ᐊᒃᓚᖁᑎᓕᕆᔨ

ᑮᓇᐅᔭᓕᕆᓂᕐᒧᑦ ᐱᔭᑦᓴᖏᑦ

ᐊᒃᓚᖁᑎᓕᕆᔨ ᐃᑲᔪᕐᑎᐅᓗᓂ ᖃᐅᑕᒫᑦ ᐊᐅᓚᔪᓂᒃ ᑭᓇᐅᔭᓕᕆᓂᐅᑉ ᐃᖏᕐᕋᒍᑎᖏᓐᓅᓕᖓᔪᓂᒃ ᑕᒃᒐᓂ ᑮᓇᐅᔭᓕᕆᓂᕐᒧᑦ ᐱᑦᔪᔨᕕᒻᒥ. (ᕿᒥᕐᕈᖃᑦᑕᓗᒋᑦ ᑮᓇᐅᔭᓕᕆᐅᑏᑦ,ᑎᑭᓴᕐᑕᐅᔪᑦ ᓂᐅᕕᕐᑕᐅᓱᑎᒃ, ᐊᑭᓕᕋᑦᓭᑦ ᐊᑐᕈᑎᐅᓯᒪᔪᑦ ᐱᐅᒃᑯᑎᓂᒃ, ᐊᒃᓚᕕᒻᒥ ᐱᓇᓲᑎᓂᒃ, ᓴᓇᕐᕈᑎᓂᒃ ᐊᓯᖏᓐᓂᓗ.);

• ᕿᒥᕐᕈᖃᑦᑕᓗᓂ ᑎᑭᓭᒍᑏᑦ ᑭᓯᑦᓯᒍᑎᖏᓐᓂᒃ ᓱᓇᐅᓂᖏᑦ ᒪᓕᓪᓗᒋᑦ (POs) ᐊᑭᓕᕋᑦᓴᓕᐅᖃᑦᑕᓗᓂ ᐊᒃᓚᖁᑎᓕᐅᕐᑕᐅᒍᑎᒋᓯᒪᔭᖓᓄᓪᓗ ᐊᑭᓕᕐᑕᐅᑎᓗᒍ;
• ᕿᒥᕐᕈᖃᑦᑕᓗᓂ ᐊᑭᓕᕋᑦᓴᓂᒃ ᓂᐅᕕᕐᕕᐅᓯᒪᔪᑦ ᐊᑭᓕᕋᑦᓴᓕᐊᕕᓂᖏᓐᓂᒃ ᑕᒻᒪᓯᒪᔪᕐᑕᖃᖁᓇᒋᑦ/ ᐱᑦᓯᐊᖏᓐᓂᑕᖃᖁᓇᒋᓪᓗ;
• ᖃᐅᔨᓴᕐᓗᒋᑦ ᐱᑦᓯᐊᖏᓐᓂᑯᑦ ᐊᑭᓕᕋᑦᓴᓕᐊᖑᓯᒪᔪᑦ ᐊᑐᕐᓂᓗᓐᓂᒧᓪᓘᓃᑦ ᑮᓇᐅᔭᓂᒃ;
• ᕿᒥᕐᕈᖃᑦᑕᓗᒋᑦ ᐊᒃᓚᖁᑏᑦ ᐊᐅᓚᔪᑦ ᑮᓇᐅᔦᑦ ᖃᓄᐃᓕᖓᓕᕐᒪᖔᑕ, ᐅᑎᕐᑎᓯᒍᑏᑦ, ᐊᒻᒪᓗ ᐋᕐᕿᒋᐊᕆᒍᑏᑦ, ᐊᑑᑎᑎᓗᒋᓪᓗ ᐋᕐᕿᒋᐊᕈᑎᐅᒋᐊᓖᑦ/ ᐋᕐᕿᒋᐊᕐᓗᒋᓪᓘᓃᑦ ᑮᓇᐅᔭᕐᑑᑏᑦ ᐊᒃᓚᓯᒪᐅᑎᖏᑦ;
• ᐃᑲᔪᕐᓯᒪᖃᑦᑕᓗᓂ ᐊᒃᓚᖁᑏᑦ ᑲᓱᕐᑎᑕᐅᒐᓱᐊᓕᕐᐸᑕ ᑮᓇᐅᔭᕐᑐᕈᑕᐅᓯᒪᐅᑎᖏᑦ ᐊᒻᒪᓗ ᐃᖏᕐᕋᑎᓗᒋᑦ ᑲᑎᕐᓱᒋᐊᓖᑦ; ᐊᑐᐃᓐᓇᕈᕐᑎᕆᖃᑦᑕᓗᓂ ᐁᑦᑐᑑᑎᒋᓗᒋᓪᓗ ᑮᓇᐅᑦᔭᑐᑦ ᐊᒃᓚᖁᑎᖏᑦ ᐊᒻᒪᓗ ᑭᓯᑕᐅᒪᐅᑏᑦ ᐱᓇᓱᑦᑎᓕᕆᕕᒻᒧᑦ;
• ᐊᑑᑎᔭᐅᑎᑦᓯᓚᕆᓪᓗᓂ ᖃᓄᑐᐃᓐᓈᑌᓕᓂᕐᒧᑦ ᒪᓕᒐᕐᓂᒃ ᑐᓴᕐᑎᓯᑐᐃᓐᓇᕈᑎᖃᕐᑌᓕᓂᕐᒧᓗ ᑮᓇᐅᔭᓕᕆᐅᑏᑦ ᐊᒃᓚᓯᒪᐅᑎᖏᓐᓂᒃ ᐱᓇᓱᕝᕕᒥ ᐊᑐᕐᑕᐅᔪᓂᒃ, ᐱᓇᓱᑦᑎᓄᓪᓗ ᐃᓕᖓᑦᓱᑎᒃ ᐊᓯᖏᓐᓄᓗ ᐱᓇᓱᖃᑎᒋᒻᒥᔭᖏᓐᓄᑦ ᑎᒥᐅᒻᒥᔪᓄᑦ;
• ᐃᑲᔪᖃᑦᑕᕆᐊᓕᒃ ᖃᐅᔨᓴᕐᑕᐅᔪᖃᓕᕐᐸᑦ ᐱᓀᓗᑦᓯᕈᑕᐅᓯᒪᑉᐸᑕ ᐊᑭᓕᕐᑐᐃᒍᑏᑦ ᐊᑐᕐᓗᒋᑦ ᑎᒥᐅᔫᑉ ᒪᓕᒐᖏᑦ ᐊᐅᓚᑦᓯᒍᓯᖏᓪᓗ;

• ᐃᓘᓐᓇᓯᐊᖏᓐᓂᒃ ᑮᓇᐅᔭᓕᕆᐅᑕᐅᔪᓕᒫᑦᓯᐊᓂᒃ ᐊᒃᓚᖁᑎᖃᕐᑎᓯᑦᓯᐊᓗᓂ ᐊᑐᓂ ᐱᑦᔪᔨᕖᑦ ᐊᐅᓚᒍᓯᖏᑎᒍᑦ ᐱᕙᓪᓕᐊᒍᓯᖏᑎᒍᓪᓗ;
• ᑮᓇᐅᔭᒃᑯᕕᒻᒥ ᐊᐅᓚᔪᓂᒃ ᑮᓇᐅᔭᓂᒃ ᐊᒃᓚᖁᑎᓕᕆᖃᑦᑕᓗᓂ ᑎᓕᔭᐅᒪᐅᑎᒥᓂᒃ ᒪᓕᓪᓗᓂ;
• ᐃᑲᔪᕐᓗᒍ ᑮᓇᐅᔭᓕᕆᕕᒻᒥ ᑲᒪᔨᒻᒪᕆᒃ ᓇᓪᓕᐊᒍᑐᐃᓐᓇᖅ ᐱᓇᓱᑦᑕᐅᔪᑎᒍᑦ ᑮᓇᐅᔭᓕᕆᕕᒻᒥ, ᐃᑲᔪᕐᑕᐅᒍᑎᐅᒋᐊᓕᓐᓂᓗ ᐊᒃᓚᖁᑎᓕᕆᓂᕐᑕᖃᕆᐊᖃᕐᐸᑦ ᐃᑲᔪᕐᓯᒪᖃᑦᑕᓗᓂ;
• ᐃᑲᔪᕐᓗᒍ ᑮᓇᐅᔭᓕᕆᕕᒻᒥ ᑲᒪᔨᒻᒪᕆᒃ ᐸᕐᓇᓕᕐᐸᑦ ᐊᒃᓚᖁᑎᓂᓪᓗ ᕿᒥᕐᕈᓕᕐᐸᑦ ᐊᑐᕐᓯᒪᔪᓂᒃ ᐊᕐᕌᒍᓕᒫᒥ;
• ᐃᑲᔪᕐᓗᒍ ᑮᓇᐅᔭᓕᕆᕕᒻᒥ ᑲᒪᔨᒻᒪᕆᒃ ᒪᓕᓪᓗᒋᑦ ᐃᓘᓐᓇᑎᒃ ᑲᓇᑕᐅᑉ ᑯᐯᒃᓗ ᐱᖁᔭᖏᑦ ᒪᓕᑦᑕᐅᒋᐊᓖᑦ ᑎᒥᐅᔪᒧᑦ ᐃᑲᔪᕐᓯᒪᒍᑎᒋᓗᒋᑦ;
• ᐊᓯᖏᓪᓗ ᐱᔭᑦᓴᖃᕐᑎᑕᐅᒍᑎᖏᑦ ᑲᒪᔨᒻᒪᕆᒻᒧᑦ ᑮᓇᐅᔭᓕᕆᕕᒻᒥ.

ᓯᑯᑦᓴᔭᓕᕆᓂᕐᒧᑦ ᐱᔭᑦᓴᖏᑦ

• ᓄᐊᓪᓗᒋᑦ, ᐁᑦᑐᑑᑎᒋᓗᒋᑦ ᐊᒻᒪᑎᕐᓗᒋᓪᓗ ᐊᒃᓚᑖᖑᓯᒪᔪᑦ ᐱᑦᔪᔨᕕᓐᓄᑦ.
• ᐃᑲᔪᖃᑦᑕᓗᓂ ᑐᓴᕐᑎᓯᐅᑎᐅᒋᐊᓖᑦ ᐊᒃᓚᑕᐅᓕᕐᐸᑕ, ᐊᒃᓚᑖᕐᑎᓯᒍᑎᐅᒋᐊᓖᓪᓗ.
• ᐃᑲᔪᕐᓯᒪᔨᐅᓗᓂ ᓴᐳᒻᒥᔨᐅᓗᓂᓗ ᐱᓇᓱᑦᑎᓂᒃ ᐊᐅᓚᑦᓯᓂᓕᕆᓂᕐᒥ ᓇᓪᓕᐊᒍᑐᐃᓐᓇᖅ ᐊᒃᓚᖁᑎᓕᕆᓂᕐᑎᒍᑦ ᐱᓇᓱᑦᑕᐅᒋᐊᓕᓐᓂᒃ.

ᐃᓕᓴᕐᓯᒪᓂᖅ

• ᐳᕐᑐᓂᕐᓴᒥ ᑕᓪᓕᒪᒥ ᐱᔭᕇᕐᓯᒪᐅᑎ.
• ᐃᓕᓐᓂᐊᓯᒪᓂᖓ ᐊᑑᑎᓚᐅᕐᓯᒪᓂᖓᓗ ᐃᓱᒪᒋᔭᐅᖃᓯᐅᑦᔨᓂᐊᕐᒥᔫᒃ.
• ᐃᓕᓐᓂᐊᕈᒪᓂᖃᕐᓗᓂ ᐊᒃᓚᖁᑎᓕᕆᓂᕐᒥᒃ ᑮᓇᐅᔭᕐᑑᑎᓂᒃ/ ᐃᓚᐅᓗᓂᓘᓐᓃᑦ ᐃᓕᓐᓂᐊᑐᓄᑦ.

ᐱᓇᓱᐊᕐᓯᒪᓂᖓ

• 2 – 3 ᐊᕐᕌᒍᓂ ᐊᑦᔨᐸᓱᖓᓂᒃ ᐱᓇᓱᒐᖃᓚᐅᕐᓯᒪᓗᓂ.
• ᑐᑭᓯᒪᓗᓂ ᐊᐅᓚᑕᐅᒍᓯᖏᓐᓂᒃ ᐊᒃᓚᖁᑏᑦ, ᑮᓇᐅᓭᑦ ᑐᕌᒐᖏᑦ, ᐊᒻᒪᓗ ᐊᐅᓚᑦᓯᓕᓂᐅᒍᓂ ᑕᒪᓐᓇ ᐃᑲᔪᕐᓯᒪᒐᔭᕐᒥᔪᖅ.
• ᐊᑐᓕᓂᐅᒍᓂ ᖃᕆᑕᐅᔭᒥᒃ Sage 50 ᒥᒃ ᑕᒪᓐᓇ ᐃᑲᔪᕐᓯᒪᒐᔭᕐᒥᔪᖅ.

ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ

• ᓇᒻᒥᓂᖅ ᐱᓇᓱᓐᓂᒧᓪᓗ ᐊᑑᑎᓯᒪᔭᖏᑦ ᐱᕐᖁᓯᖃᑎᒌᖕᖏᑐᑎᒍᑦ ᐃᓂᓪᓚᓯᒪᓂᓕᓐᓂ.
• ᐊᒃᓚᒍᓐᓇᓗᓂ ᑐᓴᕐᑎᓯᐅᑎᑦᓴᓕᐊᓂᒃ, ᐊᒃᓚᖁᑎᑦᓴᓂᒃ ᐱᓇᓱᓐᓂᒧᓪᓗ ᐸᕐᓇᑕᐅᓯᒪᔪᓂᒃ ᖃᕆᑕᐅᔭᖅ ᐊᑐᕐᓗᒍ.
• ᐱᓇᓱᒍᓐᓇᓯᐊᕐᓗᓂ ᐃᓄᑑᓗᓂ ᐊᓯᒥᓂᓪᓗ ᐱᓇᓱᖃᑎᖃᕈᓐᓇᓯᐊᕐᓗᓂ ᐊᒥᓱᐃᖑᓗᑎᒃ.
• ᐱᓇᓱᒍᓐᓇᓗᓂ ᑫᕙᓪᓚᒍᓰᑦ ᐱᓇᓱᓐᓇᓕᐊᖑᓯᒪᔪᑦ ᐅᖓᑖᓄᑦ.
• ᖃᐅᔨᒪᓗᒍ ᐊᑐᕆᐊᖓ ᖃᕆᑕᐅᔭᖅ Microsoft Office suite of programs, ᒪᑯᐊᓗ ᐃᓚᕐᖁᐊᖏᑦ ᖃᕆᑕᐅᔭᕈᑏᑦ Word, Excel and Outlook.
• ᑐᑭᓯᒪᓪᓚᕆᓪᓗᒍ ᐅᖃᔭᑐᐃᓐᓇᖃᔭᖕᖏᓂᖅ ᐊᒻᒪᓗ ᐊᐅᓚᑦᓯᒍᓐᓇᓯᐊᕐᓗᓂ ᐱᓇᓱᒋᐊᖃᓕᕈᑎᒃ ᐱᓪᓗᑯᒍᑎᐅᒋᐊᓕᒻᒥᒃ ᑮᓇᐅᔭᓕᕆᓂᕐᒨᓕᖓᓗᓂ ᑐᓴᕐᑕᐅᒋᐊᓕᒻᒥᒃ.
• ᐃᑉᐱᒋᑦᓯᐊᓗᒋᑦ ᑐᑭᓯᓇᕈᑎᐅᒋᐊᓕᓕᒫᑦ ᓈᒻᒪᓈᕐᑎᓯᓯᒪᒍᓐᓇᓯᐊᕐᓗᓂᓗ.
• ᐱᓇᓱᒐᕐᑖᕋᓱᐊᕐᑐᖅ ᐊᖏᕐᓯᒪᒋᐊᓕᒃ ᖃᐅᔨᓴᕐᑕᐅᒍᓐᓇᓗᓂ ᐱᖁᔭᓂᒃ ᒪᓕᖕᖏᓯᒪᒻᒪᖔᕐᒥ.