ᐃᓗᐊᓂ ᐱᒍᑦᔨᒍᑎᕗᑦ
ᐱᓇᓱᐊᕈᓯᕐᓂ ᓯᑕᒪᐅᔪᕐᑐᓂ ᐃᓚᒌᓪᓗᑎᒃ ᒪᒥᓴᕐᓂᒧᑦ ᐱᓇᓱᐊᕐᓂᐅᔪᑦ
ᐱᓇᓱᐊᕈᓯᓂ ᓯᑕᒪᐅᔪᕐᑐᓂᒃ (60 ᐅᓪᓗᓂ) ᐃᓚᒌᓪᓗᑎᒃ ᒪᒥᓴᕐᓂᒧᑦ ᐱᓇᓱᐊᕐᓂᐅᔪᑦ ᐊᑦᔨᐅᖏᑦᑑᕗᖅ ᒪᒥᓴᕐᓂᒧᑦ ᐊᑑᑎᔭᐅᓂᖓ ᓴᓇᔭᐅᓯᒪᑦᓱᓂ ᐃᓄᓐᓄᑦ ᑭᓯᐊᓂ ᐃᓕᖓᑎᓪᓗᒍ ᓄᓇᕕᒻᒥ ᐃᑲᔪᕐᓯᒍᑎᐅᑦᓱᑎᒃ ᐃᓕᓐᓂᒃ ᐊᒻᒪᓗ ᓇᓪᓕᒋᔭᑎᓐᓂᒃ ᒪᒥᓴᕐᑎᓗᑎᑦ ᖁᐊᕐᓵᓇᕐᑐᑰᕈᑎᒋᓯᒪᔭᑎᓐᓄᑦ ᐊᒻᒪᓗ ᐅᐃᕆᒪᓇᕐᑐᓂᒃ ᐱᓂᐊᕐᓂᕆᒨᑎᓐᓂᒃ ᓴᓚᖃᕈᓐᓇᓯᑎᑦᓯᓱᓂ ᐅᖁᒣᑦᑐᓂᒃ ᐅᐃᕆᒪᓇᕐᑐᒧᑦ ᐊᑐᕐᓂᒨᓕᖓᔪᓂᒃ.
ᖁᐊᕐᓵᓇᕐᑐᑰᕐᓯᒪᓂᕐᓄᑦ ᑲᒪᒍᒪᖕᖏᑲᓗᐊᕈᕕᑦ, ᐃᒥᖃᑦᑕᓗᐊᕈᓐᓀᕈᒪᑐᐊᕈᕕᑦ ᐅᕝᕙᓘᓐᓃᑦ ᐱᓇᓱᐊᕆᐊᕈᒪᑐᐊᕈᕕᑦ ᐃᒥᕐᖃᔦᓪᓚᕆᓐᓂᒧᑦ ᐃᒻᒥᓂᒃ ᐱᒋᐅᕐᓴᕈᒪᑐᐊᕈᕕᑦ, ᐃᓱᐊᕐᓯᕕᒃ ᐃᓘᓐᓈᒎᕐᑐᒥᒃ ᒪᒥᓴᕐᑎᓯᓂᕐᒥᒃ ᐱᓇᓱᐊᓲᖅ ᑲᑎᑎᑦᓯᔪᒥᒃ ᐱᐅᓂᕐᐹᒥᒃ ᒫᓐᓇᓂᑕᕐᒥᒃ ᐱᓇᓱᐊᕐᑎᓯᒍᑎᓂᒃ ᒪᒥᓴᕐᓂᒧᑦ ᐃᓄᐃᑦ ᓴᓇᔭᕕᓂᖏᓐᓂᒃ ᒪᒥᓴᕐᑎᓯᒍᑎᓄᑦ ᐊᒻᒪᓗ ᐱᓇᓱᐊᕈᑎᓄᑦ ᐃᓕᓐᓂᒃ ᐃᓅᓯᑦᓯᐊᖑᓂᕐᓴᒧᑦ ᓯᕗᓕᓚᖓᔪᓂᒃ.
ᐃᓚᒌᓪᓗᑎᒃ ᒪᒥᓴᕐᓂᖅ
ᑌᑲᓃᑦᑐᑦ ᐃᓚᐅᒍᓐᓇᑐᑦ ᐱᓇᓱᐊᕈᑎᓄᑦ ᑌᓐᓇᑑᓗᑎᒃ ᐅᕝᕙᓘᓐᓃᑦ ᐃᓚᖃᕐᓗᑎᒃ ᐃᓚᒥᓂᒃ ᐅᕝᕙᓘᓐᓃᑦ ᐱᒻᒪᕆᖁᑎᒥᓂᒃ ᒪᒥᓴᕐᓂᒦᑦᑎᓗᒋᑦ ᐆᑦᑐᑎᒋᓗᒍ ᐱᐊᕋᕐᒥᓂᒃ, ᐁᑉᐸᒥᓂᒃ, ᓄᑲᕐᒥᓂᒃ ᐊᖓᔪᒻᒥᓂᓪᓘᓃᑦ, ᐊᓈᓇᑦᓯᐊᒥᓂᒃ ᐊᑖᑕᑦᓯᐊᒥᓂᓪᓘᓃᑦ, ᑎᒎᕕᒻᒥᓂᓪᓘᓃᑦ ᐅᕝᕙᓘᓐᓃᑦ ᐃᓚᒥᓂᒃ.
ᐃᑉᐱᓂᐊᓲᖑᔪᒍᑦ ᓇᓂᒥᐅᔭᐅᒻᒪᖔᑦᑕ ᐃᓚᑦᑎᓂᒃ ᐱᓯᒪᔪᒥᒃ ᒥᐊᔨ ᐁᑦᓯᓴᓐ
ᒥᐊᔨ ᐁᑦᓯᓴᓐ
ᒪᒥᓴᕐᓂᖅ ᓄᓇᒥ
ᐱᒻᒪᕆᐅᓂᖓ ᐱᓇᓱᐊᕈᑎᕗᑦᑕ ᓯᓚᒦᓲᖅ, ᓄᓇᒥ. ᒪᙯᕝᕕᕗᓐᓂ ᐊᑦᔨᒌᖕᖏᑐᓄᑦ ᒪᒥᓴᕐᓂᒧᑦ ᐱᓇᓱᐊᕐᑕᐅᔪᓄᑦ ᐃᓚᐅᕋᔭᕐᑐᑎᑦ, ᑐᐱᕐᒥ, ᓯᓚᒥᓘᓐᓃᑦ ᓴᓗᐊᕐᓴᕕᐅᑉ ᓴᓂᐊᓂ. ᐃᓚᐅᕋᔭᕐᓱᑎᓪᓗ ᐊᒥᓱᓄ ᐊᓕᐊᓇᕐᑐᓄᑦ ᐊᓃᕐᑎᓯᒍᑎᓄᑦ ᓄᓇᒥ, ᐆᑦᑐᑎᒋᓗᒍ ᒪᙯᓐᓂᓄᑦ, ᐃᖃᓗᓐᓂᐊᓂᕐᒧᑦ ᐊᒻᒪᓗ ᐸᐅᕐᖓᑕᕐᓂᒧᑦ.
ᐱᑐᑦᓯᒪᓂᕐᒧᑦ ᐃᓗᕐᖁᓯᕐᒧᑦ ᐊᒻᒪᓗ ᑭᓇᐅᓂᕐᓄᑦ
ᐃᓗᕐᖁᓯᖅ ᐱᒻᒪᕆᐊᓘᕗᖅ ᐱᓇᓱᐊᕈᑎᒋᑦᓱᒍ ᑐᖕᖓᕕᖃᑦᓯᐊᓂᕐᒧᑦ, ᓇᓂᒥᐅᑕᐅᓂᕐᒧᑦ ᐊᒻᒪᓗ ᐱᑦᔪᑎᕈᑎᒋᑦᓱᒍ, ᐊᒻᒪᓗ ᐱᒻᒪᕆᒻᒥᒃ ᓴᐳᒻᒥᒍᑎᐅᑦᓱᓂ ᐱᔭᕆᐊᑐᔪᒃᑰᓂᕐᒧᑦ ᐊᒻᒪᓗ ᐅᓗᕆᐊᓇᕐᑐᓂᒃ ᐱᒐᓱᐊᕐᓂᒧᑦ. ᐃᓱᐊᕐᓯᕕᒻᒥ, ᐱᓇᓱᐊᕈᑎᕗᑦ ᐱᑕᖃᕐᑎᓯᔪᑦ ᐊᑑᑎᓯᒪᔪᓂᒃ ᐱᓇᓱᐊᕈᑎᓂᒃ ᑐᖕᖓᕕᓕᓐᓂ ᐃᓄᐃᑦ ᐃᓗᕐᖁᓯᖓᓂᒃ ᐊᒻᒪᓗ ᐊᔪᐃᓐᓇᓲᖑᔪᒍᑦ ᐃᓗᕐᖁᓯᕐᑎᒍᑦ ᐊᑦᑕᓇᖕᖏᑐᓂᒃ.
ᐅᓪᓗᓂᒃ 60-ᓂᒃ ᐱᓇᓱᐊᕈᑏᑦ ᐱᑦᔪᑎᓖᑦ
- ᑲᑎᑎᑦᓯᔪᑦ ᐃᓄᐃᑦ ᐃᓪᓕᕆᔭᖏᓐᓂᒃ
- ᐁᑉᐸᖃᕈᓐᓇᓂᕐᒥᒃ ᐃᓕᓐᓂᒃ ᐊᒻᒪᓗ ᐊᓯᑎᓐᓂᒃ ᐱᕙᓪᓕᐊᑎᑦᓯᔪᖅ
- ᒪᒥᓴᕐᓂᖅ ᐃᓚᒌᓪᓗᓯ ᐊᒻᒪᓗ ᐊᖓᔪᕐᖄᖑᒍᓐᓇᓯᐊᕐᓂᖅ
- ᒪᒥᓴᕐᓂᖅ ᐁᑉᐸᕇᓪᓗᑎᒃ ᐊᒻᒪᓗ ᐃᓱᐊᕐᓭᓂᖅ
- ᑐᑭᓯᓂᖅ ᖁᐊᕐᓵᓇᕐᑐᑰᕐᓂᒥᒃ ᐊᒻᒪᓗ ᑭᖑᕚᕇᑦ ᖁᐊᕐᓴᓇᕐᑐᑰᕐᓯᒪᓂᖏᓐᓂᒃ
- ᑭᑦᓴᓂᒃᑰᓂᖅ, ᑲᖕᖑᓱᓐᓂᑯᑦ ᐊᒻᒪᓗ ᐸᓯᔭᑦᓴᐅᓂᑦᑯᑦ
- ᐅᐃᕆᒪᐅᑎᖃᕐᓂᒧᖅ ᐱᒋᐊᕐᕕᕕᓂᖏᑦ ᖃᐅᔨᓴᕐᓗᒋᑦ ᐊᒻᒪᓗ ᐃᓕᑦᓯᓗᓂ ᖃᓄᐃᖕᖏᓯᐊᕐᓗᓂ ᑲᔪᓯᒍᓐᓇᓯᐊᕐᓂᒥᓂᒃ
- ᐃᓕᑦᓯᓗᓂ ᓂᖓᕐᓂᒥᒃ ᖃᓄᐃᓘᕈᓐᓇᓂᕐᒥᓂᒃ
- ᐅᖄᖃᑎᖃᕈᓐᓇᓗᓂ ᓈᒻᒪᓈᕐᑐᑯᑦ ᐊᒻᒪᓗ ᐱᐅᔪᑎᒍᑦ
- ᒪᒥᓴᕐᓂᖅ ᐃᓗᕐᖁᓯᕐᑎᒍᑦ ᐊᒻᒪᓗ ᐱᐅᓯᑐᖃᕐᑎᒍᑦ ᖃᐅᔨᒪᐅᓯᕐᓄᑦ
- ᒪᒥᓴᕐᑎᑕᐅᓂᖅ ᐃᓄᒻᒪᕆᓄᑦ ᐃᓱᐊᕐᓭᓂᖏᑎᒍᑦ ᐊᒻᒪᓗ ᑭᖑᕚᕆᑎᒍᑦ ᐃᓕᑦᓯᓂᖅ
ᒪᒥᓴᕐᓂᖅ ᐃᓄᑦᑎᑐᑦ
ᐱᓇᓱᐊᕐᓂᖃᓲᑦ ᖃᓪᓗᓈᑎᑐᑦ ᐊᒻᒪᓗ ᐃᓄᑦᑎᑐᑦ, ᐊᒻᒪᓗ ᐱᓇᓱᐊᕐᑎᓯᒍᑎᓕᒫᖏᑦ ᐱᑖᕆᔭᐅᒍᓐᓇᑐᑦ ᑕᒪᖏᓐᓂ ᐅᖃᐅᓰᓐᓂ. ᑐᓵᔨᖃᓲᖑᒻᒥᔪᒍᑦ ᐊᒻᒪᓗ ᑐᓵᒍᑎᓂᒃ ᐱᑕᖃᕐᓱᑕ ᐅᖃᐅᓯᐅᑉ ᐁᑉᐸᖓᓅᔭᕐᑕᐅᔪᓄᑦ.
ᐃᓘᓐᓇᖏᓐᓂᒃ ᐃᓚᐅᑎᑦᓯᔪᓂᒃ ᑲᒪᒋᔭᖃᕐᓂᒧᑦ ᐱᒍᑦᔨᒍᑏᑦ
ᓱᓕᔪᒥᒃ ᐱᑕᖃᕐᑎᓯᒍᓐᓇᖁᒍᑦ ᐱᐅᓂᕐᐹᒥᒃ ᒪᒥᓴᕐᕕᒦᑦᑎᓯᓂᕐᒥᒃ ᑕᑯᓐᓇᕈᓐᓇᓱᑎᒃ ᑰᒃᓱᐊᖅ ᑰᖓᓂᒃ, ᐱᖓᓱᕕᑦᓱᑎᒃ ᓂᕆᑎᑕᐅᓂᖃᕐᓗᑎᒃ ᐅᓪᓗᖅ ᑕᒫᑦ ᑕᒧᓗᒐᑦᓴᓂᓪᓗ ᐊᒻᒪᓗ ᐃᒥᕋᕐᓂᒃ, ᖃᕆᐊᖃᑎᒌᓪᓗᑎᒃ, ᐊᓐᓄᕌᓂᒃ ᐅᕝᕙᕕᒃ, ᓴᓇᖕᖑᐊᓂᖅ ᐊᒻᒪᓗ ᒥᕐᓱᕋᑦᓭᑦ ᐊᒻᒪᓗ ᐊᓯᒋᐊᓪᓚᖏᑦ.
ᑐᖕᖓᓱᓪᓕᑦ ᐱᐊᕋᑦᓴᓖᑦ!
ᐱᐊᕋᑦᓴᖃᑐᐊᕈᕕᑦ ᐊᒻᓴᓗ ᐃᑲᔪᕐᑕᐅᒋᐊᖃᑐᐊᕈᕕᑦ ᓄᕐᖃᕈᒪᓗᑎᒃ ᐃᒥᐊᓗᒻᒥᒃ ᐋᖓᔮᓐᓇᑐᓂᓪᓗ, ᑐᖕᖓᓱᓪᓗᑎᒃ ᐃᓚᐅᒍᓐᓇᖁᑎᑦ ᐃᓚᒌᓄᑦ ᒪᒥᓴᕐᓂᒧᑦ ᐱᓇᓱᐊᕈᑎᓂᒃ.
ᐯᕆᑦᓯᕕᒃ ᐊᒻᒪᓗ ᐃᓕᓐᓂᐊᕈᑎᓂᒃ ᐃᑲᔪᕐᑕᐅᒍᑏᑦ
ᓱᓇᒐᓚᖃᑦᓯᐊᖁᒍᑦ ᐃᓕᓐᓂᐊᕕᒻᒥ ᐃᑲᔪᕐᑕᐅᕕᒻᒥ ᖃᕆᐊᒥ ᐊᒻᒪᓗ ᐯᕆᑦᓯᕕᒻᒥ. ᐱᐊᕃᑦ ᑲᒪᒋᔭᐅᑎᓪᓗᒋᑦ ᐃᓕᓐᓂᐊᑎᑦᓯᔨᕗᓐᓄᑦ, ᐃᓕᓐᓂᐊᕆᐊᓕᓐᓂᒃ ᐅᑭᐅᓕᓐᓂᒃ ᑲᔪᓯᒍᓐᓇᑐᑦ ᐃᓕᓐᓂᐊᑕᒥᓂᒃ ᓴᓗᐊᕐᓴᕕᒻᒥ ᐃᓕᓐᓂᐊᑎᑦᓯᔨᕗᓐᓄᑦ ᐃᑲᔪᕐᑕᐅᓗᑎᒃ.
ᐃᑲᔪᕐᑕᐅᒋᐊᓖᑦ ᐊᒻᒪᓗ ᐅᐸᑦᑕᐅᒍᓐᓇᓯᐊᕐᑐᖅ ᐱᐅᓯᕐᓘᑎᓕᓐᓄᑦ
ᐊᑐᐃᓐᓇᐅᓯᐊᕐᑐᑦ ᐱᓇᓱᐊᖃᑎᖃᕈᓐᓇᓱᑎᒃ ᑎᒥᒃᑯᑦ ᐱᐅᓯᕐᓘᑎᓕᓐᓂᒃ, ᐋᓐᓂᓯᒪᔪᓂᒃ ᐊᒻᒪᓗ ᓂᒪᒍᓐᓇᓯᐊᖕᖏᑐᓂᒃ. ᖃᕆᐊᓖᑦ ᐊᑐᐃᓐᓇᐅᔪᓂᒃ ᒪᕐᕉᓂᒃ ᐱᐅᓯᕐᓘᑎᓕᓐᓅᓕᖓᔪᓂᒃ (ᐃᓪᓕᖅ ᐊᖏᔪᖅ, ᐅᕝᕙᕕᖓᓗ, ᐃᑲᔪᕐᓯᒍᑏᑦ ᒪᑭᒐᓱᑦᑐᓄᑦ), ᐊᑦᓴᓗᐊᓕᓐᓄᑦ ᐃᑦᓯᕙᐅᑕᓄᑦ ᐃᑎᕐᕖᑦ ᐊᒻᒪᓗ ᖁᓛᓄᕈᑏᑦ ᐃᖏᕐᕋᔪᑦ.
ᐱᒍᓐᓇᖁᖔ?
ᐃᓘᓐᓇᑎᒃ ᐃᓚᐅᒍᑎᓖᑦ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (JBNQA) ᐅᑭᐅᓖᑦ 18 ᐅᖓᑖᓄᓪᓗ ᐃᓕᒐᓱᐊᕈᓐᓇᑐᑦ.
ᐊᑐᐃᓐᓇᐅᓕᕐᖁᖓ ᐃᓕᒐᓱᐊᕐᓂᒧᑦ ᓴᓗᐊᕐᓭᕕᒻᒦᓗᑎᒃ ᐱᒍᑦᔭᐅᒍᑎᓄᑦ
ᐱᑖᕈᓐᓇᖁᑎᑦ ᐃᓕᒐᓱᐊᕈᑎᓄᑦ ᑕᑕᕐᓴᕋᑦᓴᓄᑦ ᑕᒃᑲᓂ ᐊᒻᒪᓗ ᐅᖄᓚᓗᑎᒃ ᐅᕗᖓ
819-964-2592 ext. 219
ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᐅᓪᓚᑎᑦᓯᓗᑎᒃ ᐅᕗᖓ
intake@isuarsivik.ca
ᖃᖓᑐᐃᓐᓇᓕᒫᖅ ᐅᖄᕕᒋᓗᒍ ᐱᓇᓱᑦᑎᕗᑦ ᐃᑲᔪᕐᑕᐅᒍᒪᒍᕕᑦ ᐃᓕᒐᓱᐊᕈᑎᓄᑦ.