ᓄᓇᓕᒻᒧᑦ ᐃᓚᐅᓂᕗᑦ

ᐃᓱᐊᕐᓯᕕᒃ ᓄᓇᕕᒻᒥ ᐅᐃᕆᒪᔪᑦ ᐃᑲᔪᕐᑕᐅᕕᖓᓂ, ᐅᑉᐱᕆᔭᖃᕐᖁᒍᑦ ᐱᐅᔪᒥᒃ ᓱᕐᕃᓂᖅ ᐱᒋᐊᓲᖑᒋᐊᖓ ᐃᓱᐊᕐᓯᕕᒻᒥᑦ ᐊᒻᒪᓗ ᐃᕐᐸᓱᓂ ᓄᓇᕕᓕᒫᒧᑦ ᐃᓚᐅᓂᒃᑯᑦ ᐊᑦᔨᒌᖕᖏᑐᓂ ᓄᐃᑕᒌᕐᑐᓂ ᑲᑎᒪᔨᓂ ᐊᒻᒪᓗ ᐱᓇᓱᖃᑎᒌᑦᑐᓂ ᓴᐳᑦᔨᓯᐊᓕᐅᒥᒐᓱᑦᓱᑎᒃ ᐅᐃᕆᒪᓂᕐᑕᖃᖕᖏᑐᒥᒃ ᐃᓅᓯᕐᒥᒃ ᓄᓇᕕᒻᒥᐅᓄᑦ.

ᐃᓱᐊᕐᓯᕕᒃ ᐃᓚᐅᓯᒪᓕᕐᑐᖅ 2010-ᓂᑦ ᐅᐃᕆᒪᓂᓕᕆᓂᕐᒧᑦ ᑲᑎᖕᖓᔨᓄᑦ, ᑲᑐᑦᔨᖃᑎᒌᓐᓂᐅᓱᓂ ᑲᑎᖕᖓᕕᒃ ᐊᐅᓚᑕᐅᑦᓱᓂ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᖕᖓᔨᓄᑦ.

2016-ᓂᑦ, ᐃᓱᐊᕐᓯᕕᒃ ᐃᓚᐅᓕᕐᑐᖅ ᓴᕿᔪᖅ ᐱᓇᓱᐊᕐᓂᒧᑦ, ᐃᓄᑐᐃᓐᓀᑦ ᐱᒋᐊᕐᑎᓯᒪᔭᖓ ᓴᐳᑦᔨᔪᖅ ᐃᓅᖃᑎᒌᓐᓂᐅᑉ ᐊᐅᓚᑕᐅᓂᖓᓂᒃ ᓄᓇᕕᒻᒥ. ᓴᕿᔪᒃᑯᑦ, ᓄᓇᓕᓐᓂ, ᓄᓇᕕᒻᒥ, ᐊᒻᒪᓗ ᑯᐯᒃᒥ ᐱᓇᓱᖃᑎᒌᑦᑐᑦ ᒥᑭᓕᒋᐊᕆᒐᓱᑦᑐᑦ ᐱᖁᔭᒥᒃ ᓯᖁᑦᑎᕆᓂᕐᒥᒃ, ᐃᕐᖃᑐᐃᕕᒃᑰᑲᑕᓐᓂᒥᒃ, ᐊᒻᒪᓗ ᓱᒃᑯᑎᕆᓂᕐᒥᒃ ᐱᑦᔪᑕᐅᑎᓪᓗᒍ ᐋᖓᔮᓐᓇᑐᕐᑐᓗᐊᖃᑦᑕᓂᖅ. ᓴᕿᔪᖅ ᑲᑎᑎᑦᓯᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ, ᒪᑭᕝᕕᒥᒃ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᖕᖓᔨᓂᒃ ᐊᒻᒪᓗ ᑲᑎᕕᒃᑯᑦ ᐳᓖᓯᖏᓐᓂᒃ ᐊᒻᒪᓗ ᐊᒥᓲᖕᖏᑐᑦ ᑯᐯᒃ ᑲᕙᒪᖓᑕ ᑐᕐᖃᑕᕐᕕᖃᕐᕕᖏᑦ ᐆᑦᑑᑎᒋᓗᒋᑦ ᐃᕐᖃᑐᐃᕕᓕᕆᓂᖅ, ᓇᐅᓕᒫᓂᒃ ᐊᑦᑕᓇᕐᑐᒦᑦᑎᓯᑦᑌᓕᓂᖅ ᐊᒻᒪᓗ ᐃᓗᓯᓕᕆᓂᖅ ᐃᓄᓕᕆᓂᕐᓗ.

Our services are suspended until further notice - Read more
Nos services sont suspendus jusqu’à nouvel ordre - Tous les détails
ᐃᓱᐊᕐᓯᕕᒃ ᓄᕐᖃᑎᑦᓯᑫᓐᓇᑐᖅ ᐱᒍᑦᔨᓂᕐᒥᓂᒃ ᖃᐅᔨᑎᑦᓯᒍᑎᐅᒋᐊᓪᓚᖏᓐᓂᖓᓂ COVID-19 ᐱᑦᔪᑎᒋᑦᓱᒍ - ᐊᓪᓚᓂᐊᕆᐊᓪᓚᕆ
+