ᐃᓱᐊᕐᓯᕕᒻᒦᓱᑎᒃ ᐃᓚᒌᑦ ᐃᑲᔪᕐᑕᐅᓂᖓ – ᐱᒋᐊᓛᕐᑐᖅ

ᕿᓚᓈᕐᖁᒍᑦ ᐱᒋᐊᕐᑎᓯᓂᕐᒥᒃ ᐃᓱᐊᕐᓯᕕᒻᒦᓗᑎᒃ ᐃᓚᒌᑦ ᐃᑲᔪᕐᑕᐅᓂᖓᓂᒃ ᐱᓇᓱᐊᕐᓂᕆᓛᕐᑕᑎᓐᓂᒃ ᐋᕐᕿᓱᕐᑕᐅᓯᒪᔪᖅ ᑐᖕᖓᓱᑦᑎᓯᓚᖓᑦᓱᓂ ᐃᓚᒌᓂᒃ ᒪᒥᓴᕐᓂᐅᔪᓕᒫᒥ. ᓀᓪᓕᑎᕐᓗᒍ, ᑖᓐᓇ ᓄᑖᖅ ᐱᒍᑦᔨᓂᖅ ᓴᐳᑦᔨᓚᖓᔪᖅ ᐁᑉᐸᕇᓂᒃ, ᐃᓚᒌᓂᒃ ᕿᑐᕐᖓᓕᓐᓂᒃ, ᐊᒻᒪᓗ ᐱᐊᕋᑦᓴᓕᓐᓂᒃ ᐊᕐᓇᓂᒃ ᒥᑭᓕᒋᐊᕆᓂᒃᑯᑦ ᓱᕐᕃᓂᖓᓂᒃ ᐋᖓᔮᓐᓇᑐᕐᑐᓗᐊᖃᑦᑕᓂᐅᑉ ᐃᓚᒌᓂ.

ᐃᓱᐊᕐᓯᕕᒻᒦᓗᑎᒃ ᐃᓚᒌᑦ ᐃᑲᔪᕐᑕᐅᓂᖓᓂᒃ ᐱᓇᓱᐊᕐᓂᕗᑦ ᐊᑐᐃᓐᓇᐅᓛᕐᑐᖅ ᓄᑖᖅ ᐃᓱᐊᕐᓯᕕᒃ ᐅᒃᑯᐃᖔᓕᕐᐸᑦ 2021-ᒥ ᐊᒻᒪᓗ ᐃᓚᒌᑦ ᐃᓂᖏᓐᓂᒃ ᐃᓂᖃᓛᕐᓱᓂ, ᐯᕆᑦᓯᕕᖃᕐᓗᓂ ᐊᒻᒪᓗ ᐃᓕᓐᓂᐊᕕᒻᒥᒃ ᖃᕆᐊᖃᕐᓗᓂ. ᑖᒃᑯᓄᖓᓕᖓᔪᑦ ᐱᓇᓱᑦᑏᑦ ᐃᓕᓐᓂᐊᑎᑕᐅᓛᕐᑐᑦ ᓴᐳᑦᔨᓂᕐᒥᒃ ᐱᒍᑦᔭᐅᔪᑦ ᐃᓚᖏᓐᓂᒃ.

ᑲᑎᖕᖓᔨᐊᐲᑦ ᐃᓚᓖᑦ ᐊᑦᔨᒌᖕᖏᑐᓂᒃ ᐃᓄᑐᐃᓐᓀᑦ ᑎᒥᐅᔪᖁᑎᖏᓐᓂᒃ ᐅᑯᓂᖓ ᓴᑐᕐᕖᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ, ᖃᕐᔪᐃᑦ ᐅᕕᒃᑫᑦ ᑲᑐᑦᔨᖃᑎᒌᓐᓂᖓ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᖅ ᑲᑎᖕᖓᔨᐊᐱᓕᐊᖑᓚᐅᔪᑦ 2017-ᒥ. ᑲᑎᖕᖓᔨᐊᐲᑦ ᑎᓕᔭᐅᒪᐅᑎᖓ ᓴᐳᑦᔨᓂᖅ ᐃᓱᐊᕐᓯᕕᒻᒥᒃ ᓄᓇᕕᒻᒥ ᐅᐃᕆᒪᔪᑦ ᐃᑲᔪᕐᑕᐅᕕᖓᑕ ᐃᓱᐊᕐᓭᔨᖏᓐᓂᒃ ᐱᕙᓪᓕᐊᑎᑦᓯᑎᓪᓗᒋᑦ ᐃᓱᐊᕐᓯᕕᒻᒦᓗᓂ ᐃᓚᒌᑦ ᐃᑲᔪᕐᑕᐅᓂᖏᑦᑕ ᐱᓇᓱᐊᕐᑕᐅᓂᖓᑕ ᐃᓗᓕᖏᓐᓂᒃ ᑐᓂᔨᓂᒃᑯᑦ ᐃᒫᙰᕈᑎᓂᒃ ᐊᑐᓕᕐᑎᑕᐅᒐᔭᕐᑐᓂᒃ.

Our services are suspended until further notice - Read more
Nos services sont suspendus jusqu’à nouvel ordre - Tous les détails
ᐃᓱᐊᕐᓯᕕᒃ ᓄᕐᖃᑎᑦᓯᑫᓐᓇᑐᖅ ᐱᒍᑦᔨᓂᕐᒥᓂᒃ ᖃᐅᔨᑎᑦᓯᒍᑎᐅᒋᐊᓪᓚᖏᓐᓂᖓᓂ COVID-19 ᐱᑦᔪᑎᒋᑦᓱᒍ - ᐊᓪᓚᓂᐊᕆᐊᓪᓚᕆ
+