪᓚᖓᔪᑦ ᐊᑐᐊᕋᑦᓭᑦ (ᐊᑐᐊᒑᐲᑦ, ᓯᑯᑦᓴᔮᐱᓐᓃᑐᓗ, ᑎᒥᒧᐊᖓᔪᓂᒃ ᑲᑎᕐᓱᐃᓯᒪᕖᑦ, ᐊᓪᓚᓯᒪᔪᑐᐃᓐᓀᑦ, ᐊᕐᕌᒍᑕᒫᕐᓯᐅᑏᑦ ᑐᓴᕐᑎᓯᐅᑏᑦ, ᐊᓯᖏᓪᓗ).
- ᐱᒋᐊᕐᑎᓯᓗᓂ ᐊᒻᒪᓗ ᓄᐃᑕᑎᓯᖏᓐᓇᓗᓂ ᖃᐅᔨᒪᔭᐅᒍᑎᓂᒃ ᑐᓴᕋᑦᓴᓕᕆᔨᓄᑦ ᐊᒻᒪᓗ ᓱᓇᑐᐃᓐᓇᓂᒃ ᖃᐅᔨᒐᓱᐊᕈᓐᓇᐅᑏᑦ.
- ᑐᓂᕐᕈᓯᕙᓪᓗᓂ ᐸᕐᓀᑕᐅᓕᕐᐸᑕ ᑲᑎᓚᖓᔪᑦ ᐊᒻᒪᓗ ᐱᓇᓱᐊᖃᑎᒌᓚᖓᓂᖏᑦ ᐃᓱᐊᕐᓯᕕᐅᑉ ᐱᓇᓱᑦᑎᖏᑦᑕ.
ᐱᓇᓱᒐᕐᒥᒃ ᐊᐅᓚᑦᓯᓂᖅ
- ᐸᕐᓀᓂᕙᓪᓗᓂ ᐊᒻᒪᓗ ᑲᔪᓯᑎᑦᓯᕙᓪᓗᓂ ᐊᑦᔨᒌᖕᖏᑐᓂᒃ ᐱᓇᓱᐊᕋᑦᓴᓂᒃ ᐃᓕᖓᔪᓂᒃ ᓄᑖᓄᑦ ᐱᓇᓱᒐᕐᓄᑦ ᕿᓄᒍᑏᑦ ᒪᓕᓪᓗᒋᑦ, ᐃᓱᓕᕕᑦᓭᑦ ᐊᒻᒪᓗ ᐸᑦᔦᑦ ᑭᖑᓂᕐᒥ ᓄᐃᑕᐅᓯᒪᔪᑦ.
- ᐊᓪᓚᐸᓪᓗᓂ ᐊᒻᒪᓗ ᑐᑭᓯᓇᕐᑎᓯᕙᓪᓗᓂ ᐱᔭᐅᑎᑕᐅᒐᓱᐊᕈᑏᑦ ᐃᓗᓕᕆᓂᐊᕐᑕᖏᓐᓂᒃ ᓈᒻᒪᑐᓂᒃ ᐋᕐᕿᓱᕐᓯᒪᓂᖃᕐᑎᓗᒋᑦ.
- ᐃᑉᐱᒍᓱᑦᓯᐊᐸᓪᓗᓂ ᑭᖑᓂᖓᒍᑦ ᐱᓇᓱᒐᐅᑉ ᓈᒻᒪᓯᑦᑕᕈᑎᖏᑦᑕ ᐊᓂᒍᕐᓂᖏᓐᓂᒃ ᐊᒻᒪᓗ ᓄᑕᐅᓪᓕᑎᕐᐸᓗᒋᑦ ᐱᒋᐊᓚᖓᓗᒋᑦ ᐱᓇᓱᒐᐅᑉ ᑐᕌᒐᖏᑦ.
- ᑲᔪᓯᑎᑦᓯᕙᓪᓗᓂ ᐊᑦᔨᒌᖕᖏᑐᓂᒃ ᐱᓇᓱᒐᕐᒥᒃ ᐃᑉᐱᒍᓱᓐᓂᓄᑦ ᐱᓇᓱᐊᕋᑦᓴᓂᒃ ᐊᒻᒪᓗ ᓄᐃᓗᒋᑦ ᑖᒃᑯᓄᖓᐅᓕᖓᔪᑦ ᑐᓴᕐᑎᓯᐅᑏᑦ (ᐊᐅᓚᑦᔦᓚᕿᐅᑎᖏᑦ, ᐋᕐᕿᓱᕐᓯᒪᓂᖏᑦ, ᐊᑭᓪᓚᕆᖏᑦ ᐊᑭᐅᓚᖓᑎᓗᒋᑦ ᓂᕆᐅᓐᓇᓯᒪᔪᑦ, ᓈᒻᒪᓯᑦᑕᕈᑎᖏᑦ, ᑲᔪᓯᒍᓐᓇᑎᑕᐅᓚᕿᔪᑦ, ᐊᓯᖏᑦ ᐱᑕᖃᕐᐸᑕ).
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖓ
- ᐃᓕᓴᕐᓂᒥ ᐳᕐᑐᓂᕐᓭᑦ ᑐᖓᓕᖏᓐᓂ ᐱᔭᕇᕈᑎᑖᕐᓯᒪᓗᓂ.
- ᐳᕐᑐᓂᕐᓭᑦ ᑐᖓᓕᖏᓐᓂ ᐃᓕᓐᓂᐊᓂᖃᕐᓯᒪᓗᓂ ᑐᓴᐅᒪᐅᓕᕆᓂᕐᒥᒃ, ᐱᓇᓱᒉᑦ ᐊᐅᓚᑕᐅᓂᖏᓐᓂᒃ, ᐊᐅᓚᑦᓯᓂᕐᒥᒃ ᐅᕝᕙᓘᓐᓃᑦ ᐃᓕᖓᔪᑐᐃᓐᓇᒥᒃ ᐱᓇᓱᒐᕐᒧᑦ (ᐱᓪᓗᖁᑎᒃ).
ᐱᓇᓱᐊᓕᓂᖏᑦ
- 2ᓂᑦ-5-ᓄᑦ ᐊᕐᕌᒍᓂ ᑐᓴᐅᒪᐅᑎᓕᕆᓂᕐᓄᑦ, ᓄᓇᓕᓐᓂᒃ ᑲᒪᑎᑦᓯᓂᕐᓄᑦ ᐅᕝᕙᓘᓐᓃᑦ ᐊᑑᑎᓚᖓᔪᓂᒃ ᐸᕐᓀᓂᓂᕐᓄᑦ ᐱᓇᓱᐊᕐᓯᒪᓗᓂ.
ᖃᐅᔨᒪᓂᖏᑦ ᐊᒻᒪᓗ ᐱᒃᑭᓂᐅᒍᑎᖏᑦ
- ᐸᕐᓀᓂᓯᑎᒻᒪᕆᐅᓗᓂ ᐊᒻᒪᓗ ᐃᓕᓐᓇᖓᑎᑦᓯᓯᐊᕈᓐᓇᓗᓂ ᑎᒥᒧᐊᖓᔪᓂᒃ.
- ᐆᑦᑐᕋᐅᑎᓕᐅᕈᓐᓇᓗᓂ ᑐᓴᕐᑎᓯᐅᑎᓂᒃ, ᓇᓗᓀᕐᓯᐅᑎᓂᒃ ᐊᒻᒪᓗ ᐱᓇᓱᐊᕐᑕᐅᒋᐊᓕᓐᓂᒃ ᐸᕐᓀᒍᑎᓂᒃ ᖃᕆᑕᐅᔭᒃᑯᑦ.
- ᓇᒻᒥᓂᖅ ᐊᒻᒪᓗ ᐱᓇᓱᐊᕐᓂᒥᓄᑦ ᐃᓕᒪᓯᒪᓗᓂ ᐃᓗᒡᒍᓯᖏᑦ ᐊᑦᔨᒌᖕᖏᑐᓃᑦᓯᒪᓗᓂ.
- ᐃᒻᒥᓂᒃ ᐃᑲᔪᕐᓯᒪᒍᓐᓇᓯᐊᕐᓗᓂ, ᐱᓀᓗᑕᓂᒃ ᐋᕐᕿᓱᐃᓯᑎᐅᓗᓂ, ᓄᐃᑎᕆᑦᓯᐊᕈᒪᓂᖃᕐᓗᓂ.
- ᖃᐅᔨᒪᓗᓂ ᖃᕆᑕᐅᔦᑦ ᐱᓇᓱᐊᕈᑎᖏᓐᓂᒃ Microsoft Office suite-ᒥᒃ ᐃᓚᐅᑎᓗᒋᑦ ᐅᑯᐊ Word, Excel ᐊᒻᒪᓗ Outlook.
- ᐃᓕᒐᓱᐊᕐᑐᖅ ᐱᖁᔭᕐᓂᒃ ᓯᖁᒥᑦᓯᓂᑰᒻᒪᖔᑦ ᖃᐅᔨᓴᕐᑕᐅᒍᓐᓇᓗᓂ.
ᐅᖃᐅᓯᖅ
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ, ᐊᒻᒪᓗ ᐅᖃᕈᓐᓇᓗᓂ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᕆᐊᓕᒃ).
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᖓᑕ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᖏᑦ/ᐱᕙᓪᓕᖁᑎᑦᓴᑖᕐᑕᕈᑎᖏᑦ
- ᐱᓇᓱᐊᕐᓗᓂ ᐃᓱᕐᕆᐅᑏᑦ ᑐᖕᖓᕕᓖᑦ ᓄᓇᕕᒻᒥ ᐃᓗᓯᓕᕆᓂᕐᓄᑦ ᐊᒻᒪᓗ ᐃᓅᓯᓕᕆᓂᕐᓄᑦ ᑭᒡᒐᑐᕐᓂᓄᑦ ᐋᕐᕿᓱᕐᑕᐅᓯᒪᔪᓂᒃ.
- ᑮᓇᐅᑦᔭᓵᖏᑦ ᐋᕐᕿᑕᐅᓛᕐᑐᑦ ᐃᑉᐱᒋᓗᒋᑦ ᐱᔪᓐᓇᑕᖏᑦ ᐊᒻᒪᓗ ᐊᑑᑎᓕᓂᖏᑦ.
- ᐱᔪᓐᓇᓯᐊᓚᖓᒻᒪᖔᑦ ᐃᑉᐱᒋᔭᐅᕕᒃ.
- ᓯᓚᑦᑐᓴᕐᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑦᓯᓂᕐᒧᑦ ᐱᓇᓱᒐᖅ ᐊᑐᐃᓐᓇᐅᕗᖅ (ᐱᔪᓐᓇᕆᐊᓕᖏᑦᑕ ᐃᓚᖏᑦ ᓄᐃᑕᖕᖏᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.