ᓱᓇᐅᓂᖏᑦ

ᐃᓱᐊᕐᓯᕕᒃ ᑕᓪᓕᒪᓂᒃ ᐃᓱᐊᕐᓭᓂᖃᓱᖅ ᐊᕐᓇᓄᑦ ᐊᖑᑎᓄᓪᓗ ᐊᕕᑦᑐᓯᒪᔪᓄᑦ ᐊᕐᕌᒎᑉ ᐃᓗᐊᓂ. ᐃᓂᖃᕈᓐᓇᓱᓂ 9-ᓂᒃ ᐃᓄᓐᓂᒃ ᐃᓱᐊᕐᓭᓂᑕᒫᑦ. ᐅᐃᕆᒪᐅᑎᓄᑦ ᐃᓱᐊᕐᓭᔨ ᐊᐅᓚᑦᓯᓲᖅ ᐃᓱᐊᕐᓭᓂᑕᒫᑦ.

ᐃᓱᐊᕐᓭᓃᑦ ᐱᒍᑦᔨᓲᑦ ᐃᒻᒥᒎᓈᕐᑎᑐᓂᒃ ᐊᒥᓲᓈᕐᑎᑐᓂᓪᓗ, ᐃᓕᓐᓂᐊᑎᑦᓯᓂᖃᕐᓱᑎᒃ ᐅᐃᕆᒪᐅᑎᓄᐊᖓᔪᓂᑦ ᐱᐅᓯᕐᓲᑎᓄᓪᓗ ᐃᓕᖓᔪᓗᑦ ᐅᐃᕆᒪᐅᑎᓄᑦ, ᒪᒥᓭᓂᕐᒥᒃ ᖁᐊᕐᓵᓇᕐᑐᑰᕐᓯᒪᓂᕐᒧᑦ ᐃᓚᖕᖓᓯᒪᓂᕐᒧᓗ, ᐊᒻᒪᓗ ᑐᑭᓯᓭᓂᕐᒥᒃ ᐅᑉᐱᓂᕐᒥᒃ ᐃᓗᕐᖁᓯᕐᒥᓗ. ᐃᓱᐊᕐᓭᓃᑦ ᐃᓕᓐᓂᐊᑎᑦᓯᒍᑏᓪᓗ ᐃᓄᒃᑎᑑᕐᑐᑦ. ᓱᖃᑦᓯᓃᑦ ᐃᓚᖃᕐᑐᑦ ᓄᓇᒦᓐᓂᒥᒃ ᒪᙯᓐᓂᒥᒃ, ᐃᖃᓪᓕᐊᓂᕐᒥᒃ ᓄᓂᕙᓐᓂᒥᓪᓗ, ᐊᒻᒪᓗ ᒥᕐᓱᑎᑦᓯᓂᕐᒥᒃ, ᓴᐸᖓᓕᕆᓂᕐᒥᒃ, ᕿᔪᓕᕆᓂᕐᒥᒃ, ᐊᓯᖏᓐᓂᓗ. ᐃᓄᐃᑦ ᐋᐋᓕᐊᓲᑦ ᐱᖓᓱᕕᑦᓱᒃ ᐱᓇᓱᐊᕈᓯᐅᑉ ᐃᓗᐊᓂ ᑐᑦᓯᐊᕕᓕᐊᕈᓐᓇᑎᑕᐅᓲᖑᑦᓱᑎᓗ ᐊᓪᓕᑐᖃᒥ. ᐃᓄᑐᖃᕐᓂᒃ ᐳᓛᕆᐊᓲᑦ ᑲᑎᒪᓂᐊᕈᓯᖃᕐᑎᑕᐅᓲᖑᑦᓱᑎᓗ ᐃᓱᐊᕐᓯᕕᐅᑉ ᐱᓇᓱᐊᖃᑎᖏᓐᓄᑦ : ᐅᕕᒃᑫᑦ ᓴᐳᒻᒥᔭᐅᕕᖓ, ᐋᓐᓂᐊᕕᒃ, ᐊᒻᒪᓗ ᑲᑎᕕᐅᑉ ᐳᓖᓯᖏᑦ

 

ᑐᕌᕐᓂᕗᑦ

ᐃᓱᐊᕐᓯᕕᒃ ᐃᓘᓐᓈᓅᓕᖓᔪᓂᒃ ᑐᕌᕐᓂᓕᒃ, ᐱᓇᓱᑦᑎᓕᒫᖏᓪᓗ ᑲᑎᖕᖓᔨᖏᓪᓗ ᑐᕌᕐᓂᓖᑦ ᑎᒥᐅᑉ, ᐃᑉᐱᓂᐊᕐᓂᐅᑉ, ᐊᒻᒪᓗ ᐃᓱᒪᐅᑉ ᖃᓄᐃᖕᖏᓯᐊᕆᐊᖃᕐᓂᖓᓂᑦ ᐊᑦᑕᓇᕐᑐᒦᒋᐊᖃᖕᖏᓂᖓᓂᓪᓗ ᑭᓇᓕᒫᒃᑯᑦ.
ᐃᓱᐊᕐᓭᒍᑏᑦ ᐃᓱᐊᕐᓯᕕᒻᒥ ᐊᑐᕐᑕᐅᔪᑦ ᐅᑯᐊ :

  • ᐅᐃᕆᒪᐅᑎᓄᑦ ᐅᑎᕐᑎᓯᑦᑌᓕᒍᑏᑦ
  • ᒥᓂᓲᑕ
  • ᖁᐊᕐᓵᓇᕐᑐᑰᕐᑐᕕᓃᑦ ᐃᓱᐊᕐᓴᑕᐅᒍᑎᖏᑦ
  • ᐱᐅᓯᕐᓲᑎᓂᒃ ᑐᑭᓯᓭᓂᖅ ᐃᓱᐊᕐᓭᓂᕐᓗ

ᐃᓱᐊᕐᓭᓃᑦ ᑐᕌᕐᓂᖃᕐᐳᑦ ᐅᐃᕆᒪᐅᑎᓂᒃ ᐊᑦᑐᐃᑌᓕᓂᕐᒥᒃ ᐃᓕᑕᕆᔭᐅᒪᒐᓗᐊᕐᑎᓗᒍ ᓲᓱᒋᔭᐅᑦᓱᓂᓗ ᐊᒥᓱᐃᑦ ᐃᓄᐃᑦ ᐃᑯᓪᓚᒋᐊᕈᒪᑐᐃᓐᓇᓲᖑᒋᐊᖏᑦ ᓱᕐᕋᑕᐅᒪᒍᑎᒥᓂᒃ ᐅᐃᕆᒪᐅᑎᓄᑦ. ᑭᖕᖒᒪᒋᔭᐅᔪᑦ ᐃᓄᓐᓄᑦ ᖃᓄᕐᑑᕈᑎᐅᑦᓯᐊᖁᓪᓗᒋᑦ, ᐃᓱᐊᕐᓯᕕᒃ ᐊᓯᑦᔨᑐᐃᖏᓐᓇᓕᒫᕐᑐᖅ ᐱᒍᑦᔨᐅᑎᒥᓂᒃ ᐃᓚᐅᑎᑦᓯᓕᐅᒥᖏᓐᓇᓕᒫᕐᓱᓂᓗ ᓱᕐᕋᑕᐅᑦᑌᓕᒍᑎᐅᒍᓐᓇᑐᓂᒃ.

 

ᐃᓕᑦᓯᓚᖓᔭᑎᑦ

ᐃᓱᐊᕐᓯᕕᐅᑉ ᐃᓱᐊᕐᓭᔨᖏᑦ ᐃᓕᑕᕆᔭᒍᑎᓖᑦ ᐃᓕᓐᓂᐊᑎᑦᓯᓲᑦ ᐊᑦᔨᒌᖕᖏᑐᓂᒃ :

  • ᐊᓯᒥᓂᒃ ᐅᑉᐱᕈᓱᒍᓐᓇᓯᓂᖅ
  • ᓱᓕᑦᓯᐊᕆᐊᖃᕐᓂᖅ
  • ᓵᓚᕐᖃᑖᖑᒋᐊᖃᖕᖏᓂᖅ
  • ᐃᒥᐊᓘᑉ ᐋᖓᔮᓐᓇᑐᐃᓗ ᓱᕐᕋᐃᒍᓐᓇᓂᖏᑦ
  • ᐃᒻᒥᓂᒃ ᓴᐳᒻᒥᒍᐊᕐᑑᓂᕐᒧᑦ ᐱᑦᔪᑏᑦ
  • ᑐᓴᐅᒪᖃᑎᒌᑦᓯᐊᕈᓐᓇᓂᖅ
  • ᖁᐊᕐᓵᓇᕐᑐᑯᕐᓯᒪᓂᖅ
  • ᐃᓕᕋᒃᑯᑎᓂᖅ
  • ᐃᓚᖕᖓᓯᒪᓂᖅ
  • ᐃᒻᒥᓂᐊᕐᓂᖅ
  • ᐃᓄᐃᑦ ᐃᓪᓕᕆᔭᖏᑦ ᐅᐃᕆᒪᐅᑎᓂᒃ ᐋᕐᕿᐸᓪᓕᐊᓂᕐᒧᑦ
  • ᐃᒻᒥᓂᒃ ᓇᓗᕐᖁᑎᖕᖏᓂᖅ
  • ᖃᓄᐃᖕᖏᓯᐊᕐᑐᒥᒃ ᐁᑉᐸᕇᓐᓂᖅ
  • ᐅᐃᕆᒪᐅᑎᓂᒃ ᐊᑦᑐᐃᒋᐊᓪᓚᑌᓕᓂᖅ
  • ᐃᒻᒥᓂᒃ ᑲᒪᑦᓯᐊᓚᖓᓂᕐᒧᑦ ᐸᕐᓀᓃᑦ ᐊᒻᒪᓗ ᑭᖑᓂᖓᒍᑦ ᖃᓄᐃᖕᖏᓯᐊᕐᓂᖅ

 

ᐅᓪᓗᖁᑎᖏᑦ

2019 ᐅᓪᓗᖁᑏᑦ ᑕᑯᓗᒋᑦ ().