ᐅᕕᒃᑫᑦ ᑭᒡᒐᑐᕐᑕᐅᒍᑎᖏᓐᓂᒃ ᑲᔪᓯᑎᑦᓯᔨ

ᐸᕐᓀᓂᓂᖅ

• ᐃᑲᔪᓲᖅ ᐸᕐᓀᑐᓂᒃ ᐱᕙᓪᓕᐊᑎᑕᐅᓂᖏᓐᓄᑦ ᓱᖃᑦᓯᑎᑦᓯᐅᑏᑦ, ᐱᓇᓱᐊᕈᑦᔨᐅᑏᑦ, ᐊᒻᒪᓗ ᒪᒥᓴᕐᓂᓄᐊᖓᔪᑦ ᑭᒡᒐᑐᕈᑏᑦ ᐅᕕᒃᑲᓂᒃ ᐆᑦᑑᑎᒋᑦᓱᒋᑦ ᐯᕆᑦᓯᓃᑦ, ᐃᓕᒃᑰᑎᕐᑐᓂᒃ ᑕᓯᐅᕐᓯᓯᒪᓃᑦ, ᑲᑎᒪᑦᓱᑎᒃ ᑕᓯᐅᕐᓯᔭᐅᒋᐊᕐᑐᑦ, ᐃᓕᓐᓂᐊᑎᑦᓯᓂᕐᓄᑦ ᑭᒡᒐᑐᕈᑏᑦ, ᐊᒻᒪᓗ ᐱᖕᖑᐊᓃᑦ.
• ᐃᑲᔪᓲᖅ ᐱᕙᓪᓕᐊᑎᑕᐅᓂᖏᓐᓂᒃ ᐊᒻᒪᓗ ᐱᐅᓴᕐᑕᐅᓂᖏᓐᓂᒃ ᓄᑖᑉ ᐋᓐᓂᐊᓯᐅᕐᓂᑎᒍᑦ ᐱᓇᓱᐊᕈᑦᔨᐅᑏᑦ ᐊᒻᒪᓗ ᑭᒡᒐᑐᕈᑏᑦ.
• ᓱᕐᖁᐃᓯᓯᒪᓲᖅ ᐃᓚᐅᑎᑕᐅᓂᖏᓐᓂᒃ ᓲᔪᐃᑦ ᐃᓗᒡᒍᓯᒧᐊᖓᔪᑦ/ᐱᐅᓯᑐᖃᕐᒧᐊᖓᔪᑦ ᐊᒻᒪᓗ ᓄᓇᒦᑦᑎᓯᓃᑦ ᐃᓘᓐᓇᑎᒃ ᐅᕕᒃᑲᓂᒃ ᑭᒡᒐᑐᕈᑏᑦ.
• ᓴᐳᑦᔨᓯᒪᓲᖅ ᐱᓇᓱᑦᑎᓕᕆᕕᒻᒥᒃ ᐸᕐᓀᑎᓗᒋᑦ ᑕᑲᒃᑯᓂᖓ ᐱᕙᓪᓕᐊᑎᑕᐅᒋᐊᓕᓐᓂᒃ: ᐱᓇᓱᑦᑎᑕᕐᓂᖅ, ᐃᓕᓐᓂᐊᓂᑎᑦᓯᓂᖅ, ᐊᒻᒪᓗ ᐱᓇᓱᑦᑎᒪᕆᐅᓂᕐᓂᒃ ᐱᕙᓪᓕᐊᑎᑦᓯᓂᖅ ᐱᓇᓱᑦᑎᓂᒃ ᑲᒪᒋᔭᒥᓂᒃ ᐆᑦᑑᑎᒋᓗᒋᑦ ᑲᒃᑲᓛᕌᐱᓐᓂᒃ ᒥᑭᔪᕐᓚᓂᒃ ᐱᒋᐅᕐᓴᑎᑦᓯᔨᓂᒃ, ᐃᓕᓴᕐᕕᒥ ᓯᓚᑦᑐᓭᔨᒥᒃ/ᐃᓕᓭᔨᒥᒃ, ᐊᒻᒪᓗ ᐅᕕᒃᑲᓂᒃ ᑕᓯᐅᕐᓯᓯᒪᔨᒥᒃ.

ᐊᐅᓚᑦᓯᓂᖅ

• ᐃᑲᔪᕐᑕᐅᓱᓂ ᐃᓄᐃᑦ ᐊᓐᓂᓇᕐᑐᖁᑎᖏᓐᓄᐊᖓᔪᓂᒃ ᐊᒻᒪᓗ ᐱᐅᓯᖏᓐᓄᐊᖓᔪᓂᒃ ᐊᐅᓚᑦᓯᔨᒧᑦ, ᒪᓂᔨᓲᖅ ᓴᐳᑦᔨᓯᒪᐅᑎᓂᒃ ᐱᓇᓱᕝᕕᐅᑉ ᐃᓕᒃᑰᑑᑉ ᐱᓇᓱᑦᑎᖏᓐᓂᒃ.
• ᐱᓇᓱᐊᖃᑎᖃᓲᖅ ᐊᓯᖏᓐᓂᒃ ᐱᓇᓱᐊᕈᑦᔨᐅᑎᓂᒃ ᑲᔪᓯᑎᑦᓯᔨᓂᒃ ᐊᒻᒪᓗ ᐊᐅᓚᑦᓯᔨᓂᒃ ᐃᑲᔪᕐᓱᒋᑦ ᒪᒥᓴᕐᓂᖏᑎᒍᑦ ᐱᕙᓪᓕᐊᓂᖏᑦ ᐅᕕᒃᑫᑦ ᐃᓱᐊᕐᓯᕕᒻᒦᑐᑦ ᐊᒻᒪᓗ ᐃᓕᒪᑎᑕᐅᓂᖏᑎᒍᑦ ᑭᒡᒐᑐᕈᑏᑦ.
• ᐃᑲᔪᕐᑕᐅᓗᓂ ᐃᓄᐃᑦ ᐊᓐᓂᓇᕐᑐᖁᑎᖏᓐᓄᐊᖓᔪᓂᒃ ᐊᒻᒪᓗ ᐱᐅᓯᖏᓐᓄᐊᖓᔪᓂᒃ ᐊᐅᓚᑦᓯᔨᒧᑦ, ᐃᑉᐱᒍᓱᑦᓯᐊᓲᖅ ᑭᒡᒐᑐᕈᑏᑦ ᐊᒻᒪᓗ ᐱᓇᓱᐊᕐᑎᓯᐅᑏᑦ ᒪᓂᔭᐅᓯᒪᔪᑦ ᐃᓱᐊᕐᓯᕕᒻᒧᑦ ᐃᓗᒡᒍᓯᕐᒧᑦ ᓈᒻᒪᓯᐊᕐᓂᖏᓐᓂᒃ ᐊᒻᒪᓗ ᐊᑦᑕᓀᑦᑑᓂᖏᓐᓂᒃ.
• ᐃᑲᔪᓲᖅ ᓇᐅᑦᓯᑐᕐᑕᐅᑎᓗᒋᑦ ᐅᕕᒃᑲᓂᒃ ᑭᒡᒐᑐᕈᑏᑦ ᒪᓂᓲᖏᑦ ᐱᓇᓱᕝᕕᐅᑉ ᐃᓕᒃᑰᑑᑉ ᐊᒻᒪᓗ ᐃᖏᕐᕋᓯᑎᑕᐅᑎᓗᒋᑦ ᐊᓯᑦᔨᑐᕆᐊᓖᑦ ᒪᓕᓪᓗᒋᑦ ᐃᓱᐊᕐᓴᕕᒻᒦᑐᑦ ᑭᖕᖒᒪᔭᖏᑦ.
• ᑐᑦᑕᕕᐅᓲᖅ ᑎᒥᓄᑦ ᐱᓇᓱᐊᖃᑎᐅᓲᓄᑦ ᓈᒻᒪᑐᓂᒃ ᑲᔪᓯᑎᑕᐅᓂᖃᕆᐊᖃᕐᓂᖓᓄᑦ ᐊᒻᒪᓗ ᐃᓕᐅᕐᖃᓯᒪᒋᐊᖃᕐᓂᖏᓐᓄᑦ ᑭᒡᒐᑐᕈᑏᑦ ᓄᓇᓕᓐᓂ ᐊᒻᒪᓗ ᓄᓇᓕᓕᒫᓂ ᓄᐃᑕᓲᑦ ᐃᓚᐅᑎᓗᒋᑦ ᐱᖕᖑᐊᓂᖅ, ᐯᕆᑦᓯᕕᖃᕐᓂᖅ, ᐃᓅᓯᓕᕆᓂᖅ, ᐊᒻᒪᓗ ᐃᓕᓴᕐᕕᒃ.

ᐃᓕᓴᕐᓯᒪᓂᖅ

• ᐱᔭᕇᕈᑎᑖᕐᓯᒪᔪᖅ ᐳᕐᑐᓂᕐᓴᓂᒃ ᐃᓕᓴᕐᓂᒥᒃ.
• ᐱᓇᓱᐊᕆᐅᕐᓴᕕᒻᒥ ᐃᓕᓴᕐᕕᒥ ᐅᕝᕙᓘᓐᓃᑦ ᐃᓕᓴᕐᕕᔪᐊᒥ ᐃᓕᓴᕐᓯᒪᓗᓂ ᐃᓅᖃᑎᒌᓂ ᐃᑲᔪᕐᓯᒪᓂᕐᓂᒃ (ᐱᓪᓗᖁᑎᒃ).
• ᐃᓕᓐᓂᐊᓯᒪᓗᓂ ᑕᓯᐅᕐᓯᓯᒪᔨᐅᓂᕐᒥᒃ (ᐱᓪᓗᖁᑎᒃ).
• ᐃᓕᓐᓂᐊᓯᒪᓗᓂ ᑲᒃᑲᓛᑦ ᐱᕈᕐᐸᓕᐊᒍᓯᖏᓐᓂᒃ (ᐱᓪᓗᖁᑎᒃ).
• ᐱᔭᕇᕐᓯᒪᓗᓂ ᐊᐅᓚᑦᓯᓂᕐᒥ ᐱᓇᓱᐊᕈᑦᔨᐅᑎᒥᒃ (ᐱᓪᓗᖁᑎᒃ).

ᐱᓇᓱᐊᕐᓯᒪᓂᖓ

• 1-ᒥ ᐊᕐᕌᒍᒥ ᓱᖏᐅᓐᓂᖃᕐᓗᓂ ᐊᖓᔪᕐᖄᕆᔭᐅᓂᕐᒥᒃ ᐅᕝᕙᓘᓐᓃᑦ ᑲᔪᓯᑎᑦᓯᔨᐅᓂᕐᒥᒃ.
• 2-ᓂ ᐊᕐᕌᒎᓐᓂ ᓱᖏᐅᓐᓂᖃᕐᓗᓂ ᐅᕕᒃᑲᓂᒃ ᑭᒡᒐᑐᕈᑎᓂᒃ ᐱᓇᓱᐊᕐᓯᒪᓗᓂ (ᐃᓅᓯᓕᕆᔨᒃᑯᑦ, ᐅᕕᒃᑫᑦ ᓴᐳᒻᒥᔭᐅᕕᖏᑦ, ᒪᒥᓴᕐᕕᒃ, ᐯᕆᑦᓯᕕᒃ, ᐃᓕᓴᕐᕕᒃ, ᐅᕝᕙᓘᓐᓃᑦ ᐱᖕᖑᐊᓂᓕᕆᓂᖅ).
• ᓱᖏᐅᓐᓂᖃᕐᓗᓂ ᑭᒡᒐᑐᕈᑎᓂᒃ ᐸᕐᓀᓂᓂᕐᒥᒃ (ᐱᓪᓗᖁᑎᒃ).

ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ

• ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᓄᑦ ᓱᖏᐅᓐᓂᖃᕐᓗᓂ ᐃᓗᒡᒍᓯᖏᑦ ᐊᑦᔨᒌᖕᖏᑐᓃᑦᓯᒪᓂᕐᒥᓂᒃ.
• ᐆᑦᑐᕋᐅᑎᓕᐅᕈᓐᓇᓗᓂ ᑐᓴᕐᑎᓯᐅᑎᓂᒃ, ᐊᓪᓚᓯᒪᔪᓂᒃ, ᐊᒻᒪᓗ ᐱᓇᓱᐊᕋᑦᓴᓂᒃ ᐸᕐᓀᓯᒪᐅᑎᓂᒃ ᖃᕆᑕᐅᔭᒃᑯᑦ.
• ᓲᔫᒍᑎᖃᕐᓗᓂ ᐱᓇᓱᐊᕈᓐᓇᓂᕐᒥᓂᒃ ᐃᒻᒥᓂᕿᓗᓂ ᐊᒻᒪᓗ ᐱᓇᓱᐊᖃᑎᖃᕐᓗᓂ.
• ᐃᑲᐅᕐᓂᑐᐃᓐᓇᐅᓲᑦ ᓯᓚᑖᒍᑦ ᐱᓇᓱᐊᕐᐸᑲᓗᐊᕈᓂ ᖃᓄᐃᑦᓴᕈᓐᓀᓗᓂ.
• ᐱᓇᓱᐊᕈᑎᖃᕈᓐᓇᓗᓂ ᖃᕆᑕᐅᔭᒥᒃ Microsoft Office Suite, ᐃᓚᐅᑎᓗᒋᑦ Word, Excel, ᐊᒻᒪᓗ Outlook.
• ᐱᖁᔭᕐᓂᒃ ᓯᖁᒥᑦᓯᓂᑰᒻᒪᖔᑦ ᖃᐅᔨᓴᕐᑕᐅᒐᓗᐊᕈᓂ ᖃᓄᐃᑦᓴᕈᓐᓀᓗᓂ.