ᐱᐊᕋᕐᓂᒃ ᐃᓕᓐᓂᐊᑎᑦᓯᔨ (ᐱᐊᕋᓕᕆᔨ)
ᖃᓄᐃᓕᖓᐅᑎᖏᑦ
ᐃᓕᒪᓪᓚᕆᓚᖓᔪᖅ / ᐃᓗᐃᒃᑲᑎᒎᕐᓗᓂ
ᐱᓇᓱᕝᕕᖓ
ᐃᓄᐃᑦ ᐃᓪᓕᕆᔭᖏᑦ ᐱᓇᓱᐊᕈᓯᖏᓪᓗ
ᔪᕐᑕᖓ
ᑰᑦᔪᐊᖅ, ᑯᐯᒃ
ᓂᕕᖓᓂᖓᑕ ᐃᓱᓕᕕᑦᓴᖓ
September 28th 2023
ᐱᐊᕋᕐᓂᒃ ᐃᓕᓐᓂᐊᑎᑦᓯᔨ (ᐱᐊᕋᓕᕆᔨ) ᐱᒻᒪᕆᒻᒥᒃ ᐱᓇᓱᒐᖃᕐᖁᖅ ᐃᑲᔪᕐᓱᓂ ᐱᐊᕋᕐᓂᒃ ᐱᕈᕐᐸᓕᐊᑎᓪᓗᒋᑦ, ᓴᓗᒪᑎᑦᓯᓗᓂ, ᐃᓗᓯᖓᓂᒃ, ᖃᓄᐃᖕᖏᓯᐊᕐᓂᖓᓂᓗ ᐊᑦᑕᓇᖕᖏᑐᒦᑦᑎᓗᒍ ᐊᖓᔪᕐᖄᖏᑦ ᒪᒥᓴᕐᑕᐅᕕᒻᒦᓗᑎᒃ ᐱᓇᓱᐊᕐᑕᐅᑎᓪᓗᒋᑦ.
ᐱᑦᔪᑎᖓ ᐱᓇᓱᒐᐅᑉ
ᐊᖓᔪᕐᖄᖃᕐᓗᓂ ᐃᓄᐃᑦ ᐃᓪᓕᕆᔭᖏᑦᑕ ᐱᓇᓱᐊᕐᕈᓯᖏᑦᑕᓗ ᑲᒪᔨᖓᓂᒃ ᐊᒻᒪᓗ ᖃᐅᑕᒫᑦ ᑲᒪᒋᔭᐅᓗᓂ ᐊᑕᐅᑦᓯᑰᕐᑎᓯᔨᖓᓄᑦ ᐅᕕᒐᕐᑐᐃᑦ ᐱᒍᑦᔭᐅᒍᑎᖏᑦᑕ, ᐱᐊᕋᕐᓂᒃ ᐃᓕᓐᓂᐊᑎᑦᓯᔨ (ᐱᐊᕋᓕᕆᔨ) ᑲᒪᒋᐊᖃᕋᔭᕐᑐᖅ ᐱᐊᕋᕐᓂᒃ (0-ᒥᑦ 60-ᓄᑦ ᑕᕐᕿᓕᓐᓂᒃ) ᐱᕈᕐᐸᓕᐊᑎᓪᓗᒍ, ᓴᓗᒪᑎᑦᓯᓗᓂ, ᐃᓗᓯᖓᓂᒃ, ᖃᓄᐃᖕᖏᓯᐊᕐᓂᖓᓂᓗ ᐊᑦᑕᓇᖕᖏᑐᒦᑦᑎᓗᒍ. ᐃᓕᓐᓂᐊᑎᑦᓯᔨ ᑲᒪᒋᔭᖃᕆᐊᖃᕐᒥᔪᖅ ᐸᕐᓇᓯᒪᐅᑎᓂᒃ ᐊᑐᕐᑕᐅᑎᑦᓯᓗᓂᓗ ᐃᓕᓐᓂᐊᑎᑦᓯᒍᑎᓄᑦ ᐅᑭᐅᖏᓐᓅᓕᖓᔪᓂᒃ ᐊᖓᔪᕐᖄᖏᑦ ᑌᑲᓃᑦᑎᓗᒋᑦ ᓴᓗᐊᕐᓴᕕᒻᒥ.
ᐊᑐᓪᓗᑐᕆᐊᓖᑦ ᐱᔭᑦᓴᐃᑦ ᐊᒻᒪᓗ ᑲᒪᒋᒋᐊᓕᖏᑦ
ᐊᑐᐃᓐᓇᕈᕐᑎᓂᖅ ᐱᒍᑦᔨᒍᑎᓂᓪᓗ ᐱᑕᖃᕐᑎᓯᓂᖅ
- ᐸᕐᓇᓗᓂ ᐊᑐᕐᑕᐅᑎᑦᓯᓗᓂᓗ ᐃᓕᓐᓂᐊᑎᑦᓯᒍᑎᓂᒃ ᐃᑉᐱᒋᔭᖃᑦᓯᐊᓗᓂ ᐱᐊᕋᐅᑉ ᐱᕈᕐᐸᓕᐊᓂᖓᓂᒃ
- ᐸᕐᓇᓗᓂ ᐊᑐᕐᑕᐅᑎᓗᒋᓪᓗ ᐊᓯᑦᔨᕈᑕᐅᔪᑦ ᐊᒻᒪᓗ ᐊᑐᕐᑕᐅᑎᑕᐅᖃᑦᑕᑐᑦ
- ᐱᑕᖃᕐᑎᓯᓗᓂ ᐱᒍᑦᔨᒍᑎᓂᒃ ᐱᐊᕋᕐᓄᑦ ᐱᐅᓯᕐᓲᑎᓕᓐᓄᑦ
- ᐃᑉᐱᒋᓗᒋᑦ ᐊᒻᒪᓗ ᐊᑐᕐᑕᐅᑎᒐᓱᐊᕐᓗᒋᑦ ᖃᓄᐃᖕᖏᓯᐊᓂᕐᒧᑦ ᐊᒻᒪᓗ ᐊᑦᑕᓇᖕᖏᑐᒦᑦᑎᓯᓂᕐᒧᑦ ᐱᐊᕋᕐᓂᒃ
- ᐃᑉᐱᒋᓪᓗᒋᑦ ᐅᖄᖃᑎᖃᑦᓯᐊᓂᕐᒥᒃ ᐊᖓᔪᕐᖄᖏᓐᓂᒃ ᐊᒻᒪᓗ ᒪᒥᓴᕐᑎᓯᓂᕐᒥᒃ ᐱᓇᓱᑦᑎᖏᓐᓂᒃ
- ᐱᓇᓱᐊᖃᑎᖃᑦᓯᐊᓗᓂ ᐱᓇᓱᖃᑎᒌᖑᖃᑎᒥᓂᒃ
- ᐅᒃᑯᐃᓯᓗᓂ ᓄᑕᐅᓯᓕᑎᕆᓗᓂᓗ ᐊᑐᓂᒃ ᐱᐊᕋᕐᓄᑦ ᑲᒪᒋᔭᒥᓂᒃ, ᐊᑐᐃᓐᓇᕈᕐᑎᓗᒋᑦ ᐊᒻᒪᓗ ᑐᓴᕐᑎᓯᒍᑎᓂᒃ ᑐᑦᓯᕋᐅᑕᐅᔪᓂᒃ.
ᐊᐅᓚᑦᓯᕕᒃ
- ᑲᑎᖕᖓᖃᑕᐅᓗᓂ ᐋᕐᑭᓱᕐᓯᒪᒌᕐᑐᓄᑦ ᕐᐱᓇᓱᑦᑏᑦ ᑲᑎᖕᖓᓂᓕᒫᖏᓐᓄᑦ ᐊᒻᒪᓗ ᖃᓄᕐᑑᖃᑕᐅᓗᓂ ᐱᐅᓯᒋᐊᕈᑎᑦᓴᓂᒃ.
ᐱᔪᓐᓇᕆᐊᓕᖏᑦ
ᐃᓕᓴᕐᓯᒪᓂᖅ
- ᐳᕐᑐᓂᕐᓴᒥ ᐃᓕᓐᓂᐊᕆᕈᑎᖃᕐᓗᓂ (ᐱᐅᔫᕋᔭᕐᑐᖅ).
- ᐱᒋᐅᕐᓴᓯᒪᓗᓂ ᐱᐊᕋᕐᓅᓕᖓᔪᓂᒃ ᐃᓕᓐᓂᐊᑎᑦᓯᓂᕐᒥᒃ.
- ᐱᔭᕇᕈᑎᑖᕐᓯᒪᓗᓂ ᓇᓗᓀᕐᑕᐅᒍᑎᑖᕐᓯᒪᓗᓂᓘᓐᓃᑦ (ᐱᐅᔫᕋᔭᕐᑐᖅ).
- ᐱᒍᒪᓂᖃᑦᓯᐊᓗᓂ ᐃᓚᐅᓂᕐᒧᑦ ᐃᓕᓐᓂᐊᑎᑦᓯᒍᑎᓂᒃ ᐱᓇᓱᐊᕐᑕᐅᔪᓂᒃ.
ᐱᓇᓱᐊᕐᓯᒪᓂᖓ
- 1ᒥᒃ ᐅᑭᐅᒥ ᐊᑦᔨᒐᓚᖓᓂ ᐱᓇᓱᒐᕐᒥ ᐱᓇᓱᓕᓂᐅᓗᓂ.
ᖃᐅᔨᒪᓂᖏᑦ ᐊᒻᒪᓗ ᐱᔪᓐᓇᑕᖏᑦ
- ᐃᒻᒥᓄᑦ ᐱᓇᓱᒐᕐᒧᓗ ᐊᑑᑎᓯᒪᓗᓂ ᐃᓗᕐᖁᓯᖃᑎᒌᖕᖏᑐᓂᒃ ᐱᓇᓱᖃᑎᖃᕐᓂᒥᒃ.
- ᐃᒻᒥᓂᕿᒍᓐᓇᓯᐊᕐᓗᓂ ᐱᓇᓱᐊᕐᓗᓂ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᖃᑎᒌᓂ.
- ᐱᒍᓐᓇᓯᐊᕐᓗᓂ ᑫᕙᓪᓚᒍᓰᑦ ᐱᓇᓱᕝᕕᐅᓲᑦ ᓯᓚᑖᓂ ᐱᓇᓱᒍᓐᓇᓗᓂ.
- ᖃᐅᔨᒪᑦᓯᐊᓗᓂ ᖃᕆᑕᐅᔭᓕᕆᐅᑎᓂᒃ Microsoft Office-ᓚᔭᐅᔪᓂᒃ, ᐃᓚᐅᑎᓪᓗᒋᑦ Word, Excel ᐊᒻᒪᓗ Outlook ᐱᐅᔫᕋᔭᕐᑐᖅ.
- ᑐᑭᓯᒪᑦᓯᐊᓗᓂ ᑐᓴᐅᒪᔭᐅᒋᐊᖃᖕᖏᑐᑦ ᐃᕐᐸᑎᑕᐅᒋᐊᖃᖕᖏᓂᖏᓐᓂᒃ ᐃᑉᐱᒍᓱᑦᓯᐊᓗᓂᓗ ᐱᓇᓱᒍᓐᓇᓗᓂ ᐊᒻᒪᓗ ᐱᐅᓯᕐᓲᑕᐅᒋᐊᓕᓐᓂᒃ ᐊᑐᕐᓗᓂ.
ᐅᖃᐅᓯᖅ
- ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᕆᐊᓕᒃ, ᐊᒻᒪᓗ ᐅᖃᕈᓐᓇᕆᐊᓕᒃ ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ (ᑌᒣᒍᓐᓇᓗᓂ ᑭᓯᐊᓂᑦᓯᐊᖅ)
- ᐊᑐᐊᕐᓯᒍᓐᓇᓗᓂ, ᐊᓪᓚᒍᓐᓇᓗᓂ ᐊᒻᒪᓗ ᐅᖃᕈᓐᓇᓗᓂ ᐅᐃᒍᐃᑎᑐᑦ (ᐱᓪᓗᖁᑎᒃ).
ᐱᓇᓱᕝᕕᐅᑉ ᐊᕙᑎᖓ
- ᐃᓱᐊᕐᓯᕕᒃ ᐱᒐᓱᐊᒻᒪᕆᐅᑎᖃᖃᑦᑕᑐᖅ ᓄᑦᑎᑎᕐᓂᒥᒃ ᐊᓯᑦᔨᑐᕈᑎᖃᕐᓱᓂᓗ ᖃᓄᓕᒫᖅ ᑌᒪ ᓴᖑᒍᐊᕐᑑᒋᐊᖃᕐᓇᖃᑦᑕᑐᖅ, ᐃᓱᒪᑦᓴᓯᐅᕐᓯᑎᐅᓗᓂᓗ ᐊᒻᒪᓗ ᓱᖏᐅᑎᒍᐊᕐᑑᓗᓂ.
- ᐱᓇᓱᒐᕐᑖᓚᖓᔪᖅ ᓈᒻᒪᖁᐊᕇᒃᑫᒍᓐᓇᓯᐊᕆᐊᖃᓚᖓᔪᖅ ᐊᒥᓱᐃᓂᒃ ᕿᓄᒍᑕᐅᔪᓂᒃ ᐊᒻᒪᓗ ᐅᐃᒪᓇᕐᑎᓗᒋᑦ ᕿᓄᒍᑕᐅᔪᓂᒃ ᙯᖁᔭᐅᓯᒪᔪᓄᑦ, ᐱᓇᓱᑦᑎᓄᑦ ᐊᒻᒪᓗ ᐱᓇᓱᐊᕐᓂᓂᒃ ᑲᑐᑦᔨᖃᑕᐅᔪᓄᑦ.
- ᐱᓇᓱᒐᕐᑖᓚᖓᔪᖅ ᐊᑐᐃᓐᓇᐅᕕᖃᕆᐊᖃᕐᒥᔪᖅ ᖃᐅᔨᖃᑦᑕᓚᖓᓂᕐᒥᓂᒃ ᓇᒻᒥᓂᖅ ᐊᒻᒪᓗ ᐱᓇᓱᑦᑎᐅᓂᕐᒥᑎᒍᑦ ᐱᒐᓱᐊᒻᒪᕆᓐᓇᑐᓂᒃ ᐃᓕᖓᑦᓱᑎᒃ ᑕᕐᕋᒥ ᐃᓅᕕᖃᕐᓂᒧᑦ, ᓄᓇᓕᓐᓂ ᐅᖓᓯᑦᑐᒦᓪᓗᓂ ᑭᖕᖒᒪᓇᕐᑐᓗ ᐃᓘᓐᓇᓕᒫᑎᒃ ᐱᑕᖃᓲᒍᖕᖏᓂᖏᓐᓂᒃ ᖃᓄᐃᑦᓴᕈᓐᓀᓗᓂ.
ᑮᓇᐅᑦᔭᓵᑦ/ᐱᕙᓪᓕᖁᑎᑦᓭᑦ
- ᐱᓇᓱᓐᓂᒧᑦ ᖃᓄᐃᓕᖓᓂᖏᑦ ᑐᖕᖓᕕᖃᕐᖁᑦ ᓄᓇᕕᐅᑉ ᐃᓗᓯᓕᕆᓂᖏᓐᓄᑦ ᐊᒻᒪᓗ ᐃᓄᓕᕆᔩᑦ ᐊᑐᕐᑕᖏᓐᓂᒃ.
- ᑮᓇᐅᑦᔭᓵᖏᑦ ᑐᑭᑖᕐᑕᐅᓛᕐᑐᖅ ᐱᔪᓐᓇᐅᑎᖏᑦ ᐊᒻᒪᓗ ᐱᓇᓱᓕᓂᐅᓂᖓ ᒪᓕᓪᓗᒍ.
- ᐆᑦᑐᕋᕐᑕᐅᓂᖓ ᐱᓇᓱᒐᕐᒥᒃ.
- ᐱᔭᕆᐅᕐᓴᑕᐅᓂᖅ ᐅᕝᕙᓘᓐᓃᑦ ᐃᓕᓐᓂᐊᑎᑕᐅᓃᑦ ᐊᑐᐃᓐᓇᐅᕗᑦ (ᐊᑐᕆᐊᓖᑦ ᒪᓕᑦᑕᐅᖏᑐᐊᕐᐸᑕ).
ᐱᓇᓱᕝᕕᐅᑉ ᑐᕌᒐᒋᕙᐅᒃ ᐃᓕᔨᖔᕋᓱᐊᕐᐸᓂᖅ ᐊᒻᒪᓗ ᐱᕙᓪᓕᐊᑎᓗᒋᑦ ᐱᓇᓱᒐᕐᑖᐸᓪᓕᐊᓂᖏᑦ ᐃᓚᐅᔪᑦ ᐃᓚᖓᓐᓄᑦ ᐃᓄᐃᑦ ᓄᓇᖃᕐᓂᒧᑦ ᐊᖏᖃᑎᒌᒍᑎᖏᓐᓄᑦ. ᑌᒣᒻᒪᑦ, ᐃᓱᒪᒥᐅᑎᖃᕐᐳᑦ ᑲᑎᒪᔩᑦ ᐃᓕᑕᕐᓯᖔᕈᒪᒍᑎᒃ ᓇᓪᓕᑐᐃᓐᓇᖏᓐᓂᒃ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᐅᒋᐊᓕᓐᓂᒃ ᐊᓯᑦᔩᒍᓐᓇᓱᑎᒃ ᐊᒻᒪᓗ ᐃᖏᕐᕋᓯᑎᑦᓯᓗᑎᒃ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓘᓐᓃᑦ ᓯᓚᑦᑐᓭᓂᕐᒧᑦ ᐸᕐᓀᒍᑎᒥᒃ ᒋᐊᖃᕐᐸᑦ.