ᒪᒥᓴᕐᓂᒥᒃ ᐱᓇᓱᐊᕐᓂᕗᑦ
ᐃᓘᓐᓈᒍᑦ ᒪᒥᓴᕐᑎᓯᓂᕗᑦ ᐅᐊᕈᑎᓕᒃ ᐃᓄᐃᑦ ᐱᐅᓯᑐᖃᖓᑕ ᐃᓪᓕᕆᔭᖏᓐᓂᒃ ᐊᒻᒪᓗ ᓄᑖᓂᒃ ᐱᓇᓱᒍᓯᕐᓂᒃ ᐱᐅᓂᕐᐹᓂᒃ ᐅᐃᕆᓯᒪᓂᕐᓅᓕᖓᔪᓄᑦ ᐊᒻᒪᓗ ᑲᒡᒐᓯᒪᔪᓕᕆᓂᕐᓄᑦ.
ᐃᓱᐊᕐᓯᕕᒻᒥ ᐃᓄᑐᐊᑦ ᒪᒥᓴᕐᓂᖓ ᓱᓇᓕᒫᓂᒃ ᐃᓗᓕᓕᒃ 6-ᓄᑦ ᐱᓇᓱᐊᕈᓯᕐᓅᓕᖓᔪᖅ. ᒪᒥᓴᕆᐊᕐᓯᒪᔪᑦ ᐊᑦᔨᒌᖕᖏᑐᓂ ᒪᒥᓴᕐᓂᓃᓲᑦ ᐊᒻᒪᓗ ᓱᖃᑦᓯᓂᕐᓂ, ᓂᕿᑦᓯᐊᓂᒃ ᓂᕆᖃᑦᑕᓱᑎᒃ ᐊᒻᒪᓗ ᐃᓄᐃᑦ ᐱᐅᓯᑐᖃᖏᓐᓂᒃ ᐊᓕᐊᓱᓪᓗᑎᒃ ᐊᑐᕐᓗᑎᒃ.
ᐊᑕᐅᑦᓯᑯᑦ ᒪᒥᓴᕐᕕᐅᑉ ᓄᑖᑉ ᒥᑦᓵᓄᑦ
2023ᒥ, ᐃᓱᐊᕐᓯᕕᒃ ᐅᒃᑯᐃᓯᓛᕐᑐᖅ ᓄᑖᒥᒃ ᓄᑖᖑᓂᕐᐹᓂᒃ ᐃᓂᒥᒃ ᓱᖃᑦᓯᕕᓕᒻᒥᒃ, ᐃᓂᖃᕐᓂᓴᒥᒃ ᐋᕐᑭᑕᐅᒪᔪᒥᒃ ᐃᓄᐃᑦ ᐃᓗᕐᕈᓯᖏᓐᓄᑦ ᓱᖃᑦᓯᒍᑎᓄᑦ. ᐃᓱᐊᕐᓯᕕᒃ ᓄᑖᖅ ᐱᖓᓱᕕᓪᓗᐊᑐᓂᒃ ᒪᒥᓴᕆᐊᕐᑐᖃᕈᓐᓇᓛᕐᑐᖅ ᐱᐅᓰᒋᐊᕐᓗᓂᓗ ᐱᒍᑦᔨᓂᑦᑎᓕᒃ ᐊᑐᐃᓐᓇᐅᑎᑕᑦᑎᓂᒃ.
ᐱᒍᑦᔨᒍᑎᑎᓐᓂᒃ ᐅᑉᐱᕈᓱᑦᑐᑦ/h1>
ᐃᓱᐊᕐᓯᕕᒃ ᐅᕙᓐᓂᒃ ᐃᓱᒪᐃᓐᓇᖅ ᐃᑲᔪᕐᓯᓯᒪᔪᖅ . ᐱᐊᕋᒃᑲᓂᒃ ᑲᒪᒋᐊᒥᒃ ᑲᑦᓱᖓᐃᓐᓂᓴᐅᓕᕐᑐᖓ. ᐋᓐᓂᕈᑎᒋᓯᒪᔭᒃᑲᓂᒃ ᐃᑉᐱᓂᐊᖕᖏᓂᕐᓴᐅᓕᕐᑐᖓ.
[ᒪᒥᓴᕐᓂᖅ] ᐅᕙᓐᓂᒃ ᐃᓱᒪᐃᓐᓇᖅ ᐃᑲᔪᕐᓯᓯᒪᔪᖅ ᐋᓐᓂᕈᑎᒋᓯᒪᔭᒃᑲᓂᒃ ᒪᒥᓴᕈᑎᒋᑦᓱᒍ. ᐅᕙᓐᓂᒃ ᐃᓱᒪᐃᓐᓇᖅ ᓱᕐᕋᐃᓯᒪᔪᖅ, ᐅᖄᒍᓐᓇᓯᑎᑦᓯᓱᓂ ᐊᒻᒪᓗ ᐃᑉᐱᓂᐊᒋᔭᒃᑲᓂᒃ ᐅᖁᒪᐃᒋᓂᕐᐹᑲᓂᒃ ᐅᖄᒍᓐᓇᓯᑦᓱᖓ ᐆᑦᑑᑎᒋᓗᒍ ᐋᓐᓂᐊᒍᑎᒃᑲ ᐃᓕᕋᓱᒍᑎᒃᑲᓗ. ᐃᓅᓯᕋᓂ ᐱᒋᐊᑦᓯᐊᕈᒪᔪᖓ.
ᓯᕗᒧᑦ ᐃᖏᕐᕋᓂᕋ ᓄᑖᖅ ᐱᒋᐊᕐᑐᖅ, ᐋᕐᕿᕙᓪᓕᐊᓂᕋ ᓯᕗᓂᑦᓴᒧᑦ ᐱᐅᓂᕐᓴᒧᑦ. ᐱᓇᐃᓗᑕᒃᑲᓄᑦ ᐅᖃᐅᓯᖃᓕᕐᖁᖓ ᐅᖃᐅᓯᖃᕐᑎᓚᐅᕐᓯᒪᖕᖏᑕᒃᑲᓄᑦ ᐊᒻᒪᓗ ᐱᔭᕆᐊᑭᓐᓂᓴᐅᓚᖓᓯᔪᖅ ᐅᕙᓐᓄᑦ ᓯᕗᓂᕐᒥ ᖃᓄᖅ ᐃᑉᐱᓂᐊᕐᒪᖔᕐᒪ ᐅᖃᕈᓐᓇᓯᓗᖓ ᐊᒻᒪᓗ ᖃᓄᖅ ᐃᑉᐱᒍᓱᒻᒪᖔᕐᒪ. ᑲᑦᓱᖓᐃᓐᓂᓴᐅᓕᕐᑐᖓ ᐅᐱᒍᓱᑦᓱᖓᓗ ᐊᒻᒪᓗ ᐃᑉᐱᓂᐊᕐᓂᑯᑦ ᓲᖑᓂᕐᓴᐅᓕᓱᖓ, ᐅᑉᐱᓂᒃᑯᓗ.
ᐃᓅᓯᕐᒥ ᐱᕕᑦᓴᑖᕆᐊᓪᓚᓯᒪᔪᕐᔫᔮᕐᑐᖓ ᐊᒻᒪᓗ ᐃᒻᒥᓂᒃ ᐃᓕᑦᓯᒋᐊᓪᓚᓯᒪᑦᓱᖓ. ᐱᓇᓱᑦᑏᑦ ᐅᕙᓐᓂᒃ ᑐᑭᖃᑦᓯᐊᑐᓂᒃ ᑐᑭᑖᕐᑎᓯᖃᑦᑕᓚᐅᕐᖁᑦ ᐃᓅᓯᕋᓅᓕᖓᔪᓂᒃ.
ᐱᖕᖑᐹ ᐃᒥᐊᓗᑦᑕᐃᓕᓕᐅᑎᓂᖅ
ᓄᓇᕕᒻᒥ ᐃᒥᐊᓗᑦᑕᐃᓕᓕᐅᑎᓂᖅ ᖁᕕᐊᓲᑎᓕᒃ 5ᓂᒃ ᐅᑭᐅᓂᒃ ᐊᑑᑎᓂᕐᒥᓂᒃ!
ᐊᕐᕌᒍᑕᒫᑦ ᕕᕗᐊᕆᐅᑉ ᑕᕐᕿᖓᓂ, ᐃᓚᐅᔪᑦ 14ᓂ ᓄᓇᕕᒻᒥ ᓄᓇᓕᓐᓂ ᐊᒻᒪᓗ ᐅᖓᑖᓂ ᐅᒥᐊᓗᑦᑕᐃᓕᓲᖑᕗᑦ 28ᓂᒃ ᐅᓪᓗᓂᒃ
ᑐᓴᐅᒪᖃᑎᒌᖏᓐᓇᓗᒃ!
