ᐃᓱᐊᕐᓯᕕᒻᒦᓱᓂ ᒪᒥᓴᕐᓂᖅ

ᐃᓱᐊᕐᓰᒍᓰᑦ ᑐᑭᓯᓇᕐᑎᑕᐅᓂᖓ

ᐃᓱᐊᕐᓯᕕᒻᒦᑐᑦ ᐊᑦᔨᒌᖕᖏᑐᓂᒃ ᐃᓅᓯᖃᕐᖁᑦ ᐱᓂᐊᕐᓂᖃᕐᓯᒪᑦᓱᑎᓪᓗ ᐊᑦᔨᒌᖕᖏᑐᓂᒃ ᐃᓅᓯᕐᒥᓂ. ᑐᕌᒐᓕᐊᕆᓯᒪᔭᕗᑦ ᑲᒪᓂᑦᑕᓗ ᐸᕐᓇᓯᒪᐅᑎᖏᑦ ᐊᑦᔨᒌᖕᖏᑐᑦᓱᑎᒃ ᐃᓂᓪᓚᖓᕗᑦ ᐃᓄᑑᓈᕐᑎᑐᓄᑦ ᒪᒥᓴᕐᑐᓄᑦ ᑐᕌᒐᖏᓐᓄᓗ ᐊᑐᓂ, ᐸᕐᓇᓯᒪᑉᐸᑦ ᐃᓚᓯᒪᑦᑕᐃᓕᓂᕐᒧᑦ ᐋᖓᔮᓐᓇᑐᓂᒃ ᐅᕝᕙᓘᓐᓃᑦ ᐃᑯᓪᓚᐃᒋᐊᕐᓂᒧᑦ ᐋᓐᓂᓯᒪᐅᑎᒥᒍᑦ.

ᒪᒥᓴᐅᑎᓂᒃ ᐃᓄᒻᒧᑦ ᒪᒥᓴᕐᑐᒨᓕᖓᓪᓗᑯᐊᐱᑦᑐᓂᒃ ᐱᓇᓱᒍᑎᖃᕐᖁᒍᑦ ᐊᒻᒪᓗ ᐱᓇᓱᒍᓯᕐᓂᒃ ᒪᒥᓴᕐᓂᒧᑦ ᑲᒡᒐᕈᑕᐅᓯᒪᓂᕐᓄᑦ ᐊᒻᒪᓗ ᓵᓚᖃᕐᓯᒪᓗᓂᓗ ᓄᕐᖃᖃᔭᐃᕈᑎᒋᓯᒪᔭᒥ ᐅᑎᕐᑕᓂᖏᓐᓂᒃ. ᐅᑯᐊ ᒪᒥᓴᕐᑐᓄᑦ ᐊᑐᕐᑕᐅᓛᕐᑐᑦ 42ᓂᒃ ᐅᓪᓗᓂᒃ ᑐᕌᒐᐃᑦ:
• ᐃᓄᐃᑦ ᐱᑦᔪᑎᖏᑦ ᒪᒥᓴᕐᓂᒧᑦ
• ᐃᓚᒌᑦ ᐊᑦᔨᒌᖕᖏᓂᖏᑦ ᐊᒻᒪᓗ ᑲᑉᐱᐊᓇᕐᓂᖏᑦ
• ᑲᒡᒐᓯᒪᓂᖅ ᐊᒻᒪᓗ ᑭᖑᕚᒥᓂᑦ ᐱᓯᒪᔪᒥᒃ ᑲᒡᒐᓯᒪᓂᖅ
• ᑭᑦᓴᓂᖅ
• ᐃᓕᕋᒃᑯᔨᓂᖅ ᐊᒻᒪᓗ ᐸᓯᔭᑦᓴᐅᔪᕆᓂᖅ
• ᓄᕐᖃᖃᔭᐃᕐᓯᒪᓂᖅ ᐋᖓᔮᓐᓇᑐᓂᒃ
• ᓂᖓᕐᓂᒥᒃ ᐊᐅᓚᑦᓯᓂᖅ
• ᐅᖄᒍᑎᑦᓯᐊᓂᖅ

ᐃᓱᐊᕐᓯᕕᒻᒥ, ᐃᓄᐃᑦ ᖃᐅᔨᒪᔭᑐᖃᖏᑦ ᒫᓐᓇᓗ ᐋᕐᕿᒐᓱᐊᕈᑕᐅᓲᑦ ᐊᑐᕐᓱᒋᑦ, ᖃᐅᔨᔭᐅᓯᒪᔪᑦ ᐊᑐᕐᑕᐅᓲᖑᕗᑦ. ᐋᕐᕿᓱᕐᑕᐅᓯᒪᔪᑦ ᐃᓘᓐᓇᑎᒃ ᖃᓪᓗᓈᑎᑐᑦ ᐃᓄᑦᑎᑐᓪᓗ ᐊᑑᑎᔭᐅᓲᖑᕗᑦ.

 

ᐃᓱᐊᕐᓯᕕᒻᒥ ᖃᐅᑕᒫᑦ ᐱᐅᓰᑦ

7:00 ᐅᓪᓛᑯᑦ ᑐᐹᕆᓂᖅ
7:30 ᐅᓪᓛᑯᑦ ᐅᓪᓛᕈᒻᒥᑕᕐᓇᖅ/ᓴᓂᕐᕚᔭᐃᓂᖅ
8:00 ᐅᓪᓛᑯᑦ ᐃᖃᐃᓕᓴᕐᓂᖅ, ᐱᓱᓐᓂᖅ ᐅᕝᕙᓘᓐᓃᑦ ᓂᐅᕕᕐᓂᐊᓂᖅ
9:15 ᐅᓪᓛᑯᑦ ᐅᓪᓛᑯᑦ ᐃᓱᐊᕐᓴᐃᔨᒥᒃ ᑲᑎᒪᑦᓯᓂᖅ ᑲᑎᒪᑦᓱᑎᒃ
10:30 ᐅᓪᓛᑯᑦ ᐅᓪᓛᒥ ᑐᕌᒐᐃᑦ
12:00 ᐅᓪᓗᑯᑦ ᓂᕆᓐᓇᖅ
1:30 ᐅᓪᓗᑯᑦ ᕿᑎᕋᓕᕇᒥ ᑐᕌᒐᐃᑦ
3:00 ᐅᓪᓗᑯᑦ ᕿᑎᕋᓕᕇᒥ ᑲᑎᒪᔪᑦ ᐃᓱᐊᕐᓴᐃᔨᒦᒍᓐᓇᐃᑐᑦ
4:30 ᐅᓪᓗᑯᑦ ᐃᓄᑑᓈᕐᑎᑐᓄᑦ ᒪᒥᓴᕐᓂᖅ(ᐊᑕᐅᓯᕕᑦᓱᓂ/ᐱᓇᓱᐊᕈᓯᖅ)
5:00 ᐅᓐᓄᓴᒃᑯᑦ ᓂᕆᓐᓇᖅ
7:00 ᐅᓐᓄᑯᑦ ᓱᖃᑦᓯᓂᖅ ᐅᓐᓄᑯᑦ
11:00 ᐅᓐᓄᐊᖅ ᓯᓂᑦᓯᐊᓚᖓᕗᑎᑦ!

ᐅᓐᓄᑯᑦ ᑐᕌᒐᐃᑦ ᐅᑯᓂᖓ ᐃᓗᓕᓖᑦ ᐃᓕᕐᖁᓯᕐᒨᓕᖓᔪᑦ(ᒥᕐᓱᓂᖅ/ᐅᔭᒥᐅᔭᓕᕆᓂᖅ, ᕿᔪᓕᕆᓂᖅ, ᐊᓯᖏᓪᓗ.), ᐃᒥᐊᓗᒻᒥᒃ ᐊᔪᕆᓃᑦ ᑲᑎᒪᓂᖏᑦ, ᓂᐅᕕᕐᓂᐊᓂᖅ, ᓄᓇᓕᐅᑉ ᐃᓗᐊᓂ ᓱᖃᑦᓯᓃᑦ, ᑕᕐᕋᓕᔮᕐᓂᖅ ᐃᓱᐊᕐᓯᕕᒻᒥ.

 

ᓯᓚᒥ ᐊᒻᒪᓗ ᐃᓗᕐᖁᓯᒃᑯᑦ ᓱᖃᑦᓯᓃᑦ

ᐃᓱᐊᕐᓯᕕᒻᒦᓱᑎᒃ ᒪᒥᓴᕐᓂᒥᒃ ᐱᓇᓱᐊᕐᓂᕗᑦ ᐊᑦᔨᐅᖏᑦᑐᖅ ᐅᑭᐅᕐᑕᑐᒥ. ᐃᓄᑦᑎᑑᕐᑐᓂᒃ ᐱᓇᓱᐊᕈᑎᖃᓲᖑᔪᒍᑦ ᑭᓯᐊᓂ ᐱᒻᒪᕆᒃ ᐃᓚᖓ ᒪᒥᓴᕐᓂᑕ ᓯᓚᒦᖃᑦᑕᓃᑦ ᐊᒻᒪᓗ ᐃᓗᕐᖁᓯᒃᑯᑦ ᓱᖃᑦᓯᓃᑦ.

ᐊᖑᑎᓂᒃ ᐊᒻᒪᓗ ᐊᕐᓇᓂᒃ ᐃᓗᕐᖁᓯᕐᒥᒃ ᐃᓕᓐᓂᐊᑎᑦᓯᔨᕗᑦ ᑐᓂᒪᑦᓯᐊᑐᑦ ᐸᕐᓇᓂᕐᒧᑦ ᐱᐅᓯᑐᖃᕐᑎᒍᑦ ᓱᖃᑦᓯᓂᕐᓂᒃ ᓄᓇᒥ ᒪᙯᓐᓂᒧᑦ, ᐃᖃᓪᓕᐊᓂᕐᒧᑦ ᐊᒻᒪᓗ ᓄᓂᕙᓐᓂᒧᑦ ᐊᒻᒪᓗ ᐃᓱᐊᕐᓯᕕᐅᑉ ᐃᓗᐊᓂ ᒥᕐᓱᓂᕐᒧᑦ, ᓴᐸᖓᓕᕆᓂᕐᒧᑦ ᐊᒻᒪᓗ ᕿᔪᓕᕆᓂᕐᒧᑦ.

ᐱᓇᓱᐊᕈᓯᑕᒫᑦ, ᐃᓱᐊᕐᓯᕕᒻᒦᑎᐊᕗᑦ ᓄᓇᒨᓲᑦ ᒪᕐᕈᕕᑦᓱᑎᒃ ᐊᒻᒪᓗ ᒪᕐᕈᕕᑦᓱᑎᒃ (2) ᐃᓗᕐᖁᓯᕐᒥᒃ ᐃᓕᓐᓂᐊᓱᑎᒃ ᐅᓐᓄᑯᑦ. ᐅᓪᓗᑕᒫᑦ ᐱᓱᕋᔮᓐᓂᖅ ᐊᑑᑎᓪᓚᕆᒋᐊᓕᒃ ᐅᓪᓛᑕᒫᑦ.

 

ᐊᖏᕐᑕᐅᓯᒪᓕᕐᖁᑎᑦ ᐃᓱᐊᕐᓯᕕᒻᒧᑦ!

ᒪᓯᓴᕐᓂᖅ ᐱᒋᐊᓯᕗᖅ, ᐊᒻᒪᓗ ᓇᑯᕐᓴᑐᒍᑦ ᐃᓕᓐᓂᒃ ᐱᓇᓱᖃᑎᖃᓯᒐᑦᑕ! ᐊᖏᕐᑕᐅᒍᑎᑉᐱᑦ ᓯᑯᑦᓴᔭᖁᑎᖏᑦ ᖃᕆᑕᐅᔭᕐᓄᑦᐃᓕᔭᐅᑎᒃᑭᑦ ᑐᑭᓯᒋᐊᑦᓯᐊᕈᑎᒋᓗᒋᑦ ᐊᓪᓗᕆᐊᕈᑎᐅᓂᐊᓕᕐᒥᔪᓂᒃ ᐊᒻᒪᓗ ᒪᒥᓴᕐᓂᒥ ᖃᓄᐃᓘᕈᓯᖃᕐᒪᖔᑦ. ᐊᐱᕐᓲᑎᖃᕈᕕᑦ, ᐊᓪᓚᒍᓐᓇᖁᑎᑦ ᐅᕗᖓ intake@isuarsivik.ca ᐅᖄᓚᓗᑎᓪᓘᓃᑦ ᐅᕗᖓ 1-866-964-9994

 

ᐃᓱᐊᕐᓯᕕᒻᒦᓯᒪᔪᐃᑦ ᑭᓪᓕᒋᑦᓴᐅᑎᖏᑦ