22February
ᑕᓪᓕᒣᑦ ᑎᒥᐅᔪᑦ ᑲᑐᑦᔨᓱᑎᒃ ᓴᓇᔭᐅᑎᑦᓯᕗᑦ ᖁᓪᓕᐊᓗᒻᒥᒃ ᐃᓱᐊᕐᓯᕕᑦᓴᒦᑦᑐᓴᒥᒃ
ᑰᑦᔪᐊᖅ (ᕕᕗᐊᕆ 22, 2022) – ᑕᒡᒐᓂ ᐊᕐᕌᒍᒥ, ᐃᓱᐊᕐᓯᕕᒃ ᑲᑎᖕᖓᔨᒥᑦᑕ ᐃᓱᒪᒌᓐᓇᓲᖓᓂᒃ ᐊᑑᑎᑎᑦᓯᓛᓯᔪᖅ: ᓴᓇᔭᐅᑎᑦᓯᓂᕐᒥᒃ ᖁᓪᓕᐊᓗᒻᒥᒃ ᐃᓱᐊᕐᓯᕕᑦᓴᐅᑉ ᓄᑖᑉ ᐃᑎᕐᕕᖓᑕ ᓂᕈᑐᓂᖓᓃᓛᕐᑐᖅ. “ᖁᓪᓕᐊᓗᒃ’ ᐱᒐᓱᐊᕐᑕᐅᓂᖓ ᐳᐃᒍᑦᔦᓇᕐᑐᖅ ᐊᒻᒪᓗ ᑲᔪᓯᑎᑕᐅᒍᓐᓇᓗᑯᓚᐅᕐᑐᖅ ᑕᓪᓕᒪᓄᑦ ᑎᒥᐅᔪᓄᑦ, Glencore/Raglan-ᑯᑦ ᐅᔭᕋᓐᓂᐊᕕᖓᓄᑦ, ᐃᓄᐃᑦ ᖃᖓᑦᑕᔫᖓᓄᑦ, ᐊᕙᑕᒃᑯᓄᑦ, EVOQ Architecture-ᑯᓐᓄᑦ, ᐊᒻᒪᓗ ᑲᓀᑎᐊᓐ ᓄᐊᑦᑯᓄᑦ. ᑖᒃᑯᐊ ᓇᑯᕐᑐᐃᑦ ᐊᒻᒪᓗ ᑲᓇᑕᐅᑉ ᑕᑯᒥᓇᕐᑐᓕᐅᕐᓂᒥ ᑲᑎᒪᕕᖓ, ᑖᑦᓱᒥᖓ ᖁᓪᓕᐊᓘᑉ ᐱᓇᓱᐊᕐᑕᐅᓂᖓ ᐱᔭᕇᕐᓯᒪᓛᕐᑐᖅ ᐅᒃᑯᐃᑕᐅᓂᖃᓕᕐᐸᑦ ᐃᓱᐊᕐᓯᕕᒃ 2023-ᒥ.