ᒪᓕᑦᑕᐅᒋᐊᓖᑦ ᐋᕐᕿᓯᒪᒍᑏᓪᓗ

ᑕᒃᑯᖓ ᖃᕆᑕᐅᔭᒃᑰᕕᒻᒨᓱᑎᑦ, ᐊᖏᕐᖁᑎᑦ ᒪᓕᓚᖓᒋᐊᒥᒃ ᒪᓕᑦᑕᐅᒋᐊᓕᓐᓂᒃ ᐋᕐᕿᓯᒪᒍᑎᓂᓪᓗ ᐊᓪᓚᓯᒪᔪᓂᒃ ᐊᑖᓂ.

ᓱᓇᐅᓂᖓ

ᑖᓐᓇ ᖃᕆᑕᐅᔭᒃᑰᕕᒃ ᑐᓴᐅᒪᖃᑦᑕᐅᑎᒍᑎᖓ ᐃᓱᐊᕐᓯᕕᐅᑉ ᓄᓇᕕᒻᒥ ᐅᐃᕆᒪᔪᑦ ᐃᑲᔪᕐᑕᐅᕕᖓᑕ ᓄᐃᑕᑎᑦᓯᒍᑎᒋᑦᓱᒍ ᑎᒥᐅᔫᑉ, ᐊᑑᑎᓯᒪᔭᖏᓐᓂᒃ ᑭᖑᓂᑦᑎᓂ, ᐱᒍᑦᔨᓂᖏᓐᓂᒃ ᐊᒻᒪᓗ ᑲᔪᓯᔪᒥᒃ ᐊᒻᒪᓗ ᓯᕗᓂᑦᑎᓂ ᐱᓇᓱᐊᕐᓂᓂᒃ. ᐃᓱᐊᕐᓯᕕᒃ ᐊᔪᐃᓐᓇᓲᖑᒐᓗᐊᕐᑎᓗᒍ ᐃᓚᖃᕐᑎᓯᒋᐊᒥᒃ ᓈᒻᒪᓈᕐᑐᓂᒃ ᐊᒻᒪᓗ ᓄᑕᐅᓯᓕᕐᓯᒪᔪᓂᒃ ᑐᓴᕋᑦᓴᓂᒃ ᑕᒃᑲᓂ ᖃᕆᑕᐅᔭᒃᑰᕕᒻᒥ, ᐊᑐᕐᓃᑦ ᕿᒥᕐᕈᓃᓪᓗ ᑖᑦᓱᒥᖓ ᖃᕆᑕᐅᔭᒃᑰᕕᒻᒥᒃ ᓇᒻᒥᓂᖅ ᐊᑦᑕᓇᕐᑐᒨᕈᕕᑦ ᐸᓯᔭᑦᓴᐅᔪᑎᑦ.

ᐊᑦᔨᓕᐅᕐᑕᐅᒋᐊᖃᖕᖏᓂᖅ

ᐃᓱᒪᒋᐊᖃᕐᖁᑎᑦ ᑕᑯᔭᓕᒫᑎᑦ ᐊᓪᓚᓂᐊᕐᑕᓕᒫᑎᓪᓘᓃᑦ ᑕᒃᑲᓂ ᖃᕆᑕᐅᔭᒃᑰᕕᒻᒥ ᐊᑦᔨᓕᐅᕐᑕᐅᒋᐊᖃᖕᖏᓂᖏᓐᓂᒃ (ᐊᓯᐊᒍᑦ ᓇᓗᓀᕐᑕᐅᒪᖕᖏᐸᑕ) ᐊᑐᕐᑕᐅᖃᔭᕋᑎᓪᓗ ᐊᓪᓚᓯᒪᔪᒃᑯᑦ ᐊᖏᕐᑕᐅᒪᖕᖏᑯᕕᑦ ᐃᓱᐊᕐᓯᕕᒻᒧᑦ ᑮᓇᐅᔭᓕᐅᕋᓱᐊᕈᑎᐅᖕᖏᑐᐊᕈᑎᒃ ᕈᓐᓇᓱᑎᒃ ᐊᓯᑦᔨᑐᐃᖕᖏᑐᐊᕈᕕᑦ ᐊᒻᒪᓗ ᐊᑦᔨᓕᐅᕆᒍᓐᓇᐅᑎᓕᒫᓂᒃ ᐱᓯᒪᑐᐊᕈᕕᑦ. ᐊᑦᔨᖑᐊᓕᒫᑦ ᓇᒻᒥᓂᖏᑦ ᐃᓱᐊᕐᓯᕕᐅᑉ ᐊᖏᕐᑕᐅᖄᕆᐊᓖᑦ ᑐᓴᐅᒪᖃᑦᑕᐅᑎᓂᓕᕆᕕᒻᒧᑦ ᐊᑐᕐᑕᐅᒍᒪᑐᐊᕈᑎᒃ. ᖃᕆᑕᐅᔭᒃᑰᕕᒃ ᑐᓴᐅᒪᑎᑦᓯᒍᑎᑐᐃᓐᓇᖅ. ᑭᓇᓘᓐᓃᑦ ᐊᑐᕆᐊᖃᖕᖏᑐᖅ ᐱᖁᔭᓂᒃ ᓯᖁᑦᑎᕆᓂᒃᑯᑦ, ᐱᑦᓯᐊᖏᓐᓂᑯᑦ ᐅᕝᕙᓘᓐᓃᑦ ᐊᖏᕐᑕᐅᒪᖕᖏᑐᒃᑯᑦ ᐱᑦᔪᑎᑎᒍᑦ ᑕᒃᑰᓇ ᒪᓕᑦᑕᐅᒋᐊᓕᑎᒍᑦ ᐊᑐᕐᑕᐅᓚᖓᒍᑎᒃ.

ᐱᑖᕐᕕᐅᓯᒪᔪᑦ

  • ᓴᓇᒻᒪᖓ ᖃᕆᑕᐅᔭᒃᑰᕕᐅᑉ: Atlas et Axis, laboratoire de création et de communication
  • ᐊᓪᓚᓕᒫᑦ: ᐃᓱᐊᕐᓯᕕᐅᑉ ᑐᓴᐅᒪᖃᑦᑕᐅᑎᓂᓕᕆᕕᖓ
  • ᐊᐅᓚᑕᐅᓂᖓ ᓄᑕᐅᓯᓕᕐᑕᐅᓂᖓᓗ: ᐃᓱᐊᕐᓯᕕᐅᑉ ᑐᓴᐅᒪᖃᑦᑕᐅᑎᓂᓕᕆᕕᖓ
  • ᖃᕆᑕᐅᔭᒃᑰᑎᑦᓯᓂᖅ: Web Hosting Canada

ᐱᑐᒍᑏᑦ

ᖃᕆᑕᐅᔭᒃᑰᕕᒃ ᐃᓗᓕᖃᑐᐃᓐᓇᕆᐊᓕᒃ ᐱᑐᒍᑎᓂᒃ ᐊᓯᖏᓐᓄᑦ ᖃᕆᑕᐅᔭᒃᑰᕈᑎᓄᑦ ᑲᒪᒋᖕᖏᑕᖏᓐᓄᑦ ᐃᓱᐊᕐᓯᕕᐅᑉ ᐊᒻᒪᓗ ᐃᓱᐊᕐᓯᕕᒃ ᐸᓯᔭᑦᓴᐅᒐᓂ ᐅᑯᓄᖓ ᐊᒻᒪᓗ ᐱᒍᑦᔨᒐᓂ, ᐊᖏᕋᓂ ᐅᕝᕙᓘᓐᓃᑦ ᐋᕐᕿᓯᒪᐅᑎᓕᐅᕋᓂ ᐱᑦᔪᑎᒋᑦᓱᒋᑦ ᐃᓗᓕᖏᑦ ᓇᐅᑐᐃᓐᓀᑦ ᐱᑐᑦᓯᒪᔪᑦ ᖃᕆᑕᐅᔭᒃᑰᕈᑏᑦ ᐅᕝᕙᓘᓐᓃᑦ ᓇᐅᑐᐃᓐᓀᑦ ᐱᑐᑦᓯᒪᔪᑦ ᐱᑐᑦᓯᒪᔫᑉ ᖃᕆᑕᐅᔭᒃᑰᕈᑎᐅᑉ ᐃᓗᐊᓃᑦᑐᑦ.

ᖃᕆᑕᐅᔭᒃᑯᑦ ᐱᑐᑦᓯᒪᓕᕈᕕᑦ ᐃᓕᑕᕐᓯᒍᑏᑦ

ᖃᕆᑕᐅᔭᒃᑯᑦ ᐱᑐᑦᓯᒪᓕᕈᕕᑦ ᐃᓕᑕᕐᓯᒍᑏᑦ ᐊᓪᓚᓯᒪᔪᑦ ᓴᓂᕐᕙᓯᒪᔪᑦ ᖃᕆᑕᐅᔭᖏᓐᓂ ᖃᕆᑕᐅᔭᒃᑰᕈᑎᓂᒃ ᐊᑐᓲᑦ. ᐊᑦᔨᒌᖕᖏᑐᓂᒃ ᐱᑦᔪᑎᖃᑐᐃᓐᓇᕆᐊᓖᑦ ᐱᐅᓯᒋᐊᕆᔪᓂᒃ ᐊᑐᕐᑐᑦ ᐊᑑᑎᓂᖓᓂᒃ, ᑭᓯᐊᓂ ᐃᓕᓐᓂᒃ ᓇᒻᒥᓂᖅ ᑭᓇᐅᒻᒪᖔᕐᐱᑦ ᓇᓗᓀᕐᓯᖏᑦᑐᑦ. ᖃᕆᑕᐅᔭᒃᑰᕕᒻᒥ, ᖃᕆᑕᐅᔭᒃᑯᑦ ᐱᑐᑦᓯᒪᓕᕈᕕᑦ ᐃᓕᑕᕐᓯᒍᑏᑦ ᐅᑯᓂᖓ ᐱᑦᔪᑎᓖᑦ:

  • ᐊᑐᕐᓂᖅ ᐊᑐᕐᑕᐅᒍᓐᓇᑐᓂᒃ ᐆᑦᑑᑎᒋᓗᒋᑦ “likes” Facebook-ᒥ ᐊᒻᒪᓗ ᐃᓅᖃᑎᒌᓐᓂᑯᑦ ᖃᕆᑕᐅᔭᒃᑯᑦ ᑕᑯᑎᑦᓯᒍᑎᓂ;
  • ᖃᐅᔨᓴᐅᑎᕕᓂᕐᓂᒃ ᖃᐅᔨᒪᒍᑏᑦ (ᖃᑦᓯᕕᑦᓱᓂ ᑌᑯᖕᖓᓕᕐᒪᖔᑦ, ᖃᕆᑕᐅᔭᒃᑯᕕᐅᑉ ᑕᑯᔭᐅᓯᒪᓂᖏᑦ, ᐊᓯᖏᓪᓗ) Google Analytics-ᑎᒍᑦ;
  • ᐱᖓᔪᒋᔭᐅᔪᑦ ᐱᒍᑦᔨᓂᖏᓐᓂᒃ ᐊᑐᕐᓂᖅ ᐃᓚᖃᑐᐃᓐᓇᕆᐊᖃᕐᒥᔪᖅ ᐃᓕᔭᐅᓂᖏᓐᓂᒃ ᖃᕆᑕᐅᔭᒃᑯᑦ ᐱᑐᑦᓯᒪᓕᕈᕕᑦ ᐃᓕᑕᕐᓯᒍᑏᑦ (ᐆᑦᑑᑎᒋᓗᒍ: ᐃᓚᒋᔭᐅᓂᖓ ᑕᕐᕋᓕᔮᑦ YouTube-ᒥᐅᔦᑦ).

ᖃᕆᑕᐅᔭᓂᒃ ᓱᒃᑯᐃᓲᑦ

ᐃᓱᐊᕐᓯᕕᒃ ᐸᓯᔭᑦᓴᐅᖏᓪᓚᖅ ᐊᒻᒪᓗ ᐊᑭᓖᒋᐊᖃᕋᔭᕋᓂ ᓱᒃᑯᑐᓂᒃ ᐅᕝᕙᓘᓐᓃᑦ ᖃᕆᑕᐅᔭᓂᒃ ᓱᒃᑯᐃᓲᕐᑖᑐᓂᒃ ᖃᕆᑕᐅᔭᕐᓅᑐᐃᓐᓇᕆᐊᓕᓐᓂᒃ ᐅᕝᕙᓘᓐᓃᑦ ᐱᖁᑎᑎᓐᓄᑦ ᖃᕆᑕᐅᔭᒃᑯᕈᑎᑦᑎᓃᑦᑐᕕᓂᐅᓗᑎᑦ, ᐊᑐᕐᑐᕕᓂᐅᓗᑎᑦ, ᐅᕝᕙᓘᓐᓃᑦ ᕿᒥᕐᕈᔪᕕᓂᐅᓗᑎᑦ ᖃᕆᑕᐅᔭᒃᑰᕈᑎᒥᒃ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐊᒧᓯᔪᕕᓂᐅᓂᕐᒧᑦ ᓱᓇᑐᐃᓐᓇᓂᒃ ᑕᒃᑲᖓᑦ ᖃᕆᑕᐅᔭᒃᑰᕕᒻᒥᑦ.

ᑮᓇᐅᔭᖃᕐᑎᑕᐅᓂᖓ ᐊᒻᒪᓗ ᓇᐅᑐᐃᓐᓇᓄᑦ ᖃᐅᔨᔭᐅᒐᓱᐊᕐᓂᖓ

ᖃᕆᑕᐅᔭᒃᑰᕕᒃ ᑮᓇᐅᔭᖃᕐᑎᑕᐅᔪᖅ ᐃᓱᐊᕐᓯᕕᒻᒧᑦ ᑭᓯᐊᓂ ᐊᒻᒪᓗ ᐊᖏᓲᖑᒐᓂ ᓂᐅᕕᕐᑕᐅᒍᒪᒐᓱᐊᕈᑎᓂᒃ ᓂᐅᕐᕈᓯᕐᓂᒧᑦ ᓱᓇᒐᓚᓐᓂᒃ ᐱᒍᑦᔨᓂᕐᓂᓗᓐᓃᑦ.

ᓇᐅᑐᐃᓐᓇᓄᑦ ᖃᐅᔨᔭᐅᒋᐊᖃᖕᖏᓂᖅ

ᓇᒻᒥᓂᖅ ᖃᐅᔨᔭᐅᒍᑎᒋᒐᔭᕐᑕᑎᓐᓂᒃ ᐁᑦᑐᐃᒋᐊᑐᖕᖏᑐᑎᑦ ᑕᒃᑰᓇ ᖃᕆᑕᐅᔭᒃᑰᕕᒃᑯᑦ ᐊᓪᓚᖕᖏᑐᐊᕈᕕᑦ ᐃᓱᐊᕐᓯᕕᒻᒧᑦ ᐊᓪᓚᒍᑎᒥᒃ ᑕᑕᕐᓴᒐᕐᒥᒃ ᐊᑐᕐᓗᑎᑦ. ᐊᓪᓚᖃᑦᑕᐅᑎᒍᑏᑦ ᑕᑕᕐᓴᒐᒃᑯᑦ ᑲᒪᒋᔭᐅᖃᑦᑕᓚᖓᔪᑦ ᑌᒫᑦᓭᓇᖅ ᓇᐅᑐᐃᓐᓇᓄᑦ ᖃᐅᔨᔭᐅᒋᐊᖃᖕᖏᑑᓗᑎᒃ ᐊᓯᖏᑎᑐᑦ ᐊᓪᓚᖃᑦᑕᐅᑎᒍᑎᑎᑐᑦ.

ᐱᖁᔭᑎᒍᑦ ᐸᓯᔭᑦᓴᐅᖏᓐᓂᕋᐅᑎ

ᐃᓱᐊᕐᓯᕕᒃ ᑕᒻᒪᓯᒪᔪᓂᒃ ᐅᕝᕙᓘᓐᓃᑦ ᓈᒻᒪᓈᖕᖏᑐᓂᒃ ᐋᕐᕿᒋᐊᕆᒍᓐᓇᓂᖃᕐᖁᖅ ᐊᒻᒪᓗ ᐊᓯᑦᔩᒍᓐᓇᓱᓂ ᐅᕝᕙᓘᓐᓃᑦ ᓄᑕᐅᓯᓖᓗᓂ ᑐᓴᕋᑦᓴᓂᒃ ᐊᒻᒪᓗ ᐅᓚᐱᑦᓯᒍᓐᓇᓱᓂ ᐱᒍᑦᔨᓂᕐᓂᒃ ᐅᕝᕙᓘᓐᓃᑦ ᐊᑑᑎᖏᓐᓂᒃ ᑕᒃᑲᓃᑦᑐᑦ ᖃᕿᑕᐅᔭᒃᑰᕈᑎᒥ ᖃᖓᑐᐃᓐᓇᖅ ᖃᐅᔨᑎᑦᓯᖄᕈᓐᓀᓗᓂ.

ᐅᓚᐱᑕᐅᓚᖓᖕᖏᒋᐊᖏᑦ ᐊᑑᑎᖏᑦ ᐊᒻᒪᓗ ᐱᒍᑦᔨᓂᖏᑦ ᑖᑦᓱᒪ ᖃᕆᑕᐅᔭᒃᑰᕈᑎᐅᑉ ᐅᖃᕐᖃᔭᖕᖏᑐᖅ, ᑕᒻᒪᑲᑦᑕᓯᒪᔪᖃᓚᖓᖕᖏᑑᒋᐊᖓᓗ ᐅᕝᕙᓘᓐᓃᑦ ᖃᕆᑕᐅᔭᓂᒃ ᓱᒃᑯᑎᕆᒍᓐᓇᑐᕐᑕᖃᖕᖏᑑᒋᐊᖓ ᐊᓯᖏᓐᓂᓘᓐᓃᑦ ᓱᒃᑯᐃᒍᓐᓇᑐᓂᒃ.

ᐃᑉᐱᒍᓱᓐᓂᖅ

ᐃᓱᐊᕐᓯᕕᒃ ᐃᑉᐱᒋᔭᖃᕆᐊᑐᖕᖏᑐᖅ ᖃᕆᑕᐅᔭᒃᑰᕈᑎᒥᒃ ᐊᒻᒪᓗ ᐸᓯᔭᑦᓴᐅᓚᖓᒐᓂ ᐅᕝᕙᓘᓐᓃᑦ ᐊᑭᓖᒋᐊᖃᓚᖓᒐᓂ ᐃᓗᓕᖏᑦ ᐋᕐᕿᒋᐊᕐᑕᐅᓚᖓᑉᐸᑕ ᐅᕝᕙᓘᓐᓃᑦ ᐊᓯᑦᔨᑐᕐᑕᐅᓚᖓᑉᐸᑕ ᖃᓄᑐᐃᓐᓇᖅ ᐊᖏᕐᑕᐅᒪᖕᖏᑐᓂᒃ ᐃᓱᐊᕐᓯᕕᒻᒧᑦ.

ᐊᐅᓚᑦᓯᔪᑦ ᐱᖁᔦᑦ

ᑖᒃᑯᐊ ᒪᓕᑦᑕᐅᒋᐊᓖᑦ ᐊᑐᕐᓂᒧᑦ ᐊᐅᓚᑕᐅᔪᑦ ᐱᖁᔭᖏᓐᓄᑦ ᑯᐯᒃ ᐊᒻᒪᓗ ᑲᓇᑕᐅᑉ ᑖᒃᑯᐊᓗ ᐊᑐᕐᓱᑎᒃ ᐊᒻᒪᓗ ᐊᑐᕐᑕᐅᒋᐊᖃᕐᓱᑎᒃ ᒫᓕᓪᓗᒋᑦ ᑖᒃᑯᐊ ᐱᖁᔦᑦ.

ᐋᕐᕿᒋᐊᕈᑏᑦ

ᐃᓱᐊᕐᓯᕕᒃ ᐋᕐᖀᒋᐊᕈᓐᓇᓂᕐᒥᒃ, ᐃᓚᒋᐊᕆᒍᓐᓇᓂᕐᒥᒃ ᐅᕝᕙᓘᓐᓃᑦ ᐲᕐᓯᒍᓐᓇᓂᕐᒥᒃ ᑎᒍᒥᐊᕐᖁᖅ ᐃᓚᖏᓐᓂᒃ ᑖᒃᑯᐊ ᒪᓕᑦᑕᐅᒋᐊᓖᑦ ᐊᑐᕐᓂᒧᑦ ᖃᖓᑐᐃᓐᓇᖅ. ᐱᔭᑦᓴᕆᕓᑦ ᖃᐅᔨᓴᕐᓂᖅ ᑖᒃᑯᐊ ᒪᓕᑦᑕᐅᒋᐊᓖᑦ ᐋᕐᕿᓯᒪᐅᑏᓪᓗ ᐊᓯᑦᔨᓯᒪᒻᒪᖔᑕ.

 

ᐊᐱᕐᓲᑎᑦᓴᖃᕈᑦᓯ, ᐅᖄᓚᕕᒋᑎᒍᑦ ᐊᓪᓚᕕᒋᓗᑕᓘᓐᓃᑦ.

 

ᑐᓴᐅᒪᖃᑦᑕᐅᑎᓂᓕᕆᕕᒃ
communications@isuarsivik.ca
1-866-964-9994

Our facility is closed and our services suspended until further notice - Read more
Nos installations sont fermées et nos services sont suspendus jusqu’à nouvel ordre - Tous les détails
ᐱᓇᓱᕝᕕᕗᑦ ᐅᒃᑯᐊᓯᒪᔪᖅ ᐊᒻᒪᓗ ᐱᒍᑦᔨᓂᕗᑦ ᓄᕐᖃᖓᑫᓐᓇᓱᑎᒃ ᖃᐅᔨᑎᑦᓯᒍᑎᐅᒋᐊᓪᓛᖏᓐᓂᒥᓂ - ᐊᓪᓚᓂᐊᕆᐊᓪᓚᕆ
+