ᓯᕗᒧᐊᕈᑎᒋᑦᓱᒍ ᐊᓪᓗᕆᐊᕐᓂᑕᒫᑦ
ᓄᑖᖅ ᐃᓱᐊᕐᓯᕕᒃ ᓄᓇᓕᓕᒫᓂᑦ ᐱᒍᑦᔨᕕᑦᓴᖅ
ᐃᓱᐊᕐᓯᕕᒻᒥ, ᐱᒍᑦᔨᓂᖃᕐᐸᓕᕐᑐᒍᑦ ᐱᐅᔪᓂᒃ ᐃᓗᕐᖁᓯᕐᒥᒃ ᓲᓱᒋᔭᓕᓐᓂᒃ ᐱᒍᑦᔨᐅᑎᓂᒃ ᐅᐃᕆᒪᐅᑎᓕᕆᓂᕐᓂᒃ ᓄᓇᕕᒻᒥᐅᓕᒫᓄᑦ ᐊᕐᕌᒍᐃᑦ 20 ᓈᔪᓂᑦ.
ᐅᓪᓗᒥ, ᐃᓱᐊᕐᓯᕕᓕᐊᕈᒪᔪᓕᒫᓂᒃ ᐊᖏᕐᖃᔭᓲᖑᖕᖏᑐᒍᑦ ᐃᓱᐊᕐᓭᓃᑦ ᐊᑑᑎᓂᑕᒫᖏᓐᓂᑦ. ᐃᓪᓗᖁᑎᕗᑦ ᐊᑯᓂᓂᑕᐅᖃᑎᐅᓂᕐᕌᖑᒻᒪᑦ ᑰᑦᔪᐊᒥ : ᐊᒥᕆᑫᑦ ᐅᓇᑕᕐᑎᖏᓐᓄᑦ ᓴᓇᔭᐅᓚᐅᕐᑐᕕᓂᖅ 1943-ᖑᑎᓪᓗᒍ. ᒥᑭᓗᐊᕋᒥ 9 ᐅᖓᑖᓃᑦᑐᓂᒃ ᐃᓄᑦᑕᖃᕈᓐᓇᖏᑦᑐᖅ. ᒥᑭᓗᐊᕐᓱᓂᓗ ᐃᓚᒌᓄᑦ ᕿᑐᕐᖓᕆᔭᐅᔪᒧᑦ ᓇᔪᒐᐅᕐᖃᔭᖕᖏᓚᕿᔪᖅ, ᐳᓛᕆᐊᕐᕕᐅᓗᓂ ᑭᓯᐊᓂ ᒍᓐᓇᑐᖅ.
ᑲᑎᖕᖓᔩᑦ ᑐᑭᑖᕈᑎᒥᒃ ᐊᓂᒎᑎᑎᑦᓯᒪᔪᑦ ᐃᓱᐊᕐᓯᕕᐅᑉ ᐱᕙᓪᓕᐊᑎᑕᐅᓂᑦᓴᖓᑕ ᐸᕐᓇᓯᒪᐅᑎᖓᓂᑦ 2016-2036-ᒧᑦ ᐃᓕᖓᔪᒧᑦ. ᑖᓐᓇ ᐸᕐᓇᓯᒪᐅᑎᒃ
ᑐᕌᕐᓂᕆᓗᐊᖕᖑᐊᑕᕗᑦ :
1st: ᐱᐅᓯᐅᒥᑎᑦᓯᓂᖅ ᐅᓪᓗᒥᐅᔪᖅ ᐱᒍᑦᔨᐅᑎᐅᔪᓂᒃ ᑎᒥᐅᔪᖓᓂᓪᓗ
ᓲᖑᓯᐅᒥᑎᑦᓯᓂᖅ ᑎᒥᐅᔪᒥᒃ ᐱᒍᑦᔨᐅᑎᖏᓐᓂᓗ ᐱᒍᑦᔨᐅᑏᑦ ᐃᓄᓐᓄᑦ ᐱᐅᔫᒍᓐᓇᕕᓕᒫᖏᓐᓄᑦ ᐱᕕᖃᕐᑎᓯᒍᑎᐅᓂᐊᕐᒪᑕ, ᐱᕕᓕᒫᒃᑯᑦ ᐱᓇᓱᑦᑏᑦ ᖃᓄᐃᖕᖏᓯᐊᕐᑐᒥᒃ ᐱᓇᓱᕝᕕᖃᕐᓂᐊᒪᑕ, ᐃᓪᓗᖃᑦᓯᐊᑎᑦᓯᓂᖅ, ᐊᒻᒪᓗ ᓈᒻᒪᓯᐊᕐᑐᓂᒃ ᐊᓪᓚᕕᖃᕐᓗᓂ.
- ᐱᓇᓱᑦᑏᑦ ᐱᕈᓚᕐᑐᑦ 10-ᓂᑦ 40 ᐅᖓᑖᓄᑦ. ᓄᓇᓕᓕᒫᓂᑦ ᐱᓯᒪᔪᓂᒃ ᐃᓕᓐᓂᐊᑎᑦᓯᒍᑎᑦᓭᑦ ᐱᓇᓱᐊᕐᑕᐅᔪᑦ ᓄᓇᕕᒻᒥ ᐃᓗᓯᓕᕆᔨᒃᑯᓄᑦ.
2nd: ᐃᓂᖃᕈᓐᓇᓂᖓ ᐊᖏᓕᒋᐊᕐᓗᒍ ᐃᓄᐃᑦ ᐱᒍᑦᔭᐅᓂᕐᓴᐅᖃᑦᑕᓂᐊᕐᒪᑕ
ᐃᓱᐊᕐᓯᕕᒃ ᐱᕕᖃᕐᑎᓯᒍᓐᓇᓛᓕᕐᑐᖅ ᐃᓄᓐᓂᒃ ᐃᓄᒻᒪᕆᓐᓂᒃ ᓄᓇᕕᒻᒥᐅᓂᒃ ᐃᑲᔪᕐᑕᐅᒍᒪᔪᓂᒃ ᐃᓗᕐᖁᓯᕐᑎᒎᕐᑐᓂᒃ ᐱᒍᑦᔨᐅᑎᓂᒃ ᓄᓇᕕᒻᒦᓗᑎᒃ.
- ᐃᓪᓗᖅ ᓄᑖᖅ ᓴᓇᔭᐅᓗᓂ 2020-ᒥ ᐃᓪᓕᖃᕈᓐᓇᓗᓂ 22-ᓂᒃ ᑕᒪᕐᒥᒃ ᐊᖑᑏᑦ ᐊᕐᓀᓗ ᐊᑕᐅᑦᓯᑯᑦ ᐱᒍᑦᔭᐅᒍᓐᓇᓛᕐᒪᑕ.
3rd: ᐱᕙᓪᓕᐊᑎᑦᓯᓂᖅ ᐃᓚᒌᓂᑦ ᐱᒍᑦᔨᐅᑎᑦᓴᓂᒃ
ᐃᓚᒌᓂᑦ ᐱᒍᑦᔨᐅᑎᓄᑦ ᐃᓚᐅᑎᑦᓯᓂᖅ ᓴᐳᑦᔨᒍᑎᐅᒍᓐᓇᑐᖅ ᐁᑉᐊᕇᓐᓂᒃ, ᐃᓚᒌᓂᑦ ᕿᑐᕐᖓᕇᓐᓂᑦ ᐊᕐᓇᓂᓪᓗ ᐃᓗᒥᑦᑐᓂᒃ ᐃᒥᐊᓗᒻᒧᑦ ᐃᓚᒌᑦ ᓱᕐᕋᑕᐅᒍᑎᒋᒐᔭᕐᑕᖏᓐᓂᑦ ᐃᑯᓪᓚᑎᑦᓯᒋᐊᕈᑎᐅᓗᓂ, ᐱᓇᓱᐊᕐᑕᐅᔪᖅ ᐃᓄᓐᓄᑦ ᐱᓇᓱᐊᖃᑎᒌᑦᑐᓄᑦ.
- ᐃᓚᒌᓄᑦ ᓇᔪᒉᑦ, ᐯᕐᓯᕕᒃ, ᐊᒻᒪᓗ ᐃᓕᓐᓂᐊᕕᒃ ᓴᓇᔭᐅᓛᕐᒥᔪᑦ ᐱᓇᓱᑦᑏᓗ ᐃᓕᓐᓂᐊᑎᑕᐅᓛᕐᓱᑎᒃ ᐃᓚᒌᓂᑦ ᓴᐳᒻᒥᒍᓐᓇᕆᐊᖃᕐᓂᒥᒃ.
4th: ᐃᓚᒌᓄᑦ ᓇᔪᒉᑦ, ᐯᕐᓯᕕᒃ, ᐊᒻᒪᓗ ᐃᓕᓐᓂᐊᕕᒃ ᓴᓇᔭᐅᓛᕐᒥᔪᑦ ᐱᓇᓱᑦᑏᓗ ᐃᓕᓐᓂᐊᑎᑕᐅᓛᕐᓱᑎᒃ ᐃᓚᒌᓂᑦ ᓴᐳᒻᒥᒍᓐᓇᕆᐊᖃᕐᓂᒥᒃ.
ᐱᓇᓱᐊᖃᑎᒋᑦᓱᒋᒃ ᓄᓇᕕᒻᒥ ᐃᓗᓯᓕᕆᔨᒃᑯᑦ ᐊᒻᒪᓗ ᓴᕿᔪᖅ, ᐃᓱᐊᕐᓯᕕᒃ ᐱᑕᖃᕐᑎᓯᓛᕐᑐᖅ ᐃᓄᓕᕆᓂᕐᒥᒃ ᓄᓇᓕᖏᓐᓂᑦ ᐃᓄᐃᑦ ᐃᓱᐊᕐᓯᕕᒻᒦᑐᕕᓂᐅᓕᕐᑎᓗᒋᑦ.
- ᐃᓄᐃᑦ ᓄᓇᓕᓐᓂ ᐱᓇᓱᑦᑎᑖᕆᔭᐅᓛᕐᑐᑦ ᐃᓱᐊᕐᓭᔨᐅᓂᐊᕐᓗᑎᒃ ᓄᓇᓕᒻᒥᓂ. ᑕᒪᓐᓇ ᐃᓱᐊᕐᓯᕕᐅᑉ ᓴᐳᒻᒥᒍᑎᒋᓂᐊᕐᑕᖓ ᓄᓇᓕᓐᓂ.
ᐱᕙᓪᓕᐊᓂᕗᑦ ᑲᔪᓯᑦᓯᐊᑐᖅ :
- ᓇᔪᒻᒥᕕᒃ ᓄᓇᒥ ᑎᒍᒥᐊᕐᑎᑯᓐᓂᑦ ᐱᓇᓱᐊᖃᑎᖃᕐᓱᑕ ᐃᓱᐊᕐᓯᕕᐅᑉ ᓄᓇᑦᓴᖓᓂᑦ ᑎᒃᑯᐊᓯᓯᒪᓕᕐᑐᒍᑦ ;
- ᐃᓪᓘᑉ ᓴᓇᒻᒪᖓᑕ ᖃᓄᐃᑦᑑᓛᕐᓂᖓᓂᑦ ᐊᓪᓚᖑᐊᕐᑕᐅᑎᑦᓯᒋᐊᖕᖓᓯᒪᓕᕐᓱᒍᑦ ᐊᓪᓚᖑᐊᕐᑏᑦ EVOQ ᐱᓇᓱᐊᖃᑎᒋᑦᓱᒋᑦ ;
- ᐃᖏᕐᕋᑎᑦᓯᓂᕐᒧᑦ ᑮᓇᐅᔦᑦ ᑐᕌᒐᖏᑦ ᐅᓄᕐᓯᕙᓪᓕᐊᖒᔭᕐᑐᑦ ᐃᑲᔪᕐᓯᑎᓪᓗᒋᑦ ᐱᓇᓱᐊᖃᑎᒋᓲᕗᑦ ᓄᓇᕕᒻᒥ ᐃᓗᓯᓕᕆᔨᒃᑯᑦ;
- ᐱᓇᓱᑦᑎᑖᕆᐊᓪᓚᓯᒪᓕᕐᑐᒍᑦ ᐊᑐᐃᓐᓇᕈᕐᑎᖁᑎᒋᑦᓱᒍ ᓄᑖᒧᑦ ᐃᓪᓗᒧᑦ ;
- ᐱᓇᓱᐊᖃᑎᖃᕐᑐᒍᑦ ᓄᓇᕕᒻᒥ ᐃᓗᓯᓕᕆᔨᒃᑯᓂᑦ ᐊᒻᒪᓗ Nechi Training, Research & Health Promotions Institute ᐃᓕᓐᓂᐊᑎᑦᓯᖃᑦᑕᓛᕐᑐᓂᒃ ᐃᓕᑕᕆᔭᐅᒍᑎᑖᕐᑎᓯᓗᑎᓗ ᓄᓇᕕᒻᒥᐅᓂᒃ ᐃᓱᐊᕐᓭᔨᐅᓂᕐᒥᒃ ;
- ᑲᑎᒪᔨᐊᐲᑦ ᐅᓐᓂᑑᑎᓕᐊᒥᓂᒃ ᐱᔭᕇᕐᐸᓕᐊᓕᕐᑐᑦ ᐃᓕᖓᔪᓄᑦ ᐃᓚᑦ ᐱᒍᑦᔭᐅᒍᑎᑦᓴᖏᑦ ᖃᓄᐃᑦᑑᓗᑎᒃ ᐃᓂᓪᓚᖓᓂᐊᕐᒪᖔᑕ ;
- ᐱᓇᓱᐊᕋᑦᓴᓕᐊᕆᓯᒪᔭᕗᑦ ᓴᐳᒻᒥᔭᐅᔪᖅ ᒪᑭᕝᕕᒧᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ, ᓄᓇᕕᒻᒥ ᐃᓗᓯᓕᕆᔨᒃᑯᓄᑦ, ᑰᑦᔪᐊᑉ ᓄᓇᓕᖓᑕ ᑲᕙᒫᐱᖓᓄᑦ, ᐊᒻᒪᓗ ᐅᖓᕙᐅᑉ ᑮᓇᐅᔭᖃᕐᑎᓯᓂᕐᒨᓕᖓᔪᑦ ᐅᖄᖃᑎᒌᒍᑎᐅᖃᑦᑕᓕᕐᑐᑦ ᑯᐯᒃ ᑕᕋᕐᖓᓂ ᐱᕙᓪᓕᐊᑎᑦᓯᓂᕐᒧᑦ ᑎᒥᖁᑎᖓᓂᑦ, ᓄᓇᖃᕐᖄᓯᒪᔪᑦ ᐱᓂᐊᕐᓂᓕᕆᕕᖓᓂᑦ, ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᑐᕐᖃᑕᕐᕕᖓ ᑯᐯᒻᒥ, ᐊᒻᒪᓗ ᑲᓇᑕᒥ ᐃᓗᓯᓕᕆᔨᒃᑯᑦ.