ᐱᓇᓱᑦᑎᕗᑦ
ᑳᑐᕆᓐ ᓚᑉᓛᓐ ᐅᐃᑖᓗᑦᑐᒃ
ᖁᐊᕐᓵᓯᒪᒧᑦ ᐅᐃᕆᒪᔪᓂᒃ ᐊᓄᐊᕐᓯᔨ (ᐱᔭᕆᐅᕐᓴᑐᖅ)
catherine.leblanc@isuarsivik.ca
819-964-2592 #235
ᒫᒃ-ᐋᓐᕇ ᑎᐊᕈᑦ
ᑐᑭᓯᐅᑎᑦᓴᓕᕆᐅᑎᓄᑦ ᑭᒡᒐᑐᕈᑎᓂᒃ ᖃᕆᑕᐅᔭᒃᑯᑦ ᐱᓪᓗᑯᒋᐊᓕᑦᑎ
marc-andre.theriault@isuarsivik.ca
819-964-2592 #241
ᐃᑉᐱᒍᓱᑦᑎ
Abdoulaye Sow
ᐋᓕ ᐁᕈ
Danny Agnatuk
Johnny Angatuk
ᔮᓇ ᐱᑕᖃᒻᔅᑲᒻ
ᓇᐅᒥ ᖁᖏᐊᖅ
ᒥᓂ ᑯᐳ
ᓇᓯᒪ ᐱᓐᓴᓇᐅᓐ
ᐅᒫ ᐋᓪ ᑑᔨ
ᐱᐊ ᒪᕐᑌᓐ
ᑲᑎᖕᖓᔩᑦ
.
ᑏᕕ ᕗᐊᕋᔅ
ᐊᖓᔪᕐᖄᖅ
ᐱᒋᐊᕐᑎᓯᔪᕕᓂᖅ ᐊᒻᒪᓗ ᐊᖓᔪᕐᖄᖑᑦᓱᓂ TIVI INC.-ᒥ 1987-ᓂᑦ, ᕗᐊᕋᔅ ᐃᑲᔪᕐᑕᐅᒍᒪᓚᐅᕐᓯᒪᔪᖅ ᐃᓱᐊᕐᓯᕕᒻᒥ ᐊᕐᕌᒍᐃᑦ 18 ᐊᓂᒍᕐᑐᑦ. ᐃᓅᓯᖓᑕ ᕿᑎᕐᖃᓕᒫᖓᑕ ᐅᖓᑖᓄᑦ ᑰᑦᔪᐊᒥᐅᖑᓯᒪᓕᕐᑐᖅ ᐊᒻᒪᓗ ᓲᓱᒋᔭᐅᖕᖏᓐᓇᓲᖑᑦᓱᓂ ᐱᒍᒪᓕᕐᑎᓯᓲᖑᑦᓱᓂ ᓇᒻᒥᓂᖅ ᑮᓇᐅᔭᓕᐅᕋᓱᐊᕐᑎᐅᓱᓂ ᓄᓇᕕᒻᒥ. ᑲᑎᖕᖓᔨᐅᓯᒪᓕᕐᑐᖅ ᐊᕐᕌᒍᐃᑦ 20 ᐅᖓᑖᓄᑦ, ᕗᐊᕋᔅ ᐅᑉᐱᕈᓱᑦᑐᖅ ᑎᒥᐅᔪᖅ ᐱᒋᐊᕐᕕᐅᒋᐊᖓ ᐃᓄᑐᐃᓐᓀᑦ ᐱᔪᓐᓇᓯᒋᐊᓪᓚᓂᖏᓐᓄᑦ.
ᒥᐊᔨ ᐁᑦᓯᓴᓐ
ᐊᖓᔪᕐᖄᑉ ᑐᖓᓕᖓ
ᐁᑦᓯᓴᓐ ᐃᓕᓐᓂᐊᓯᒪᓂᖓ ᐃᓄᐃᑦ ᐃᓕᓐᓂᐊᓂᓕᕆᓂᖓᓂᒃ ᐊᒻᒪᓗ 30-ᓂᒃ ᐊᕐᕌᒍᕐᓂᒃ ᐱᓇᓱᑦᓯᒪᓂᖓ ᐃᓕᓐᓂᐊᓂᓕᕆᓂᕐᒥ ᐱᒍᓐᓇᓯᒍᑎᒋᓯᒪᔭᖏᒃ ᑐᑭᓯᒋᐊᑦᓯᐊᓂᕐᒥᒃ ᓱᕐᕃᓯᒪᓂᕆᔭᖏᓐᓂᒃ ᐊᐅᓚᑦᓯᓂᕐᓗᓂᐅᖃᑦᑕᓯᒪᔪᑦ ᐃᒻᒥᓂᒃ ᐊᒻᒪᓗ ᐃᓄᐃᑦ ᐃᓅᖃᑎᒌᓐᓂᖓᓂᒃ ᐃᓘᓐᓈᒍᑦ. ᑲᑎᖕᖓᔨᐅᓕᕐᑐᖅ 1998-ᓂᑦ, ᐃᑉᐱᒍᓱᑦᑐᖅ ᐃᓅᓯᖃᕐᓂᕕᓂᖓ ᓄᓇᒥ ᓅᑲᑦᑕᑎᐅᑦᓱᑎᒃ ᐆᒪᔪᓂᒃ ᒪᓕᑦᓱᑎᒃ ᐊᖓᔪᕐᖄᖏᓪᓗ ᐊᒻᒪᓗ ᐊᒥᓱᑦ ᖃᑕᖕᖑᑎᖏᑦ ᐱᕈᕐᐸᓕᐊᑦᓱᓂ ᐋᕐᕿᓱᐃᓯᒪᒋᐊᖓ ᓄᓇᕐᔪᐊᒥᒃ ᑕᑯᓐᓇᕈᓯᖓᓂᒃ ᐃᓪᓕᕆᔭᒥᓂᓪᓗ. ᐅᑉᐱᕆᔭᖃᕐᑐᖅ ᐃᓕᓐᓂᐊᓯᒪᓂᕐᒥᒃ ᐊᒻᒪᓗ ᐃᑲᔪᕐᑕᐅᓂᕐᒥᒃ ᐃᓗᕐᖁᓯᒃᑯᑦ ᒪᒥᓴᕐᓂᑯᑦ ᐃᑲᔪᕐᓯᒍᑎᒋᓗᒍ ᐱᔪᓐᓇᓯᒋᐊᓪᓚᓂᖏᓐᓂᒃ ᐃᓅᖃᑎᒥ.
ᓵᓐ ᒥᒃᑖᓄᓪ
ᑮᓇᐅᔭᓕᕆᔨ
ᑰᑦᔪᐊᒥᐅᑐᖃᖅ ᐱᐊᕋᐅᓕᕐᓂᕋᒥᓂᑦ ᒪᒃᑖᓄᓪ ᑲᒪᔨᒻᒪᕆᐅᓯᒪᓕᕐᑐᖅ ᑰᑦᔪᐊᒥ ᓯᓚᓐᓂᐊᕕᒻᒥ 23 ᐊᕐᕌᒍᐃᑦ ᐅᖓᑖᓄᑦ. ᐊᑦᔨᒌᖕᖏᑐᓂᒃ ᐱᓇᓱᒐᖃᕐᓯᒪᒻᒥᔪᖅ ᓄᓇᒃᑰᔫᓕᐅᕐᑎᐅᓱᓂ, ᐃᓕᓐᓂᐊᑎᑦᓯᔨᐅᑦᓱᓂ, ᐃᖃᓗᓐᓂᐊᑎᐅᑦᓱᓂ ᐊᒻᒪᓗ ᑲᒪᔨᒻᒪᕆᐅᑦᓱᓂ.
ᓲᓕ ᐅᐁᑦ–ᑐᐳᐃ
ᑯᑦᔪᐊᑉ ᑲᕙᒫᐱᖓᑕ ᑭᒃᒐᑐᕐᑎᖓ
ᐅᐁᑦ-ᑐᐳᐃ ᐱᓇᓱᑦᑐᕕᓂᖅ ᐊᕐᕌᒍᐃᑦ 30 ᐅᖓᑖᓄᑦ ᑐᓵᔨᐅᑦᓱᓂ, ᐋᓐᓂᐊᓯᐅᕐᑎᓂᒃ ᐃᑲᔪᕐᑎᐅᓱᓂ ᐊᒻᒪᓗ ᐃᓕᑕᕆᔭᐅᒍᑎᖃᕐᓱᓂ ᐋᓐᓂᐊᓯᐅᕐᑎᐅᓱᓂ ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓᓂ ᐃᓄᒻᒪᕆᐅᓂᕐᒧᑦ ᐱᓇᓱᒍᓐᓀᖏᓐᓂᒥᓂ 2014-ᒥ. ᑎᓕᔭᐅᔪᕕᓂᖅ ᑰᑦᔪᐊᑉ ᑲᕙᒫᐱᖓᓄᑦ 2018-ᒥ, ᑲᑎᖕᖓᔨᐅᖃᑦᑕᓯᒪᒻᒥᔪᖅ ᐊᕐᕌᒍᓂ ᖄᖏᕐᓯᒪᓕᕐᑐᓂ ᐊᒻᒪᓗ ᐃᑲᔪᕈᒪᑦᓱᓂ ᓴᐳᑦᔨᓂᕐᒥ ᐃᓄᑐᐃᓐᓇᓂᒃ ᖃᓄᐃᖕᖏᓯᐊᕐᑐᒥᒃ ᐃᓅᓯᖃᕐᐸᓕᐊᑎᓪᓗᒋᑦ. ᐅᐁᑦ-ᑐᐳᐃ ᓯᕗᓂᕐᒧᑦ ᑕᑯᓐᓇᑕᖓ ᐃᓄᑐᐃᓐᓇᐅᖃᑎᖏᑦ ᐃᒻᒥᓂᕿᒍᓐᓇᓯᑎᓪᓗᒋᑦ ᐱᔪᓐᓇᓯᓂᒃᑯᑦ ᐊᒻᒪᓗ ᐃᒻᒥᓂᒃ ᐊᐅᓚᒍᓐᓇᓯᓂᒃᑯᑦ ᖃᐅᔨᒪᒐᒥ 100%-ᒥᒃ ᐱᒍᓐᓇᓂᖃᕐᒪᑕ.
ᐁᐅᓛ ᒥᑦᑐᖅ
ᑲᑎᖕᖓᔨ ᑭᒡᒐᑐᕐᓱᓂ ᐃᓄᒻᒪᕆᓕᒫᓂᒃ (ᐃᓄᒻᒪᕆ)
ᓄᓇᕗᕐᒥᐅᔭᐅᑦᓱᓂ, ᒥᑦᑐᖅ ᐃᓄᑦᔪᐊᒥᐅᖅ ᐱᓇᓱᕝᕕᒋᓯᒪᔭᒥᓂᒃ ᓭᓐᑦ-ᑖᒪᔅ ᐊᓐᓕᑲᒃᑯᑦ ᑐᑦᓯᐊᕕᖓᓂ ᓄᕐᖃᕕᓯᒪᓕᕐᑐᖅ. ᒥᑦᑐᖅ ᐊᕐᕌᒍᓂ ᐊᒥᓱᓂ ᐱᓇᓱᑦᓯᒪᓕᕐᑐᖅ ᐱᑦᔪᔨᓂᕐᒥ ᓄᓇᕘᕐᒥ ᐱᓇᓱᒋᐊᓚᐅᕋᓂ ᓄᓇᕕᒻᒥ ᐊᔪᕿᑦᑐᐃᔨᐅᓂᕐᒥ. ᓄᓇᓕᒻᒥᓂᒃ ᐃᓅᖃᑎᒥᓂᓗ ᓄᓇᕕᒻᒥ ᓄᓇᕘᕐᒥᓗ ᐱᒍᑦᔩᓈᕐᑐᖅ ᐊᑦᔨᒌᖕᖏᑐᓂᒃ ᐆᑦᑑᑎᒋᓗᒍ ᐃᓄᐃᑦ ᑭᓇᐅᓂᖏᑦ, ᐊᖑᑏᑦ ᐱᐅᓯᑐᖃᖏᑦᑕ ᐊᒻᒪᓗ ᐅᓪᓗᒥᐅᓕᕐᑐᖅ ᖃᓄᐃᓘᕐᑎᐅᓂᖏᑦ ᐊᒻᒪᓗ ᓲᖑᓂᖏᑦ, ᕿᕕᕐᑌᓕᓂ ᐊᒻᒪᓗ ᒪᒥᓴᕐᓂᖅ. ᐃᑲᔪᕐᓯᒪᕆᓐᓂᖓᑕ ᐃᓱᐊᕐᓯᕕᒻᒥ ᐊᓯᐊᒍᑦ, ᒥᑦᑐᖅ ᐊᖓᔪᕐᖄᕆᔭᐅᔪᖅ ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᕕᖓᓂ ᐊᒻᒪᓗ ᐃᓚᒋᔭᐅᒻᒥᓱᓂ ᖃᔭᖅ ᐱᑐᑦᓯᒪᖃᑎᒌᕝᕕᖓᑕ ᑲᑎᖕᖓᔨᒋᓐᓄᑦ.
ᐹᒥᓚ ᔅᑏᕕᕝᓴᓐ
ᑐᑭᒧᐊᑦᑎᓯᔨ ᑭᒡᒐᑐᕐᑐᖅ ᐃᓄᓐᓂᒃ ᐃᕐᐸᓯᒪᔪᓂᒃ (ᐃᓅᓱᑦᑐᓂᒃ)
ᐃᓕᓐᓂᐊᕇᕈᑎᑖᒃᓯᒪᔪᖅ ᑯᐸᐃᒃᒥ ᐳᓖᓰᑦ ᐃᓕᓐᓂᐊᕕᖓᓂ, École nationale de police du Québec, ᐹᒥᓚ ᐃᓄᑐᐃᓐᓇᐅᓱᓂ ᐊᕐᓇᐅᓱᓂ ᐳᓖᓯᑑᕗᖅ ᓄᓇᕕᒻᒥ. ᐹᒥᓚ ᐆᒻᒪᖓᔫᑦᓱᓂ, ᑐᓂᒪᑦᓯᐊᓱᓂ, ᐃᓚᑦᔪᒍᓱᕈᐊᕐᑑᓱᓂ ᑰᑦᔪᐊᒥᐅᖅ ᐅᐱᒍᓱᑦᑐᖅ ᐃᓄᑐᐃᓐᓇᐅᒋᐊᒥᒃ. ᐱᓇᓱᒍᓐᓇᐃᑐᐊᕋᒥ, ᐅᔭᒥᐅᔭᓕᕆᒋᐊᒥᒃ ᐳᐊᓗᓕᐅᕆᐊᒥᓪᓗ ᐊᓕᐊᒋᔭᓕᒃ ᓯᑭᑑᒥᓪᓄᓗ ᐃᖃᓪᓕᐊᓪᓕᐊᕆᐊᒥᒃ ᐊᓕᐊᒋᔭᖃᕐᒥᔪᖅ. Pamela is a dynamic, devoted, and sensitive Kuujjuamiuk who is deeply proud of her Inuit roots. During her free time, she loves beading and making pualuk as well as riding her snowmobile to go ice fishing.
ᐋᓕᕙ ᑐᑲᓗᒃ
ᑲᑎᖕᖓᔨ ᑭᒡᒐᑐᕐᓱᓂ ᐃᓅᖃᑎᒥᓂᒃ (ᑕᓯᐅᔭᕐᔪᐊᒥᐅᓂᒃ)
ᐅᒥᐅᔭᕐᒥᐅᒍᑦᓱᓂ, ᐋᓕᕙ ᐱᐅᓯᕐᓱᓯᐊᕐᑐᖅ ᐅᕕᒐᕐᑑᓱᓂ ᐅᐱᒪᔪᖅ ᑭᓇᐅᓂᕐᒥᓂᒃ ᐊᒻᒪᓗ ᐱᐅᓯᑐᖃᕐᒥᓂᒃ ᐅᓪᓗᒥᐅᓕᕐᑐᖅ. ᒪᑭᕝᕕᑯᓄᑦ ᑲᑎᖕᖓᔨᐅᖃᑕᐅᒻᒥᔪᖅ ᓄᓇᓕᒻᒥᓂᒃ ᑭᒡᒐᑐᕐᓱᓂ, ᐋᓕᕙ ᐃᖃᓪᓕᐊᑎ ᐊᖑᓇᓱᑦᑎᐅᓱᓂᓗ ᑕᑯᓐᓇᕈᓯᖓ ᐃᓱᐊᕐᓯᕕᒻᒥ ᑲᑎᖕᖓᕕᒥᓄ ᐊᑑᑎᓕᒻᒪᕆᒃ ᐊᑑᑎᔭᐅᓪᓚᕆᑦᑐᓂ ᑕᓯᐅᔭᕐᔪᐊᒥ ᑐᑭᓯᓇᒃᑫᓲᖑᓂᖓ ᐃᓅᖃᑎᖏᑦ ᓱᕐᕋᑕᐅᓂᖃᕐᑎᓗᒋᑦ ᐊᒫᓄᑦ.
ᐋᓐᓂᐊᓯᐅᕐᑎᒪᕆᒃ ᓵᕐᓚᑦ ᐱᕆᐊᑦ
ᑐᓚᑦᑕᕕᐅᑉᑭᒃᒐᑐᕐᑎᖓ
ᐋᓐᓂᐊᓯᐅᕐᑎᒪᕆᒃᐱᕆᐊᑦᐃᓚᒌᓄᑦᐋᓐᓂᐊᓯᐅᕐᑎᒪᕆᒃᐱᓇᓱᑦᓱᓂᑰᑦᔪᐊᒥᐊᒻᒪᓗᐊᐅᐸᓗᒻᒥ 2016-ᓂᑦᐅᖓᕙᑐᓚᑦᑕᕕᐅᑉᐋᓐᓂᐊᕕᖓᓂ. ᓴᐳᑦᔨᓚᕆᑦᑐᖅᓱᒃᑯᐃᓗᐊᕐᑌᓕᓂᒃᑯᑦᐱᓇᓱᐊᕐᓂᒥᒃ, ᐱᔭᖃᕐᑐᓂᒃᑕᑯᓯᒪᓕᕐᑐᖅᐃᓄᓐᓂᒃᐅᐃᕆᒪᔪᓂᒃ, ᐊᓂᕐᕋᖃᖕᖏᑐᓂᒃ ᐊᒻᒪᓗ ᐃᓱᒪᒃᑯᑦ ᐃᓗᓯᕐᓱᓯᐊᖕᖏᑐᓂᒃ ᑯᐯᒃ ᓯᑎᒥ. ᑲᑎᖕᖓᔨ 2018-ᓂᑦ, ᑐᕌᒐᖃᕐᑐᖅ ᐱᐅᓯᒋᐊᕆᒐᓱᐊᕐᓂᒥᒃ ᑲᔪᓯᓂᕐᒥᒃ ᑲᒪᒋᔭᐅᓂᐅᑉ ᖃᓄᐃᓐᓂᖓᓂᒃ ᓄᓇᕕᒻᒥᐅᑉ ᑲᒪᒋᔭᐅᓂᖓᓂᒃ.
ᔅᑏᕙᓐ ᑭᐊᓕ
ᐃᓅᓕᑦᓯᕕᒻᒥᒃ ᑭᒃᒐᑐᕐᑎ
25 ᐊᕐᕌᒍᐃᑦ ᐅᖓᑖᓄᑦ ᐱᓇᓱᑦᓯᒪᔪᖅ ᓯᕗᓪᓕᓂ ᐊᒻᒪᓗ ᑐᖓᓕᓂ ᐱᒍᑦᔨᓂᕐᓂ ᐃᓚᖃᕐᓱᑎᒃ ᐅᐃᕆᒪᓂᓕᕆᓂᕐᒥ ᐱᓇᓱᐊᕐᓃᑦ ᑲᔪᓯᑎᑕᐅᓂᖏᓐᓂ, ᑭᐊᓕ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᓄᓇᓕᓐᓂ ᐱᒍᑦᔨᓂᕐᓄᑦ ᑕᓯᐅᔭᕐᔪᐊᒥ. ᑲᑎᖕᖓᔨ 2018-ᓂᑦ, ᑭᐊᓕ ᑫᓪᓗᑐᕐᑕᐅᔪᖅ ᐱᔪᓐᓇᓯᓂᕐᒧᑦ ᐊᒻᒪᓗ ᐃᒻᒥᓂᕿᒍᓐᓇᓂᕐᒧᑦ ᑕᒪᓐᓇᓗ ᐱᓇᓱᐊᕈᑎᒋᓲᕆᑦᓱᒍ.