ᐃᓱᐊᕐᓯᕕᓕᐊᕈᒪᕗᖓ

ᑭᓇᒃᑰᑦ ᐃᓱᐊᕐᓯᕕᓕᐊᕈᓐᓇᖃᑦ ?

ᐃᓱᐊᕐᓯᕕᐅᑉ ᐱᒍᑦᔨᐅᑎᖏᑦ ᑐᕌᖓᔪᑦ ᐃᓚᐅᔫᒍᑎᓐᓄᑦ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ ᐁᑉᐸᕇᓄᓪᓗ ᐅᑭᐅᓕᓐᓄᑦ 18-ᓂᑦ ᐅᖓᑖᓄᓪᓗ ᐃᑲᔪᕐᑕᐅᒋᐊᓕᓐᓄᑦ ᐅᐃᕆᒪᐅᑎᖏᓐᓄᑦ ᐊᒻᒪᓗ ᐊᖏᕐᓯᒪᔪᓄᑦ ᒪᒥᓴᕐᓂᒥᒃ.

ᐱᒍᑦᔨᐅᑎᖏᑦ ᐱᕕᖃᕐᑎᓯᓲᑦ ᐊᕐᓇᓀᑦ ᐊᖑᑏᓪᓗ ᐃᒻᒥᒎᕐᑎᓗᒋᑦ. ᐃᓄᐃᑦ ᐃᒥᐊᓗᒻᒥᒃ ᐃᓚᓯᒪᒋᐊᖃᖕᖏᑑᓲᑦ ᐋᖓᔮᓐᓇᑐᓂᓪᓗ 72 ᑫᕙᓪᓚᒍᓰᑦ ᓯᕗᓂᖓᒍᑦ ᐃᓱᐊᕐᓯᕕᓕᐊᓚᐅᕋᑎᒃ. ᓇᐅᓕᒫᑦ ᖃᓄᐃᖕᖏᓯᐊᕈᑎᖃᕆᐊᓕᑦ ᐃᓱᒪᒥᒍᑦ ᑎᒥᒥᒍᓪᓗ ᐃᓱᐊᕐᓯᕕᓕᐊᕐᓂᐊᕈᑎᒃ, ᐃᓚᒋᔭᐅᑎᓪᓗᒋᑦ ᑎᒥᐅᑉ ᐊᐅᓚᓂᕆᒋᐊᓕᖏᑦ ᓱᓇᑐᐃᓐᓇᑯᑦ ᓄᓇᒥᓪᓗ.

ᐃᓄᐃᑦ ᓱᓇᑐᐃᓐᓇᓂᒃ ᐊᕝᕕᐊᓗᑕᖃᕆᐊᖃᖕᖏᑐᑦ ᐃᓱᐊᕐᓯᕕᒻᒦᓂᐊᕈᑎᒃ (ᐋᓐᓂᐊᓯᐅᕐᑎᒪᕆᓐᓄᑦ ᑕᑯᔭᐅᓂᕆᒋᐊᓕᖏᑦ, ᑭᒍᑌᕐᓯᕕᓄᑦ, ᐃᕐᖃᑐᐃᕕᓐᓄᑦ, ᐯᕐᓯᕕᓐᓄᑦ, ᐊᓯᖏᓪᓗ). ᓇᓗᓀᕐᓯᓯᒪᒋᐊᓖᑦ ᓄᓇᓕᒻᒥᓂ ᑭᓇᒧᑦ ᑲᒪᒋᔭᐅᖃᑦᑕᓛᕐᓂᒥᓂᒃ ᑭᖑᓂᖓᒍᑦ.

ᖃᓄᐃᓘᕐᓗᖓ ᐃᑎᕈᓐᓇᖁᖓ ?

ᐃᓄᐃᑦ ᐃᒻᒥᓂᕿᓗᑎᒃ ᐃᑎᕈᓐᓇᕈᒪᒍᓐᓇᑐᑦ. ᐊᒥᓲᓂᕐᓭᑦ ᐅᓐᓂᑑᑎᐅᓲᑦ ᐃᓄᓕᕆᔨᓄᑦ, ᐅᕕᒃᑫᑦ ᓴᐳᒻᔭᐅᕕᖏᓐᓄᑦ, ᐃᕐᖃᑐᐃᕕᓐᓄᑦ ᐊᒻᒪᓗ ᐸᕐᓇᓀᕐᓯᒪᕕᓐᓄᑦ ᐃᓚᒋᔭᐅᑎᓪᓗᒋᑦ ᐱᓇᓱᕝᕕᐅᔪᑦ.

ᑕᑕᕐᓴᒐᖅ ᐱᒍᓐᓇᑌᑦ ᓇᕐᓂᓗᒍ 2019. ().

ᖃᖓᓕᕐᐸᑦ ᑭᖑᓪᓕᒥ ᐃᓱᐊᕐᓭᓛᓕᕆᕙᑦ ?

ᐊᑭᖏᑦ ᖃᑦᓯᕌᕐᑐᑦ ?

ᐱᒍᑦᔨᐅᑏᑦ ᐊᑭᑲᖕᖏᑐᑦ ᐃᓚᐅᔫᒍᑎᓕᓐᓄᑦ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᖐᒍᑎᖓᓄᑦ. ᓂᕿᖃᕐᑎᑕᐅᓲᖑᑦᓱᑎᓗ. ᐃᓄᐃᑦ ᑮᓇᐅᔭᒃᑭᒋᐊᓕᑦ ᓇᒻᒥᓂᖅ ᓂᐅᕕᕐᓂᐊᕆᐊᓕᒻᒥᓄᑦ.

ᐃᓚᒃᑲᓃᒃ ᑐᓴᕐᕕᖃᕈᓐᓇᖏᓐᓇᓚᖓᕗᖓ ?

ᐅᖄᓚᐅᑎᒥᒃ ᐊᑐᕐᑎᑕᐅᒍᓐᓇᓲᑦ ᖃᐅᑕᒫᑦ ᐅᓐᓄᓴᒃᑯᑦ 6-ᒥᑦ 10-ᒧᑦ. ᐳᓛᕆᐊᕐᑕᐅᒍᓐᓇᓲᑦ ᐊᓪᓕᖏᓱᖓᕐᒥ ᐊᓪᓕᑐᖃᕐᒥᓗ  1-ᒥᑦ 5-ᒧᑦ ᕿᑎᕋᓕᕆᒃᑯᑦ ᐱᓇᓱᐊᕈᓯᖏᓐᓂᑦ ᐱᖓᔪᐊᓐᓂ, ᓯᑕᒪᖓᓐᓂ ᐊᒻᒪᓗ ᑕᓪᓕᒪᖓᓐᓂ. ᐃᓄᐃᑦ ᐊᓂᕉᓐᓇᑎᑕᐅᓲᑦ ᐊᓪᓕᖏᓱᖓᕐᒥᒃ ᐊᓪᓕᑐᖃᕐᒥᓗ 9-ᒥᑦ ᐅᓪᓛᑯᑦ 9-ᒧᑦ ᐅᓐᓄᑯᑦ ᐱᓇᓱᐊᕈᓯᖓᓂᑦ ᑕᓪᓕᒪᖓᓐᓂ. ᐳᓛᕆᐊᕐᑕᐅᓃᑦ ᐅᓪᓗᑯᓪᓗ ᐊᓃᑫᓐᓇᓃᑦ ᐊᖏᕐᑕᐅᒪᒋᐊᓕᑦ ᐃᓱᐊᕐᓭᔨᒧᑦ ᐊᓂᒍᐃᑦᓯᐊᓂᐊᕐᐸᓗ ᑭᓯᐊᓂ ᐃᓱᐊᕐᓭᓂᓕᒫᒥ.

ᓱᓇᓃᒃ ᓇᑦᔭᓯᒋᐊᖃᕐᖁᖓ ?

  • ᐅᕝᕙᕈᑏᑦ
  • ᐅᓯᖕᖓᓯᐅᑏᑦ
  • ᐃᓪᓗᒦᓯᐅᑏᑦ ᐊᓃᕈᑏᓪᓗ ᐃᑎᒐᒍᑏᑦ
  • ᐊᓐᓄᕌᑦ ᐃᓪᓗᒦᓯᐅᑏᑦ
  • ᐃᙯᓪᓕᓴᕈᑏᑦ ᐊᓐᓄᕌᑦ
  • ᐊᓐᓂᕌᑦ ᓯᓚᒦᓯᐅᑏᑦ
  • ᐅᐱᕐᖔᓯᐅᑏᑦ – ᐊᓐᓄᕌᑦ, ᐅᕕᓂᕈᐃᑦ ᐁᓖᑦ, ᐳᐃᑦᔪᕋᐅᑏᑦ, ᑭᑦᑐᕇᓕᑌᑦ, ᓯᕿᓂᕐᒧᑦ ᐆᒌᒃᑯᑏᑦ, ᓇᓭᑦ

ᑯᐯᒻᒥᐅᔭᐅᖕᖏᑯᒫ ᐃᑎᕈᓐᓇᖁᖓ ?

ᐃᓚᐅᔫᒍᑎᓖᑦ ᔦᒥᓯ ᐯ ᑯᐯᓪᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ ᓯᕗᓪᓕᐅᔭᐅᔪᑦ ᐃᓱᐊᕐᓯᕕᒻᒧᑦ, ᑭᓯᐊᓂ ᐃᓂᓕᐅᕐᑕᐅᒍᓐᓇᕕᖃᕐᑎᑕᐅᒻᒥᔪᑦ ᐃᓂᖃᕐᐸᑦ.

ᓱᓇᓃᒃ ᓂᕆᐅᕝᕕᖃᕆᐊᖃᕐᖁᖓ ᐱᒍᑦᔨᐅᑎᖏᓐᓂᑦ ᐱᔪᓂᒃ ?

  • ᓲᓱᒋᔭᐅᓂᕐᒥᒃ ᑭᓇᐅᓂᕐᓄᑦ
  • ᐱᒍᑦᔨᐅᑎᖏᓐᓄᑦ ᐱᒍᑦᔭᐅᓂᕐᒥᒃ ᒪᓕᑦᑐᓂᒃ ᑲᓇᑕᐅᑉ ᒪᓕᒐᖏᓐᓂᑦ
  • ᓴᐳᒻᒥᔭᐅᓂᕐᒥᒃ ᒪᒥᓴᕐᑎᓗᑎᑦ
  • ᐱᔪᓐᓇᐅᑎᖃᕐᓂᒥᒃ ᐅᓐᓂᓘᑎᓕᐅᕐᓂᒧᑦ ᐱᒍᑦᔨᐅᑏᑦ ᓈᒻᒪᓈᕐᑐᕆᖕᖏᑯᕕᒃᑭᑦ

ᓱᓇᓃᒃ ᓂᕆᐅᓐᓂᖃᕐᕕᐅᕗᖓ ᐃᓱᐊᕐᓭᓂᐅᑉ ᐃᓗᐊᓂ ?

  • ᐃᓚᐅᑦᓯᐊᓂᕐᒥᒃ ᐃᓱᓕᓪᓗᒍ ᐃᓱᐊᕐᓭᓂᖅ
  • ᐃᒥᐊᓗᒻᒥᒃ ᐋᖓᔮᓐᓇᑐᒥᓪᓗ ᐊᑦᑐᐃᑌᓕᓂᕐᒥᒃ ᐃᓱᐊᕐᓭᓂᐅᑉ ᐃᓗᐊᓂ
  • ᐱᐅᓯᕐᓲᑎᖃᑦᓯᐊᓂᕐᒥᒃ ᑌᒪᖕᖓᓕᒫᖅ
  • ᖃᐅᑕᒫᑦ ᓱᓇᓱᐊᕆᐊᓕᑎᓐᓂᑦ ᑲᔪᓯᑦᓯᐊᖃᑦᑕᓗᑎᑦ
  • ᐃᓱᐊᕐᓯᕕᐅᑉ ᒪᓕᒐᖏᓐᓂᑦ ᓲᓱᑦᓴᓯᐊᕐᓗᑎᑦ (ᓯᑯᑦᓴᔦᑦ ᑐᑭᓯᒪᐅᑎᑦᓭᑦ ᑲᑐᓗᒋᑦ)

ᐅᓐᓂᑑᑎᓕᐅᕐᑐᕕᓃᑦ ᐸᕐᓇᓀᕐᓯᒪᔪᕕᓃᓪᓗ ᐱᒍᑦᔨᔨᖏᓐᓄᑦ ᖃᐅᔨᒪᔭᐅᒋᐊᓕᒃ : ᑲᔪᖏᕐᓴᑕᐅᕗᑎᑦ ᑭᒡᒐᑐᕐᑌᑦ ᐅᖄᓚᕕᒋᖃᑦᑕᓗᒍ ᐱᓇᓱᐊᕈᓯᑕᒫᑦ.