ᐃᓱᐊᕐᓯᕕᒻᒥ, ᓄᐃᑕᑦᓯᐊᖁᒍᑦ ᑐᓂᒪᓪᓚᕆᓐᓂᑯᑦ ᐱᐅᔪᒥᒃ ᐊᑦᑕᓇᕐᑐᒦᓐᓇᖏᑦᑐᒥᓪᓗ ᐱᒍᑦᔨᓂᑦᑎᓄᑦ. ᓇᒻᒥᓂᖅ ᐅᐱᒍᓱᒃᑯᒍᑦ ᑐᓂᒪᑦᓯᐊᑐᓂᒃ ᑲᑎᖕᖓᔨᖃᕆᐊᒥᒃ, ᕿᑦᑌᖓᑦᓯᐊᓱᑎᒃ ᐊᒻᒪᓗ ᓴᓇᑐᔫᑦᓱᑎᒃ ᓯᕗᓕᕐᑏᑦ, ᐊᒻᒪᓗ ᐱᒍᓐᓇᐅᑎᓕᓐᓂᒃ ᑲᒪᑦᓯᐊᓱᑎᒃ ᐱᓇᓱᑦᑎᖃᕆᐊᒥᒃ ᐱᓇᓱᐊᖃᑎᒌᑦᓯᐊᑐᓂᒃ ᖃᓄᐃᖕᖏᓯᐊᕐᓇᑐᒥ ᐊᓕᐊᓇᕐᓱᓂᓗ ᐱᓇᓱᕝᕕᒥ. ᐱᒍᑦᔨᔭᕗᑦ ᐃᓚᖏᓪᓗ ᓱᓇᓱᐊᕐᓂᓕᒫᑦᑎᓂ ᐆᒻᒪᑎᒥᐅᑕᕆᓲᕗᑦ, ᒫᓐᓇ ᐱᒍᑦᔨᓂᑦᑎᓂᑦ ᐸᕐᓇᓂᑦᑎᓄᑦ ᓄᑖᒧᑦ ᐃᓱᐊᕐᓯᕕᒻᒧᑦ ᓄᓇᕕᒻᒥ ᐅᐃᕆᓯᒪᔪᑦ ᐃᑲᔪᕐᑕᐅᕕᖓᓄᑦ, ᐅᒃᑯᐃᓛᕐᑑᑉ 2021-ᒥ ᐊᒻᒪᓗ ᑲᒪᒋᔭᖃᕐᓗᓂ ᐃᓚᒌᓅᓕᖓᔪᓂᒃ, ᐅᕕᒃᑲᓄᓪᓗ ᐊᒻᒪᓗ ᐱᐊᕋᑦᓴᓕᓐᓄᑦ.

ᐃᓱᐊᕐᓭᒍᓯᕗᑦ ᓲᓱᒋᔭᓕᒃ ᐃᓄᐃᑦ ᐃᓗᕐᖁᓯᖓᓂᒃ, ᓄᓇᕐᔪᐊᒥᒃ ᑕᑯᓐᓇᓂᕐᒥᒃ ᐊᒻᒪᓗ ᐊᑑᑎᓯᒪᔪᓂᒃ ᑭᖑᓂᑦᑎᓂ ᐊᒻᒪᓗ ᐱᒍᓐᓇᓯᑎᑦᓯᓱᓂ ᐱᒍᑦᔨᔭᑦᑎᓂᒃ ᒪᒥᓴᕐᓂᒥᒃ ᐃᓗᕐᖁᓯᒃᑯᑦ ᐊᑦᑕᓇᕐᑐᒦᓐᓇᖏᑦᑐᒥ ᐃᓂᒥ ᐅᖃᐅᓯᒃᑯᑦ ᐊᑐᕈᒪᔭᕐᒥᒍᑦ. ᐱᓇᓱᐊᕐᓂᕗᑦ ᑐᖕᖓᕕᓕᒃ ᐱᐅᓂᕐᐹᓂᒃ ᐱᓇᓱᐊᕈᑎᓂᒃ ᐅᐃᕆᒪᔪᓕᕆᓂᕐᒥ. ᖃᐅᔨᒪᒐᓱᐃᓐᓇᓲᖑᕗᒍᑦ ᖃᒻᒥᐅᓂᕐᐹᓂᒃ ᓱᑯᐃᔦᓂᒃᑯᑦ ᖃᐅᔨᓴᐅᑎᐅᔪᓂᒃ, ᐊᒻᒪᓗ ᖃᐅᔨᓭᓐᓇᓕᒫᕐᓱᑕ ᑭᖕᖒᒪᒋᔭᖏᓐᓂᒃ ᓄᓇᕕᒻᒥᐅᑦ ᐃᓄᐃᑦ. ᐊᔪᐃᓐᓇᓲᖑᕗᒍᑦ ᐱᒍᑦᔨᓂᑦᑎᓂᒃ ᐱᐅᓂᕐᓴᐅᑎᑦᓯᒐᓱᑦᓱᑕ, ᐊᑐᐃᓐᓇᐅᓂᕐᓴᐅᑎᑦᓯᒐᓱᑦᓱᑕ, ᐊᒻᒪᓗ ᓈᒻᒪᓈᑦᓯᐊᓂᕐᓴᐅᑎᑦᓯᒐᓱᑦᓱᑕ.

ᐱᐅᓂᖓ ᐊᒻᒪᓗ ᐊᑦᑕᓇᕐᑐᒦᓐᓇᖏᓐᓂᖓ ᐱᒍᑦᔨᓂᑦᑕ ᐃᓕᑕᕐᓯᔭᐅᓯᒪᔪᖅ ᐃᓕᑕᕐᓯᔩᑦ ᐱᒍᓐᓇᓂᖏᓐᓂᒃ ᑲᓇᑕᒥᒃᑯᓄᑦ, ᑐᓂᔨᓚᐅᔪᓄᑦ ᐅᕙᑦᑎᓄᑦ ᒪᐃ 2019-ᒥ Qmentum Accreditation-ᒥᒃ. ᑖᓐᓇ ᐃᓕᑕᕆᔭᐅᓂᖅ ᑐᑭᓕᒃ ᑲᓇᑕᒥ ᒪᓕᑦᑕᐅᒋᐊᓕᓐᓂᒃ ᒪᓕᒋᐊᑦᑕ ᒪᓕᑦᑕᐅᒋᐊᓖᑦ ᐅᖓᑖᓄᑦ ᐱᑦᓯᐊᑐᒻᒪᕆᐅᓂᑦᑎᓂᒃ ᐃᓗᓯᓕᕆᓂᕐᒥ.