ᐊᐅᓚᑦᓯᕕᒻᒥ ᑲᒪᔨᒻᒪᕆ

ᐊᐅᓚᑦᓯᓂᖅ ᐊᒻᒪᓗ ᐸᕐᓀᓂᓂᖅ

ᐃᑉᐱᒍᓱᑦᑎᐅᓲᖅ ᐊᒻᒪᓗ ᑲᔪᖏᕐᑐᐃᔨᐅᑦᓱᓂ:

• ᑲᔪᓯᑎᑦᓯᔨ ᐊᐅᓚᑦᓯᓂᕐᒥᒃ
• ᑲᔪᓯᑎᑦᓯᔨ ᓂᕿᓄᑦ ᑭᒡᒐᑐᕈᑎᓂᒃ-ᓂᕐᓯᐅᑏᑦ ᐊᖓᔪᕐᖄᖓᓂᒃ
• ᐊᓪᓚᕕᒻᒥ ᐃᑲᔪᕐᑎ
• ᖃᕆᑕᐅᔭᓕᕆᐅᑎᓂᒃ ᐱᓪᓗᑯᒋᐊᓕᑦᑎ

ᐃᑉᐱᒍᓱᑦᓯᐊᕆᐊᓕᒃ ᐸᕐᓀᑕᐅᑦᓯᐊᓯᒪᒋᐊᖃᕐᓂᖏᓐᓂᒃ ᐊᒻᒪᓗ ᐃᖏᕐᕋᓯᑎᑕᐅᓂᖏᓐᓂᒃ ᐅᑯᐊ

• ᖃᓄᐃᓂᖕᖏᓯᐊᕆᐊᖃᕐᓂᖏᓐᓂᒃ ᐃᓘᓐᓇᖏᑦᑕ ᐃᓪᓗᐃᑦ ᐊᒻᒪᓗ ᓈᒻᒪᑐᓂᒃ ᐃᖏᕐᕋᓯᐊᕐᓂᖃᕐᒪᖔᑕ.
• ᖃᕆᑕᐅᔦᑦ ᐱᔪᓐᓇᓯᐊᕐᓂᖏᓐᓂᒃ, ᐃᑲᔪᕐᓯᒪᔨᐅᓗᓂ ᐊᒻᒪᓗ ᐊᓯᑦᔨᑐᕆᐊᓕᓐᓂᒃ ᑲᒪᔨᐅᓗᓂ.
• ᐃᓘᓐᓇᑎᒃ ᑭᒡᒐᑐᕈᑏᑦ ᐊᖏᐅᑎᒍᑎᑎᒍᑦ ᐱᓇᓱᐊᕈᑦᔭᐅᓂᕐᓂᒃ ᐃᓱᐊᕐᓯᕕᐅᑉ (ᐃᓪᓗᐃᑦ, ᐃᖏᕐᕋᐅᑏᑦ, ᐱᐅᒃᑯᑏᑦ)
• ᓂᕐᓯᐅᕈᑦᔨᓂᕐᓄᑦ ᑭᒡᒐᑐᕈᑏᑦ.

ᐊᐅᓚᑦᓯᕕᒻᒥ ᓴᐳᑦᔨᓯᒪᓂᖅ

ᐱᒋᐊᕐᑎᓯᓲᖅ ᐊᒻᒪᓗ ᐱᔪᓐᓀᓇᕐᑎᓯᓲᑦ ᐋᕐᕿᓱᕐᓯᒪᐅᑎᓂᒃ ᐃᑉᐱᒋᑦᓯᐊᓗᒋᑦ ᑕᑲᒃᑯᐊ ᑭᒡᒐᑐᕈᑏᑦ ᒪᓂᔭᐅᓯᒪᑦᓯᐊᓂᖏᓐᓂᒃ ᐃᓱᕐᕆᓇᕐᓗᑎᒃ:

• ᓈᒻᒪᓈᕐᓯᒪᔪᑦ ᓯᑯᑦᓴᔭᖁᑏᑦ, ᓇᓗᓀᕐᓯᐅᑏᑦ ᐊᒻᒪᓗ ᐊᓪᓚᕕᐅᑦᔪᓯᐊᑦ ᐊᓪᓚᑕᐅᔪᓪᓗ.
• ᐊᐅᓚᑦᓯᕕᒻᒥ ᐊᒻᒪᓗ ᐊᓪᓚᓕᕆᓂᑎᒍᑦ ᐃᑲᔪᕐᓯᒪᓂᖅ ᐃᓘᓐᓀᓂᒃ ᐱᓇᓱᕝᕕᓂᒃ ᐃᓕᒃᑰᑎᕐᑐᓂᒃ.
• ᖃᕆᑕᐅᔭᓕᕆᓂᑎᒍᑦ ᐃᑲᔪᕐᓯᒪᓂᖅ ᐊᒻᒪᓗ ᐱᔪᓐᓇᖏᕐᓯᒪᔪᕐᓂᐊᓂᖅ.
• ᓂᕐᓯᐅᑎᖃᕐᓂᑎᒍᑦ ᑭᒡᒐᑐᕐᑕᐅᒍᑎᖏᑦ ᐃᓱᐊᕐᓯᕕᒻᒦᑐᑦ.
• ᐅᖄᒍᑎᒥᒃ ᑭᐅᔨᐅᓗᓂ ᐊᒻᒪᓗ ᐃᑎᕐᑐᓂᒃ ᑲᒪᔨᐅᓗᓂ.
• ᓇᔪᕐᑎᙯᓐᓇᓗᓂ ᓄᑕᐅᓪᓕᑎᕐᑕᐅᓯᒪᔪᓂᒃ ᐱᓇᓱᑦᑏᑦ ᐊᒻᒪᓗ ᑲᑎᒪᔩᑦ ᑎᒥᒥ ᓇᓗᓀᕐᑕᐅᓯᒪᐅᑎᖏᓐᓂᒃ, ᑭᒡᒐᑐᕐᑕᐅᓂᕐᒧᑦ ᐊᖏᖃᑎᖃᕈᑏᑦ ᐊᓪᓚᑕᐅᓯᒪᕕᖏᓐᓂᒃ ᐊᒻᒪᓗ ᐊᑑᑎᓛᕐᑐᑦ ᐅᓪᓗᖁᑎᖏᓐᓂᒃ.
• ᓯᑯᑦᓴᔦᑦ ᐅᖃᐅᓯᐅᑉ ᐊᓯᐊᒎᓕᕐᑎᑕᐅᓂᖏᓐᓂᒃ.
• ᐊᐅᓚᓂᖅ ᐊᒻᒪᓗ ᓯᓂᑦᑕᐅᑎᑦᓴᓂᒃ ᐋᕐᕿᓱᐃᔨᐅᓗᓂ ᐱᒍᑦᔨᓗᒋᑦ ᑲᑎᒪᔩᑦ, ᐱᓇᓱᑦᑎᒪᕇᑦ ᐊᐅᓚᑦᓯᕕᒻᒥ, ᐱᓇᓱᑦᑏᑦ ᐊᒻᒪᓗ ᑐᑭᓯᓂᐊᕐᑏᑦ.

ᐳᕐᑐᓂᕐᓴᓂᒃ ᐃᑲᔪᕐᓯᒪᓂᖅ

ᐃᑲᔪᕐᓯᒪᕙᓪᓗᒋᑦ ᐳᕐᑐᓂᕐᓭᑦ ᐊᐅᓚᑦᓯᔩᑦ ᐊᒻᒪᓗ ᐳᕐᑐᓂᕐᓭᑦ ᐃᑲᔪᕐᑎᖓ ᐅᑯᓄᖓ:

• ᐊᑐᐃᓐᓇᕈᕐᑎᕆᓂᖅ ᐊᓪᓚᓯᒪᔪᓂᒃ, ᓇᓗᓀᕐᑐᐃᒍᑎᓂᒃ ᐊᓪᓚᓯᒪᔪᓂᒃ, ᓈᒻᒪᓯᑦᑕᐅᑎᓂᒃ, ᑐᑭᒧᐊᒍᑎᓂᒃ ᐊᒻᒪᓗ ᑲᑎᒪᔩᑦ ᑲᑎᒪᓕᕈᑎᒃ ᐊᑐᐃᓐᓇᕆᒋᐊᓕᖏᓐᓂᒃ.
• ᐊᑐᐃᓐᓇᕈᕐᑎᕆᔨᐅᓗᓂ ᑲᒪᒋᐊᖃᕐᓂᒥᒃ ᐊᒻᒪᓗ ᐃᑉᐱᒋᔭᐅᑦᓯᐊᓂᖏᓐᓂᒃ ᑲᒪᔨᐅᓗᓂ ᐃᓘᓐᓇᖏᑦᑕ ᐊᓪᓚᑕᐅᔪᕕᓃᑦ, ᑲᑎᒪᐅᑎᕕᓃᑦ ᐊᒻᒪᓗ ᑐᑭᑖᕈᑎᓂᒃ ᓇᓗᓀᕐᓯᐅᑎᓂᒃ.
• ᐊᓪᓚᑎᐅᓗᓂ ᓇᓗᓀᕐᑐᓯᐊᕐᓯᒪᔪᓂᒃ ᑐᓴᕐᑎᓯᐅᑎᓂᒃ, ᓇᓗᓀᕐᑐᐃᒍᑎᓂᒃ ᐊᓪᓚᓯᒪᔪᓂᒃ ᐊᒻᒪᓗ ᐊᓪᓚᑕᐅᔪᕕᓂᕐᓂᒃ.

ᑲᑎᒪᔩᑦ, ᐊᑑᑎᔪᑦ ᐊᒻᒪᓗ ᐃᓕᒃᑰᑎᕐᑐᑦ ᐱᓇᓱᒉᑦ:

ᐃᑉᐱᒍᓱᑦᓯᐊᓲᖅ ᓈᒻᒪᑐᓂᒃ ᐋᕐᕿᓱᕐᑕᐅᓯᒪᒋᐊᖃᕐᓂᖏᓐᓂᒃ ᐃᒣᑦᑐᐃᑦ:

• ᑲᑎᒪᕕᐅᓚᖓᔪᖅ.
• ᐅᖄᒍᑎᒃᑯᑦ ᑲᑎᒪᓃᑦ.
• ᐊᑐᐃᓐᓇᐅᒋᐊᓖᑦ ᑲᑎᒪᓂᕐᓄᐊᖓᔪᑦ ᐊᑐᕋᑦᓭᑦ, ᐊᓪᓚᖁᑏᑦ, ᑐᑭᓯᐅᑎᑦᓭᑦ ᐊᒻᒪᓗ ᐊᓪᓚᓯᒪᔪᐃᑦ.
• ᐊᑐᐃᓐᓇᐅᓂᖏᑦ ᐱᐅᒃᑯᑏᑦ ᑐᓵᖃᑦᑕᐅᑎᒍᑏᑦ ᑕᑯᓐᓇᑎᑦᓯᒍᑏᑦ ᐊᒻᒪᓗ ᐃᓘᓐᓇᑎᒃ ᑲᑎᒪᓂᕐᒥ ᐊᑐᕐᑕᐅᒋᐊᖃᓚᖓᔪᑦ.

ᑲᔪᑎᑦᓯᔨᐅᓗᓂ ᐊᑦᔨᒌᖕᖏᑐᓂᒃ ᑲᑎᒪᓂᕐᓂᒃ ᐊᒻᒪᓗ ᐊᑑᑎᔪᓂᒃ:

• ᐃᑲᔪᕐᓯᒪᓂ ᐸᕐᓀᓂᔪᓂᒃ ᐊᑑᑎᓚᖓᔪᓂᒃ, ᙯᖁᔭᐅᓯᒪᔪᓂᒃ ᑐᓴᕐᑎᓯᓂᖅ, ᐊᑐᐃᓐᓇᕈᕐᑎᕆᓂᖅ ᑲᑎᒪᓂᐅᓛᕐᑐᒥᒃ ᑐᓴᕐᑎᓯᐅᑎᓂᒃ, ᐊᒻᒪᓗ ᓇᓗᓀᕐᑐᐃᓂᖅ ᑲᑎᒪᓂᕐᓂ ᑲᑎᒪᐅᑎᓂᒃ (ᐆᑦᑑᑏᑦ, ᐱᓇᓱᑦᑏᑦ ᑲᑎᒪᓂᖏᑦ, ᐱᓇᓱᕝᕕᐅᑉ ᐱᔭᕇᕈᑎᑖᕐᑎᓯᓂᖏᑦ, ᐊᓯᖏᓪᓗ).

ᐱᓇᓱᐊᕐᐸᓗᓂ ᐊᓯᖏᓐᓂᒃ ᐱᓇᓱᒐᕐᒨᓕᖓᔪᓂᒃ ᕿᓄᒍᑎᖏᓐᓂᒃ ᐳᕐᑐᓂᕐᓭᑦ ᑲᒪᔨᒻᒪᕆᖓᓂᒃ ᐃᑲᔪᕐᑎᐅᑉ.

ᐃᓕᓴᕐᓯᒪᓂᖅ

• ᐱᓇᓱᐊᕆᐅᕐᓴᐅᑎᒥᒃ ᐃᓕᓐᓂᐊᓂᕐᒥᒃ ᐱᔭᕇᕐᓯᒪᓗᓂ (ᐱᓪᓗᖁᑎᒃ).
• ᐊᐅᓚᑦᓯᓂᕐᒥᒃ ᐃᓕᓐᓂᐊᓂᕐᒥᒃ ᐱᔭᕇᕐᓯᒪᓗᓂ (ᐱᓪᓗᖁᑎᒃ) ᐅᕝᕙᓘᓐᓃᑦ ᐱᔭᕇᒍᒪᓂᖃᕐᓗᓂ ᓈᒻᒪᒋᔭᒥᓄᑦ ᐃᓕᓐᓂᐊᑎᑦᓯᓂᕐᒧᑦ.
• ᓱᖏᐅᑎᓴᕐᓯᒪᓗᓂ ᑎᒥᐅᑉ ᐊᑑᑎᑎᒐᖏᓐᓂᒃ ᐅᕝᕙᓘᓐᓃᑦ ᐱᓇᓱᑦᑎᓕᕆᓂᕐᒥᒃ (ᐱᓪᓗᖁᑎᒃ).

ᐱᓇᓱᐊᕐᓯᒪᓂᖓ

• ᐊᕐᕌᒍᓂ 5-ᓂ ᑌᒣᑦᑐᓭᓐᓇᑲᓵᓂᒃ ᐱᓇᓱᐊᕐᓯᒪᓗᓂ.
• ᐊᕐᕌᒍᒥ 1-ᒥ ᐃᑉᐱᒍᓱᑦᑎᐅᓂᕐᒧᑦ ᐱᓇᓱᐊᕐᓯᒪᓗᓂ.

ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ

• ᓇᒻᒥᓂᖅ ᐊᒻᒪᓗ ᐱᓇᓱᒐᕐᒥᓄᑦ ᐃᓗᒡᒍᓯᖏᑦ ᐊᑦᔨᒌᖕᖏᑐᓃᑦᓯᒪᓗᓂ.
• ᐱᓇᓱᑦᑎᒪᕆᐅᓂᕐᒥᓄᑦ ᐅᖄᖃᑎᖃᑦᓯᐊᕈᓐᓇᓗᓂ ᐱᓇᓱᑦᑎᓂᒃ, ᑲᒪᔨᒻᒪᕆᓐᓂᒃ, ᐱᒍᑦᔨᓂᕐᓄᑦ ᑭᒡᒐᑐᕐᑎᓂᒃ ᐊᒻᒪᓗ ᐃᓄᑐᐃᓐᓇᓂᒃ.
• ᐅᖃᐅᓯᕆᒋᐊᖃᖕᖏᑕᒥᓂᒃ ᓇᐅᑐᐃᓐᓇᓄᑦ ᑐᓴᕐᑎᓯᒋᐊᖃᖕᖏᓂᕐᒥᓂᒃ ᐱᒻᒪᕆᐅᑎᑦᓯᓗᓂ ᐊᒻᒪᓗ ᐱᓇᓱᑦᑎᒪᕆᐅᓂᕐᒥᓂᒃ.
• ᐊᑑᑎᓚᖓᔪᓂᒃ ᐸᕐᓀᓂᑦᓯᐊᕈᓐᓇᓗᓂ.
• ᐃᒻᒥᓂᕐᓱᕈᓐᓇᓯᐊᕐᓗᓂ ᐱᓇᓱᐊᑦᓯᐊᕈᓐᓇᓗᓂ ᐊᒻᒪᓗ/ᐅᕝᕙᓘᓐᓃᑦ ᐊᓯᒥᓂᒃ ᐱᓇᓱᐊᖃᑎᖃᑦᓯᐊᕈᓐᓇᓗᓂ.
• ᐱᓇᓱᓐᓇᑐᐃᓐᓀᑦ ᓯᓚᑖᒍᑦ ᐱᓇᓱᐊᕐᐸᒐᓗᐊᕈᓂ ᖃᓄᐃᑦᓴᕈᓐᓀᓗᓂ.
• ᖃᕆᑕᐅᔦᑦ ᐱᓇᓱᐊᕈᑎᖏᓐᓂᒃ ᐱᒍᓐᓇᓗᓂ Microsoft Office suite-ᒥᒃ ᐃᓚᐅᑎᓗᒋᑦ ᐅᑯᐊ Word, Excel ᐊᒻᒪᓗ Outlook.
• ᐃᓕᒐᓱᐊᕐᑐᖅ ᐱᖁᔭᕐᓂᒃ ᓯᖁᒥᑦᓯᓂᑰᒻᒪᖔᑦ ᖃᐅᔨᓴᕐᑕᐅᒍᓐᓇᓗᓂ.