ᐃᓪᓗᔪᐊᓪᓚᕆᖓ

ᐃᓱᐊᕐᓯᕕᒃ ᑰᑦᔪᐊᒦᑦᑐᖅ ᐃᓪᓗᖁᑎᖓ ᐊᒥᐊᔨᑫᑦ ᐅᓇᑕᕐᑎᖏᓐᓄᑦ ᓴᓇᔭᐅᓚᐅᕐᑐᕕᓂᒃ 1943-ᖑᑎᓪᓗᒍ. ᐃᓪᓗᖁᑎᖓ ᐱᖓᓱᓂᒃ (3) ᓯᓂᕝᕕᓕᒃ, ᓂᕆᕕᖃᕐᓱᓂ, ᐅᖄᓚᕕᐊᐱᖃᕐᓱᓂ ᐊᒻᒪᓗ ᐃᓱᕐᕆᓇᕐᑐᒥᒃ ᖃᕆᐊᖃᕐᓱᓂ ᐃᓱᐊᕐᓭᕕᐅᓲᒥᒃ. ᐅᓪᓛᑕᒫᑦ ᐃᓱᐊᕐᓯᒋᐊᕐᓯᒪᔪᑦ ᑐᐸᓲᑦ ᑳᐱᓕᓪᒧᑦ ᑏᖃᕐᓱᓂᓗ ᐊᒻᒪᓗ ᐅᓪᓛᕈᒥᑖᑦᓴᖃᕐᓱᓂ ᐊᑦᔨᒌᖕᖏᑐᓂᒃ, ᐊᑐᐃᓐᓇᐅᓂᐊᓕᕐᒪᑕ ᐃᓕᒌᑦᑎᓱᑎᒃ ᐱᓱᓂᐊᕐᓱᑎᒃ ᓄᓇᒥ. ᐃᒐᔨᕗᑦ ᐱᓇᓱᐊᕖᖕᖓᓲᑦ ᓂᕆᔭᑦᓭᑦ ᓈᒻᒪᓈᑦᓯᐊᑎᒐᓱᐊᕐᓱᒋᑦ ᑎᒥᒧᓪᓗ ᓈᒻᒪᓈᕐᑎᒐᓱᐊᕐᓱᒋᑦ ᐃᓚᒋᔭᐅᑏᓐᓇᕋᓱᐊᕐᓱᒍ ᓂᕿᑐᐃᓐᓀᑦ. ᓄᓇᓕᒻᒥ ᒪᙯᑦᑏᑦ ᐃᖃᓪᓕᐊᑏᓪᓗ ᐃᑲᔪᕐᓯᓲᑦ ᓄᑖᕌᐱᓐᓂᒃ ᑐᑦᑐᕕᓂᕐᓂᒃ, ᐃᖃᓗᓐᓂᒃ, ᒪᑦᑕᓂᒃ ᐊᒻᒪᓗ ᐳᐃᔨᕕᓂᕐᓂᒃ ᐃᓗᕐᖁᓯᑎᒍᑦ ᐃᓚᑦᓲᑎᒍᑎᐅᑦᓱᓂ ᐃᓱᐊᕐᓴᓂᖏᓐᓂ.

 

ᓯᓂᕝᕖᑦ

ᐃᓱᐊᕐᓯᕕᒃ ᓯᓂᕝᕕᓕᒃ ᖁᓕᐅᖕᖏᒐᕐᑐᓂᒃ (9) ᐃᒻᒥᒎᕐᑎᑐᓄᑦ. ᖃᕆᐊᖃᕐᓱᓂ ᐱᖓᓱᓂᑦ (3) ᐃᓪᓕᓕᓐᓂᒃ ᐱᖓᓱᓂᑦ (3). ᐃᓪᓖᑦ ᕿᐱᖏᑦ ᐊᓪᓚᕈᑏᓪᓗ ᐊᑐᐃᓐᓇᐅᑎᑕᐅᓲᑦ ᓵᕌᐱᖃᕐᓱᑎᓗ ᐃᓪᓕᐅᑉ ᑐᖔᓂ ᐊᒻᒪᓗ ᐊᓐᓄᕌᖃᐅᑎᖃᕐᓱᑎᒃ ᐱᖁᑎᖃᐅᑎᓂᒃ. ᐊᑕᐅᓯᐅᕕᒻᒥᒃ ᖁᕐᕕᑯᕕᓕᒃ ᐅᕝᕙᕕᓕᒻᒥᒃ ᐊᒻᒪᓗ ᖁᕐᕕᖃᕐᓱᓂ, ᐊᒻᒪᑕᐅᖅ ᐊᑕᐅᓯᐅᕕᐅᖕᖏᑐᒥᒃ ᖁᕐᕕᑯᕕᒋᐊᓪᓚᖃᕐᓱᓂ ᒪᕐᕉᓂᒃ (2) ᐅᕝᕙᕕᓕᒻᒥᒃ ᖁᕐᕖᓂᓪᓗ ᒪᕐᕉᓂᒃ (2).