‘ᓴᓇᓂᖅ ᓄᑖᒥᒃ ᐱᓇᓱᐊᕐᕕᒥᒃ ᐱᒻᒪᕆᒃ ᐊᒻᒪᓗ ᑭᖕᖒᒪᓇᓪᓚᕆᑦᓱᓂ ᐱᐅᓯᒋᐊᕐᓯᒪᔪᓄᑦ ᐱᒍᑦᔨᓂᓄᑐᐃᓐᓇᐅᖏᑦᑐᖅ ᑭᓯᐊᓂ ᓇᓗᓀᒃᑯᑕᐅᓗᓂ ᐃᓄᑐᐃᓐᓀᑦ ᓄᓇᕕᒻᒥᐅᑉ ᐊᔪᐃᓐᓇᓂᖏᓐᓄᑦ ᐊᐅᓚᑦᓯᒍᓐᓇᓯᒋᐊᓪᓚᓂᕐᒥᒃ ᓄᓇᕕᐅᑉ ᓯᕗᓂᖓᓂᒃ, ᓄᑭᑖᕐᓂᑯᑦ ᐊᒻᒪᓗ ᑫᓪᓗᑐᕐᑕᐅᓂᖓᒍᑦ ᐃᓄᑐᐃᓐᓀᑦ ᐃᓗᕐᖁᓯᖓᑕ, ᐱᐅᓯᖏᑦᑕ ᐊᒻᒪᓗ ᐅᐱᒍᓱᓐᓂᖏᑦᑕ.’ – ᑏᕕ ᕗᐊᕋᔅ, ᑲᑎᖕᖓᔩᑦ ᐊᖓᔪᕐᖄᖓ

ᐱᓇᓱᐊᕐᓂᒥᒃ ᓄᐃᑕᑎᑦᓯᓂᖅ ᐅᖄᒍᑎᒋᓗᒍ

ᑲᔪᓯᓯᕗᖅ! ᐊᕐᕌᒍᓚᐅᕐᑐᓂ ᐱᓇᓱᐊᒻᒪᕆᓚᐅᕐᓱᑕ, ᐃᓱᐊᕐᓯᕕᒃ ᓄᓇᕕᒻᒥ ᒪᒥᓴᕐᕕᒃ ᑮᓇᐅᔭᓂᒃ ᑭᖕᖒᒪᒋᔭᓕᒫᒥᓂᒃ ᐱᓯᒪᓕᕐᑐᖅ ᐃᓪᓗᓕᐅᕐᓂᒧᑦ ᓄᑖᒥᒃ ᐃᓪᓗᔪᐊᒥᒃ. ᑖᓐᓇ ᐱᓇᓱᐊᕐᓂᖅ ᐊᑐᐃᓐᓇᖃᓚᖓᔪᖅ ᖃᒻᒥᐅᓂᕐᐸᐅᑎᓪᓗᒍ 2021-ᒥ ᐅᑯᓂᖓ:

  • ᐱᖓᓱᕕᓪᓗᐊᑐᓂᒃ ᐊᒥᓲᓂᕐᓴᓂᒃ ᐃᓪᓕᓂᒃ ᑐᖕᖓᓱᑦᑎᓯᓗᓂ ᒪᒥᓴᕆᐊᕐᑐᑐᓂᒃ (22-ᒧᑦ ᑎᑭᑦᓱᑎᒃ ᐱᒍᑦᔭᐅᔪᑦ ᒪᒥᓴᕐᓂᑕᒫᑦ 9-ᖑᖃᑦᑕᓚᐅᔪᑦᓱᑎᒃ);
  • ᒪᕐᕉᒃ ᐊᕕᑦᓯᒪᔫᒃ ᑐᔪᕐᒥᐅᕖᒃ ᐊᕐᓇᓅᓕᖓᔪᖅ ᐊᖑᑎᓅᓕᖓᔪᕐᓗ ᐊᑕᐅᑦᓯᑯᑦ ᑌᑲᓃᒍᓐᓇᓗᑎᒃ;
  • ᑐᔪᕐᒥᐅᕕᒃ ᐁᑉᐸᕇᓄᑦ ᕿᑐᕐᖓᖏᓐᓄᓗ ᐃᓚᐅᒍᒪᒐᔭᕐᑐᓄᑦ ᒪᒥᓴᕐᓂᒥᒃ ᐱᓇᓱᐊᕐᓂᒥ;
  • ᐃᓱᐊᕐᑐᖅ ᐃᓂ ᐃᓄᑑᓇᕐᑎᑐᓄᑦ ᐃᓱᐊᕐᓴᕕᑦᓴᖓ ᐅᕝᕙᓘᓐᓃᑦ ᐊᒥᓱᓄᑦ ᐃᓱᐊᕐᓴᕕᑦᓴᖓ ᐊᒻᒪᓗ ᐃᓗᕐᖁᓯᒃᑯᑦ ᓱᖃᑦᓯᕕᐅᓗᓂ;
  • ᐃᓚᒌᑦ ᐃᓂᖏᑦ, ᐯᕆᑦᓯᕕᒃ ᐊᒻᒪᓗ ᐃᓕᓐᓂᐊᕕᒃ ᖃᕆᐊᖅ ᐃᓱᐊᕐᓯᕕᒻᒦᓗᑎᒃ ᐃᓚᒌᑦ ᐃᑲᔪᕐᑕᐅᓂᖓ ᑐᕌᒐᕐᒥᓂᒃ ᐱᓇᓱᐊᑦᓯᐊᖁᓗᒍ;
  • ᐊᒥᓲᓂᕐᓭᑦ ᐊᓪᓚᕖᑦ ᐱᓇᓱᑦᑎᓄᑦ.

ᐃᓪᓗᓕᐅᕐᓂᖅ ᑌᒣᑦᑐᒥᒃ ᐊᖏᔪᒥᒃ ᐱᓇᓱᐊᕐᓂᒥᒃ, ᒥᑦᓴᐅᓵᕐᑕᐅᒪᔪᖅ $40.5 ᒥᓕᐊᓐ ᑖᓚᕌᕐᓱᓂ, ᐱᒍᓐᓇᑎᑕᐅᔪᖅ ᑕᓪᓕᒪᓄᑦ ᐱᒻᒪᕆᓐᓄᑦ ᐱᓇᓱᐊᖃᑎᑦᑎᓄᑦ:

  • 21 ᒥᓕᐊᓐ ᑲᕙᒪᑐᖃᒃᑯᓂᑦ, ᐱᒻᒪᕆᓕᕆᔩᑦ ᑲᓇᑕᒥ;
  • 8.5 ᒥᓕᐊᓐ ᑯᐯᒃ ᑲᕙᒪᖓᓂᑦ;
  • 6 ᒥᓕᐊᓐ ᑲᕙᒪᑐᖃᒃᑯᓂᑦ, ᓄᓇᖃᕐᖄᓯᒪᔪᓂᒃ ᐱᒍᑦᔨᓂᖅ ᑲᓇᑕᒥ;
  • 2.75 ᒥᓕᐊᓐ ᐃᓱᐊᕐᓯᕕᒻᒥᑦ;
  • 1.2 ᒥᓕᐊᓐ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᑦ
  • 1 ᒥᓕᐊᓐ ᒪᑭᕝᕕᑯᓐᓂᑦ.

 

ᐊᑦᔨᖑᐊᒃᑯᑦ ᓄᐃᓂᖓ

(ᓯᓚᑖᒍᑦ ᓴᓇᒻᒪᖓ ᑕᑯᓐᓇᓱᒍ ᐅᐊᓐᓂᐅᓗ ᖃᕙᖕᖓᓂᐅᓪᓗ ᐊᑯᓐᓂᖓᓂᑦ. ᑕᐅᑦᑐᖏᑦ ᐊᒻᒪᓗ ᓴᓇᒻᒪᖓ ᐊᑦᔨᒋᓪᓚᕆᖕᖏᑐᐃᓐᓇᕆᐊᓕᖓ ᑖᑦᓱᒪ ᐆᑦᑐᕋᐅᑎᐅᑉ.)

 

ᐱᓇᓱᐊᕐᓂᐅᑉ ᖃᓄᐃᓕᖓᓕᕐᓂᖓ

July to December 2019

 ᐱᔭᕇᕐᓯᒪᓕᕐᑐᑦ ᐊᓪᓗᕆᐊᕐᓃᑦ

  • ᐊᓪᓚᖑᐊᕐᓂᖅ ᐊᕐᖁᑎᑦᓴᖓᓂᒃ ᓄᑖᑉ ᐃᓱᐊᕐᓯᕕᐅᑉ
  • ᖄᕐᑎᕆᓃᑦ ᐊᕐᖁᑎ ᒪᓕᑦᓱᒍ
  • ᑰᕝᕕᒃ
  • ᑐᖕᖓᕕᑦᓴᖓ ᐊᒻᒪᓗ ᓴᓇᒪᓂᑦᓴᖓ ᓯᕗᓪᓕᐹᑉ ᓯᑕᒪᐅᓕᖓᔫᑉ ᐃᓪᓘᑉ (ᑕᑉᐹᓂᒋᐊᖅ ᓄᓇᓕᒻᒥ)

ᑲᔪᓯᔪᑦ ᐊᓪᓗᕆᐊᕐᓃᑦ

  • ᐊᕐᖁᑎᓕᐅᕐᓂᖅ ᓄᑖᑉ ᐃᓱᐊᕐᓯᕕᐅᑉ ᐃᓂᑦᓴᖓᓄᑦ
  • ᐃᓪᓗᓕᐅᕐᓂᖅ ᓯᕗᓪᓕᐹᒥᒃ ᓯᑕᒪᐅᓕᖓᔪᒥᒃ ᐃᓪᓗᒥᒃ ᐱᓇᓱᑦᑏᑦ ᐃᓪᓗᓴᖓᓂᒃ (ᑕᑉᐹᓂᒋᐊᖅ ᓄᓇᓕᒻᒥ)

ᐊᓪᓗᕆᐊᕐᓂᐅᓚᖓᓕᕐᒥᔪᑦ

  • ᐃᓕᐅᕐᙯᓂᖅ ᓄᓇᐅᑉ ᐊᑖᒎᕐᑐᓂᒃ ᐃᑯᒣᑦ ᐊᑦᓱᓈᖏᓐᓂᒃ ᓄᑖᒧᑦ ᐃᓱᐊᕐᓯᕕᒻᒧᑦ
  • ᓄᓇᒃᑰᔫᑦ ᕿᑲᕐᕕᓴᖓᓂᒃ ᓴᓇᓂᖅ ᓄᑖᒧᑦ ᐃᓱᐊᕐᓯᕕᒻᒧᑦ
  • ᐃᒣᔭᕐᕕᒃ ᓴᒡᒐᓯᒪᔪᖅ
  • ᓴᓇᓂᖅ ᒪᕐᕈᒋᐊᓪᓛᓂᒃ ᑐᖕᖓᕕᑦᓵᓂᒃ ᐊᕐᖁᑎᖓᑕ ᓴᓂᐊᓂ

2020

  • ᐱᒋᐊᕐᓂᖅ ᓄᑖᑉ ᐃᓪᓗᔪᐊᑉ ᓴᓇᔭᐅᓂᖓᓂᒃ
  • ᐃᓪᓗᓕᐅᕐᓂᖅ ᒪᕐᕉᓂᒃ ᓯᑕᒪᐅᓕᖓᔫᓐᓂᒃ ᐃᓪᓘᓂᒃ ᐱᓇᓱᑦᑏᑦ ᐃᓪᓗᓴᖏᓐᓂᒃ

 

ᑐᓴᕐᑎᓯᒍᑎ ᐊᒻᒪᓗ ᑐᓴᐅᒪᔭᐅᒋᐊᓖᑦ-ᐱᓇᓱᐊᕐᓂᖅ

  • Ptarmigan Alley ᐊᕐᖁᑎ ᐱᓇᓱᐊᕐᕕᒪᕆᐅᖏᓐᓇᑐᖅ ᓄᓇᒃᑰᔫᒻᒪᕆᓐᓄᑦ ᐃᖏᕐᕋᔭᕝᕕᐅᓱᓂ.
  • ᖄᕐᑎᕆᓃᑦ ᐅᓪᓗᓕᐅᕐᑕᐅᒪᔪᑦ ᐊᐅᒡᒍᓯ 13-ᒥᑦ ᓯᑉᑎᒻᐱᕆ 16, 2019-ᒧᑦ.
  • ᐊᑕᐅᓯᐊᕆᐊᓪᓚᓗᑎᒃ (1) ᖄᕐᑎᓯᓛᖏᓐᓇᑐᑦ ᐊᕐᖁᑎᒥ ᐆᒃᑑᐱᕆ 8-ᒥ ᐅᕝᕙᓗᓐᓃᑦ 9-ᒥ ᖃᖓᑐᐃᓐᓇᖅ ᐅᓪᓗᑯᑦ.

ᐱᓇᓱᐊᕈᓯᕐᒨᓕᖓᔪᖅ ᐊᑦᔨᖑᐊᖅ

ᐱᓇᓱᐊᕈᓯᑕᒫᑦ, ᓄᐃᑦᓯᖃᑦᑕᓚᖓᕗᒍᑦ ᐊᑦᔨᖑᐊᒥᒃ ᓄᐃᑕᑎᑦᓯᔪᒥᒃ ᐃᓪᓗᓕᐅᕐᓂᐅᑉ ᐱᕙᓪᓕᐊᓂᖓᓂᒃ!

ᑐᓴᐅᒣᓐᓇᕆᑦᓯ

ᐱᑖᖃᑦᑕᕈᒪᐅᑎᒥᒃ ᑕᑕᕐᓭᒋᑦ ᑕᕐᖀᑦ ᐱᖓᓱᑕᒫᑦ ᑐᓴᕐᑎᓯᒍᑎᑦᑎᓄᑦ ᐊᒻᒪᓗ ᓯᕗᓪᓕᐸᐅᖃᑕᐅᓗᓯ ᑐᓴᖃᑦᑕᓗᓯ ᖃᒻᒥᐅᓂᕐᐹᓂᒃ ᑐᓴᕋᑦᓴᑎᓐᓂᒃ ᑎᒥᐅᔪᖁᑎᑦᑕ ᐱᓇᓱᐊᕐᓂᑕᓗ ᒥᑦᓵᓄᑦ.

LIKE-ᓗᒍ Facebook-ᕗᑦ ᐊᖑᒪᑦᓯᓚᖓᒐᕕᑦ ᐱᓇᓱᐊᕐᓂᑎᓐᓂᒃ ᐱᓇᓱᐊᕐᑕᕗᓐᓂᓗ.

ᐊᐱᕐᓲᑏᑦ ᑭᐅᑦᔪᑏᓪᓗ

ᐊᓐᓂᕈᓱᒃᑯᒍᑦ ᑖᑦᓱᒥᖓ ᐱᓇᓱᐊᕐᓂᒥᒃ ᑌᒫᑦᓭᓇᖅ ᐊᓐᓂᕈᓱᒻᒥᒐᑦᑕ ᓈᒻᒪᓴᕐᓂᓯᓐᓂᒃ. ᐊᑐᐃᓐᓇᐅᕗᒍᑦ ᑭᐊᒪᓂᕐᒧᑦ ᐊᐱᕐᓲᑎᑦᓴᓯᓐᓂᒃ ᐅᕝᕙᓘᓐᓃᑦ ᐃᓱᒫᓘᑎᓯᓐᓂᒃ ᐊᑑᑎᓪᓚᕆᓐᓂᖓᓄᑦ ᑖᑦᓱᒪ ᐱᓇᓱᐊᕐᓂᐅᑉ.

ᐊᓪᓚᕕᒋᑎᒍᑦ ᐊᒻᒪᓗ ᓇᑯᕐᓴᓚᖓᕗᒍᑦ ᐊᑐᐃᓐᓇᐅᑎᑦᓯᒋᐊᒥᒃ ᑐᓴᐅᒪᒐᑦᓴᓂᒃ:communications@isuarsivik.ca.

Our services are suspended until further notice - Read more
Nos services sont suspendus jusqu’à nouvel ordre - Tous les détails
ᐃᓱᐊᕐᓯᕕᒃ ᓄᕐᖃᑎᑦᓯᑫᓐᓇᑐᖅ ᐱᒍᑦᔨᓂᕐᒥᓂᒃ ᖃᐅᔨᑎᑦᓯᒍᑎᐅᒋᐊᓪᓚᖏᓐᓂᖓᓂ COVID-19 ᐱᑦᔪᑎᒋᑦᓱᒍ - ᐊᓪᓚᓂᐊᕆᐊᓪᓚᕆ
+